• Hafnarfjörður er bær á höfuðborgarsvæðinu. Þar bjuggu 26.800 manns 1. janúar árið 2013[1] og hefur bærinn vaxið gríðarlega á síðustu árum og áratugum líkt og önnur sveitarfélög á höfuðborgarsvæðinu hafa gert. Höfnin sem bærinn er kenndur við var ein stærsta verslunarhöfn landsins allt frá 16. öld og mikil útgerð hefur verið stunduð þaðan í sögunni. Á 18. öld var rætt um að gera Hafnarfjörð að höfuðstað Íslands, en slæm samgönguskilyrði þangað, lítil mótekja og lítið undirlendi urðu helstu ástæður þess að Reykjavík varð ofan á í valinu. 29. febrúar 2008 náði íbúafjöldi Hafnarfjarðar upp í 25.000 manns, og gaf bæjarstjórinn Lúðvík Geirsson 25 þúsundasta Hafnfirðinginum gjöf og heiðursskjal. Hafnarfjörður heyrði undir Álftaneshrepp framan af en eftir skiptingu hans árið 1878 varð bærinn hluti hins nýmyndaða Garðahrepps. Hinn 1. júní 1908 fékk Hafnarfjörður kaupstaðarréttindi og varð þá að sjálfstæðu bæjarfélagi. Íbúar voru þá orðnir 1469 talsins. Skammt sunnan Hafnarfjarðarbæjar er Straumsvík þar sem Alcan á Íslandi rekur álver. Þann 31. mars, árið 2007 fóru fram íbúakosningar um stækkun álversins í Hafnarfirði. Stækkunin var felld með aðeins 88 atkvæðum.

Use for: Hamburg

• Hamborg (hágþýska: Hamburg, lágþýska: Hamborg) er borgríki og næstminnsta sambandslandið í Þýskalandi með 755 km². Aðeins Bremen er minna. Hún er hins vegar næststærsta borg Þýskalands með tæpa 1,7 milljón íbúa (31. des 2013) og jafnframt stærsta hafnarborg landsins. Hamborg var stofnborg og einn ötullasti meðlimur Hansasambandsins áður fyrr.

• Akureyri er kaupstaður í Eyjafirði á Mið-Norðurlandi. Þar bjuggu 18.191 manns þann 1. janúar 2015[1]. Akureyrarbær er fjórða fjölmennasta sveitarfélag Íslands og það fjölmennasta utan höfuðborgarsvæðisins. Fyrir utan hið eiginlega bæjarland Akureyrar í botni Eyjafjarðar eru eyjarnar Grímsey og Hrísey einnig innan vébanda sveitarfélagsins.

• Hveravellir er jarðhitasvæði í um það bil 650 metra hæð á hálendi Íslands og jafnframt algengur áningarstaður þegar ferðast er um Kjöl.

Use for: Sweden, Sverige

• Konungsríkið Svíþjóð (sænska: Konungariket Sverige) er land í Norður-Evrópu og eitt Norðurlandanna. Landamæri liggja að Noregi til vesturs og Finnlandi til norðausturs, landið tengist Danmörku með Eyrarsundsbrúnni. Einnig liggur landið að Eystrasaltinu til austurs. Svíþjóð er fjölmennust Norðurlanda með yfir níu milljónir íbúa en er þó frekar strjálbýlt. Langflestir íbúanna búa í suðurhluta landsins. Höfuðborg Svíþjóðar er Stokkhólmur. Aðrar stærstu borgir landsins, í stærðarröð, eru Gautaborg, Málmey, Uppsalir, Linköping, Västerås, Örebro, Karlstad, Norrköping, Helsingjaborg, Jönköping, Gävle, Sundsvall og Umeå.

Use for: Ólafshús

• Húsið var reist árið 1897 af Ólafi Jónssyni söðlasmið frá Dæli og er húsið kennt við hann. Hann bjó þar ásamt konu sinni Ingveldi Jónsdóttur, en hún dó árið 1902. Ólafur bjó áfram í húsinu þar til hann lést árið l933. Í húsinu var fyrsta lyfjaverslunin á Sauðárkróki og var það K.M. Lindgreen sem starfrækti hana. Hann opnaði seinna lyfjaverslun í viðbyggingu við Aðalgötu 19 sem byggð var árið 1923. Um það bil tveimur áratugum seinna var Sparisjóður Sauðárkróks til húsa í byggingunni og húsið um tíma kallað Sparisjóðurinn. Á þeim tíma var byggð viðbótarbygging við húsið í norður og er sú bygging inngangur hússins í dag. Áður var minni inngangur inn í húsið á norðurhlið hússins en vestar en núverandi inngangur. Þá var einnig útibú Búnaðarbankans í húsinu uns það var flutt á Faxatorg árið 1967. Frímúrarastúkan Mælifell var í húsinu frá 1968 til 1982. Veitingarekstur hófst í húsinu í byrjun 9. áratugar 20. aldar.

• Árið 1908 var reist nýtt barnaskólahús á Sauðárkróki. Áður hafði verið kennt í húsinu Baldur við Aðalgötu 24 sem seinna varð að Verslun Haraldar Júlíussonar. Barnaskólinn var settur í fyrsta sinn í þessu húsi 19. október árið 1908. Kennt var í húsinu fram til ársins 1948 en ný skólabygging reis við Freyjugötu árið áður. Uppfrá því fékk húsið nýtt hlutverk og hýsti það bæjarskrifstofur eftir að skólakennslu var hætt þar. Ýmis önnur starfsemi hefur verið í húsinu, eins og tannlæknastofa Péturs Ólafssonar, teiknistofa fyrir arkitekt, kosningaskrifstofa, skrifstofur fyrir héraðsfréttablaðið Feykir, prentsmiðjan SÁST og upplýsingamiðlun. Undir lok 20. aldar var húsið endurbyggt í upprunalegri mynd og var lokið við þá endurbyggingu árið 2000. Í febrúar sama ár hóf Náttúrustofa Norðurlands vestra starfsemi í húsinu. Síðar fékk Minjavörður Norðurlands vestra aðstöðu þar. Árið 2013 lauk starfsemi Náttúrustofunnar í húsinu og nokkru áður hafði Minjavörður flutt sig í Aðalgötu 23, Villa Nova. Tilbrigði við norsk-íslenska gerð - lágris-gerð.

Use for: Villa Nova

• Húsið var flutt inn árið 1903, tilhöggvið frá Noregi og reist við rústir Poppshúss sem brann árið 1902. Það hús stóð lítið eitt norðar og austar. Christian Popp lét byggja Villa Nova, en hann hafði tekið við verslun og húsum föðurs síns, Ludvig Popp er Ludvig lést árið 1893. Christian seldi Carli Höepfner húsið árið 1912. Carl rak Höepfnersverslun á Sauðárkróki. Er sú starfsemi hætti árið 1928 keypti Kristján Þ. Blöndal húsið og bjó þar ásamt konu sinni, Álfheiði Guðjónsdóttur. Þau áttu einn son, Valgard Blöndal. Hann eignaðist húsið og hafði hótel þar, póstafgreiðslu og bókabúð. Valgard og fjölskylda bjuggu þar fram til ársins 1956. Ári áður keypti Ingibjörg Jónsdóttir húsið, en hún og maður hennar, Pétur Helgason ráku á þeim tíma Hótel Tindastól. Þau fluttu reksturinn í Villa Nova árið 1957. Þau bjuggu í húsinu fram til ársins 1971 ásamt syni sínum Erling Erni og ráku hótel í því. Árið 1972 keyptu Haukur Hafstað og Ragnar Arnalds húsið og skömmu síðar var stofnað hlutafélagið Villa Nova hf. sem vann að því markmiði að halda húsinu við og varðveita það. Núverandi eigandi hússins er Alþýðubandalag Sauðárkróks. Húsið er óbreytt frá upphafi utan við vetrarstofu við suðurgafl þess. Hún var rifin árið 1995 og byggð á ný í upprunalegu útliti árið 2002. Norsk-íslensk gerð, dæmigerður Sveiserstíll. Utan hótelreksturs, póstafgreiðslu og bóksölu, þá hefur verið söngskóli í húsinu, kosningaskrifstofa og gallerí í kjallaranum. Í dag hefur Minjavörður Norðurlands vestra aðsetur í húsinu. Auk þess eru íbúðir í því.

• Sauðárkrókur er innst við botn Skagafjarðar að vestanverðu, sunnan undir Tindastóli og skammt sunnan við ós Gönguskarðsár. Byggðin var fyrst öll á fremur mjórri malarspildu undir Nöfunum, bröttum malarkömbum upp af bænum, norðan við ós Sauðár, sem þá rann fram úr Sauðárgili og til norðurs um eyrar undir Nöfunum, þar sem nú er íþróttavöllur, sundlaug og tjaldstæði bæjarins. Byggðin færðist síðar suður fyrir ána og rann hún þá gegnum bæinn en síðar var ánni veitt til suðurs þar sem hún kemur úr Sauðárgili og rennur hún nú fyrir sunnan byggðina. Sauðárkrókur er byggður úr landi jarðarinnar Sauðár. Engin byggð var á eyrinni á fyrri öldum og voru verslunarstaðir héraðsins við austanverðan fjörðinn, á Hofsósi, í Grafarósi og Kolkuósi, en árið 1858 varð Sauðárkrókur löggiltur verslunarstaður. Þá fóru kaupskip að koma þangað. Þar var þó engin föst búseta fyrr en 1871, þegar Árni Árnason járnsmiður kom sér þar upp þurrabúð og settist þar að. Hann seldi bændum sem komu að versla við kaupskipin gistingu og veitingar. Strax árið eftir kom fyrsta fasta verslunin og kaupmenn, iðnaðarmenn og sjómenn settust að á Króknum og síðan ýmsir embættismenn. Sauðárkrókskirkja var reist árið 1892. Fólki fjölgaði hratt á Króknum fyrstu árin og um aldamótin 1900 voru íbúar um 400. Hafnleysi og einhæfir atvinnuhættir komu í veg fyrir að þessi öra fjölgun héldi áfram. Íbúar voru þó orðnir um 1000 þegar bærinn fékk kaupstaðaréttindi 1947. Gönguskarðsárvirkjun var reist á árunum 1947-1949 og hitaveita úr borholu við Áshildarholtsvatn var lögð í bæinn 1953. Hafnaraðstaða var smám saman bætt og er nú töluverð útgerð og fiskvinnsla í bænum.

• Grindavík er bær og sveitarfélag á sunnanverðum Reykjanesskaga. Sjávarútvegur er aðalatvinnugreinin og meðal stærstu útgerðar- og fiskvinnslufyrirtækin eru Þorbjörn, Vísir og Stakkavík. Í auðlinda- og menningarhúsinu Kvikunni eru sýningarnar Saltfisksetur, saga saltfiskvinnslu á Íslandi, og Jarðorka, sýning um jarðhita, eldvirkni og jarðskjálfta. Samfelld byggð hefur verið í Grindavík frá landnámi. Samkvæmt Landnámu var Grindavík numin af þeim Molda-Gnúpi Hrólfssyni sem settist að í Grindavík og Þóri haustmyrkri Vígbjóðssyni sem nam Selvog og Krýsuvík, stuttu fyrir árið 934.