Hulda Ingibjörg Sigurbjörnsdóttir var fædd á Steinsstöðum í Lýtingsstaðahreppi, Skagafirði þann 4. september 1922. Fiskverkakona, vökukona og verkstjóri á Sauðárkróki. Rak um tíma eigin prjónastofu. Hún gegndi ýmsum trúnaðarstörfum og var m.a. bæjarfulltrúi á Sauðárkróki, fyrst kvenna. Hún var síðast búsett í Kópavogi. Maður hennar var Halldór Sigurjón Jens Þóroddsson (1914-1997). Hann notaði Sigurjóns nafnið í daglegu tali.