Tímaritið "Leikritið"

Fundargerðarbók Tónlistarfélag Skagfirðinga frá 1963 til 1991.

Gögn Tónlistarskóla Skagafjarðarsýslu

Gögn Tónlistarskóla Sauðárkróks 1992-1998.

Pappírsgögn. Bréf, fundargerðir, fjárhagsgögn og fleira.

Gögnin komu frá einkasafni Harðar Jónssonar, Hofi 2, oddvita Hólahrepps 1982 - 1990, og voru afhent á Héraðsskjalasafnið á Sauðárkrók þann 10.10.2023. Hörður Jónsson fæddist á Sauðárkróki 24. maí 1952 en ólst upp á Hofi 2 í Hjaltadal þar sem hann átti heimili æ síðan. Hann lést á sjúkrahúsinu á Akureyri 22. ágúst 2023.
Gögnin voru óhrein og bækur hreinsaðar og gögn grisjuð af skjalamöppum, afritum og bréfaklemmum, þau eru flokkuð eftir ártali og málefnum.
Tekið var úr safni þau gögn er tilheyra Hólakirkju og verða þau pökkuð sér ( Samfélag B - C )

Gögn frá Sparisjóð Hólahrepps komu frá einkasafni Harðar Jónssonar, Hofi 2, oddvita Hólahrepps 1982 - 1990. Gögnin voru óhrein við komu og umfang mikið um 20 kassa af blönduðu safni Harðar. Þau voru flokkuð og hreinsuð og skipt niður í 3 söfn. N00476, N00477. N00478. Gögn voru látin halda uppruna eins og hægt var en vegna ýmist góðs skipulags gagna eða óreiðu voru þau sett í þau 3 söfn sem var unnin út frá rekjanleika og skipulagi.

Einkaskjalasafn Baldvins Leifssonar, gögn sem tengjast einkum Ásbúðum á Skaga og nágrenni.

Í safni þessu eru fjölmörg sendibréf og meðylgjandi umslög er bárust til Sigurbjargar og Magnúsar bróður hennar á þessu tímabili. Einnig eru sendibréf til Walters sem var í sveit hjá þeim Bréfin eru vel læsileg og í góðu ástandi. Í safni þessu liggja líka jólakort og myndir myndir og eru látnar halda sér hjá því sendibréfi vegna uppruna. Í series bókhaldi E, lá efst í safninu er óopnað umslag frá Kaupfélagi Skagfirðinga merkt Stefánía M Pétursdóttir, Garði Hegranesi, það er látið halda sér þannig.
Í series G-4 er handskrifað bréf með stimpilmerki. Bréfið sýnist vera skírnavottorð um skírn Jón fæddur 9.janúar, skírður 2.des.ár 1916.
Foreldrar, Björn Pálmason og Sigurbjörg Jónsdóttir.Ytri - Húsabakka. Dagsett, Glaumbæ 3.maí 1930.

Fjölskyldumyndir Blöndals-fjölskyldunnar.

Mest ljósmyndir

Ljósmyndir um fórum fjölskyldunnar á Svaðastöðum í Skagafirði, að mestu frá tímabilinu 1900 til 1940.

Safn sem Jón Bjarnason fyrrverandi skólastjóri Bændaskólans á Hólum afhenti 2015. Safnið samanstendur af skjölum er tengjast Skógræktarfélagi Skagfirðinga og fundagerðabókum ýmissa félaga sem nemendur Bændaskólans á Hólum voru í. Safnið frá skógræktarfélaginu samanstendur af formlegum erindum, bréfum, dagbókum og skýrslum er varða að mestum hluta skógrækt á Hólum og spannar tímabilið 1974-1994. Í safninu er líka talsvert af fylgigögnum bókhalds. Reiknings- og viðskiptayfirlit, greiðslukvittanir, launamiðar, skýrslur og skilagreinar frá skattinum. Verðskrár frá Skógræktarfélagi Íslands, einnig ársreikningar- og aðalreikningar. Í safninu sem tengist nemendum bændaskólans eru fundagerðabækur er tengjast Hestamannafélaginu Hrein, Málfundafélagi Hólasveina, Málfundafélag Hólaskóla og Íþróttafélag Hólaskóla einnig fylgdi ástundunarbók sem skráðar eru mætingar nemenda í tíma. Þegar farið var að vinna safnið var það gróf flokkað.
Það þurfti að fara yfir það og færa skjöl á milli, erindi, bréf og skýrslur í viðeigandi safn og fylgigögn bókhalds sömuleiðis.
öll erindi, bréf og skýrslur úr bókhaldsgögnunum og var raðað eins og kostur var í ártalsröð en minna lagt í að raða bókhaldsgögnin.
Talsvert var grisjað úr safninu, sérstaklega gögn sem voru til í fleiri en einu eintaki, orðsendingar og leiðbeiningabæklingar frá skattinum. Ljósrit af pöntunum fyrir trjáplöntur, fundarboð og plastvasi voru fjarlægð. Lög og frumvörp til laga og breytinga á lögum um skógrækt, skógvernd og jarðræktarlögum frá Alþingi. Rit um Náttúruminjar og frá Skógræktarfélagi Íslands og Leiðbeiningarmerki frá Vegagerðinni var einnig fjarlægt úr safninu. Úr safninu var einnig grisjað leiðbeingar fyrir sláttuvél og dælu og óútfyllt eyðublöð frá skattinum. Ákveðið var að safnið frá bændaskólanum yrði skráð með safni skógræktarfélagsins þar sem sami skjalamyndari afhenti bæði söfnin. Safnið var hreinsað af heftum og bréfaklemmum eins og kostur var. Í safninu eru persónugeinanleg trúnaðargögn.

Safn úr eigu Árna Blöndals og Maríu Gísladóttur konu hans. Einkaskjalasafnið var forflokkað af skjalamyndara áður en það var afhent, í því safni er talsvert af persónulegum gögnum, sendibréf, jólakort, DVD diskar auk ljósmynda frá fjölskyldum þeirra bæði á Íslandi og erlendis. Í safninu eru einnig skjöl sem tengjast félögum sem Árni starfaði og kom að í gegnum tíðina. Safnið var að miklu leyti flokkað og voru skjölin geymd í plastvösum sem voru í plastmöppu. Safnið var yfirfarið og sumt flokkað á ný og því skipt í tvennt, það sem tengist byggingu Sauðármýrar 3 á Sauðárkróki og einkaskjöl. Allt plast var grisjað úr safninu, einnig ljósrit af fundargerðum úr fundargerðabókinni, afrit af ljósmyndum sem teknar voru á stjórnarfundum húsfélagsins að Sauðármýri 3.
Hefti voru fjarlægð. Ljósmyndirnar voru settar í sýrufría plastvasa fyrir betri varðveislu, öll pappírsgögn voru sett í arkir. Safnið var í tveimur öskjum.

Bréfa og ljósmyndasafn úr eigu Guðjóns Sigurðssonar bakara og Ólínu Ingibjörgu Björnsdóttur konu hans, safnið samanstendur af sendibréfum og erindum m.a til þáverandi sjávarútvegsráðherra Emils Jónssonar (1963). Í safninu eru auk þess 280 pappírskópíur og ljósmyndir, hluti af þeim er úr eigu Björns (Haraldar) Björnssonar, bróður Ólínu. Safn Björns var í litlu tréboxi (gömlu vindlaboxi). Þess má geta að í tréboxinu voru tvær litlar myndamöppur með ljósmyndum af helstu kennileitum Kaupmannahafnar. Ákveðið var að halda söfnunum aðskildum og skrá myndirnar og myndamöppurnar sérstaklega.
Þegar byrjað var að fara yfir myndinar komu í ljós nokkrar myndir sem eru úr eigu Björns Björnssonar sem var tengdasonur Ólínu og Guðjóns, nokkrar af myndunum eru merktar honum og hafa liklega verið birtar í Morgunblaðinu (Björn var lengi fréttaritari blaðsins).

1 handskrifað sendibréf frá Álfheiði til konu sem í bréfinu er kölluð Stebba

Í safninu eru svart hvítar litmyndir - fjölskyldumyndir og myndir teknar á Sauðárkróki og nokkrum öðrum kennileitum í Skagafirði. Tvær skólamyndir frá Húsmæðrakólanum á Löngumýri. Tvær myndir voru innrammaðar, önnur þeirra er máluð ljósmynd af Suðurgötu 18 og lítil mynd af Rósu og foreldrum hennar. Rammar og umslög utan um myndirnar var grisjað úr safninu. Í safninu eru einnig nokkrar handskrifaðar blaðsíður með lista yfir jólagjafir og jólakortasendingar. Í öskjunni er bréf frá Ingibjörgu, dóttur Rósu um afhendinguna til Héraðsskjalasafnsins.

Safn sem byggist á bréfaskrifum milli Stefönu við frænda hennar óperusöngvarann Stefán Íslandi, þau áttu í bréfaskrifum um 35 ára skeið eða frá því að hann fór utan til söngnáms í Genova á Ítalíu 1930 og allt til ársins 1965 er hann bjó og starfaði í Kaupmannahöfn. Á þeim tíma nam Stefán og starfaði lengi á Ítalíu og svo síðar er hann hóf störf hjá Konunglegu óperunni í Kaupmannahöfn. Í safninu, auk sendibréfanna eru handskrifaðar jólakveðjur, nafnspjöld og skeyti. Einnig efnisskrá tónleika sem Stefán og Else Brehms héldu í Reykjavík ásamt undirleikaranum Fritz Weisshappel og skáldsaga sem er merkt Stefáni. Í safninu voru tveir myndarammar, í þeim voru tvær myndir - önnur þeirra pappírskópía var sett í viðeigandi plastvasa ásamt öðrum litmyndum sem voru í safninu. Hin myndin var úrklippa úr tímariti eða blaði með mynd af Stefáni, sú mynd var grisjuð úr safninu. Ákveðið var að halda myndarömmunum áfram í safninu.
Allt safnið er ágætlega varðveitt.

Ljósmyndasafn Sigurlaugar Jóns (Lillu) og Gunnars Helgasonar, safnið eru frá ýmsum tímabilum, elstu eru pappírskópíur og eru líklega frá 1850 - yngstu myndirnar eru frá 1993. Flestar pappírskópíurnar eru teknar á Íslandi og mikið af svarthvítum litmyndunum eru af skyldfólki Sigurlaugar í móðurætt, flestar myndirnar eru merktar af Sigurlaugu hverjir eru á myndunum. Talsvert af svarthvítum litmyndum og ljósmyndum er í safninu sem Sigurlaug tók sjálf.
Í safninu eru nokkrar eftirtökur af svarthvítum litmyndum með Gunnari og skólafélögum hans og gamla torfbænum á Fagranesi á Reykjaströnd. Með myndunum fylgdi lítill miði sem á stóð "Gunnar Helgason 14.10.90".
Í safninu voru auk ljósmynda listi með nöfnum þeirra einstaklinga sem fermd voru frá Sauðárkrókskirkju árið 1943, einnig ljósritaður listi með nöfnum og símanúmerum þeirra sem hittust af tilefni 50 ára fermingarafmælisins sem var 1993.

Úr safninu var grisjuð ein svarthvít mynd sem tekin voru af leikhóp stúkunnar "Gleym mér ei" árið 1952 - þar sem búið var að krassa yfir sum andlitin með penna. Tvær nákvæmlega eins myndir eru áfram í safninu þar sem þær geyma upplýsingar um hvaða einstaklingar eru á myndinni og af hvaða tilefni. Úrklippa úr fréttablaðinu Feyki með fyrirsögninni "50 ára fermingarsystkini" var grisjuð og ljósrit af ljósmynd þar sem tvö eintök voru af sömu myndinni.
A4 blað með teiknuðum útlínum út frá svarthvítri ljósmynd af skólabörnum á Reykjaströnd. Á blaðið er ritað "Mynd fyrir 1940" og "Skólabörn á Reykjaströnd" búið var að skrá eitt nafn á þetta blað.
Yfir heildina er myndasafnið mjög vel varðveitt, ein svart hvít litmyndin hefur verið rifin og hún límd á spjald og litað hefur verið með svörtum lit í eitt horn myndarinnar til að fela litarmuninn.
8 póstkort með teikningum eftir G. Þorsteinsson voru í safninu, einnig póstkort með teikningu af nokkrum húsum á Lindargötu á Sauðárkróki og 2 myndir af Sauðárkrókskirkju - líklega framhliðar á jólakortum.

Lítið safn úr eigu Ragnheiðar Dóru Árnadóttur, safnið inniheldur 11 ljósmyndir (pappírskópíur) og 3 heillaóska skeyti til Ástrúnar Sigfúsardóttur og Árna Gíslasonar vegna giftingar þeirra þann16.02.1932 2 ljósmyndir sem eru innrammaðar með gulllituðum trérömmum (ekki er vitað af hverjum myndirnar eru). Safnið er allt vel varðveitt.

Safn sem inniheldur ýmisleg smáprent, sem dæmi; auglýsingabæklingar, einblöðungar, dagskrár, yfirlit yfir viðburði og kynningarefni er tengjast viðburðum og söfnum í Skagafirði.
Úr safninu var grisjaðir kynningarbæklingar og mánaðaritið "Heima er bezt" 10, 1985, auglýsinga- og dagskráritið Sjónhornið og kynningarefni þar sem voru tvö eintök. Einnig var fjarlægt allt efni sem tengdist Skagafirði ekki beint. Í sumum tilvikum voru bæklingar og rit merkt skjalamyndara ásamt dagsetningu og ártali. Hefti voru fjarlægð úr einstökum ritum að undanskyldum þykkri ritum sem var leyft að halda sér óbreyttu.
Safnið er vel varðveitt.

Safn sem Jóhanna Lárentsínusdóttir afhenti safninu og voru í eigu Erlendar Hansen, í safninu voru pappírsgögn og 19 videóspólur. Á videospólunum er efni sem Erlendur tók upp á hinum ýmsu ferðalögum, viðburðum og hátíðum tengdum Skagafirði skagfirðingum á tímabilinu 1997-1999.
Í safninu eru líka málgögn stjórnmálaflokkanna á Sauðárkróki vegna sveitastjórnarkosninga sem voru 1994. Auk þeirra eru kynningarbæklingar frá Alþýðuflokknum vegna alþingiskosninga og eru þau gögn mun eldri og án ártals. Í safninu er einnig sérrit um aðalskipulag Sauðárkróks - sérprentun úr sveitarstjórnarmálum 4. tbl. 1970.
Ákveðið var að grisja úr safninu 3 VHS spólur sem innihalda upptökur úr sjónvarpsþáttum á RÚV og Stöð 2. Erlendur skráði á spólurnar hvert innihald þeirra er og númeraði þær.

Safn sem inniheldur nokkrar afhendingar sem allar tengjast starfsemi Félagsheimilisins Bifrastar og Sauðárkróksbíós h/f, allt frá stofnun þeirra 1925 til 1998. Ekki er vitað nákvæmlega hverjir afhenda skjölin en vitað er að Sigurbjörn Björnsson afhenti tvær öskjur sem í voru fylgiskjöl bókhalds 1992-1996, 21.09.1998. Ein afhendingin, skjöl frá árinu 1966-1969 voru frá U.M.F.T. samkvæmt miða sem fannst meðal skjalanna.

Afhendingarnar voru óskráðar. Byrjað var að gróf flokka öll skjölin, búið var að gróf flokka fylgigögn bókhalds - sérstaklega nýjustu skjölin þar sem þau höfðu verið í möppum og þau látin halda sér að mestu.
Meiri tími fór í að flokka önnur skjöl, þeirra á meðal voru kjörbréf, fundargerðir, skýrslur um rekstur bíósins og félagsheimilisins, samningar um veitingarekstur, gjaldskrár, fundarboð, einnig bréf og formleg erindi. Í safninu eru áhugaverðar heimildir um sögu Bifrastar, umræður um stækkun og breytingum á félagsheimilinu, einnig skjöl og teikningar því til staðfestingar. Skjölin voru aðgreind og þeim raðað eftir ártölum inn í arkirnar.
Safnið er allt ágætlega varðveitt og vel læsilegt. Í safninu eru margar pappírsgerðir og þykktir. Skjölin voru í misgóðu ástandi, pappírinn að mestu gulnaður og snjáður, jafnvel rifnaður. Hefti og bréfaklemmur voru hreinsaðar úr elstu skjölunum.

Talsvert miklu af skjölum var grisjað úr safninu - sérstaklega ef það voru fleiri en eitt eintak til - reynt var að halda betra eintakinu eftir. Mest af því sem var grisjað úr voru vélritaðar fundargerðir og skýrslur sem voru til í 2-3 eintökum. Það sama á við um efnahagsreikninga, gjaldskrár, óútfyllt hlutabréf í Sauðárkróksbíó h/f. Haldið var eftir árituðum hlutabréfum auk óútfylltra eintaka af hvorri upphæð 500.- og 1000 kr.
Hlutabréf í Félagsheimilinu Bifröst frá 1954 sem voru í eigu Iðnaðamannafélags Sauðárkróks voru afhent af Ingimari Jóhannssyni 29.05.2024. Bréfin voru í hans vörslu eftir að þau voru fjarlægð úr bankahólfi sem Iðnaðarmannafélag Sauðárkróks hafði til afnota hjá Arion Banka - áður Búnaðarbanka Íslands. Bréfunum var bætt við í skjalasafnið frá Bifröst.

Á meðal bókhaldsgagna fannst áhugavert skjal, það er leigusamningur sem gerður var við breska setuliðið á Félagsheimilinu Bifröst sem kom til Sauðárkróks og dvaldi hér í um tvö ár, frá 1940 til 1942. Skjal þetta er undirritað af Eysteini Bjarnasyni framkvæmdastjóra og foringja bresku hermannanna.
Byrjað var að á að flokka bókhaldsgögnin, það kom fljótt í ljós að það yrði lang auðveldast að fara í gegnum þau skjöl. Á meðal bókhaldsgagnanna eru ársreikningar, hlutabréf í Bifröst og Sauðárkróksbíói, afrit kvittana, tékkhefti, færslubækur og skilagreinar. Einnig eru bækur með færslum fyrir happadrættimiðasölu, yfirlit yfir bíósýningar og tekjur vegna þeirra og bók með yfirliti yfir lánadrottna. Hefti í fylgiskjalasafninu voru látin haldast þar sem safnið var mjög umfangsmikið og mikið af skjölunum heftuð saman en bréfaklemmur voru fjarlægðar.
Í fylgigögnum bókhalds er mikið safn af launaseðlum og skilagreinum launa auk greiðslukortakvittana viðskiptavina félagsheimilisins. Allt þetta eru persónugreinanleg gögn og þess vegna TRÚNAÐARGÖGN.

Úr safninu var grisjað ein ljósmynd af togara - líklega norskum, sem fylgdi safninu. Tilgáta er að hann hafi verið keyptur af útgerðarfyrirtækjum á Sauðárkróki en ekkert sem bendir til þess að svo sé.
Saman við eina afhendinguna voru skjöl sem ekki var greinilegt hvernig tengdust Bifrastarafhendingunum. Með þeim var miði sem á var skrifað "Þröstur Erlingsson afhendir, 10.12.1999". Í safninu var jarbótarskýrsla fyrir Staðarhrepp, almanök frá árinu 1946-1950 og 1 kvittun frá Mjólkursamlagi KS stíluð á Þorstein Jóhannsson Stóru-Gröf, einnig var önnur kvittun sem hann skrifar undir fyrir hönd Sjúkrasamlag Staðarhrepps. Þessi skjöl voru grisjuð úr safninu og skráð sérstaklega.

Safn sem inniheldur einungis fylgiskjöl bókahalds frá bókasafninu Einingu á Hofsósi. Ekki er vitað hver afhendir eða hvenær safnið er afhent. Ekki var gerð ítarleg flokkun á skjölunum.

Lítið safn sem inniheldur skýrslur, fréttabréf, fylgiskjöl bókhalds frá 1978-1996 og reglugerðir um almenningsbókasöfn. Bókhaldsskjölin voru flokkuð eftir ártali og varðveitt í A4 plast- og bréfumslögum.

12 ársskýrslur U.M.F. Tindastóls, elsta skýrslan er frá 1966. Ekki er um samfellt safn að ræða. 1 eintak af Sparkmann - leikskrá KnattspyrnudeildarTindastóls er einnig í safninu.

Safn sem innihélt 16 innbundnar söng- og siðbækur og hefti sem gefin voru út af I.O.G.T. (Stórstúku Íslands). Safnið var í kassa nr. 71 sem var merktur "skólaminjasafn" og fannst í kjallara Héraðsskjalasafnsins. Á meðal bókanna var ljósritað skjal með upplýsingum um innihaldið (í kassa 71).

Ekki vitað hver afhendir safnið eða hvenær.
Pappírsgögn úr fórum Þorsteins Jóhannssonar sem stýrði sjúkrasamlagi Staðarhrepps. Safnið samanstendur af reikningum og kvittunum frá lyfsölum, Tryggingastofnun ríkisins og vegna lyfjakaupa og sjúkraflutninga. Mikið af gögnunum eru með nöfnum sjúklinga og kvittanirnar eru af öllum stærðum og gerðum. Í safninu eru einnig lyfseðlar og reikningar frá Torfa Bjarnasyni héraðslækni til sjúkasamlagsins og er því mikið af persónugreinanlegum gögnum í safninu. Safnið samanstendur af gögnum frá 1946-1952 en aðeins einn reikningur frá 1949 var í safninu.
Í safninu eru einnig erindi sem Sjúkrasamlaginu barst frá Tryggingarstofnun, Félagsmálaráðuneytinu og Ríkisspítölunum. Einnig eru samningar sem gerðir voru á milli Sjúkrasamlagsins og Ole Bang lyfsala á Sauðárkróki.

Í safninu eru pappírsgögn sem tengjast búrekstri Þorsteins í Stórugröf sem eru kvittanir fyrir innlögn mjólkur í Mjólkursamlag K.S og láni sem hann veitti Birni Gíslasyni smiði fyrir byggingu Fagrahvols í Varmahlíð. Í þeim gögnum eru handskrifað uppkast að skuldabréfi, vélritað skuldabréf fyrir láni með viðeigandi þinglýsingarstimplum og staðfesting hreppstjóra Seyluhrepps um byggingu hússins. Einnig voru Jarðbótaskýrslur Búnaðarfélags Staðarhrepps í safninu, þær voru grisjaðar úr því og skráðar sérstaklega í atóm undir Búnaðarfélagi Staðahrepps.

Safnið var að miklu leyti grófflokkað. Lyfseðlar voru í bréfapokum eða vafðir með teygjum, fylgigögn bókhalds voru að mestu varðveitt í umslögum og flokkuð eftir ártölum. Mestur hluti af skjölunum voru samanbrotin og var mesta vinnan við safnið fólgin í að taka þau úr brotunum.
Úr safninu voru umslögin og bréfapokarnir voru grisjaðir úr, teygjurnar sem voru utan um lyfseðlana voru orðnar morknaðar, hefti og bréfaklemmur voru orðnar mjög ryðgaðar og var allt fjarlægt úr skjölunum eftir fremsta megni.

Skjöl og pappírar í B og C lið eru PERSÓNUGREINANLEG TRÚNAÐARGÖGN

8 forprentaðar og handskrifaðar jarðbótaskýrslur búnaðarfélags Staðarhrepps. Skýrslurnar voru á meðal gagna frá Sjúkrasamlagi Staðarhrepps og voru aðskildar úr því safni.

Safn úr fórum Magnúsar Kristjáns Gíslasonar frá Vöglum sem afhent var af Kristínu Sigurmonsdóttur 2018.
Safnið samanstendur að mestu af pappírskópíum og svart hvítum litmyndum. Einnig er að finna kveðskap, sendibréf og önnur pappírsgögn. Í safninu eru einnig innrammaðar svart hvítar litmyndir auk blaðaúrklippu með mynd af séra Matthiasi Jochumssyni. Ákveðið var að varðveita myndirnar og rammana eins og þeir eru.
Á meðal pappírskópíanna eru tvær slíkar sem voru teknar af Jóni Kaldal ljósmyndara. Safnið er mjög heillegt og ágætlega varðveitt. Pappírskópíurnar og litmyndirnar eru það einnig, þó sumar þeirra hafa orðið fyrir einhverju hnjaski. Mikill hluti ljósmyndasafnsins var nafngreint.
Í safninu var bréfpoki, póstkort með mynd frá Hólum í Hjaltadal (Edda Foto), útgefið af kortaútgáfu Guðmundar Hannessonar Rvk.
Einig var jólakort - búið var að rífa myndina af spjaldinu og enginn texti var á spjaldinu. A4 gluggaumslag merkt Bændasamtökum Íslands (tómt) á því er teikning og nöfn - líklega til að bera kennsl á persónur á litmynd en fylgir ekki hvaða mynd það er og A5 umslag stílað á Gísla Björn Gíslason á Vöglum með póststimpli frá árinu 2016 sem var grisjað úr safninu.

Í safninu er póstkort með mynd af sundkonu stinga sér til sunds (líklega í tengslum við vígslu sundlaugarinnar í Varmahlíð) og happdrættismiði fyrir sundlaug Skagfirðinga í Varmahlíð. Ekki er vitað hver afhendir eða hvenær.

Stílabók sem Erla Björk fann uppi á Mælifellshnjúk. Bókin er illa farna af bleytu, í henni kemur fram að Sigríður Kristín Jónsdóttir setti bókina í kassann á hnjúknum 31.7.2019 og átti hún að þjóna sem gestabók. Síðasta færslan er gerð 25.10.2019.

Prentuð pappírsgögn sem tengjast stefnumótun (-mörkun) fyrir Skagafjörð 1995. Skjölin eru úr fórum Hjalta Pálssonar sem þá var skjalavörður Héraðsskjalasafns Skagfirðinga og kom að verkefninu í tengslum við mennta- og menningarmál (hópur 4). Um er að ræða fundarboð, sókaráætlun Fjölbrautaskóla Norðurlands vestra, skýrsla um skiptingu landsins í skólahverfi, úttekt á kostnað sveitarfélaga vegna rekstur grunnskóla og glærukynning.
Í safninu voru tvenn eintök af sóknaráætlun Fjölbrautaskóla Norðurlands vestra og erindi sem Þór Magnússon þjóðminjavörður sendi Landbúnaðarráðuneytinu - einu eintaki af hvoru var haldið eftir.

Í safninu eru 2 eintök (frumrit og ljósrit) af greinagerð sem Hjalti Pálsson vann um Vesturfarasetrið í Hamar í Noregi í tengslum við að slíkt safn yrði opnað í Skagafirði. Hjalti heimsótti safnið og vann greinagerðina út frá heimsókninni í safnið og kom með gögn frá þeim. Þar á meðal eru 2 einblöðungar á ensku frá vesturfarasetrinu (Norsk Utvandrermuseum) og forprentuð og innbundin ársskýrsla á ensku og 2 úttekt um starfsemi safnsins og sögu þess. Úr safninu var grisjað 1 ljósritað eintak af greinargerð Hjalta, sömuleiðis úttekt um starfsemi safnsins og sögu, 1 kynningarbæklingur og innbundna ársskýrslan.

1 innbundin og handskrifuð bók sem kom úr dánarbúi Friðriks Antonssonar á Höfða á Höfðaströnd. Bókin inniheldur fundagerðir framsóknarfélagsins.

Innbundin og handskrifuð bók, rauð á litinn. Í bókina eru handskrifaðar dagbókarfærslur Sigurðar frá 17.6.1952 - 14.5.1960. Í bókinni er blað með punktum frá bæjarstjórnarfundi 23.3.1954 og umslag sem stílað er á Ingibjörgu Eiríksdóttur og er með sænskum póststimpli og frímerki. Ekki er vitað hver afhendir.

1 svarthvít ljósmynd af Ástínu Þorbjörgu Jóhanndsóttur, á baklhlið myndarinnar stendur "Þorbjörg kona Jóns Gísla".

Gögn úr fórum Ungmennafélagsins Glóðafeyki í Akrahreppi sem voru varðveitt á Stóru-Ökrum, Svanhildur Pálsdóttir afhenti.
Afhendingin inniheldur 1 innbundna fundargerðarbók, fylgigögn bókhalds, efnahags- og rekstrarreikninga, ársskýrslur, félagatal, bréf og erindi sem tengjast starfsemi og rekstri á Umf. Glóðafeyki.
Skjölin voru grófflokkuð en farið var í að aðskilja og flokka þau betur eftir ártölum og hvers kyns þau voru.
Úr safninu voru grisjaðir 4 plastvasar og brún pappírsumslög í A5 og A4 stærð. Hefti og bréfaklemmur voru hreinsuð úr safninu, þar sem mikið af því var orðið mjög ryðgað og byrjað að skemma út frá sér.

Tónlistarskóli Skagafjarðar var í grunninn stofnaður árið 1965, hann átti að þjóna allri Skagafjarðarsýslu en starfaði aldrei að neinu marki utan Sauðárkróks, líkt og hann átti að gera. Það þótti því nauðsynlegt að stofnaður yrði tónlistarskóli sem myndi þjóna öllu héraðinu utan Sauðárkróks. Árið 1976 tók til starfa Tónlistarfélag sem hafði það hlutverk að koma Tónlistarskóla Skagafjarðarsýslu á laggirnar og voru það nokkrir frumkvöðlar í Skagafirði sem höfðu forgöngu fyrir því. Fyrsti skólastjóri tónlistarskólans var Ingimar Pálsson, hann stýrði skólanum frá 1976-1981, Einar Schwaiger starfaði sem skólastjóri frá 1981-1984, þá tók við Anna Kristín Jónsdóttir hún var kennari skólans frá upphafi og tók svo við og stýrði tónlistarskólanum frá 1984-1999. Í kjölfar sameiningu sveitarfélaga í Skagafirði árið 1998 voru Tónlistarskóli Sauðárkróks og Tónlistarskóli Skagafjarðarsýslu sameinaðir í einn skóla. Það safn sem hér um ræðir er frá Önnu Kristínu bæði sem kennara og síðar sem skólastjóra tónlistarskólans.
Safnið var í 4 öskjum (3 stk-0,08 hm) og (1 stk -0,03 hm) og samanstóð af 7 möppum og 3 innbundum bókum; fundargerðabók, nemendabók og stigspróf. 1 mappa tilheyrði Tónlistarskóla Skagafjarðar og inniheldur skjöl er varða sameiningu tónlistarskólanna tveggja.
Bækur og pappírsgögn eru öll í góðu ásigkomulagi og hafa varðveist mjög vel, pappír er þó farinn að gulna. Bækurnar eru lítið notaðar og eru nánast eins og nýjar. Um safnið má segja að Anna hafi haldið öllu vel til haga.
Þegar hafist var að vinna við safnið þá var búið að gróf flokka það en við nánari athugun kom í ljós að það þyrfti að fara betur yfir safnið, úr varð að skjöl tengd nemendum og starfsfólki skólans þurfti að flokka betur þar sem um persónugreinanleg gögn og mikilvægt að aðgreina þau frá öðrum skjölum og merkja þau sem „trúnaðarmál“. Það er eftirtektarvert þegar farið er yfir safnið hversu falleg rithönd Önnu Kristínar er og hversu stílhrein og jöfn hún er.
Í safninu voru skjöl er varða kaup tónlistarskólans og Stefáns Gíslasonar tónlistarkennara á Norðurbrún 9 í Varmahlíð svo skólinn hefði aðstöðu til kennslu í Varmahlíð. Skólinn þurfti að ráða kennara erlendis frá og er talsvert af skjölum í safninu sem tengjast því.
Úr safninu voru grisjuð nokkur ljósrit sem voru til í fleiri en einu eintaki, þar á meðal eru „skammstafanir fyrir námsgreinar í tónlistarskólum“, Rekstrar-og efnahagsreikningur STS 20. ágúst 1995, „Kynning Önnu Kristínar á tónlistarskólum á Norðurlandi“ og „yfirlit yfir skólanefnd og starfsfólk Tónlistarskóla Skagafjarðarsýslu“.

Safn fundagerðabóka og pappírsgagna sem voru í vörslu Sigurbjargar Halldórsdóttur í Brekkukoti og síðar hjá Halldóru Magnúsdóttur dóttur Sigurbjargar sem var ritari kvenfélagsins. Í safninu eru 2 innbundnar og handskrifaðar fundagerðabækur og pappírsgögn sem samanstendur af handskrifuðum bréfum, fundargerðir frá K.Í, Sambandi Norðlenskra kvenna, rit sem fjalla um ýmis konar handavinnu og fræðsluefni um félagsmál og fundastjórn, kveðskap og handskrifaðar frásagnir. Í safninu eru einnig nokkur handskrifuð bréf frá Rannveigu Líndal til Sigurbjargar sem þá var formaður Kvenfélagsins Óskar og bréf til Magnúsar Hartmannssonar í Brekkukoti vegna milligöngu hans um kaup á spunavél fyrir kvenfélagið. Magnús var í samskiptum við Stefán Jónsson á Núpi við Djúpavog sem framleiddi spunavélar sem kvenfélagið keypti.
Safnið var óflokkað og mikið af bréfunum varðveitt í umslögum. Bréfin voru flokkuð ítarlega, umslögin voru flest orðin snjáð og búið var að fjarlægja frímerkin af þeim voru grisjuð úr. Heilleg umslög fengu að vera áfram í safninu. Ein blaðsíða úr Morgunblaðinu, laugardaginn 26. júlí 1969 var grisjuð úr safninu á henni var umfjöllun um 100 ára afmæli kvenfélags Rípurhrepps - sjá slóðina hér fyrir neðan.

Safnið inniheldur skýrslur, fundagerðir, fundaboð og -dagskrár, félagatal, ársreikninga, ágrip úr sögu kvenfélagsins, bréf og erindi, fréttabréf, ræður formanna, uppskriftir, heillaóskir vegna 70 ára afmælis kvenfélagsins, kveðskap, kjörseðla og eyðublöð. Um mikið og fjölbreytt safn er um að ræða.

Gögn ýmissa félaga er störfuðu á Hólum í Hjaltadal á tímabilinu 1942-1997.

Um er að ræða pappírsgögn sem voru í vörslu Héraðsbókasafns Skagfirðinga og var afhent af Þórdísi Friðbjörnsdóttur þáverandi forstöðumanns bókasafnsins.

Safnið samanstendur af 3 innbundnum bókum sem innihalda fundagerðir, reikninga og félagatal ásamt lögum og reglugerðum félagsins.

4 ljósmyndir úr fórum Lúðvíks Kemps, teknar á tímabilinu 1900-1950.

Ljósmyndir úr fórum Jónu Traustadóttur og Helgu Rögvaldsdóttur, teknar á tímabilinu 1930-1980.

5 ljósmyndir sem koma úr búi Jóns Friðriks Jónssonar.

Tilgáta: Hið skagfirska kvenfélag á tímabilinu 1940-1950.

Talið að hér séu ljósmyndir af gleðskap hjá Iðnsveinafélagi Skagafjarðar en tilefnið er óþekkt.

Lýsing á grenjum í Holtshreppi og upplýsingar um unnin greni frá um 1898-1912.