Árni Þorsteinsson, f. í Úthlíð í Biskupstungum 17.03.1851, d. 14.08.1919 á Kálfatjörn í Vatnsleysustrandarhreppi. (f. 17.02.1851, skv. kirkjubók). Foreldrar: Þorsteinn Þorsteinsson garðyrkjumaður og bóndi og Sesselja Árnadóttir.
Stúdent frá Lærða skólanum 1878, Cand theol. frá Prestaskólanum 18. ágúst 1880. Aðstoðarprestur í Saurbæ í Eyjafirði 1880. Prestur í Ríp í Hegranesi 1881, á Miklabæ í Óslandshlíð 1884 og Kálfatjörn á Vatnsleysuströnd 1886. Þjónaði þar til æviloka. Sýslunefndarmaður í Gullbringusýslu 1908-1918.
Maki: Ingibjörg Valgerður Sigurðardóttir (1848-1925). Þau eignuðust átta börn.

Dóttir Friðriks Andrésar Formars Níelssonar b. og snikkara á Hofi í Hjaltadal og s.k.h. Elínar Kristínar Snorradóttur. Elín Kristín var fædd á Hofi í Hjaltadal, í Neðra-Ási og á Miklabæ í Óslandshlíð. Fór til Vesturheims.

Foreldrar: Halldór Þorleifsson b. á Miklabæ og k.h. Ingibjörg Jónsdóttir. Elísabet ólst upp hjá foreldrum sínum til fullorðinsára en hélt til Reykjavíkur 1927 og var í vist í Hafnarfirði hjá læknishjónum. Það kann að hafa orðið til þess að veturinn eftir hóf hún nám í ljósmóðurfræði og lauk þar prófi 1929, hélt þá norður og gerðist ljósmóðir í Hóla- og Viðvíkurhreppsumdæmi. Því starfi gegndi hún í 40 ár eða til 1968. Auk þess var hún ljósmóðir í Hofsós- og Hofshreppsumdæmi 1946-1949. Elísabet kvæntist Ólafi Gunnarssyni frá Keflavík í Hegranesi, þau bjuggu á Miklabæ frá 1935-1981. Þau eignuðust þrjú börn, fyrir átti Ólafur einn son, auk þess tóku þau einn fósturson.

Erla fæddist í Reykjavík 12. janúar 1927. ,,Móðir hennar var Hallfríður Pálsdóttir. Ársgamalli var Erlu komið í fóstur á Miklabæ í Óslandshlíð í Skagafirði. Þar dvaldi hún sín uppvaxtarár til níu ára aldurs, en eftir það á Hlíðarenda í sömu sveit. Eiginmaður Erlu var Örn Friðhólm Sigurðsson, f. 24. júlí 1921, d. 12. nóvember 1970, þau eignuðust sjö börn. Lengstan starfsaldur átti Erla á Sjúkrahúsinu á Sauðárkróki, en þar vann hún m.a. við umönnun um 25 ára skeið, þar til hún lét af störfum vegna aldurs. Áður höfðu þau Örn sinnt veðurathugunum í 10 ár, skipt bróðurlega á milli sín því að „taka veðrið“ á þriggja stunda fresti, alla daga ársins. Erla dvaldi síðasta árið á Heilbrigðisstofnuninni á Sauðárkróki."

Fædd í Svarfaðardal. Fluttist að Kálfsstöðum í Hjaltadal 1888. Starfaði sem ljósmóðir. Kvæntist 1889 Tómasi Ísleikssyni frá Núpakoti undir Eyjafjöllum. Þau bjuggu að Miklabæ í Óslandshlíð og að Kolkuósi en fluttu til Vesturheims árið 1903 ásamt fimm af börnum sínum, þrjú yngstu af börnum þeirra sem þá voru fædd, voru skilin eftir á Íslandi. Eftir að þau komu til Winnipeg tóku þau upp eftirnafnið Thorsteinson. Alls eignuðust Guðrún og Tómas 12 börn.

Halldór Þorleifsson, f. að Krossi í Óslandshlíð 18.09.1871, d. 14.04.1937 að Miklabæ í Óslandshlíð. Foreldrar: Þorleifur Þorleifsson bóndi á Miklabæ og kona hans Elísabet Magnúsdóttir. Hann ólst upp með foreldrum sínum og bjó með þeim, en gerðist sjálfstæður bóndi eftir að hann kvæntist. Bóndi að Nautabúi í Hjaltadal 1904-1905 og Miklabæ 1905-1937.
Maki (gift 1903): Ingibjörg Jónsdóttir, (10.01.1874-16.03.1942). Þau eignuðust 4 börn og 2 þeirra dóu ung.

Sonur Haraldar Jóhannessonar síðast b. á Bakka í Viðvíkursveit og k.h. Önnu Bergsdóttur. Kjartan fæddist á Frostastöðum í Blönduhlíð, þegar hann var 15 ára fluttu foreldrar hans að Unastöðum í Kolbeinsdal. Kvæntist Maríu Hermannsdóttur frá Lóni í Viðvíkursveit, þau bjuggu bæði í Gröf á Höfðaströnd og á Miklabæ í Óslandshlíð en síðast á Sauðárkróki þar sem Kjartan starfaði sem bifreiðastjóri. Kjartan og María eignuðust einn son.

Sonur Tómas Ísleikssonar og Guðrúnar Jóelsdóttur í Kolkuósi, þau fluttu til Winnipeg 1903. Starfaði sem trésmiður í Winnipeg. Kvæntist Sigurlaugu Gilbert Magnúsdóttur.

Foreldrar hennar voru Hermann Sigurjónsson og Rósa Júlíusdóttir. Fyrri maður Maríu var Kjartan Haraldsson frá Unastöðum í Kolbeinsdal, þau bjuggu bæði í Gröf á Höfðaströnd og á Miklabæ í Óslandshlíð en síðast á Sauðárkróki, þau eignuðust einn son. Seinni maður Maríu var Ingimundur Árnason frá Ketu í Hegranesi, þau bjuggu lengst af á Sauðárkróki en keyptu árið 1982 jörðina Laufskála í Hjaltadal. Ingimundur átti tvö börn af fyrra hjónabandi.

Ólafur Arngrímsson, f. 08.02.1901, d. 29.09.1932. Foreldrar: Arngrímur Sveinsson b. á Gili í Fljótum og k.h. Ástríður Sigurðardóttir. Var víða í vinnumennsku eftir fermingu, á Krossi í Óslandshlíð, í Miðhúsum og á Miklabæ. Bóndi á Gili í Fljótum 1929-1932. Ólafur var virkur í starfsemi Ungmennafélags Holtshrepps og þótti góður leikari, einnig lék hann á fiðlu. Sambýliskona Ólafs var Þóra Pálsdóttir frá Hvammi í Austur-Fljótum, þau eignuðust einn son.

Sonur Sigurlaugar Magnúsdóttur og Gunnars Ólafssonar í Keflavík. Ólafur ólst upp með foreldrum sínum og systkinum í Keflavík. Bóndi í Garði í Hegranesi 1920-1925, í Enni í Viðvíkursveit 1928-1930 og á Miklabæ í Óslandshlíð 1935-1981. Ólafur kvæntist árið 1933 Elísabetu Ingveldi Halldórsdóttur ljósmóður frá Miklabæ, þau eignuðust þrjú börn saman og áttu einn fósturson. Fyrir hjónaband eignaðist Ólafur son með Guðnýju Stefánsdóttur frá Halldórsstöðum.

Foreldrar: Halldór Þorleifsson og Ingibjörg Jónsdóttir á Miklabæ í Óslandshlíð. Ósk ólst upp á Miklabæ hjá foreldrum sínum, allt þar til hún giftist Stefáni G. Sigmundssyni frá Bjarnastöðum í Unadal og þau hófu búskap á Hlíðarenda. Þau bjuggu á Hlíðarenda 1936-1982. Ung starfaði hún á ungmennafélaginu Geisla og seinna í kvenfélaginu Ósk. Ósk og Stefán eignuðust fimm börn, þrjár dætur komust á legg, einnig tóku þau fósturdóttur.

Frá Núpakoti undir Eyjafjöllum. Kom sem vinnumaður að Brúarlandi í Deildardal árið 1877 og fluttist tveimur árum síðar að Efra-Ási í Hjaltadal, lærði um þær mundir söðlasmíði. Var á Hólum 1889 og kvæntist það ár Guðrúnu Jóelsdóttur ljósmóður frá Sauðanesi í Svarfaðardal. Þau bjuggu að Miklabæ í Óslandshlíð 1890 og í Kolkuósi 1891-1903 er þau fluttu til Vesturheims og settust að í Winnipeg. Þau tóku fimm af börnum sínum með sér, þrjú yngstu barna þeirra sem fædd voru þá voru skilin eftir á Íslandi. Í Winnipeg lagði Tómas fyrir sig trésmíði, einkum húsabyggingar. Á efri árum var hann búsettur í Gimli. Tómas og Guðrún eignuðust alls tólf börn, fyrir hjónaband hafði Tómas eignast eina dóttur. Eftir að þau komu til Winnipeg tóku þau upp eftirnafnið Thorsteinson.