Handskrifuð, vélrituð og ljósrituð pappírsgögn, m.a. formlegt erindi til hreppstjórnar Seyluhrepps, samningur um húsnæði, lög foreldrafélagsins. Gögnin eru öll vel varðveitt.
Vor í Skagafirði - tileinkað félaginu í "Varmahlíð" Vor í Skagafirði (tileinkað félaginu „Varmahlíð“)
Nú er vor yfir jörð. Yfir fjall, yfir fjörð Hellast fossar af skínandi, blikandi ljóma. Hér er unaður nýr, Þegar árdagsblær hlýr Leysir allt, sem að lifir úr kveljandi dróma. Hið „ónýta“ og visna að hauðrinu hnígur, Til himinsins ilmur frá jörðinni stígur. Yfir bjartsýna þjóð, Með sín blíðustu ljóð, Vorsins brosandi herskari ástfanginn, syngjandi flýgur.
Nú ber Mælihnjúk hátt. Upp í heiðloftið blátt yfir héraðið rís hann í konungstign sinni. Eins og vörður í kring raðar hamranna hring. Hvílík tign, hvílík dýrð yfir sveitinni minni. Um Kaldbak og Tindastól tíbráin glitrar. Niður tignfríða Blönduhlíð berglindin sitrar. Út við eyjar og sund sefu8r Ægir sinn blund. Yfir öll´ eru ríkjandi blessaðar listdísir virtar.
Ó, þú sólvermda land; Ó, þú sagnauðga land; Þú ert sólarbros Guðs, á hans albesta degi. Þú ert allt, sem er hlýtt, sem er fagurt og frítt, sem er framsækið, ljósþyrst, á betrunarvegi. Þú er máttugt, sem Hólastóll goðborins siðar. Yfir Skaga og Fljót, yfir fald þinn og fót, breiðist friðarblær vorsins, sem skjókróna allaufgaðs viðar.
Hér þarf frjálshuga þjóð. Hér þarf framsækna þjóð. Hér skal forystumenning frá grundvelli rísa. Hér þarf listelska lund, Þó að lúin sé mund. Hér skal ljóssækin æska á brautina vísa. Í ljóselskar sálir skal guðtraustið grafið, sem glampandi breiður á sólarþyrst hafið. Hér þarf raunsterka sál. Hér þarf rammíslenskt mál. Þá er ramminn og myndin í samræmdri einingu vafið.
Frá vinstri: Gunnar Haraldsson frá Bálkastöðum. Magnús Bjarnason kennari á Sauðárkróki. Lindemann Volker, Varmahlíð o.v. Páll Sveinbjörnsson, bifreiðastjóri á Sauðárkróki.
Frá haustheimsókn í Varmahlíð árið 1942 - frá vinstri Eggert Ólafsson - Gísli Gíslason - Sigurþór Hjörleifsson - Gísli Kolbeinsson - Hjálmar Eiðsson - Jóhannes Haraldsson og Gunnar Gunnarsson.
Keppendur f.v. (Brynleifur) Kári Steinsson (með bikarinn) og Marinó Sigurðsson. Valgarð Blöndal vinstar megin með gleraugu. Sigurður Sigurðsson (sýslumaður) t.h. með gleraugu. Keppt í Grettissundi í Varmahlíð.
Keppendur f.v. (Brynleifur) Kári Steinsson (með bikarinn) og Marinó Sigurðsson. Guðjón Ingimundarson t.v. við keppendur (að lesa á blöð). Keppt um Grettisbikarinn í Varmahlíð árið 1941.
