Myndin er tekin af Vaðlaheiðavegi skammt fyrir ofan Skóga - sem er nálægt miðjum Fnjóskadal. Frá vinstri talið sést mikill hluti Vaglaskógar. Ofan hans sést inn Kisárdal til suðausturs. Hann skilur Lundöxlina frá öðrum hlutum fjallgarðsins austan dalsins og sést hvernig hún gengur skáhallt upp á hálendið allt til Háafells - sem ber hæst á fjallgarðinum milli Lunds og Þórstaðafjalla. Er þeim sleppir sést á myndinni lítið vik í fjallahringinn og tekur þar við hinn hvassbrýndi Kambfellshnjúkur. Síðan sést Tunguöxl og Tungufjall - en í smáviki milli þeirra sést í mynni Hjaltadals. Vinstra megin Tungufjalls sést í mynni Bleiksmýradals - sem nær óravegu til suðvesturs inn á hálendið. Nær má svo sjá Sellandsfjall og Illugastaðahnjúk. Næst á myndinni eru undirhlíðar Vaðlaheiðar ofan við Skóga. Á miðri mynd lengst t.v. glittir í Fnjóská.
Séð yfir Hálsmela og í Fornstaðarfjall - sem er austan Fnjóskadals - mynnið á Ljósavatnsskarði lengst t.h. Myndin er tekin af gamla Vaðlaheiðaveginum rétt ofan bæja.
Mattías Þórðarson og Jóhanna Jóhannsdóttir (1908-1997) söngkona og söngkennari. Hún var ættuð frá Möðruvöllum í Eyjafirði og fór t.d. með aðalkvenhlutverkið í fyrstu óperettu sem flutt var á Íslandi - Meyjarskemmunni á Ísafirði 1934 og síðar í Reykjavík. Jóhanna giftist Baldri Johnsen lækni (f. 1910) árið 1936 og eignuðust þau 4 börn.
Á hlaðinu í Bjarnastaðahlíð í Skagafirði. F.v. Sveinn Guðmundsson (1905-1950) bóndi - Helga Erlendsdóttir með Ingibjörgu Sveinsdóttur á handlegg. Guðmundur Sveinsson bóndi - Ingibjörg Friðfinnsdóttir húsfreyja og Erlendur Helgason (1884-1964) bóndi á Ánastöðum í Svartárdal.
Byggð að rísa í Norðurmýri í Reykjavík. Fjær sést til húss Mjólkursamsölunnar við Snorrabraut og er Sundhöll Reykjavíkur þar fyrir ofan. Efst til vinstri er Austurbæjarskólinn.
Helga Erlendsdóttir húsfr. Bjarnastaðahlíð Skag. með dóttur sína Ingibjörgu Sveinsdóttir (f. 1936) - síðar húsfreyju í Eyhildarholti. Helga situr á kirkjubekk úr Ábæjarkirkju í Austurdal.
Trésmiðurinn sem sá um viðgerðina á gamla bænum í Laufási var Baldur Helgason (1889-1977) sem hér stendur hjá verkstæði sínu bak við Hótel Goðafoss. Baldur var frá Grund í Höfðahverfi og starfaði alla tíð sjálfstætt að iðn sinni á Akureyri. Lengst hafði hann verkstæði sitt við Hafnarstræti - en síðustu árin í Laxagötu 4. Hann flutti inn fyrstu eða eina af fyrstu trésmíðavélum til Akureyrar.
Þorbjörg Ólafsdóttir (1906-1993) frá Starrastöðum Skag. við hest sinn í Bjarnastaðahlíð. Þorbjörg bjó lengi á Mælifellsá með manni sínum Birni Hjálmarssyni (f. 1903)
