Reikningar og nótur frá Kaupfélagi Skagfirðinga. Einnig yfirlit yfir innlagðar afurðir, svo sem kjöt og gærur.

Iðgjaldskvittanir fyrir Hátún og Miklagarð frá Brunabótafélagi Íslands.

Reikningar og nótur frá Mjólkursamlagi K.S. Einnig eru meðfylgjandi flokkunarseðlar sem sögðu til um gæði mjólkur sem lögð var inn í samlagið.

Reikningar og nótur frá Verslun Pálma Péturssonar.

Einkunnir bjarna Jónassonar í vorprófi barna í Varmahlíð á árunum 1937-1939, þá var Bjarni 8 - 10 ára. Gefin er einkunn fyrir lestur, skrift, reikning, sögu og teikningu.

Bréf er varða eignarlönd Steinunnar og Jónasar, Hátún og Miklagarð. Ýmis bréf sem fara á milli eiganda og dóms- og kirkjumálaráðuneytis, kjörinna fulltrúa, Sýslumanns Skagafjarðarsýslu og annarra er málið snertir. Deilt var um engjaskipti sem framkvæmd voru á milli jarðanna Hátúns, Miklagarðs, Glaumbæjar og Jaðars.
Sum bréfin hafa tvístrast og eru því einungis annað hvort bara fyrri hluti bréfs eða seinni hluti.
Einnig er talsvert af uppköstum að bréfum.

Þrjár minnisbækur sem tengjast utanumhaldi á heimilisbókhaldi heimilisfólksins í Hátúni. T.d. yfirlit um hænsnabúskap, vinnu utan heimilis og fleira.

Vinnubækur frá grunnskólagöngu Bjarna Jónassonar. Bækurnar gefa góða innsýn í nám barna á þessum tíma en um er að ræða vinnubækur í ýmsum fögum. Bækurnar innihalda teikningar, stíla, skriftaræfingar og fleira.
Bækurnar eru ekki merktar með ártali né námsgrein en líklega inniheldur hver bók/mappa öll námsgögn það skólaárið.
Bjarni myndskreytti mörg blöð með fallegum og vel gerðum myndum.
Gögnin eru líklega mynduð einhvertíman á árabilinu 1937-1943.