Showing 139 results

Archival descriptions
Steinunn Sigurjónsdóttir: Skjalasafn
Print preview Hierarchy View:
Ascending

Bréf frá Stínu

Bréf frá Stínu til Steinunnar. Stína segir frá því að hún hafi hitt Dúdda son hennar Steinunnar á Akureyri, einnig segir hún frá því að illa gangi að lita skinn fyrir Gulla og hún sé að leita að efni í föt á Hall, báðir eru synir Steinunnar.

Bréf frá Jónasi Jónassyni

Bréf frá Jónasi til móður sinnar, Jónas skrifar frá Reykjavík og segir frá stúlkum sem óska eftir að komast sem kaupakonur í sveit, óskar Jónas eftir því við móður sína að hún segi til um það hvort hún vilji taka þær í Hátún.

Jónas Jónasson (1919-1984)

Bréf frá Gunnlaugi Jónassyni

Bréf frá Gunnlaugi til móður sinnar, skrifar um ferðalagið suður yfir heiðar, þar sem hann stundar nám á Laugarvatni. Biður fyrir kveðjum í bæinn og biður sérstaklega um að Sigurður bróðir hans dragi undan hestunum og slepppi þeim niðrá eyjar.

Gunnlaugur Jónasson (1917-2009)

Bréf frá Halli Jónassyni

Bréf frá Halli til móður sinnar. Bréfið skrifar Hallur frá Akureyri. Segir fréttir af daglegu lífi og lýsir einnig draumi sem hann dreymdi og hvernig hann túlkar drauminn.

Hallur Jónasson (1918-2011)

Bréf frá Gunnlaugi Jónassyni

Gunnlaugur skrifar móður sinni bréf frá Laugarvatni þar sem hann stundar nám. Hann segir móður sinni að hann sé að hugsa um að taka sér viku vinnu í Reykjavík áður en hann komi aftur í Skagafjörð.

Gunnlaugur Jónasson (1917-2009)

Bréf frá Gunnlaugi Jónassyni

Bréf frá Gunnlaugi til móður sinnar, skrifar frá Laugarvatni þar sem hann dvelst í skóla. Hann skrifar um prófin sem hann er búinn að þreyta og segir mömmu sinni frá því að hann ætli að stoppa í eina viku í Reykjavík og vinna áður en hann kemur norður í Skagafjörð.

Gunnlaugur Jónasson (1917-2009)

Bréf frá Mjólkursamlagi K.S.

Bréf til frú Steinunnar frá Mjólkursamlagi K.S.. Í bréfinu segir að vegna söluörðugleika hafi þeir ráðist í að senda til prufu 1 stk af 30% osti og andvirðið verði fært til frádráttar á mjólkurinnleggi Steinunnar.

Mjólkursamlag Kaupfélags Skagfirðinga

Bréf frá Steinunni Hallsdóttur

Bréf frá Steinunni Hallsdóttur á Akureyri. Hún segir Steinunni frá búferlaflutningum suður yfir heiðar og vonast til að þær hittist þar á Hótel Borg og geri sér glaðan dag saman.

Steinunn Hallsdóttir (1877-1946)

Bréf

Bréf til Steinunnar, bæði persónuleg bréfaskipti en einnig bréfaskipti er varða skiptingu á engjum á hjálegum Glaumbæjar og deilumál sem reis við þau skipti.

Bréf varðandi eignarlönd Steinunnar og Jónasar

Bréf er varða eignarlönd Steinunnar og Jónasar, Hátún og Miklagarð. Ýmis bréf sem fara á milli eiganda og dóms- og kirkjumálaráðuneytis, kjörinna fulltrúa, Sýslumanns Skagafjarðarsýslu og annarra er málið snertir. Deilt var um engjaskipti sem framkvæmd voru á milli jarðanna Hátúns, Miklagarðs, Glaumbæjar og Jaðars.
Sum bréfin hafa tvístrast og eru því einungis annað hvort bara fyrri hluti bréfs eða seinni hluti.
Einnig er talsvert af uppköstum að bréfum.

Steinunn Sigurjónsdóttir (1891-1981)

Laus blöð

Hér er að finna ýmis gögn úr búi Steinunnar. Happdrættismiða fyrir sundlaug í Varmahlíð, skömmtunarmiða, jólakort, erfiljóð um Sigurð Jónsson frá Brautarholti, dagskrá frá söngskemmtunar Sigurðar Skagfield, ljóð og fleiri blaðsnepplar sem ekki er ljóst hver skrifaði.

Einkunnir Bjarna

Einkunnir bjarna Jónassonar í vorprófi barna í Varmahlíð á árunum 1937-1939, þá var Bjarni 8 - 10 ára. Gefin er einkunn fyrir lestur, skrift, reikning, sögu og teikningu.

Vinnubækur Bjarna

Vinnubækur frá grunnskólagöngu Bjarna Jónassonar. Bækurnar gefa góða innsýn í nám barna á þessum tíma en um er að ræða vinnubækur í ýmsum fögum. Bækurnar innihalda teikningar, stíla, skriftaræfingar og fleira.
Bækurnar eru ekki merktar með ártali né námsgrein en líklega inniheldur hver bók/mappa öll námsgögn það skólaárið.
Bjarni myndskreytti mörg blöð með fallegum og vel gerðum myndum.
Gögnin eru líklega mynduð einhvertíman á árabilinu 1937-1943.

Bréf frá Hrefnu Sigmundsdóttur

Bréfið er frá Hrefnu Sigmundsdóttur í Vestmannaeyjum en Hrefna og Sigurður skrifuðust á eftir að hafa séð auglýsingu um pennavini í Æskunni. Með bréfinu fylgir mynd af Hrefnu og mynd af heimili hennar.

Bréf frá Hrefnu Sigmundsdóttur

Bréfið er frá Hrefnu Sigmundsdóttur frá Vestmannaeyjum en Hrefna og Sigurður skrifuðust á eftir að hafa séð auglýsingu um pennavini í Æskunni. Með bréfinu fylgir mynd af Vestmannaeyjum. Hrefna segist nú vera flutt til Reykjavíkur og ætli sér að hætta að skrifast á við Sigurð, þetta sé því síðasta bréfið frá henni.

Bréf frá Gunnlaugi Jónassyni

Bréf frá Gunnlaugi Jónassyni til Sigurðar bróður síns. Bréfið skrifar Gunnlaugur frá Laugarvatni þar sem hann stundar nám. Hann segir Sigurði frá lífinu á Laugarvatni og spyr frétta að heiman.

Bréf frá Gunnlaugi Jónassyni

Gunnlaugur Jónasson skrifar Sigurði bróður sínum. Gunnlaugur skrifar frá Laugarvatni þar sem hann stundar nám. Gunnlaugur er í bréfinu að biðja Sigurð fyrir því að senda sér 500 krónur á Laugarvatn. Spyr jafnframt frétta af mæðuveikinni sem nú geysar í Skagafirði.

Bréf frá Halli Jónassyni

Bréf frá Halli Jónassyni til Sigurðar bróður síns. Hallur skrifar frá Vestmannaeyjum þar sem hann dvelur. Segir Sigurði frá því að hann sé búinn að fá sér hjól en spyr jafnan frétta að heiman, bæði varðandi búskapinn og hvernig landskipti hefðu farið fram eftir að prófasturinn kom í heimsókn.

Uppkast að bréfi til Maddýar

Bréf til Maddýar frá Sigurði. Líklega er Maddý pennavinkona Sigurðar úr barnablaðinu Æskunni. Sigurður segir henni frá lífinu í Hátúni en þegar þetta er skrifað er faðir Sigurðar nýlega fallinn frá.

Einkunnir Sigurðar

Hér má sjá einkunnaspjöld Sigurðar frá árunum 1934-1936. Gefnar eru einkunnir fyrir Íslensku, raddbeitingu, hljóðfræði, skrift, reikning, landafræði, náttúrufræði, sögu, kristinfræði, teikningu og réttritun.

Gögn Sigurðar Jónassonar

Gögn Sigurðar Jónassonar sem móðir hans Steinunn hafði safnað saman og haldið til haga eftir að Sigurður flutti að heiman. Í safninu eru bréf, námsgögn, bókhaldsgögn og minnisblöð.

Sigurður Jónasson (1913-1989)

Inngöngubréf í Laugarvatnsskóla

Inngöngubréf frá Laugarvatnsskóla til Gunnlaugs þar sem honum er veitt skólavist n.k. vetur gegn þeim skilyrðum sem upp eru talin í bréfinu. Í bréfinu er meðal annars tekið fram að nemendur skuli vera vel hraustir, hafi siðferðisvottorð frá málsmetandi manni og neyti hvorki áfengra drykkja né tóbaks á meðan þeir dveilja í skólanum.Einnig er talið upp hvað nemendur þurfi að hafa meðferðis í skólann og hvaða reglur gildi um dvöl þeirra í skólanum.

Bréf frá Halli Jónassyni

Bréf frá Halli Jónassyni til Gunnlaugs bróður hans. Hallur segir frá lífinu á Akureyri og spyr frétta úr Skagafirðinum. Hann segir Gunnlaugi að vera í sambandi við sig varðandi kaup á byggingarefni því mögulega sé ódýrara að fá efni á Akureyri og hann geti aðstoðað með flutning.

Bréf frá Steinunni Sigurjónsdóttur

Steinunn Hallsdóttir skrifar Gunnlaugi syni sínum bréf þar sem hann dvelur í Laugarvatnsskóla. Í bréfinu óskar hún Gunnlaugi góðs gengis í skólanum og vonar að hann verði alltaf sá stillti og prúði drengur sem hann nú er. Hún lætur hugann reika til æskuáranna og óskar þess að sjálf væri hún ung að setjast á skólabekk. Steinunn segir Gunnlaugi frá því að hún sé ekki vel frísk en vill þó ekki gera mikið úr því.

Bréf frá Jóni Sigurðssyni

Bréf frá Jóni Sigurðssyni alþingismanni. Jón skrifar Gunnlaugi varðandi leiðréttingar á fjártölum og segir bæði Gunnlaug og Steinunni móður hans fá leiðréttingar á uppeldisstyrk á lömbum sem voru sett á haustið 1941.

Results 1 to 85 of 139