Kortið er skrifað á Hofsósi og undirritað af Árna, Eyrúnu og Arnóri. Líklega er um að ræða Árna Sigurðsson (1927-), Eyrúnu Gísladóttur (1931-1997) og Arnór Árnason (1952-).
Kortið er frá Önnu, Þórarni og dætrum þeirra. Það var sent frá Hróarsdal í Skagafirði, jólin 1955. Líklega er um að ræða Þórarin Jónsson (1910-1989), Önnu Sigurjónsdóttur (1926-1958) og dætur þeirra: Lilja (1950-) og Elínborg (1954-).
Vor í Skagafirði - tileinkað félaginu í "Varmahlíð" Vor í Skagafirði (tileinkað félaginu „Varmahlíð“)
Nú er vor yfir jörð. Yfir fjall, yfir fjörð Hellast fossar af skínandi, blikandi ljóma. Hér er unaður nýr, Þegar árdagsblær hlýr Leysir allt, sem að lifir úr kveljandi dróma. Hið „ónýta“ og visna að hauðrinu hnígur, Til himinsins ilmur frá jörðinni stígur. Yfir bjartsýna þjóð, Með sín blíðustu ljóð, Vorsins brosandi herskari ástfanginn, syngjandi flýgur.
Nú ber Mælihnjúk hátt. Upp í heiðloftið blátt yfir héraðið rís hann í konungstign sinni. Eins og vörður í kring raðar hamranna hring. Hvílík tign, hvílík dýrð yfir sveitinni minni. Um Kaldbak og Tindastól tíbráin glitrar. Niður tignfríða Blönduhlíð berglindin sitrar. Út við eyjar og sund sefu8r Ægir sinn blund. Yfir öll´ eru ríkjandi blessaðar listdísir virtar.
Ó, þú sólvermda land; Ó, þú sagnauðga land; Þú ert sólarbros Guðs, á hans albesta degi. Þú ert allt, sem er hlýtt, sem er fagurt og frítt, sem er framsækið, ljósþyrst, á betrunarvegi. Þú er máttugt, sem Hólastóll goðborins siðar. Yfir Skaga og Fljót, yfir fald þinn og fót, breiðist friðarblær vorsins, sem skjókróna allaufgaðs viðar.
Hér þarf frjálshuga þjóð. Hér þarf framsækna þjóð. Hér skal forystumenning frá grundvelli rísa. Hér þarf listelska lund, Þó að lúin sé mund. Hér skal ljóssækin æska á brautina vísa. Í ljóselskar sálir skal guðtraustið grafið, sem glampandi breiður á sólarþyrst hafið. Hér þarf raunsterka sál. Hér þarf rammíslenskt mál. Þá er ramminn og myndin í samræmdri einingu vafið.
Bréfin varða friðun rjúpna. Eitt bréf frá Menntamálaráðuneytinu til Magnúsar hreppstjóra, undirrituð af Birgi Thorlacius og Sigurði J. Briem. Svarbréfin eru frá Magnúsi sjálfum og annað með stimpli hreppstjóra Rípurhrepps.
Bréfið hefst svona: Kæru gömlu vinir og félagar... og má því ætla að það sé til þeirra systkina beggja, Magnúsar og Sigurbjargar. Umslagið er stílað á Magnús.
Afhending í janúar 2016. 23 ljósmyndir og í sér umslagi merku Sillu Jenn og skyldmenni 5 ljósmyndir, 1 ljóðabók handskrifuð eftir afa hans. Ein ræða sem Guðjón Jónsson (faðir Guðjóns) Oddviti hélt um skólabyggingu. 4 ljóðbréf handskrifuð, vélritað ljóð tileinkað félaginu í "Varmhlíð" eftir Tryggva Kvaran. Handskrifuð 6 bréf á bréfsefni Alþingis skrifuð í Reykjavík á árabilinu1945-1951. 1 vélritað bréf frá Skrifstofu Skagafjarðarsýslu skrifað árið 1923 en er farið í tvo helminga. 1 bls vélritað erfiljóð um Jóhönnu Steinunni Jóhannsdóttur. Erfiljóð við útför Jóns árnasonar, bónda á Víðivöllum í Blönduhlíð 8 bls vélritað hefti. 3 bls ljósritaðar af ljóðum. «
