Einkunnir bjarna Jónassonar í vorprófi barna í Varmahlíð á árunum 1937-1939, þá var Bjarni 8 - 10 ára. Gefin er einkunn fyrir lestur, skrift, reikning, sögu og teikningu.

Tvö einkunnablöð Ólafs Jónassonar frá 1935-1936. Gefin er einkunn fyrir lestur, skrift, raddbeitingu og teikningu.

Hér má sjá einkunnaspjöld Sigurðar frá árunum 1934-1936. Gefnar eru einkunnir fyrir Íslensku, raddbeitingu, hljóðfræði, skrift, reikning, landafræði, náttúrufræði, sögu, kristinfræði, teikningu og réttritun.

Gögn tengjast veru Haraldar Sigurðssonar í Möðruvallaskóla í kringum 1896, svo sem einkunnir, glósur og kennsluefni. 1 lítið glósuhefti inniheldur vísur og er með annarri rithönd, mögulega yngra efni.

Námsgögn Ólafs Jónassonar frá grunnskólagöngu hans. Stílar, skriftaræfingar, teikningar og fleira.

Skírteinið er í stærðinni 35,7 x 23,9 cm, samanbrotið.
Á því eru einkunnir í fullnaðarprófi Jóns Helga Ingvarsson sem hann tók virið 1932 í Lýtingsstaðaskólahéraði.
Undir skírteinið rita kennararnir Ingibjörg Jóhannsdóttir og Friðrik Hansen.
Skjalið er dálítið krumpað og farið að slitna á samskeytum.

Vinnubækur frá grunnskólagöngu Bjarna Jónassonar. Bækurnar gefa góða innsýn í nám barna á þessum tíma en um er að ræða vinnubækur í ýmsum fögum. Bækurnar innihalda teikningar, stíla, skriftaræfingar og fleira.
Bækurnar eru ekki merktar með ártali né námsgrein en líklega inniheldur hver bók/mappa öll námsgögn það skólaárið.
Bjarni myndskreytti mörg blöð með fallegum og vel gerðum myndum.
Gögnin eru líklega mynduð einhvertíman á árabilinu 1937-1943.

Námsgögn Sigurðar frá grunnskólagöngu hans. Um ræðir vinnubækur fyrir hin ýmsu fög ásamt stílum, skriftaræfingum, teikningum og fleira.