Person

Kristján C. Magnússon (1900-1973)

• Kristján C. Magnússon
• Kristján Valdemar Carl Magnússon

29.8.1900-3.6.1973

Kristján fæddist á Sauðárkróki 29. ágúst árið 1900, sonur Hildar Pétursdóttur Eriksen og Magnúsar Guðmundssonar verslunarmanns á Sauðárkróki. Kristján starfaði alla tíð sem verslunarmaður, fyrst hjá Höephnersverslun og verslun Sigurgeirs Daníelssonar en síðar hjá Kaupfélagi Skagfirðinga, þar sem hann starfaði lengst af. Kristján var mikill félagshyggjumaður og gegndi margvíslegum trúnaðarstörfum, bæði fyrir Sauðárkrók og eins fyrir ýmis félagasamtök. Sat m.a. í stjórn Sögufélags Skagfirðinga um tíma og í stjórn Bóka- og héraðsskjalasafns Skagfirðinga frá 1960 til æviloka. Ungur að árum hóf Kristján ljósmyndagerð og telur safn hans þúsundir mynda. Ánafnaði Kristján Héraðsskjalasafn Skagfirðinga að ljósmyndum sínum eftir sinn dag og má af því marka hvaða hug hann bar til safnsins. Kristján hafði gott auga fyrir ljósmyndatökum. Hann tók myndir af öllum húsum á Sauðárkróki, fjölda mannamynda tók hann og myndir af ýmsum viðburðum og hátíðum um áratugaskeið. Safn Kristjáns er gríðalega verðmætt fyrir áhugafólk um sögu Sauðárkróks, enda myndefnið fjölbreytt og má í safni hans sjá glöggt þá umbreytingu sem varð á Sauðárkróki frá sveitaþorpi til kaupstaðar. Kristján giftist Sigrúnu M. Jónsdóttur sýslufulltrúa, sem lifði Kristján. Hún var um tíma sett Sýslumaður Skagfirðinga og mun hafa verið fyrsta konan sem gegndi því embætti hér á landi. Hluti mynda Kristjáns eru nú aðgengilegar á myndavef safnsins, eða um 600 ljósmyndir.

Magnús Guðmundsson (1869-1939) (21.02.1869-19.12.1939)

Hildur Margrét Pétursdóttir Eriksen (1872-1957) (27.05.1872-09.07.1957)

Lára Ingibjörg Magnúsdóttir (1894-1990) (19. júlí 1894 - 15. júlí 1990)

Ludvig Carl Magnússon (1896-1967) (23.07.1896-04.06.1967)

Valtýr Ludvigsson (1922-1969) (06.01.1922-02.05.1969)

Pála Sveinsdóttir (1912-1991) (3108.1912-19.04.1991)

Pála Anna Lovísa Magnúsdóttir (1900-1908) (29.08.1900-17.04.1908)

Sigrún Marta Jónsdóttir (1900-1997) (10.11.1900-20.05.1997)

Magnús Guðmundsson (1920-1941) (01.03.1920-30.11.1941)

Agnar Ludvigsson (1918-2013) (14. mars 1918 - 28. okt. 2013)

Hilmar Ludvigsson (1919-1987) (05.10.1919-24.11.1987)

Rögnvaldur Ólafsson (1943- (10.12.1943-)

Reynir Ludvigsson (1924-2000) (29.01.1924-20.08.2000)

S00623

IS-HSk

Final

Full

16.9.2015 frumskráning í atom, sup.
31.3.2016 uppfærsla í atom, sup.

• Icelandic

http://heradsskjalasafn.skagafjordur.is/is/ljosmyndasafn/myndasafn/kristjan-c-magnusson-1900-1973