Steinunn Sigurjónsdóttir: Skjalasafn
Skjalasafn Steinunnar Sigurjónsdóttur í Hátúni á Langholti. Gögnin eru samsafn af hennar persónulegu gögnum, bréfum og bókhaldi, ásamt gögnum barna hennar. Steinunn hefur haldið utan um gögn barna sinna frá grunnskólagöngu þeirra og fram á fullorðinsár og eru þau þess vegna skráð með hennar eigin gögnum.
Steinunn Sigurjónsdóttir (1891-1981)
Skjöl Sigurjóns Jónassonar frá Hátúni sem móðir hans, Steinunn Sigurjónsdóttir, hélt til haga eftir að Sigurjón fluttist að heiman. Gögnin sem um ræðir eru uppkast að bréfi og tveir reikningar frá uppboði í Seyluhreppi.
Sigurjón Jónasson (1915-1993)
Gögn Jónasar Jónassonar sem geymd voru í fórum Steinunnar móður hans. Um er að ræða nokkra reikninga, bréf og jólakort.
Jónas Jónasson (1919-1984)
Gögn Guðrúnar Jónasdóttur frá Hátúni sem móðir hennar, Steinunn Sigurjónsdóttir hélt til haga. Gögnin eru reikningar og nótur frá Kaupfélagi Skagfirðinga og eitt einkunnablað frá árinu 1936.
Guðrún Jónasdóttir (1927-2019)
Skjöl sem tilheyra Halli Jónassyni frá Hátúni. Steinunn móðir Halls hélt gögnunum til haga. Í skjölunum er að finna einkunnablöð, bréf, reikninga og nótur, ásamt einni innbundinni vasabók.
Hallur Jónasson (1918-2011)
Skjöl Ólafs Jónassonar sem móðir hans Steinunn Sigurjónsdóttir hafði haldið til haga á heimili þeirra í Hátúni á Langholti í Skagafirði. Skjölin eru meðal annars frá grunnskólagöngu Ólafs ásamt nokkrum reikningum og nótum.
Ólafur Jónasson (1926-2014)
Skjöl Gunnlaugs Jónassonar sem hafði verið safnað saman af móður hans, Steinunni Sigurjónsdóttur. Í skjölum Gunnlaugs má meðal annars finna bókhaldsdgögn, bréf og námsgögn frá dvöl hans á Laugarvatni.
Gunnlaugur Jónasson (1917-2009)
Minnisbækur varðandi heimilisbókhald
Þrjár minnisbækur sem tengjast utanumhaldi á heimilisbókhaldi heimilisfólksins í Hátúni. T.d. yfirlit um hænsnabúskap, vinnu utan heimilis og fleira.
Gögn Sigurðar Jónassonar sem móðir hans Steinunn hafði safnað saman og haldið til haga eftir að Sigurður flutti að heiman. Í safninu eru bréf, námsgögn, bókhaldsgögn og minnisblöð.
Sigurður Jónasson (1913-1989)
Ýmis reikningar sem tilheyra búrekstri í Hátúni á árunum 1935-1945.
Iðgjaldskvittanir fyrir Hátún og Miklagarð frá Brunabótafélagi Íslands.
7 pappírskópíur sem voru innan um önnur gögn, fólk á myndum er ekki nafngreint.
Ýmis gögn sem voru í skjölum Gunnlaugs Jónassonar. Þetta eru siðferðisvottorð fyrir Gunnlaug gefið út af Hallgrími Thorlacius, lyfseðill og félagsskírteini ungmennadeildar Slysavarnafélags Íslands.
Ýmis gögn Halls Jónassonar, bókin Ást og erfiði.
Bjarni Jónasson (1929-
Eitt tölublað af Barnablaðinu ( 8 árg. 8 tbl.), uppkast að bréfi til Sogurðar Helgasonar, og uppkast að bréfi varðandi áskrift að Barnablaðinu, einnig nokkur tóm umslög merkt Bjarna.
Þrjár litlar innbundnar bækur sem innihalda bókhald yfir silungaveiði árin 1940 og 1941
Einkunnablöð Halls Jónassonar fyrir árin 1929 og 1932.
Reikningar og nótur frá Verslun Pálma Péturssonar
Reikningar og nótur frá Verslun Pálma Péturssonar.
Ýmis gögn sem tilheyra Bjarna Jónassyni. Skrá yfir vinnustundir utan heimilis, bókhald yfir silungaveiði, dagbókarslitrur, uppkast að bréfum og fleira.
Reikningar og nótur frá Kaupfélagi Skagfirðinga, útsvarsgjöld og nóta fyrir vinnu.
Reikningar, nótur og vinnuskýrslur úr fórum Sigurðar Jónassonar
Hér er að finna ýmis gögn úr búi Steinunnar. Happdrættismiða fyrir sundlaug í Varmahlíð, skömmtunarmiða, jólakort, erfiljóð um Sigurð Jónsson frá Brautarholti, dagskrá frá söngskemmtunar Sigurðar Skagfield, ljóð og fleiri blaðsnepplar sem ekki er ljóst hver skrifaði. Einnig ýmislegt útgefið efni, t.d. Barnablaðið, tímaritið Landvörn, tímaritið Ægir, tímaritið Dýraverndarinn, bókaslitrur og auglýsingar.
Námsgögn Gunnlaugs Jónassonar frá Hátúni. Aðallega er um að ræða námsbækur og blöð frá dvöl hans í Laugarvatnsskóla en ein vinnubók er frá grunnskólagöngu Gunnlaugs og inniheldur eina smásögu um tófuna og snigilinn.
Bjarni Jónasson (1929-
Dagbókarslitrur Bjarna Jónassonar, þá á 14. ári. Dagbókin er skrifuð á tímabilinu maí til júní árið 1942.
Hér má sjá einkunnaspjöld Sigurðar frá árunum 1934-1936. Gefnar eru einkunnir fyrir Íslensku, raddbeitingu, hljóðfræði, skrift, reikning, landafræði, náttúrufræði, sögu, kristinfræði, teikningu og réttritun.
Skrá þar sem Sigurður hefur skráð niður vinnustundir sínar og annarra í tengslum við störf bæði í Hátúni og utan heimilis.
Tvö einkunnablöð Ólafs Jónassonar frá 1935-1936. Gefin er einkunn fyrir lestur, skrift, raddbeitingu og teikningu.
Einkunnir Guðrúnar Jónasdóttur
Hér má sjá ýmis bókhaldsgögn úr búi Steinunnar og Jónasar í Hátúni.
Steinunn Sigurjónsdóttir (1891-1981)
Reikningar, nótur og flokkunarseðlar frá Mjólkursamlagi K.S.
Reikningar og nótur frá Mjólkursamlagi K.S. Einnig eru meðfylgjandi flokkunarseðlar sem sögðu til um gæði mjólkur sem lögð var inn í samlagið.
Einkunnir bjarna Jónassonar í vorprófi barna í Varmahlíð á árunum 1937-1939, þá var Bjarni 8 - 10 ára. Gefin er einkunn fyrir lestur, skrift, reikning, sögu og teikningu.
Reikningar og nótur sem tilheyra Halli Jónassyni. Innleggsnótur í Kaupfélagi Skagfirðinga, ýmsir reikningar og útsvarsgjöld.
Bréf varðandi eignarlönd Steinunnar og Jónasar
Bréf er varða eignarlönd Steinunnar og Jónasar, Hátún og Miklagarð. Ýmis bréf sem fara á milli eiganda og dóms- og kirkjumálaráðuneytis, kjörinna fulltrúa, Sýslumanns Skagafjarðarsýslu og annarra er málið snertir. Deilt var um engjaskipti sem framkvæmd voru á milli jarðanna Hátúns, Miklagarðs, Glaumbæjar og Jaðars.
Sum bréfin hafa tvístrast og eru því einungis annað hvort bara fyrri hluti bréfs eða seinni hluti.
Einnig er talsvert af uppköstum að bréfum.
Steinunn Sigurjónsdóttir (1891-1981)
Ýmislegt útgefið efni, krónu seðill, barna litabók og annað efni t.d. Barnablaðið, tímaritið Landvörn, tímaritið Ægir, tímaritið Dýraverndarinn, bókaslitrur og auglýsingar.
Bréf sem tilheyra Gunnlaugi Jónassyni. Bréfin eru aðallega frá þeim tíma sem Gunnlaugur dvaldi á Laugarvatni við nám.
Hér eru námsgögn Sigurðar frá grunnskólagöngu hans. Skjölin innihalda teikningar, skriftaræfinga, stíla og ýmsar vinnubækur. Einnig fylgja einkunnir Sigurðar frá árunum 1934-1936.
Reikningar Sigurjóns Jónassonar
Bréf til Steinunnar, bæði persónuleg bréfaskipti en einnig bréfaskipti er varða skiptingu á engjum á hjálegum Glaumbæjar og deilumál sem reis við þau skipti.
Reikningar og nótur frá Kaupfélagi Skagfirðinga
Reikningar og nótur frá Kaupfélagi Skagfirðinga. Einnig yfirlit yfir innlagðar afurðir, svo sem kjöt og gærur.
Námsgögn Sigurðar frá grunnskólagöngu hans. Um ræðir vinnubækur fyrir hin ýmsu fög ásamt stílum, skriftaræfingum, teikningum og fleira.
Hér er að finna ýmis gögn úr búi Steinunnar. Happdrættismiða fyrir sundlaug í Varmahlíð, skömmtunarmiða, jólakort, erfiljóð um Sigurð Jónsson frá Brautarholti, dagskrá frá söngskemmtunar Sigurðar Skagfield, ljóð og fleiri blaðsnepplar sem ekki er ljóst hver skrifaði.
Bréfasafn Sigurðar Jónassonar í Hátúni - bréfin eru flest skrifuð á unglingsárunum.
Reikningar og nótur frá árunum 1941-1945. Aðallega nótur frá Kaupfélagi Skagfirðinga vegna innlegs Gunnlaugs og útsvargjöld til Seyluhrepps.
Námsgögn Ólafs Jónassonar frá grunnskólagöngu hans. Stílar, skriftaræfingar, teikningar og fleira.
Hér eru reikningar og innleggsnótur Bjarna Jónassonar í Hátúni. Aðallega frá Kaupfélagi Skagfirðinga og Verslun Pálma Péturssonar.
Bjarni Jónasson (1929-
Bókhaldsgögn Sigurðar, reikningar og nótur, mest frá Kaupfélagi Skagfirðinga.
Reikningar og önnur bókhaldsgögn sem tilheyra Gunnlaugi Jónassyni.
Bréf sem Halli Jónassyni hafa borist á árunum 1929-1941. Bréfin eru af ýmsu tagi, svo sem jólakort, fermingarkveðja og bréfaskriftir á milli bræðra sinna.
Vinnubækur frá grunnskólagöngu Bjarna Jónassonar. Bækurnar gefa góða innsýn í nám barna á þessum tíma en um er að ræða vinnubækur í ýmsum fögum. Bækurnar innihalda teikningar, stíla, skriftaræfingar og fleira.
Bækurnar eru ekki merktar með ártali né námsgrein en líklega inniheldur hver bók/mappa öll námsgögn það skólaárið.
Bjarni myndskreytti mörg blöð með fallegum og vel gerðum myndum.
Gögnin eru líklega mynduð einhvertíman á árabilinu 1937-1943.
Skrá yfir unna tíma fyrir Gunnar Gíslason, Glaumbæ.
Námsgögn Gunnlaugs frá þeirri tíð er hann dvaldi í Laugarvatnsskóla. Um er að ræða stílabækur og reikningsbækur ásamt lausum blöðum af ýmsu tagi. Skjölin gefa ágætis innsýn í þau fræði sem lögð var áhersla á í skólanum á þeim tíma.
Reikningar og nótur frá Kaupfélagi Skagfirðinga.
Innleggsnótur og reikningar frá Kaupfélagi Skagfirðinga.
Bréf frá Gunnlaugi til móður sinnar, þar sem hann segir fréttir af því hvernig gangi í skólanum á Laugarvatni.
Gunnlaugur Jónasson (1917-2009)
Bók í stærðinni 10,7x 7,2 cm. Kápu og titilblað vantar á bókina og því óljóst um hvaða bók ræðir.
ÁYfirskrift fremstu blaðsíðunnar er Dagverðareyrarmenn. Bókin er 112 bls.
Bréf frá Gunnlaugi Jónassyni til Sigurðar bróður síns. Bréfið skrifar Gunnlaugur frá Laugarvatni þar sem hann stundar nám. Hann segir Sigurði frá lífinu á Laugarvatni og spyr frétta að heiman.
Bréf frá Halli til móður sinnar. Bréfið skrifar Hallur frá Akureyri. Segir fréttir af daglegu lífi og lýsir einnig draumi sem hann dreymdi og hvernig hann túlkar drauminn.
Hallur Jónasson (1918-2011)
Blað í stærðinni 38x25 cm, prentað á dagblaðapappír, alls ein opna.
Bréf frá Valtý Hólmgeirssyni á Heiði á Langanesi. Hann sendir Sigurði nýárskveðjur og spyr hann spurninga varðandi útvarpstæki sem Sigurður hefur í Hátúni og hvernig það virkar.
Bréf frá Gunnlaugi til móður sinnar, skrifar um ferðalagið suður yfir heiðar, þar sem hann stundar nám á Laugarvatni. Biður fyrir kveðjum í bæinn og biður sérstaklega um að Sigurður bróðir hans dragi undan hestunum og slepppi þeim niðrá eyjar.
Gunnlaugur Jónasson (1917-2009)
Bréf frá Jónasi bróður Halls. Jónas skrifar frá Reykjavík þar sem hann býr og starfar. Þeir eru að skrifast á um bíl sem Jónas hefur skoðað fyrir Hall.
Blað í stærðinni 38x25 cm, prentað á dagblaðapappír, alls ein opna.
Bréf frá Jónasi til móður sinnar, Jónas skrifar frá Reykjavík og segir frá stúlkum sem óska eftir að komast sem kaupakonur í sveit, óskar Jónas eftir því við móður sína að hún segi til um það hvort hún vilji taka þær í Hátún.
Jónas Jónasson (1919-1984)
Bréf frá Hrefnu Sigmundsdóttur
Bréfið er frá Hrefnu Sigmundsdóttur frá Vestmannaeyjum en Hrefna og Sigurður skrifuðust á eftir að hafa séð auglýsingu um pennavini í Æskunni. Með bréfinu fylgir mynd af Vestmannaeyjum. Hrefna segist nú vera flutt til Reykjavíkur og ætli sér að hætta að skrifast á við Sigurð, þetta sé því síðasta bréfið frá henni.
Bréf frá Gunnlaugi bróður Halls. Gunnlaugur skrifar frá Reykjavík þar sem hann dvelur á leið sinni heim frá Laugarvatni. Gunnlaugur stoppaði í Reykjavík til að vinna í nokkrar vikur áður en hann héldi norður í land.
Hefti í stærðinni 15,3x22,5 sm. Heftið er alls 20 bls, auk kápu.
Höfundur er Holger Kjær.
Heftið er áritað af honum en utan á kápu stendur: "Lisa Hallgrima Thorlacius. Med venlig hilsen fra forfatteren."
Hefti í stærðinni 11,7x14,8 sm. Heftið er alls 16 bls.
Undirtitill er "Sumarleyfis og skemmtiferðir um helgar 1943.
Ferðafélag Íslands (1927-)
Bréf frá Valtý Hólmgeirssyni á Heiði á Langanesi. Sendir Sigurði samúðarkveðjur vegna fráfalls föður hans.
Útskrift úr Landaskiptabók Skagafjarðarsýslu
Bréf frá Siggu frænku til Halls, engin dagsetning.
Hallur Jónasson skrifar móður sinni bréf frá Vestmannaeyjum, segir frá lífinu í Vestmannaeyjum þar sem hann starfar.
Hallur Jónasson (1918-2011)
Bréf frá Gunnlaugi Jónassyni til móður sinnar. Gunnlaugur skrifar frá Laugarvatni þar sem hann dvelur og stundar nám.
Gunnlaugur Jónasson (1917-2009)
Bréf frá Hrefnu Sigmundsdóttur
Bréfið er frá Hrefnu Sigmundsdóttur í Vestmannaeyjum en Hrefna og Sigurður skrifuðust á eftir að hafa séð auglýsingu um pennavini í Æskunni.