Reykjavík úr turni Kristskirkju. Ægissíða - sér til gamal St. Jósefsspítala í vinstra horni. Sér yfir Hávalla- - Sólvalla- - go Ásvallagötu - gamla kirkjugarðinn og Loftskeytastöðina.
Matjurtargarður milli Suðurgötu - Tjarnargötu og Vonarstrætis. Steinhúsið t.h. er Tjarnargata 10 - en tvílyfta timburhúsið Suðurgata 7 - Hjaltstedshús. Húsið var síðar flutt í Árbæ og gert upp.
Séð yfir Kaplaskjól í Reykjavík. Kaplaskjósvegur liggur í brekkunni á miðri mynd. Fremsta húsið er Skáli og í fjaska aftan við það er Blátún - hús Jóns Þorleifssonar listmálara.
Byggð að rísa í Norðurmýri í Reykjavík. Fjær sést til húss Mjólkursamsölunnar við Snorrabraut og er Sundhöll Reykjavíkur þar fyrir ofan. Efst til vinstri er Austurbæjarskólinn.
Brúðkaupsmynd. Bruno Schwiezer og Þorbjörg Jónsdóttir. Tekin að Laufásvegi 18 Reykjavík á heimili Elíasar Bjarnasonar og Pálínu Elíasdóttur í ágúst 1938.
Úr Kristskirkju í Reykjavík. Sér yfir Vesturbæ til Seltjarnarness. Eiðisgrandi fyrir miðri mynd og Eiðistjörnin inn af honum. Stóra húsið neðst t.h. er svokallað ÍR hús.
Borgin að vakna. Blaðsöludrengur á horni Lækjargötu og Bankastrætis og peysufatakonur komnar á stjá. Ríkisfáninn blaktir við hún á stjórnarráðinu en í fjaska sést í söluturninn á Arnarhóli og Sænska frystihúsið.
Fjórar prúðbúnar konur virða fyrir sér danskt herskip - sem kom í fylgd konungsskipsins Dannebrog við opinbera heimssókn til Íslands 1936. Konurnar eru f.v. Lára Guðmundsdóttir (1891-1967) - Ragnheiður Björg Guðmundsdóttir (1875-1952) - Elín Guðmundsdóttir (1887-1962) og Þórunn Guðbrandsdóttir (1885-1974).
Danska konungsskipið við Sprengisand í Reykjavíkurhöfn. Konungur á leið um borð í snekkju sína eftir veislu á Hótel borg. Bryggjan er skreytt í tilefni konungskomunar.
Bréfið er frá Gísla Kristjánssyni, ritstjóra, fyrir hönd Búnaðarfélags Íslands til "Islands Vicekonsulat" í Þýskalandi sem var á þessum tíma Árni Siemsen. Bréfið varðar fyrirspurnir frá Þýskalandi um vinnu fyrir Þjóðverja á Íslandi við landbúnað.
Bréf Árna G. Eydals til SJG. Afar líklegt að hér sé um Sigurð J. Gíslason að ræða. Bréfið varðar yfirlestur og leiðréttingar á handriti Árna G. Eydals meðal annars um tækniframfarar í landbúnaði. Bréfið er ódagsett en efni bréfsins gefur til kynn að það sé ritað í nóvember 1959.
Bréfið er handskrifað á pappírsörk í A4 stærð, bréfsefni merkt Snorri Jóhannsson, sími 503. Með liggur kvittun úr Landsbankanum vegna innborgunar á hlaupareikning og umslag.
Bréf Lárusar Stefánssonar Thorarensen sýslumanns Skagfirðinga til hreppstjóranna í Akrahreppi. Efni bréfsins varðar að segja frá innihaldi bréf sem hann hafði fengið frá Bjarna Thorarensen amtmanni. Fjallar bréfið að mestu um bólusótt og viðbrögð við henni.
Tvö bréf frá Þorgilsi Guðmundssyni frá Valdastöðum sem starfaði á þessum tíma á fræðslumálaskrifstofunni í Reykjavík og var einnig gjaldkeri ÍSÍ um tíma.
Bréf frá Jónasi Jónassyni til móður sinnar. Skrifað frá Reykjavík þann 29.12.1940. Jónas þakkar móður sinni fyrir bréfið og skrifar hann um mæðuveikina sem herjar á féð. Hann leggur til að Steinunn komi suður næsta sumar og fái sér gleraugu. Jónas talar einnig um að nóg sé af atvinnu í Reykjavík tengt bretunum.
