Góður árangur varð af borun eftir heitu vatni í Reykjarhóli við Varmahlíð vorið 1997, þannig að orkugeta Hitaveitu Seyluhrepps þrefaldaðist. Sigurður Haraldsson oddviti Seyluhrepps t.h. á tali við bormennina við holuna góðu í Reykjarhólnum.
Línubeitning á Hofsósi haustið 1990. Frá vinstri Hjalti Gíslason (1930-2011) Björn Sigurður Ívarsson (1942-1996), Jónas Jónasson og Bragi Vilhjálmsson lengst til hægri.
Beitning á Hofsósi haustið 1990. Nóg að gera í beitningunni þegar fiskast á línuna. Jónas Þorberg Jónasson (1934-2001) í Árveri á Hofsósi fremstur og bak við hann er Hjalti Gíslason (1930-2011).
Skáli skátafélagsins Eilífsbúa sem byggður var af Byggingafélaginu Hlyn tilbúinn til flutnings að Brekku í Seyluhreppi í ágúst 1990. Björn Guðnason á gangi framan við skálann.
Framkvæmdir við byggingu Bóknnámshúss Fjölbrautaskólans eru þarna komnar vel í gang en í ágúst 1991 var tekið á móti fyrstu steypu í húsið. og voru það fimm rúmetrar sem fóru í undirstöður undir sökkla.
Tilraunavinnsla á ígulkerjahrognum hjá hlutafélaginu ÍSEX á Sauðárkróki í janúar 1993. Grein í Feyki 27/1 1993. Önnur frá vinstri er Anna Guðbrandsdóttir (með svarta hanska). Hægri megin er Svanur Fannberg (með gleraugu).
Rækjuvinnsla að hefjast að nýju í Dögun Sauðárkróki í febrúar 1994 eftir stopp vegna lagfæringar á vinnslusal. Grein í Feyki 9/2 1994. Fremst vinstra megin er Guðbjörg Elsa Helgadóttir og við hlið hennar Sigurlaug Viðarsdóttir. Á móti Guðbjörgu er Aðalheiður Aradóttir.
Starfsfólk Landsbankans á Sauðárkróki og fulltrúar bankans við opnun útibúsins að Suðurgötu 1 í febrúar árið 1991. Í fremri röð Þórunn Jónasdóttir, Hrefna Þórarinsdóttir, og María Lóa Friðjónsdóttir, afgreiðslustúlkur útibúsins og Jóhann Ólafsson fulltrúi í Samvinnubankanum. Í aftari röð eru Gunnlaugur Sigmarsson, Landsbankanum á Skagaströnd, Pétur Erlendsson fyrrv. aðstoðarbanakastjóri Samvinnubankans, Sigmundur Guðmundsson útibússtjóri Landsbankans á Sauðárkrók, Geir Magnússon fyrrv. bankastjóri Samvinnubankans og Guðjón Guðjónsson fulltrúi Samvinnubankanum.
Mjólkursamlag KS á Sauðárkróki fær viðurkenningu í janúar 1998 á innra eftirliti vegna aðildar Íslands að EES samningi. Jón Þór Jósefsson (1965-) gæðastjóri og Herdís Klausen (1954-) formaður heilbrigðisnefndar Skagafjarðar með viðurkenninguna. Snorri Evertsson (1944-) mjólkursamlagsstjóri er lengst til vinstri og Sigurjón Þóraðarson (1964-), heilbrigðisfulltrúi lengst til hægri. Með þeim á myndinni er starfsfólk samlagsins.
10 bændur keyptu jafn margar sláttuvélarnar í einum pakka frá Búvélum hf. í júní 1997. Voru vélarnar tollafgreiddar og settar saman á Sauðárkróki. Frá vinstri, Egill Örlygsson, Óskar Broddason, Vagn Þormar Stefánsson (1965-), Sigurður Baldursson (1963-), Sveinn Allan Morthens (1951-), Theódór Júlíusson frá Búvélum, Þórður Pálmar Jóhannesson (1945-2012), Pálmi Ragnarsson, Halldór S. Steingrímsson (1955-), Ragnar Gunnlaugsson (1949-) og Sigmar Jóhannsson (1947-) sem gekkst fyrir kaupunum.
Guðmundur Bjarnason umhverfis og landbúnaðarráðherra leit við í Sjávarleðri h.f í heimsókn á Sauðárkrók í febrúar 1997. Frá vinstri: Stefán Guðmundsson alþingismaður, Guðmundur Bjarnason ráðherra, Hrafn Hallgrímsson fylgdarmaður ráðherra og Friðrik Jónsson hjá Sjávarleðri.
Þingflokkur Sjálfstæðismanna skoðar framleiðslu Loðskinns og Sjávarleðurs í heimsókn í Skagafjörð vorið 1997. Sigurður Karl Bjarnason (1945-) frá Loðskinni lengst til hægri, segir frá starfseminni.
Fóðurverksmiðja KS í Vallhólma tekin formlega í notkun haustið 1997. F.v. Sæmundur Þorbjörn Sæmundsson (1975-), Jóhannes Ólafsson (1966-) og Vignir Sigurðsson framkvæmdastjóri inni í verksmiðjunni og eins og sjá má eru vinnslukerfið engin smásmíði.
Veirurnar, sönghópur ungs fólks í Skagfirsku söngsveitinni, tekur lagið á minningartónleikum um Jóhann Pétur Sveinsson í íþróttahúsinu í Varmahlíð í október 1995.
20 ára afmælifagnaður Róberts Baldvinssonar í Bifröst í nóvember 1992. Hljómsveitin Afreg rifjar upp gamla takta: Ari Björn Sigurðsson (1973-), Róbert Páll Baldvinsson afmælisbarnið (1972-), Ellert Jóhannson (1973-), Kristján Kristjánsson (1973-á bak við Róbert) og Fjölnir Ásbjörnsson (1973-).
Frá hittingi félags þroskahamlaðra frá Reykjavík og Akureyri við Ásbyrgi í Miðfirði vorið 1991, þar sem haldin var grillveisla. En ákveðið var að hittast á miðri leið.
Tilg. Flösku- og dósasöfnun. Tekið við Kirkjutorg á Sauðárkróki allar stúlkurnar fæddar árið 1980. Kristrún og María Sigurðardætur eru í bláu úlpunum, Vala Frímannsdóttir á milli þeirra og Margrét Erla Haraldsdóttir.
Saumasmiðjan á Skagströnd í febrúar 1996, en í desember 1995 voru fimm ár liðin frá stofnun Saumasmiðjunnar. Á myndinni er verið að sauma norsku peysurnar.
Þessar stúlkur Svandís Ósk Svanlaugdóttir og Hrafnhildur Erlingsdóttir héldu hlutaveltu í september 1993 og létu ágóðann renna til Hjúkrunar- og dvalarheimilis aldraðra á Sauðákróki.
Unnið að lagfæringu og endurbótum á hafnargarðinum á Sauðárkróki vorið 1995 en brim liðins vetrar höfðu skemmt garðinn. Maðurinn sem krýpur gæti verið Ólafur Guðmundsson.
Á þorrablóti í Miðgarði 1998. Borð Álftagerðis. F.v. María Pétursdóttir (1968-), Elísabet Petrea Ögmundsdóttir (1948-), Herdís Pétursdóttir (1948-) og Ólöf Arna Pétursdóttir (1973-).
Hr. Karl Sigurbjörnsson biskup messaði í Drangey í ágúst árið 2000. Honum til aðstoðar var var séra Guðbjörg Jóhannesdóttir. Um hundrað manns hlýddu á biskup í blíðskaparveðri.
Gengið niður í Staðarbjargarvík við Hofsós. Þekkja má Jón Guðmundsson hreppstjóra Hofshrepps neðst í tröppunum, Aðalheiður Ormsdóttir þriðja, þá Halldór Þ. Jónsson sýslumann. Efst í tröppunum í ljósum frakka er Þorsteinn Ásgrímsson og Magnús H. Sigurjónsson á brúninni í ljósum frakka.
Blaðagrein í Feyki um hvernig gera má Borgarsandinn að skemmtilegu útivistarsvæði. Frá vinstri Þór Sigurðsson og eiginkona hans Herdís Stefánsdóttir ásamt Þórdísi dóttur þeirra og með þeim er Katrín Ingimundardóttir.
Minnisvarði um Sigurð Jónasson skógarvörð afhjúpaður í skógræktarstöðinni Laugarbrekku í Varmahlíð haustið 1996. F.v. Sigurður Örn Hilmarsson og Sigurður Sigurðsson barnabörn Sigurðar, þá sr. Gunnar Gíslason, óþekktur, Magnús Sigurjónsson framkvæmdastjóri héraðsnefndar og Þórarinn Sólmundarson.
Frá vinstri Sverrir Jónsson frá Þverá, Hjörtur Magnússon frá Smiðsgerði og Haukur Pálsson (1931-2011) ostameistari í Mjólkursamlagi KS en hann hafði þá nýverið unnuð til gullverðlauna á ostasýningu í Herning í Danmörku. Frétt í Feyki árið 1995. Hjörtur og Sverrir voru í starfskynningu hjá blaðinu og tóku viðtal við Hauk.
Dagskrá tileinkuð tithöfundinum Guðrúnu frá Lundi, var í Bifröst í vetrarbyrjun 1996 en þá voru um 50 ár frá útkomu fyrstu bókar hennar Dalalífi. Marín dóttir Guðrúnar (næst) var mætt á samkomuna ásamt Hrafni Þórissyni sínum, lengst til hægri, og konu hans Valgerði Jónu Sigurðardóttur, lengst til vinstri ásamt börnunum.
Þorsteinn Valsson (1967-) rafvirki, kemur fyrir lögnum vegna skjámyndakerfis Hitaveitu Sauðárkróks í brunni við Sæmundahlíð, en verið er að koma því fyrir í öllu veitukerfinu.
Minnisvarði um landspóstana á Stað í V-Hún. Á Stað í Hrútafirði var viðkomustaður landspóstsins áður en vegur og bílaumferð komst á yfir Holtavörðuheiði og árið 1993 var reistur þar minnisvarði um landspóstana. Kirkja er á Stað. Mennirnir tveir fyrir miðju eru bræðurnir Magnús (t.v.) og Eiríkur Gíslasynir frá Stað.
Hópur fólks við Grettislaug á Reykjum, Reykjaströnd. Jón Eiríksson (1929-) í lopapeysu með bláa húfu og Eyjólfur Jónsson sundkappi í forgrunni, en hann synti Drangeyjarsund 1957.
Hópur fólks við Grettislaug á Reykjum, Reykjaströnd. Jón Eiríksson (1929-) í lopapeysu með bláa húfu og Eyjólfur Jónsson sundkappi í forgrunni, en hann synti Drageyjarsund 1957.
