Samþykktir Húsnæðisamvinnufélags Skagafjarðar (lög) og tillögur um lagabreytingar - Útreikningar - Skjöl, teikningar og samþykktir fyrir svalaskjól að Sauðármýri 3.
Skjöl er varða tillögu að stofnun brugghúss á Sauðárkróki - kynning á verkefninu, fundarboð, stofnskrá og frumvarp til laga fyrir félagið, tilaga frá erlendum aðila með framleiðslutæki.
Í safninu er skjalaskrá Jóns Þorlákssonar og Ingibjargar Claessen Þorláksson sem afhent voru Borgarskjalasafni Reykjavíkur. Göngukort í nágrenni við Hraunsvatn í Öxnadal límt við þakkarbréf frá Hrauni í Öxnadal ehf.
Kaupsamingur og afsal vegna Víðilæks sem var sumarbústaður í eigu Árna og Maríu, einnig lítil skrifblokk með lista yfir innkaup vegna framkvæmda við bústaðinn. Eitt skjal með lista og útskýringum er varða val á skífu - ekki liggur fyrir hverju það tengist en skjalið var sett með kaupsamningsskjölunum.
Vísur úr safni Árna og nokkrar sem hann samdi sjálfur, einnig er handskrifuð frásögn og á blaðinu er límdur miði - líklega athugasemd frá Árna sjálfum. Skjölin eru án dagsetningar og ártals nema tölvupóstsamskipti Árna við aðra hagyrðinga.
Hvatningakort frá aðilum eða aðdáendum innan Tindastóls - ekki kemur fram hverjir senda eða hverjum kortið er ætlað. Inni í kortinu stendur; STRÁKAR! nú er að duga eða drepast - upp með baráttuna og beint í 2. deild. Með "SÚSÍ" hefst þetta allt. Tindastóll "Fan Club". Einnig er útklippt jólakveðja frá formönnum Ungmennafélagi Íslands.
Skáldsaga eftir Herbert Jenkins sem er þýdd á dönsku og kallast "Betjent bindle - Humorist". Á forsíðu er handskrifað; "Stefán Guðmundsson Genova Ítalía". Neðan bókarheitisins er handskrifað "Þítt (þýtt) á vængjum söngsins svífur sálin glöð í friðar heim". Á næstu tveimur blaðsíðum er handritað nafn Stefáns, líkt og er á forsíðunni.
Forprentaður einblöðungur með efnisskrá tónleika sem Stefán Íslandi og Else Brems sungu á í Reykjavík, Fritz Weisshappel spilaði undir. Ekki kemur fram á blaðinu hvaða ár þessi söngskemmtun var haldin.
Um 140 svart/hvítar ljósmyndir úr eigu Björns Haraldar Björnssonar, sem var bróðir Ólínu Ingibjargar Björnsdóttur. Myndirnar fylgdu bréfa- og ljósmyndasafni úr eigu Ólínar og Guðjóns Sigurðssonar. Safnið kom í litlu tréboxi (vindlaboxi) sem var grisjað úr, inni í því var umslag með ljósmyndum sem settar voru saman við hinar. Einnig voru litlar myndamöppur með myndum af helstu kennileitum Kaupmannahafnar og utan um þær eru umbúðir / umslög og á þeim er upphleypt konungsskjaldarmerki Danmerkur.