Í þessu handriti fjallar Sölvi um ferð sína um Skagafjörð sumarið 1847. Hann nefnir sérstaklega tvo menn sem hann segir vera bændur á Víðivöllum. Samkvæmt Íslendingabók var Jón Ólafsson (1820-1886)¬ bóndi þar um þetta leyti en Ingjaldur nokkur Þorsteinsson (1808-1867) var bóndi á nokkrum bæjum um ævina, t.d. á Ríp (1845) og Eyhildarholti (1850) í Rípursókn. Það er því nokkuð líklegt að Sölvi eigi við þann mann þó ekki virðist hann hafa búið á Víðivöllum. Sölvi sakar þessa menn um að stofna sér í lífshættu, því þeir vildu ekki lána honum hest til að ferja sig yfir Héraðsvötn. Vegna þess að hann hafði meðferðis mörg hundruð málverk og ritverk átti hann í erfiðleikum með að synda yfir Vötnin en það kveðst Sölvi alla jafna ekki vera í vandræðum með. Hann brá því á það ráð að vaða yfir og verja listaverk sín með því að halda þeim yfir höfði sér. Vötnin virðast hafa verið óvenju vatnsmikil og straumþung því Sölvi segir sig hafa verið hætt kominn og lá við fótbroti vegna grjóts sem áin bar með sér. Sölvi þakkar Guði fyrir að hafa komist lifandi yfir en vandar þeim bændum á Víðivöllum ekki kveðjurnar.
Skírteinið er fjölritað eyðublað sem á eru færðar upplýsingar um nafn, fæðingardag og einkunnir nemenda. Það er undirritað af skólastjóra og prófdómara. Alls 1 skírteini.
Fréttabréfin eru fjölrituð á pappírsarkir sem eru ýmist í folio eða A4 stærð. Hvert þeirra er 1-16 síður að lengd. Alls 15 tölublöð frá árabilinu 1949-1969.
Prófúrlausnir nemenda í lestrarprófi 1943, alls 3 úr hljóðlestarprófi og 33 úr raddlestarprófi. Útfyllt eyðublöð þar sem fram kemur nafn og aldur nemenda og árangur þeirra á prófinu.
-Hefti ljósmóður, þar sem hún skrásetur þær fæðingar sem hún er viðstödd. -Blað með yfirliti yfir börn fædd í Mælifellsprestakalli á tilteknu tímabili hins vegar.
2 vélrituð bréf til Sigurlaugar frá Örlygi Hálfdánarsyni. Hvoru bréfi fylgir ljósrit af ljósmynd og er verið að biðja Sigurlaugu að greina staðina á myndunum.
Yfirlit yfir laun til stundakennara ásamt yfirliti yfir tímakaup fastra kennara frá Fræðslumálastjóra 1966-1967 og launatafla ríkisstarfsmanna frá 1977. TRÚNAÐARGÖGN!
Gögn vegna fyrirhugaðrar elliheimilisbyggingar á Víðivöllum. Fundargerð, tilboð frá eigendum jarðarinnar, umsagnir tryggingranefndar um staðarval, rannsókn á jarðhita, rekstraráætlun, virkjun Helluáa, Skissa af húsi. Úr búi Hermanns frá Mói. Skjölum er raðað í tímaröð
Sveitablaðið Viljinn sem gefinn var út af Lestrarfélagi Miklabæjarsóknar í Blönduhlíð. Í þessu fyrsta blaði er rakin ástæða og fyrirkomulag blaðsins. Forsagan var þessi: "Hinn 23. f.m. var lestrarfélagsfundur haldinn á Miklabæ. Kom fram sú tillaga á fundinum að bæði skemtilegt og gagnlegt væri að láta blað ganga á milli félagsmanna í vetur. Var rætt af kappi um þetta mál og voru allir með því að það fengi framgang. Var ritstjóri fenginn og kosnir menn í ritneefnd. Blað þetta skyldi aðeins ganga millum félagsmanna og þeir skyldugir til að láta það ganga greiðlega milli sín; fara vel með það styðja það eptir föngum með því að senda ritgjörð í það. Blaðið á að sneiða hjá ókurteislegum rithætti og öllu því er gæti öllað ófrið og sundrung. Samt muna menn rita um ýmisl. sem þörf virðist vera að ræða um og láta í ljósi skoðanir sínar á þessu og hinu; aðeins þetta að fylgja sannfæringu sinni með kurteisi fram á ritvöllinn. Slíkt blað, og hér er um að ræða yrði óefað gagnlegt og skemtilegt; já gagnlegt yrði það með því að þar gæfist mönnum kostur á, að hugsa og skipulega æfa sig í þessu hvorutveggja sem virðist mjög nauðsynl. einkum fyrir unga menn, sem verða að taka við störfum og stríði hinna eldri, og fylgja kröfum þeim, sem yfirstandandi tími heimtar af börnum sínum."
"Jeg undirritaður fel hérmeð herra hreppstjóra Jóni Jónssyni á Hafsteinsstöðum í hendur, að meta fyrir mína hönd í uppboðinu að Hóli í Svartárdal laugardaginn þ. 3. marz n.k., til þess að gæta þar hagsmuna minna sem og að ákveða söluskilmála. Skal allt sem tilnefndur herra hreppstjóri Jón Jónsson gjörir fyrir mína hönd á léðu uppboði jafngilt vera og ég gjörði það sjálfur." Þetta er ritað Sauðárkróki 1. mars árið 1900. Vottar eru Ólafur Jónsson og Magnús Benediktsson. Undir plaggið ritar Popp sem hlýtur þá að vera Christian Popp kaupmaður í Skagafirði.
Forprentuð pappírsgögn með tölvuútprentuðum upplýsingum um hrútadóma, skrár yfir ásett hrútlömb, yfirlitsskýrslur yfir fjölda áa ofl. Talsvert af skýrslunum voru í tví- og þríriti eða ljósrituð, afritin voru fjarlægð úr safninu - þar sem því var við komið en annað fékk að vera áfram. Öll gögnin voru í möppu og eru vel læsileg og vel með farin. Millispjöld úr plasti og hefti fjarlægð.
Lög t.d. Sameignafélagsins Hofsósi, Ungmennasamband Skagafjarðar. Þetta eru vélritu blöð í misjöfnu ástandi og nokkur blöð orðið fyrir vatnsskaða. Ártöl eru ekki á öllum gögnum og má gera ráð fyrir að gögn geti verið eldri.
Ýmis bréfasamskipta gögn frá félagastarfi U.M.F.H og eyðublöð og auglýsingar. Gögnin eru í ýmsu ástandi, rifin blöð, gulnuð og blettótt ( vökvi og ryð) en læsileg.
Markaskrá Strandasýslu 1915 Markaskrá Strandasýslu 1925 Slitur af tveimur skrám án ártals Markaskrá 1895 í tveimur eintökum Viðauki við markaskrá 1900 Markaskrá 1905 Markaskrá 1910 Markaskrá 1915 í þremur eintökum Markaskrá 1925 í tveimur eintökum Markaskrá 1930 í tveimur eintökum Fjallskilagjörð 1935 í tveimur eintökum Markaskrá 1935 í tveimur eintökum Markaskrá 1940 í tveimur eintökum Markaskrá 1945 í tveimur eintökum
