Bragi Skagfjörð Haraldsson (1942-
- S01902
- Person
- 27.04.1942
Sonur Haraldar Bjarna Stefánssonar og k.h. Jóhönnu Gunnarsdóttur í Brautarholti. Trésmiður og húsvörður á Sauðárkróki.
Bragi Skagfjörð Haraldsson (1942-
Sonur Haraldar Bjarna Stefánssonar og k.h. Jóhönnu Gunnarsdóttur í Brautarholti. Trésmiður og húsvörður á Sauðárkróki.
Haraldur Bjarni Stefánsson (1902-1969)
Haraldur Stefánsson fæddist á Halldórsstöðum á Langholti 6. janúar 1902, sonur Stefáns Bjarnasonar og Aðalbjargar Magnúsdóttur. Hálfs árs gamall fór hann í fóstur til Sigurðar Jónssonar oddvita í Brautarholti og k.h. Jóhönnu Steinsdóttur. Hann var bóndi í Brautarholti (áður Litlu-Seylu) á Langholti.
Kona hans var Jóhanna Gunnarsdóttir (1901-1986) frá Keflavík í Hegranesi, þau eignuðust fimm börn.
Haukur fæddist í Brautarholti 5. júlí 1927. Hann var sonur Haraldar Bjarna Stefánssonar og Jóhönnu Gunnarsdóttur.
Hann var búsettur á Sauðárkróki. Bifreiðastjóri hjá K.S. og síðar starfsmaður hjá Loðskinni.
Kona hans var Erla Maggý Guðjónsdóttir frá Sauðárkróki.
Haukur lést 9. september 2013.
Jóhanna Gunnarsdóttir (1901-1986)
Jóhanna Gunnarsdóttir fæddist í Keflavík í Hegranesi 12. maí 1901. Foreldrar hennar voru Gunnar Ólafsson og Sigurlaug Magnúsdóttir. Kvæntist Haraldi Bjarna Stefánssyni frá Brautarholti og tóku þau við búi þar. Jóhanna starfaði lengi með kirkjukór Glaumbæjarsóknar. Hún bjó áfram í Brautarholti eftir lát manns síns og hafði lítilsháttar búskap. Árið 1980 fluttist hún á Sauðárkrók og dvaldi á sjúkrahúsinu þar. Jóhanna og Haraldur eignuðust fimm börn.
Jónína Sigurðardóttir (1887-óvíst)
Foreldrar: Sigurður Jónsson (1853-1940) og Jóhanna Steinsdóttir (1854-1942) í Brautarholti (þá Litlu-Seylu). Fór til Kaupmannahafnar og giftist þar. Dánardagur ekki þekktur.
Magnús Jóhannesson (1933-1986)
Sonur Jóhannesar Skúlasonar og k.h. Sigurlaugar Jónsdóttur sem lengst bjuggu á Geirmundarhóli í Hrolleifsdal. Magnús var lengst af vinnumaður í Brautarholti á Langholti, síðast til heimilis að Ytri-Brekkum í Blönduhlíð. Ógiftur og barnlaus.
Fæddur á Litla-Vatnsskarði í Laxárdal. Foreldrar: Jón Arnórsson (1810-1878), bóndi á Bessastöðum í Sæmundarhlíð og kona hans, Guðrún Jónsdóttir (f. 1821-1879) frá Hóli í Sæmundarhlíð. Sigurður ólst upp með foreldrum sínum, en fór að vinna fyrir sér strax og hann hafði aldur til. Var vinnumaður og síðar lausamaður. Árið 1883 hafði hann ákveðið að fara til Vesturheims og var kominn á Sauðárkrók með fólk sitt og farangur og beið þar langt fram á sumar en aldrei kom skipið. Var bóndi á Syðra-Skörðugili 1878-1879, Stóru-Seylu 1879-1883. Þá brugðu þau búi. Bóndi í Brautarholti (þá Litlu-Seylu) 1885-1888, Skarðsá 1888-1890, aftur í Brautarholti 1890-1940. Hann var oddviti Seyluhrepps 1892-1899 og frá 1901-1919. Maki: Jóhanna Steinsdóttir (1854-1942) frá Stóru-Gröf. Þau eignuðust fjögur börn en eitt dó í æsku.
Áður átti Sigurður son með Guðbjörgu Björnsdóttur frá Glæsibæ.
Sigurður Sigurðsson Skagfield (1895-1956)
Foreldrar: Jóhanna Steinsdóttir og Sigurður Jónsson oddviti í Brautarholti (þá Litlu-Seylu). ,,Sigurður Skagfield tenór fæddist að Litlu-Seylu í Skagafjarðarsýslu 29. júní 1895. Sigurður stundaði söngnám í Kaupmannahöfn og einnig í Dresden og víðar í Þýskalandi. Hann fór söngför um Norðurlönd og var um skeið söngvari við óperuhúsið í Oldenburg. Sigurður dvaldist nokkur ár í Bandaríkjunum og hélt þar söngskemmtanir við góðan orðstír. " Sigurður kvæntist Lovísu Albertsdóttur frá Páfastöðum, þau eignuðust tvö börn saman. Þau skildu.
Stefán Gunnar Haraldsson (1930-2014)
Stefán Gunnar Haraldsson fæddist í Brautarholti í Skagafirði 12. september 1930. Foreldrar hans voru hjónin Jóhanna Gunnarsdóttir frá Keflavík í Hegranesi og Haraldur Bjarni Stefánsson frá Brautarholti. ,,Áður en Stefán festi ráð sitt vann hann ýmis störf, m.a. hjá byggingarverktökum, í vegavinnuflokki, við mjólkurflutninga og nokkur sumur hjá Búnaðarsambandinu á jarðýtu. Á gamlársdag 1954 giftist Stefán Gunnar Mörtu Fanneyju Svavarsdóttur, þau eignuðust fjögur börn. Stefán og Marta stofnuðu nýbýli út úr landi Víðimýrar sem þau nefndu Víðidal. Þar hófu þau búskap árið 1954. Stefán vann við búskap alla sína tíð auk þess sem hann var vörubílstjóri og vann því utan heimilis, einkum yfir sumartímann. Hann var einn af stofnendum Lionsklúbbs Skagafjarðar og vörubílstjórafélagsins Fjarðar. Hann söng með Karlakórnum Heimi og kirkjukór Víðimýrarkirkju í 60 ár og síðustu árin var hann í Kór eldri borgara."
Súlíma Stefánsdóttir (1862-1953)
Foreldrar: Stefán Einarsson og k.h. Lilja Kristín Jónsdóttir, þau bjuggu í Þröm á Langholti, í Geldingaholti, á Stóra-Vatnsskarði, í Hátúni, í Vík, á Grófargili, á Litlu-Seylu (nú Brautarholt) og loks í Vatnshlíð. Verkakona í Reykjavík. Ógift og barnlaus.
Svavar Haraldur Stefánsson (1952-
Foreldrar: Stefán Gunnar Haraldsson (1930-2014) og Marta Fanney Svavarsdóttir (1931-2013) í Víðidal. Maki: Ragnheiður G. Kolbeins, f. 1957. Þau eiga sex börn. Bóndi í Brautarholti.