Viðtöl við Stefán Stefánsson sem ýmist er kenndur við Brenniborg eða Brúnastaði. Stefán er 97 ára þegar viðtalið er tekið.
Stefán fæddist á Löngumýri og ólst upp á Skíðastöðum., fór í fóstur á nokkra staði eftir að hafa misst föður sinn 12 ára og eftir það suður til sjós. Lærði söðlasmíði á Fjalli og gekk í Flensborgarskólann. Stefán bjó 20 ár á Blönduósi og var einnig bóndi á Brenniborg.
Rætt um kenningar kristninnar og líf eftir dauðann. Einnig rætt um ýmsa samferðamenn Stefáns. Að lokum segir Stefán frá dulrænu atviki er hann var við smíðar og kaupavinnu á Sjávarborg.

Viðtöl við Jón nokkurn sem var brúarvörður við Grundarstokk, Héraðsvatnabrú. Jón fer með vísur og rætt er um fyrri brúarverði, m.a. Hofdala-Jónas. Segir frá uppeldi sínu á mannmörgu heimili á Þverá. Sagt frá samferðamönnum, m.a. Jóni á Svaðastöðum.

Viðtöl við Hjört Benediktsson frá Marbæli, líklega tekið á tímabilinu 1969-1970.
Hann var fæddur á Skinþúfu (Vallanesi) og ólst upp þar og á Syðra-Skörðugili fyrstu árin. Rifjaðar upp bernskuminningar, m.a. af leggjum og skeljum. Einnig vinnumennsku og búskap. Hann missti konuna eftir stuttan búskap og nýfædda dóttur. Hjörtur segir frá störfum sínum við bókband sem hann stundaði á Sauðárkróki og störf hans sem safnvörður í Glaumbæ.

Sigurður Egilsson tekur v iðtal við Arnljót Sveinsson, Ytri-Mælifellsá. Líklega tekið í kringum 1969-1970.
Arnljótur var fæddur á Syðri-Mælifellsá en bjó á Ytri-Mælifellsá frá 12 ára aldri en var einnig um tíma á Reykjavöllum og í Sölvanesi.
Rætt um uppvöxt hans, búskap, horfur í landbúnaði. Nokkurra samtíðarmanna minnst.

Viðtal við Magnús Helgason, Héraðsdal. Líklega tekið í kringum 1969-1970. Segir frá uppvexti sínum á Ánastöðum, foreldrum og stórum systkinahópi. Segir frá búskaparháttum og slíku. Talað um lífið eftir dauðann og segir Magnús undir lokin frá dóttur sinni sem fæddist andvana og hann dreymdi alltaf reglulega.

Kvæðaflutningur Jónínu Gunnarsdóttur, Héraðsdal. Hún flytur kvæðin Sumarnótt, Héraðsdal og Vökudrauma. Líklega tekið í kringum 1969-1970.

Viðtal við Gísla Guðmundsson, Bjarnastaðahlíð. Líklega tekið í kringum 1969-1970.
Rætt um æsku og uppvöxt Gísla en hann var fæddur og uppalinn í Bjarnastaðahlíð. Einnig ræða þeir um Símon Dalaskáld sem lést í Bjarnastaðahlíð í hárri elli. Einnig rætt um búskapinn og mikilvægustu áherslunum í honum. Rifjað upp hverjir voru samferðamenn Gísla í sveitinni. Sigurður rifjar upp er þeir voru saman í göngum mörgum árum fyrr. Þá ber árferði og tíðarfar á góma, sem og útlit í landbúnaði. Að lokum spyr Sigurður um líf eftir dauðann.

Viðtal við Guðrún Eiríksdóttir, Villinganesi. Líklega tekið í kringum 1969-1970.
Rætt um æsku og uppvöxt Guðrúnar en hún ólst upp hjá foreldrum sínum í Villinganesi. Guðrún rifjar upp fyrstu bernskuminningarnar frá frostavetrinum mikla 1918 og upp úr því. Guðrún fer með tvær vísur eftir Pálma á Reykjavöllum. Einnig fer hún með afmælisvísu sem hún orti þegar Sigurður bróðir hennar á Borgarfelli varð sextugur og frumorta vísu sem tengist byggingu á réttarskúr. Að lokum spyr Sigurður um skoðanir hennar á lífinu eftir dauðann.

Viðtal við Kristján Jónsson, Óslandi, á sýslunefndarfundi 1970.

Viðtal við Guðmundur Eiríksson, Lýtingsstöðum. Viðtalið er tekið 1970.

Rætt er um Stóru-Seylu í Skagafirði og rætt við Margréti Björnónínu Björnsdóttur. Margrét telur upp þá staði sem hún bjó á og segir frá búskap sínum á Stóru-Seylu. Einnig minnist hún vinnumanna sem hjá henni voru, Litla-Grími og Jóhannesi Sigvaldasyni. Einnig fer hún með tvær vísur, Daglur líður, kemur kvöld... og Enginn grætur Íslending.

Sigurður Egilsson les kvæðið Vökukonan eftir Margréti Jónsdóttur.

Sigurður Egilsson ræðir við Jón Jónsson á Hofsvöllum. Rætt um minningarbrot úr æsku Jóns, dvöl hans á berklahælinu á Kristnesi. Jafnframt störf Jóns við búskap og sem bifreiðarstjóri, við mjólkurflutninga. Loks ræða þeir um horfur og stefnu í landbúnaði.

Viðtal við Stefán Rósantsson Gilhaga. Vantar framan á viðtalið.
Stefán segir ferð föður síns á Krókinn og banalegu hans þar.
Einnig frá Önnu Stefánsdóttur, systur Eyþórs Stefánssonar.
Þá talar hann um mannlífið í sveitinni.

Viðtal við Pétur Jónasson fyrrum hreppstjóra á Sauðárkróki.
Pétur rifjar m.a. upp bernskuminningar frá Enni, Syðri-Brekkum og Hofsstöðum.
Einnig frá vinnumennsku.

Viðtal við Sigurð Eiríksson frá Borgarfelli.
Hann segir frá uppvexti sínum í Breiðargerði. Rifjar upp grasaferð um 1919.
Rætt um búskap Sigurðar og horfur í landbúnaði.
Viðtal tekið í júlí 1967.

Sigurður Egilsson tekur viðtal við Friðrik J. Friðriksson lækni.
Ræða m.a. um byggingu Sjúkrahússins á Sauðárhæðum og aðdraganda þess.
Einnig ræða þeir um ferðalög Friðríks á Fjöllum, um Sprengisand, Hofsjökul og Helgrindur.
Sigurður og Friðrík fara báðir með kvæði.

Viðtalið tekið 1967.

Sigurður Egilsson ræðir við Guðmund Eiríksson frá Breiðagerði.
Rætt um uppvöxt Guðmundar í Sölvanesi, búskaparhætti, m.a. fráfærur. Einnig barnafræðslu í sveitinni en Jóhannes Þorsteinsson var kennari í sveitinni. Jafnframt rætt um búskap hans og Bjargar á Breið og oddvitastörf hans. Einnig spyr Sigurður um viðhorf hans til ýmissa mála.

Viðtal við Gunnar Gíslason, Ábæ. Viðtalið er tekið 1970.

Friðrik læknir tekur viðtal við Óskar Þorleifsson, sjómann og smið á Skagaströnd. Vantar framan á viðtalið.

Viðtal við Moniku á Merkigili. Upptakan er að hluta til ekki góð.

Sigurður tekur viðtal við Sigurjón Helgason, Nautabúi. Líklega tekið í kringum 1969-1970. Sigurjón var fæddur a Ánastöðum og var m.a. á Gilhaga sem lausamaður. Rætt um búskap Sigurjóns og landbúnað almennt.

Viðtal við Vilhelm Jóhannsson, Laugardal. Líklega tekið í kringum 1969-1970.

Viðtal við Aðalstein Eiríksson, Villinganesi. Líklega tekið í kringum 1969-1970. Rætt um æsku og uppvöxt Aðalsteins en hann ólst upp hjá foreldrum sínum í Villinganesi og hóf þar búskap 1947. Spurt um fyrstu minningar og eftirminnileg atvik. Aðalsteinn segir frá hestum sínum og rætt er um búskapinn og tækniframfarir í honum. Þá er rætt um árferði, tíðarfar og horfur í landbúnaði. Loks spyr Sigurður um trú hans á drauma, dulræn fyrirbæri og líf eftir dauðann.

Viðtal við Lise Lotte, Reykjaborg. Líklega tekið í kringum 1969-1970.
Rætt um æsku og uppruna Lise Lotte, en hún var frá Lubeck í Þýskalandi og kom til Íslands árið 1949. Rætt um stríðsárin, ástandið eftir stríð og tildrög þess að hún kom til Íslands. Lífið eftir að hún kom til Íslands og tengsl hennar við Þýskaland eftir það.

Viðtal við Torfa Bjarnason héraðslæknir á Sauðárkróki. Torfi og Sigríður bjuggu á Sauðárkróki til ársins 1955. Viðtalið líklega tekið í kringum 1950-1970.
Torfi segir frá læknastörfum sínum í héraðinu og staðháttum og aðstæðum, m.a. vetrarferðum um héraðið. Sigurður spyr um líf eftir dauðann og skoðanir læknavísinda á því.

Viðtal við séra Eirík Albertsson, Reykjavík. Viðtalið líklega tekið í kringum 1950-1970.
Eiríkur segir frá æsku sinni og uppruna, en hann ólst upp í Torfmýri og Flugumýrarhvammi í Blönduhlíð. Segir einnig frá samferðafólki í Blönduhlíð. Einnig spjallað um prestsskap Eiríks en hann var einnig bóndi á Hesti í Borgarfirði og skólastjóri á Hvítárbakka. Einnig rætt um bók Eiríks sem byggir á doktorsritgerð hans. Eiríkur segir frá tildrögum þess að hann lagði fyrir sig guðfræði og trúmál almennt.

Viðtal við Sigríði Björnsdóttur, Miklabæ. Viðtalið líklega tekið í kringum 1950-1970. Sigríður var frá Miklabæ í Blönduhlíð. Hún var eiginkona séra Eiríks Albertssonar, sem var m.a. prestur á Hesti í Borgarfirði. Sigríður segir frá störfum sínum sem prófdómari. Fer með frumsamið ljóð.

Viðtal við Svein Þorsteinsson, Berglandi í Fljótum, á sýslunefndarfundi 1970.
Ræðir um þátttöku sýna í störfum sýslunefndar. M.a. heilbrigðismál og skólamál.

Viðtal við Hermann Jónsson, Ysta-Mói, á sýslunefndarfundi 1970.

Viðtal við Sigurjón Jónasson (Dúdda) á Syðra-Skörðugili, tekið í nóvember 1972.

Viðtal við Eyþór Stefánsson, Sauðárkróki. Viðtalið er tekið 1970.

Viðtal við Guðjón Sigurðsson, bakara, Sauðárkróki. Viðtalið er tekið 1970.
Hljóðgæði mjög léleg síðustu mínútur upptökunnar.

Snælda, viðtal við Sigurð Stefánsson Brúnastöðum / Brenniborg í Lýtingsstaðahreppi.
M.a. rætt um búskap Sigurðar, búskaparhætti almennt, árferði og kveðskap.

Viðtal við Pétur Stefánsson frá Hofi í Vesturdal.
Rætt um uppruna hans, uppvöxt á Minni-Brekku í Fljótum, búskap á Hofi í Vesturdal og samanburð á Fljótum og Skagafjarðardölum.

Viðtal við Stefán Stefánsson Brenniborg.
Hann segir frá uppvexti sínum á Löngumýri, Skíðastöðum og víðar.
Einnig sjóðróðrum suður með sjó og skólagöngu í Flensborg.

Viðtal við Sigurð Kristófersson Sölvanesi.
Rætt um kveðskap, verslun, félagslíf, stóriðjubúskap o.fl.
M.a. minnst á héraðshátíðina í Garði 1930.
Í lok upptökunnar heyrist stutt spjall við tvö börn, Sigurð Bergmann og Bryndísi Ágústu.

Viðtal við Jóhann Pétur Magnússon, Varmalæk Lýtingsstaðahreppi.
M.a. er rætt um kveðskap og rifjaðar upp gamlar drykkjusögur.
Farið með Kaldaskarðsvísur, rætt um kveðskap Magnúsar á Vöglum og Hannesar á Laugabóli.

Sigurður Egilsson tekur viðtal við Gunnar Jóhannsson frá Mælifellsá.
Rætt er um kjör öryrkja en Gunnar bjó við fötlun.
Gunnar fer með frumsamda vísu.
Viðtalið er tekið í Reykjavík - nóvember 1970.

Sigurður Egilsson tekur viðtal við Ólaf Jónsson frá Stóru Gröf (1890-1972).
Ólafur segir frá uppvexti sínum á Krithóli, Grófargili og Kolgröf. Einnig búskap í Stóru-Gröf á Langholti og búsetu á Sauðárkróki.

Viðtal við Svein Stefánsson Tunguhálsi. Viðtalið tekið1967 á Akureyri. Heyrist ekki vel í spyrjanda. Vantar framan á viðtalið. M.a. frásögn af sleðaferð eftir vestur eylendinu og krossmessuveðrinu 1922.

Viðtal við Stefán Rósantsson frá Gilhaga, líklega tekið 1969.
Virðist vanta framan á viðtalið. Það er í tvennu lagi og í stafrænu afriti er það klippt saman.
Rætt um ýmsa samtíðarmenn Stefáns, m.a. Símon Dalaskáld.
Einnig talar Indriði G. Þorsteinsson í þessari upptöku.

Viðtal við Stefán Eiríksson, Djúpadal, líklega tekið 1969.
Stefán segir frá Valdimar föðurbróður sínum.
Einnig frá búsetu sinni vestan hafs þar sem hann bjó í 34 ár og starfaði m.a. við gullnámu.

Sigurður Egilsson tekur viðtal við Hjálmar Sveinsson, Syðra-Vatni. Líklega tekið í kringum 1969-1970.
Hjálmar fæddist á Giljum í Vesturdal og ólst upp fyrstu árin. Hann bjó þar síðar á fullorðinsárum, einnig á Þorljótsstöðum og Syðra-Vatni. Hjálmar ræðir um góðæri á 3. og 4. áratugnum. Rætt um búskap Hjálmars, landbúnað, trúmál, tungumálið, skáldskap og fleira.

Viðtal við Björn Hjálmarsson, Syðri-Mælifelssá. Líklega tekið í kringum 1969-1970. Björn var fæddur á Breið en missti föður sinn sex ára og fór þá í fóstur í Svartárdal fram að fermingu. Fjallað um búskap, m.a. heybandslestir og seljabúskap. Einnig stöðu og horfur í landbúnaði.