Showing 5143 results

Authority record

Daníel Ingólfsson (1919-2001)

  • S01332
  • Person
  • 24.11.1919 - 18.05.2001

Daníel Ingólfsson fæddist í Merkigarði 24. nóvember 1919.
Fósturforeldrar hans voru Hannes Halldór Kristjánsson og Sigríður Benediktsdóttir.
Daníel var bóndi í Laugabóli í Lýtingsstaðahreppi í Skagafirði 1944-1945 og var áfram þar eftir að hann brá búi. Hann hóf búskap á Brenniborg á Neðribyggð í Lýtingsstaðahreppi árið 1956 og bjó þar fram til ársins 1963. Flutti aftur að Laugabóli er hann brá búi á Brenniborg. Síðar búsettur í Kópavogi.
Ókvæntur.
Daníel lést á heimili sínu í Kópavogi 18. maí 2001.

Daníel Þorsteinsson (1963-

  • S02651
  • Person
  • 1963

Daníel er fæddur í Neskaupstað, sonur hjónanna Þorsteins Árnasonar læknis og Önnu Jóhannsdóttur húsfreyju.
Daníel er tónlistarmaður og píanisti, var við nám í Hollandi. Eiginkona hans er Hrafnhildur Vigfúsdóttir, þau eiga þrjú börn . Búsettur á Akureyri.

Davidson, Portrait & Landscape Photographer

  • S00626
  • Corporate body
  • 1889-1907

Davidson, Portrait & Landscape Photographer var ljósmyndastofa sem var rekin í Carberry, Manitoba af George Davidson milli 1889 og 1907. Fyrirtækið var með útibú í Deloraine, Melita, Rapid City og Souris.

Davíð Stefánsson (1895-1964)

  • S00604
  • Person
  • 21.01.1895-01.03.1964

Davíð fæddist í Fagraskógi þann 21. janúar árið 1895. Foreldrar hans voru Stefán Baldvin Stefánsson bóndi og síðar alþingismaður og Ragnheiður Davíðsdóttir frá Hofi í Hörgárdal. Davíð lauk gagnfræðaprófi frá Gagnfræðaskólanum á Akureyri árið 1911. Á árunum 1915 – 1916 dvaldist hann í Kaupmannahöfn og hófst skáldferill hans þar. Síðar hóf hann nám við Menntaskólann í Reykjavík og lauk þaðan stúdentsprófi árið 1919 en það ár kom fyrsta ljóðabók hans út, hún ber heitið Svartar fjaðrir. Davíð dvaldist öðru hvoru erlendis, meðal annars í nokkra mánuði á Ítalíu árið 1920 og svo í Noregi 1923. Árið 1925 tók Davíð við föstu starfi sem bókavörður á Amtsbókasafninu á Akureyri. Hann lét formlega af störfum sem bókavörður árið 1951.

Dorothea Kristín Daníelsdóttir (1882-1963)

  • S00729
  • Person
  • 16.03.1882-06.06.1963

Dóttir Daníels Ólafssonar og Svanhildar Loftsdóttur, síðast á Framnesi. Verslunarkona í R.vík, ókvænt og barnlaus.

Dóra Ingibjörg Magnúsdóttir (1928-2019)

  • S00190
  • Person
  • 7. júní 1928 - 4. júní 2019

Foreldar hennar voru Hólmfríður Elín Helgadóttir saumakona og Magnús Halldórsson beykir. Dóra giftist Rögnvaldi Ólafssyni (Valda rakara) frá Siglufirði, þau eignuðust fimm börn, fyrir átti Rögnvaldur einn son.

Dýrfinna Gunnarsdóttir (1907-1994)

  • S00429
  • Person
  • 15.04.1907 - 23.06.1994

Dýrfinna Gunnarsdóttir fæddist 15. apríl 1907. Hún var dóttir Gunnars Ólafssonar og Sigurlaugar Magnúsdóttur.
Dýrfinna var húsfreyja á Máná á Tjörnesi um alllangt árabil.
Maður hennar var (Jóhann) Egill Sigurðsson (1893-1972).
Dýrfinna lést í Sjúkrahúsi Húsavíkur 23. júní 1994.

Dýrleif Árnadóttir (1899-1993)

  • S01140
  • Person
  • 04.07.1899-08.03.1993

Dýrleif ólst upp hjá foreldrum sínum og fluttist með þeim til Sauðárkróks árið 1907. Naut hún barna- og unglingafræðslu þar undir stjórn Jóns Þ. Björnssonar, starfaði mikið með ungliðadeild Góðtemplara reglunnar og í Ungmennafélaginu Tindasóli, þar sem hún naut leikfimiþjálfunar hjá Jóni Þ. Bjrnssyni og var í sýningarflokki stúlkna undir stjórn hans á afmælishátíð Jóns Siguðrssonar árið 1911, þá aðeins 12 ára gömul. Hún hafði brennandi áhuga á íþróttum fram á síðasta dag og fylgdist jafnan vel með árangri þeirra, sem kepptu hverju sinni fyrir hönd félagsins heima og heiman. Hún var heiðursfélagi í UMF Tindastól. Dýrleif starfaði einnig allmikið með verkakvennafélaginu Öldunni um árabil og sat í stjórn um skeið, söng einnig um nokkra ára skeið með Kirkjukór Sauðárkróks.
Húsmóður og bústörf kröfðust hins vega mikils tíma, því að fystu búskarár þeirra hjóna og reyndar alllengi, höfðu þau talsverðan bústofn eins og ýmsir aðrir á , en heyskapur mestmegnis stundaður frammi á Eylendi og þá "legið við" sem kallað var.
Eftir að börn þeirra hjóna voru uppkomin, sótti hún fiskvinnu hjá KS meðan starfsævi entist. Jafnfram því að heimili þeirra hjóna var fjölmennt, var gestkvæmt jafnan, en risna þeirra beggja mikil og um langt árabil fátítt að ekki væru reidd fram matföng fyrir gestkomandi, einn eða fleiri. Jafnfram því var Dýrleif næm á aðstæður sinna nágranna og fljót að bregðast við væri henni kunnugut um bágindi fólks, þótt fá orð hefði um.

Edda Björnsdóttir

  • S0
  • Person
  • 1936-1987

Edda var augnlæknir,dóttir Björns Sigurðssonar læknis á Keldum og Unu Jóhannesdóttur ritara. Edda giftist Leifi Börnssyni lækni.Þau skyldu. Börn þeirra eru Árni, Björn og Helga.

Efemía Jónsdóttir (1904-1976)

  • S01935
  • Person
  • 04.07.1904-27.06.1976

Var á Mannskaðahóli á Höfðaströnd, Skag. 1930. Síðast bús. í Hofsóshr. Maki: Sigmundur Baldvinsson, f. 1900, þau bjuggu á Þönglabakka og síðar á Hofsósi.

Eggert Arnórsson (1900-1982)

  • S03020
  • Person
  • 07.09.1900-08.09.1992

Eggert Arnórsson, f. að Felli í Kollafirði á Ströndum 07.09.1900, d. 08.09.1982.
Foreldrar: Ragnheiður Eggertsdóttir og Arnór Árnason, prestur á Felli í Kollafirði og Hvammi í Laxárdal.
Um 4 ára aldur flutti Eggert með fjölskyldu sinni að Hvammi í Laxárdal og ólst þar upp til fullorðinsára. Haustið 1919 fór hann í Bændaskólann á Hvanneyri og lauk þar námi 1921. Nokkru síðar lauk Eggert prófi í Samvinnuskólanum og stundaði eftir það búskap um skeið en fluttist svo til Vestmannaeyja og gerðist reikningshaldari. Síðar fór hann til Reykjavíkur og gerðist prentsmiðjustjóri hjá Gutenberg þar til hann lét af störfum vegna aldurs. Aflaði sér réttinda sem löggiltur endurskoðandi og hafði endurskoðun reikningar og skattskýrslugerð að aukastarfi.
Maki 1: Sigríður. Þau áttu tvær dætur. Þau skildu eftir stutta samveru.
Maki 2: Jóhanna Guðríður Tryggvadóttir. Þau áttu einn son. Þau skildu eftir fárra ára sambúð.
Maki 3: Stefanía Benónýsdóttir (1917-1972). Þau eignuðust þrjú börn.
Síðust árin bjuggu Eggert og Stefanía í Blönduhlíð 29 í Reykjavík. Eftir að Stefanía lést bjó Eggert hjá dóttur sinni.

Eggert Bergsson (1929-2013)

  • S02748
  • Person

Eggert Bergsson f. 28.11.1929 á Unastöðum í Kolbeinsdal í Skagafirði, d. 29.05.2013 í Reykjavík. Foreldrar: Bergur Magnússon bóndi á Unastöðum, f. 1896 og kona hans Ingibjörg Kristín Sigfúsdóttir, f. 1892.
Maki: Ingunn Jónsdóttir, f. frá Skálafelli í Suðursveit. Þau einuðust fjögur börn og fyrir átti Ingunn einn son. Eggert ólst upp í Skagafirði en fluttist ásamt fjölskyldu sinni á Siglufjörð árið 1948. Þremur árum síðar fluttist hann til Reykjavíkur og nam húsasmíði. Hann starfaði lengst af við smíðar, lengst af hjá ÍAV víðs vegar um landið. Frá árinu 1972 rak hann sitt eigið byggingafyrirtæki, Berg sf. Var virkur félagsmaður innan Bridgesambandsins og vann til fjölda verðlauna á því sviði.

Eggert Briem (1811-1894)

  • S01750
  • Person
  • 15.10.1811-11.03.1894

Eggert Ólafur Briem fæddist á Kjarna í Eyjafirði. Faðir: Gunnlaugur Briem sýslumaður. Móðir: Valgerðar Árnadóttur húsfreyja. Eggert lauk stúdentsprófi úr Bessastaðaskóla 1831 og var síðan skrifari hjá föður sínum til 1834. Það ár sama ár var hann settur sýslumaður Eyjafjarðarsýslu um tíma í forföllum föður síns. Eggert hélt svo til náms við Kaupmannahafnarháskóla og lauk lögfræðiprófi þaðan 1841. Eftir að Eggert kom til Íslands starfaði hann hjá Hoppe stiftamtmanni í Reykjavík til 1843. Þá var hann skipaður sýslumaður í Rangárvallasýslu en var þar aðeins eitt ár því hann varð sýslumaður Ísfirðinga 1844 og var þar til 1848. Þá fékk hann Eyjafjarðarsýslu og settist að á Espihóli. Hann var þjóðfundarmaður Eyfirðinga 1851 og var settur amtmaður í norður- og austuramti 1852-1852. Árið 1861 var Eggert skipaður sýslumaður í Skagafjarðarsýslu og bjó fyrst í Viðvík, fluttist svo að Hjaltastöðum en síðan að Reynistað og var þar allt til 1884, þegar hann lét af embætti og fluttist til Reykjavíkur. Eiginkona: (giftust 18. ágúst 1845) Ingibjörg Eiríksdóttir (1827– 1890) og áttu þau nítján börn en þrettán náðu fullorðinsaldri.

Eggert Einar Jónsson (1890-1951)

  • S00694
  • Person
  • 16. mars 1890 - 28. sept. 1951

Fæddur í Sölvanesi, sonur Jóns Péturssonar og Solveigar Eggertsdóttur á Nautabúi, þar sem Eggert ólst upp frá sjö ára aldri. ,,Eftir fermingu dvaldist Eggert á Breiðabólsstað í Vesturhópi og stundaði nám hjá Hálfdáni presti Guðjónssuni, síðar vígslubiskupi. 17 ára gamall tók Eggert að sér að safna hestum í Skagafirði til afnota við konungskomuna og þjóðhátíðina á Þingvöllum árið 1907. Var hann í konungsfylgdinni allan tímann og rak hestana norður að því loknu. Hjá Duus vann hann um sumarið og tókst að afla sér námseyris til dvalar í Verslunarskóla Íslands. Útskrifaðist þaðan vorið 1910 og hóf störf hjá föðurbróður sínum, Pálma Péturssyni, sem þá var kaupfélagsstjóri. Árið 1912 réðst Eggert í það nýkvongaður að kaupa allar eigur Poppsverslunar á Hofsósi og alla Hofstorfuna. Um var að ræða verslunarhús, íbúðarhús með sölubúð, kornvöruhús, vörugeymslu, sláturhús, þurrfiskhús, fjórar sjóðbúðir, fiskverkunarhús og svonefnt Ásgrímshús, ásamt öllum lóðarréttindum og hlunnindum, sem þessu fylgdu. Einnig keypti hann stórbýlið Hof á Höfðaströnd ásamt Hofsgerði, Háagerði, Ártúni, Hvammkoti, Naustum og Svínavöllum að viðbættu Garðshorni. Á Hofi dvaldist Eggert til ársins 1914 er hann fluttist til Reykjavíkur. Á þessum árum gerðist hann umboðsmaður fyrir breskan hestakaupmann og hélt því til ársins 1917, er ríkið tók í sínar hendur alla slíka sölu. Árið 1916 keypti Eggert Tungu við Suðurlandsbraut og rak þar kúabú. Ári síðar hafði hann einnig keypt Gufunes, Knútskot, Eiði og Geldinganes í Mosfellssveit ásamt því að reka einnig bú á Kálfatjörn á Vatnsleysuströnd. Einnig hafði hann á leigu jörðina Ósagerði í Ölfusi og stundaði heyskap í Borgarfirði. Árið 1919 keypti hann Reykhóla á Barðaströnd þar sem hann ætlaði að koma upp stóru hrossaræktarbúi. Sama ár hófst hann handa við að byggja 50 kúa fjós í Gufunesi. En um þetta leyti skall kreppan mikla á svo Eggert neyddist til að selja Reykhóla og Gufunes og var nú komin í töluverðar fjárhagskröggur. Árið 1922 hóf hann þó útgerð og rekstur íshúss í Innri-Njarðvík og keypti jörðina hálfa 1924. Á árunum 1922-1948 rak hann umfangsmikla útgerð og fiskverkun í Innri-Njarðvík og reisti þar hraðfrystihús, eitt það stærsta hér á landi á þessum tíma. Árin 1924-1931 var Eggert búsettur í Reykjavík en umsvif hans áttu sér engin hreppamörk. 1932 fluttist hann til Vestmannaeyja þar sem hann gerðist umboðsmaður Shell og stundaði þar eigin útgerð og stofnsetti m.a. eigin lifrarbræðslu. Rak síldarsöltun á Sauðárkróki árin 1930-1934, kom upp skipasmíðastöð í Innri-Njarðvík og var einn af stofnendum Sölumiðstöðvar hraðfrystihúsanna. Með tilkomu hersins seldi Eggert töluvert land undir flugvöll og vænkaðist fjárhagur hans þá nokkuð. Um þetta leyti keypti hann Kirkjubæina á Rangárvöllum og stofnaði þar hrossaræktarbú. Jafnframt var hann einn forvígismanna að stofnun Landssambands hestamanna 1949." Eggerti var jafnan lýst svo: ,,engum líkur að hvatleik sínum og áræði".
Eggert kvæntist Elínu Sigmundsdóttur frá Vindheimum, þau eignuðust tvær dætur.

Eggert Jónsson (1853-1877)

  • S02706
  • Person
  • 18.06.1853-27.11.1877

Eggert Jónsson, f. 18.06.1853, d. 27.11.1877. Foreldrar: Jón Sveinsson, f. 1815, prestur á Mælifelli í Skagafirði og víðar og kona hans Hólmfríður Jónsdóttir, f. 1821. Drukknaði á Gefjunni á leið til náms í Danmörku. Sagður eiga unnustu og í einni heimild er getið um konu, Sigurbjörgu Ingimundardóttur f. 1827 og barn þeirra Sólveigu, f. 1869.

Eggert Kristjánsson (1878-1946)

  • S01287
  • Person
  • 17.05.1878-01.06.1946

Eggert var fermdur frá Uppsölum 1892, er lausamaður í Vatnshlíð við húsvitjun 1899. Um aldamótin mun hann hafa numið söðla- og aktygjasmiíði á Stóra- Vatnsskari eða þar um slóðir. Að því loknu settist hann að á S. króki og stundaði þar iðn sína af áhuga og alúð. Honum var annt um að kaupendu væru ánægðir með smíði hans og að hún reyndist traust og smekkleg. Hin síðari árin rak hann jafnframt smáverslun á S. króki. Á árum fyrri heimsstyrjarldar var erfitt fyrir iðnaðarmenn úti á landi að fá efni til að vinna úr, en Eggert vildi aldrei láta frá sér annað en fyrsta flokks vöru. Kaupgeta fólks í Skagafirði fór þá og minnkandi vegna styrjaldarinnar. Í ágúst 1916 fluttust þau hjón því suður til R.víkur. Þar stofnaði Eggert söðlasmiðjuna "Sleipni" og stundaði þar iðn sína með miklum myndarskap, á meðan líf og heilsa entist. Sagt var, að hann gengi ekki hart eftir greiðslu fyrir verk sín og vörur, ef fátækir áttu í hlut. Ekki mun hann þó hafa þó hafa borið hjálpsemi sína á torg.- Eggert var í hærra meðallagi á vöxt, riðvaxinn, en vösturinn þó liðlegur eins og allar hreyfingar. Hann var fríður maður sýnum, augun blá, ljósá hár og hörundsbjartur og rjóður í andliti. Reglusamur í hvívetna og heiðursmaður.

Eggert Ólafur Briem (1867-1936)

  • S00706
  • Person
  • 25.07.1867-07.07.1936

Fæddur á Hjaltastöðum í Blönduhlíð, sonur Eggerts Briem sýslumanns á Reynistað og Ingibjargar Eiríksdóttur. Eggert varð stúdent frá Reykjavíkurskóla 1887 með 1. eink., cand. júris. Kaupmannahöfn 1893 með 1. eink. Sama ár settur málafl.maður við landsyfirréttinn. Settur sýslumaður í Norður-Múlasýslu 1896, fékk Skagafjarðarsýslu 1897 og var sýslumaður þar til 1904. Skrifstofustjóri í Stjórnarráðinu í Reykjavík 1904-1915. Dómari í landsyfirréttinum 1915-1919. Skipaður hæstaréttardómari 1919-1935. Sat í stjórn Búnaðarfélags Íslands 1909-1919 og í landskjörstjórn 1916-1926. Kvæntist Guðrúnu Jónsdóttur frá Auðkúlu, þau eignuðust tvö börn.

Eggrún Arnórsdóttir (1895-1975)

  • S02980
  • Person
  • 22.04.1895-10.04.1975

Eggrún Arnórsdóttir, f. 22.04.1895, d. 10.04.1975. Foreldrar: Arnór Árnason (1860-1938) prestur í Hvammi í Laxárdal og seinni kona hans, Ragnheiður Eggertsdóttir (1862-1937)
Maki: Steingrímur Guðmundsson frá Gufudal í A-Barð, prentsmiðjustjóri hjá Ríkisprentsmiðjunni Gutenberg.
Þau eignuðust tvær dætur. Bjuggu m.a. í Kaupmannahöfn og síðar á Grettisgötu 46 í Reykjavík.

Egill Bjarnason

  • Person

Bóksali í Reykjavík (fornbókasali)

Egill Bjarnason (1927-2015)

  • S00026
  • Person
  • 09.11.1927-15.04.2015

Egill Bjarnason var fæddur í Uppsölum í Akrahreppi, Skagafirði þann 9. nóvember 1927. Egill var Búfræðikandídat, héraðsráðunautur á Sauðárkróki og framkvæmdastjóri Búnaðarsambands og Ræktunarsambands Skagafjarðar um áratugaskeið. Hann gegndi fjölmörgum trúnaðarstörfum, var handhafi hinnar íslensku fálkaorðu, heiðursfélagi í Sögufélagi Skagfirðinga og hlaut margvíslegar viðurkenningar fyrir störf sín. Egill var búsettur á Öldustíg á Sauðárkróki. Kona hans var Anna Alda Vilhjálmsdóttir (f. 1928).
Egill lést á Sauðárkróki 15. apríl 2015.

Egill Jónasson (1901-1932)

  • S01091
  • Person
  • 24.04.1901-25.06.1932

Egill Jónasson ólst upp á Völlum í Víðimýrarsókn í Skagafirði. Faðir: Jónas Egilsson (1864-1942), bóndi á Völlum. Móðir: Anna Kristín Jónsdóttir (1865-1941), húsfreyja á Völlum. Egill er skráður nemandi í gagnfræðiskóla á Akureyri árið 1920 og bókbindari á Akureyri árið 1930.

Einar Arnórsson (1880-1955)

  • S03021
  • Person
  • 24.02.1880-29.03.1955

"Fæddur á Minna-Mosfelli í Grímsnesi 24. febrúar 1880, dáinn 29. mars 1955. Foreldrar: Arnór Jónsson (fæddur 25. júlí 1839, dáinn 14. febrúar 1926) bóndi þar og kona hans Guðrún Þorgilsdóttir (fædd 15. maí 1837, dáin 16. apríl 1897) húsmóðir. Maki (5. október 1907): Sigríður Þorláksdóttir Johnson (fædd 22. mars 1877, dáin 11. ágúst 1960) húsmóðir. Foreldrar: Þorlákur Ó. Johnson, sonur Ólafs Johnsens þjóðfundarmanns, og Ingibjörg Bjarnadóttir Johnson. Börn: Ingibjörg (1908), Guðrún (1909), Áslaug (1911), Ásgerður (1913), Hrafnhildur (1915), Logi (1917).

Stúdentspróf Lsk. 1901. Lagði fyrst stund á norræna málfræði við Hafnarháskóla, en hvarf frá því. Lögfræðipróf Hafnarháskóla 1906. Yfirréttarmálaflutningsmaður 1907. Heiðursdoktor í lögum Háskóla Íslands 1936. Hrl. 1945.

Ritstjóri Fjallkonunnar 1907. Kennari við Lagaskólann í Reykjavík 1908–1911. Prófessor í lögum við Háskóla Íslands 1911–1915. Skipaður 4. maí 1915 ráðherra Íslands, lausn 4. janúar 1917. Varð þá að nýju prófessor í lögum og gegndi því embætti til 1932, enda þótt hann fengi lausn í október 1919 og væri stjórnmálaritstjóri Morgunblaðsins og Ísafoldar veturinn 1919–1920. Rektor Háskóla Íslands 1918–1919 og 1929–1930. Jafnframt var hann skattstjóri í Reykjavík 1922–1928 og formaður niðurjöfnunarnefndar, sat í nefndinni til 1932. Hæstaréttardómari 1932–1942. Skipaður 16. desember 1942 dóms- og menntamálaráðherra, lausn 16. september 1944, en falið að gegna störfum áfram um stundarsakir, fékk lausn 21. september. Hæstaréttardómari 1944–1945.

Kosinn í velferðarnefnd 1914. Átti sæti í fullveldisnefnd Alþingis 1917–1918. Átti og sæti í sambandslaganefnd 1918 og síðan dansk-íslenskri ráðgjafarnefnd til 1934. Skipaður 1927 í matsnefnd á Landsbankann. Vann 1925 ásamt Hannesi Þorsteinssyni að rannsókn íslenskra skjala í ríkisskjalasafni Dana og samningum um afhendingu þeirra til Íslands. Í bæjarstjórn Reykjavíkur 1930–1932. Skipaður 1934 í nefnd til þess að undirbúa nýja réttarfarslöggjöf. Forseti Sögufélagsins 1935–1955. Átti sæti í Árnasafnsnefnd 1936–1942.

Alþingismaður Árnesinga 1914–1919 (Sjálfstæðisflokkurinn eldri, Sjálfstæðisflokkurinn langsum), alþingismaður Reykvíkinga 1931–1932 (Sjálfstæðisflokkur). Ráðherra Íslands 1915–1917, dóms- og menntamálaráðherra 1942–1944.

Afkastamikill rithöfundur og samdi fjölda rita og greina um lögfræði, sögu Íslendinga o. fl. Heiti nokkurra bókanna eru: Réttarstaða Íslands. Meðferð opinberra mála. Þjóðréttarsamband Íslands og Danmerkur. Réttarsaga Alþingis. Þjóðabandalagið. Alþingi og frelsisbaráttan 1845–1874. Árnesþing á landnáms- og söguöld. Annaðist útgáfu Alþingisbóka og fleiri merkra heimildarrita um íslensk lög og dóma o. fl.

Ritstjóri: Fjallkonan (1907). Ísafold (1919–1920). Morgunblaðið (1919–1920). Skírnir (1930). Blanda (1936–1939). Saga (1950–1954). Tímarit lögfræðinga (1951–1953)."

Einar Bjarnason (1907

  • S01178
  • Person
  • 25. nóvember 1907 - 17. maí 1982

Stud. juris. á Laufásvegi 46, Reykjavík 1930. Stjórnarfulltrúi í Reykjavík 1945. Aðalendurskoðandi, prófessor og ættfræðingur. Höfundur Lögréttumannatals og fleiri rita.

Einar Bragi Sigurðsson (1921-2005)

  • Person
  • 1921-2005

Einar Bragi fæddist á Eskifirði árið 1921. Foreldrar hans voru Sigurður Jóhannsson skipstjóri og Borghildur Einarsdóttir húsmóðir. Einar stundaði nám í bókmenntum, listasögu og leikhússögu í Lundi og Stokkhólmi.
Einar var rithöfundur , skáld og þýðandi, m.a þýddi hann leikrit Strindbergs og Ibsens, ljóðlist og margt fleira. Eftir hann liggur fjölda rita, m.a. Saga Eskifjarðar.
Einar stofnaði tímaritið Birting (yngri) og var hann ábyrgðarmaður þess.
Einar hlaut margskonar viðurkenningar, m.a. sænsk-íslenskuverðlaunin og þýðingingarverðlaun Sænsku akademíunnar.

Einar Einarsson (1947-)

  • Person
  • 04.08.1947-

Einar Einarsson, f. 04.08.1947. Foreldrar: Einar Björnsson sjómaður á Brekku, Hofsósi (1897-1948) og kona hans Margrét Anna Guðmundsdóttir húsmóðir og verkakona (1909-1987).

Einar Eyjólfsson (1885-1969)

  • S01995
  • Person
  • 26.11.1885-24.09.1969

Fóstursonur í Undornfelli, Undirfellssókn, Hún. 1901. Bóndi í Flugumýrarhvammi í Blönduhlíð. Var þar 1930. Síðast bús. á Siglufirði.

Einar G. Jónsson (1885-1977)

  • Person
  • 1885-1977

Einar var fæddur að Stóragerði í Hörgárdal í Eyjafirði. Foreldrar hans voru Jón Jónasson bóndi og Guðrún Jóhannesdóttir húsfreyja. Einar var búfræðingur að mennt; útskrifaðist frá Hólum 1909. Hann gegndi fjölda trúnaðarstarfa fyrir Glæsibæjarhrepp. Hann átti sæti í hreppsnefnd 1916-1938, lengst af oddviti og hreppstjóri 1938.
Árið 1910 hóf hann kennslu við Glæsibæjarhrepp til ársins 1940. Einar stundaði búskap á Laugalandi frá 1925.

Einar G.Pétursson

  • Person

Sagnfræðingur. Starfar hjá Stofnun Árna Magnússonar.

Einar Guðmundsson (1894-1975)

  • S01095
  • Person
  • 03.03.1894-26.07.1975

Bóndi á Syðri-Hofdölum í Hofstaðabyggð og í Ási í Hegranesi, Skag.

Einar Gísli Jónasson (1885-1977)

  • S02783
  • Person
  • 23.04.1885-10.12.1977

Einar Gísli Jónasson, f. 23.04.1885 í Stóragerði í Skriðuhreppi í Eyjafjarðarsýslu, d.
Foreldrar: Guðrún Jóhannesdóttir og Jónas Jónsson. Einar nam búfræði á Hólum í Hjaltadal og brautskráðist þaðan árið 1909. Gerðist kennari í Glæsibæjarhreppi í Eyjafriði og sinnti því starfi í þrjá áratugi. Hóf búskap í Grjótgarði á Þelamörk 1922 en árið 1925 fluttist hann að Laugalandi í sömu sveit og bjóð þar síðan. Var kosinn í hreppsnefnd 1916 og litlu síðar oddviti en hreppstjóri og sýslunefndarmaður 1938. Var einnig um langa hríð formaður Sparisjóðs og sjúkrasamlags Glæsibæjarhrepps og í skattanenfnd. Sat einnig á milli 40-50 aðalfundi KEA.

Results 596 to 680 of 5143