Sýningarbás frá Sútunarverksmiðjunni á Vörusýningu sem UMF Tindastóll stóð fyrir í íþróttahúsinu á Sauðárkróki árið 1992. Maðurinn hægra megin á myndinni er ónafngreindur.
Valný Georgsdóttir við affitunarvél í Sútunarverksmiðju Loðskinns á Sauðárkróki. Höskuldur, eiginmaður Valnýjar, fylgdi Loðskinn við flutninginn norður og þau störfuðu þar til 1985.
Fremst er unnið við svokallaða júmbóvél, sem var slípivél, þar við hliðina klippivél og innst strauvél. Í sútunarverksmiðju Loðskinns á Sauðárkróki. Starfsfólkið er ónafngreint.
Á kaffistofu Sútunarverksmiðju Loðskinns. F.v.: Baldvin Þóroddsson (starfaði sem tæknimaður í Þýskalandi en fyrirtæki sem hann starfaði hjá seldi Loðskinn ýmis efni til framleiðslu sinnar), Karl Bjarnason, Þorbjörn Árnason, Oddur Eiríksson.
Vinnsla í Sútunarverksmiðju Loðskinns á Sauðárkróki. Efst á myndinni eru Jónheiður Sigurðardóttir og Halldóra Björnsdóttir. Framan við vagninn með gærunum eru f.v. Karl Bjarnason, Þorbjörn Árnason og ónafngreind kona. Lengst til hægri er Alexander Róbert Jónsson.
Myndin er tekin við loðdýrabú Reynis Barðdal. F.v.: Reynir Barðdal, Þorbjörn Árnason, Pálína Skarphéðinsdóttir og Þórdís Þormóðsdóttir (fyrri kona Þorbjarnar).
Úr sútunarverksmiðju Loðskinns á Sauðárkróki. Lengst til vinstri er Þorbjörn Árnason, lengst til hægri Karl Bjarnason, en konan er ónafngreind. Viðskiptavinur að skoða ferlið.
Vinnsla í sútunarverksmiðju Loðskinns á Sauðárkróki. Vélarnar á myndinni eru svokallaðir mixarar. Fyrir miðri mynd eru Sigrún Guðmundsdóttir og Karl Bjarnason, hinir ónafngreindir.
Sesselía Ólafsdóttir f. 1909, d. 2005. Var til heimilis hjá Sigurlaugu og Bjarna á Uppsölum frá unglingsaldri til fullorðinsára. Fyrst á Völlum og síðar á Uppsölum. Húsfreyja í Litladal í Blönduhlíð og Daðastöðum á Reykjaströnd, síðast á Sauðárkróki. Mynd tekin á uppsölum 1927 eða 1928.
Heimilisfólkið á Uppsölum í Blönduhlíð 1928. F.v. Tobías Jóhannesson frá Hellu, vinnupiltur, Sigurlaug Jónasdóttir, húsfreyja með Egil Bjarnason á fyrsta ári, Bjarni Halldórsson bóndi, Sesselja Ólafsdóttir, Helga Sölvadóttir með Jónas Bjarnason, Halldór Bjarnason, Kristín Bjarnadóttir, Anna Kristín Jónsdóttir. (Betri mynd í Byggðasögu Skagafjarðar IV. bindi, bls. 387).
Þetta er Fríða á Bakka. Eftirsótt saumakona m.m. Saumaði m.a. fermingarfötin á Stebba í Vallholti, Stefán Íslandi. Bjarnfríður Þorsteinsdóttir f. 1894 á Auðnum í Sæmundarhlíð, d. 1977 á Sauðárkróki. Hér gefur hún hænsnunum á Bakka í Hólmi 1928. Stúlkan með henni er óþekkt. Sennilega Guðlaug Egilsdóttir.
Sex spariklædd börn í Hjaltastaðakoti í Blönduhlíð. Sigríður, Oddný, Guðlaug , Gottskálk, Steingrímur, Árni Helgi Hólm fremstur. Börn Ingibjargar Björnsdóttur og Egils Gottskálkssonar.
Heimilisfólkið á Syðri-Húsabakka 1927. F.v. Jóhanna Rannveig Pétursdóttir, vinnukona, óþekkt kona, Jón Kristinn Jónsson, bóndi, Kristín Sigurðardóttir, húsfreyja, börn hjóna Sigurður og Lilja fremst. Héraðsvötn að baki.
Heimilisfólkið á Syðri-Húsabakka. F.v. Jóhanna Rannveig Pétursdóttir f. 1909, d. 1993, vinnukona, óþekkt eldri kona, Jón Kristinn Jónsson, bóndi, Kristín Sigurðardóttir, húsfreyja. Börn hjóna, Sigurður og Lilja fremst. Mynd 1927.
Við brú yfir Affallann. Í forgrunni eru tveir vegavinnumenn með verkfæri, Felix Jósafatsson t.v. og Björn Gíslason. Glóðafeykir í baksýn t.v. Mynd 1928.
Fólkið á myndinni er óþekkt. Í skýringu sem fylgir myndinni segir "Siggi, Matthildur, Ólafur og Svafa." Sigurður Gíslason líkega aftastur. Janúar 1928.
