Sauðárkrókur

Taxonomy

Places

Code

Scope note(s)

Sauðárkrókur er innst við botn Skagafjarðar að vestanverðu, sunnan undir Tindastóli og skammt sunnan við ós Gönguskarðsár. Byggðin var fyrst öll á fremur mjórri malarspildu undir Nöfunum, bröttum malarkömbum upp af bænum, norðan við ós Sauðár, sem þá rann fram úr Sauðárgili og til norðurs um eyrar undir Nöfunum, þar sem nú er íþróttavöllur, sundlaug og tjaldstæði bæjarins. Byggðin færðist síðar suður fyrir ána og rann hún þá gegnum bæinn en síðar var ánni veitt til suðurs þar sem hún kemur úr Sauðárgili og rennur hún nú fyrir sunnan byggðina. Sauðárkrókur er byggður úr landi jarðarinnar Sauðár. Engin byggð var á eyrinni á fyrri öldum og voru verslunarstaðir héraðsins við austanverðan fjörðinn, á Hofsósi, í Grafarósi og Kolkuósi, en árið 1858 varð Sauðárkrókur löggiltur verslunarstaður. Þá fóru kaupskip að koma þangað. Þar var þó engin föst búseta fyrr en 1871, þegar Árni Árnason járnsmiður kom sér þar upp þurrabúð og settist þar að. Hann seldi bændum sem komu að versla við kaupskipin gistingu og veitingar. Strax árið eftir kom fyrsta fasta verslunin og kaupmenn, iðnaðarmenn og sjómenn settust að á Króknum og síðan ýmsir embættismenn. Sauðárkrókskirkja var reist árið 1892. Fólki fjölgaði hratt á Króknum fyrstu árin og um aldamótin 1900 voru íbúar um 400. Hafnleysi og einhæfir atvinnuhættir komu í veg fyrir að þessi öra fjölgun héldi áfram. Íbúar voru þó orðnir um 1000 þegar bærinn fékk kaupstaðaréttindi 1947. Gönguskarðsárvirkjun var reist á árunum 1947-1949 og hitaveita úr borholu við Áshildarholtsvatn var lögð í bæinn 1953. Hafnaraðstaða var smám saman bætt og er nú töluverð útgerð og fiskvinnsla í bænum.

Source note(s)

https://is.wikipedia.org/wiki/Sau%C3%B0%C3%A1rkr%C3%B3kur

Display note(s)

Hierarchical terms

Sauðárkrókur

BT Ísland

Sauðárkrókur

Equivalent terms

Sauðárkrókur

Associated terms

Sauðárkrókur

10 Archival descriptions results for Sauðárkrókur

Sort by:

Direction:

10 results directly related Exclude narrower terms

Fey 2079

IS HSk N00301-D-Fey 2079
Item
1970 - 2000

Part of Feykir: Ljósmyndasafn

Kirkjukór Sauðárkrókskirkju syngur á íþróttavellinum á 17. júní, (1993) Fremri röð frá vinstri: Sigríður Ögmundsdóttir (1921-2007), Kristín Bjarney Sveinsdóttir (1948-), Anna S. Pétursdóttir (1942-), Sólborg Björnsdóttir (1932-), Jóhanna Karlsdóttir (1943-), Lára Angantýsdóttir (1938-) og Guðbrandur J. Guðbrandsson á trompet (1964-). Í aftari röð f.v. Sigurdríf Jónatansdóttir (1960-), óþekkt, Björgvin Jónsson (á bak við Kristínu) Guðmundur Ragnarsson, Kári Steinsson (bak við Sólborgu) og Stefanía Stefánsdóttirl (bak við Jóhönnu).

GI 559

IS HSk N00279-A-B-GI559
Item
1964

Part of Guðjón Ingimundarson: Skjalasafn

Karlakór Sauðárkróks að syngja fyrir Sauðkrækinga á 17. júní 1964 F. v má þekkja. Hreinn Jónsson - Guðmann Tóbíasson - Bragi Haraldsson - Hilmar Jónsson - Sveinn Sölvason - Björgvin Jónsson - Páll Sigurðsson (á bak við Björgvin) Sverrir Svavarsson - Steindór Steindórsson - Kristján Sölvason - Sverrir Björnsson - Svavar Helgason og Ásgrímur Helgason. Stjórnandi er Ögmundur Svavarsson. Jón Friðbjörnsson t.v. með hatt og gleraugu.

KCM14

IS HSk N00189-A-KCM14
Item
1954-1957

Part of Kristján C. Magnússon: Ljósmyndasafn

júní 1954. Börn á leið á íþróttavöllinn við Grænuklauf til hátíðarhaldanna. (Sama mynd og KCM 3). Líka tilg. um að þetta sé skrúðganga frá kirkju til sundlaugar þegar sundlaugin var vígð 11. júní 1957. Fánaberi er sennilega Kári Steinsson og Guðjón Ingimundarson t.v. við skrúðgönguna.