Aðaltengiliður
Sögusetur íslenska hestsins
Hólum í Hjaltadal
Sauðárkrókur, Sveitarfélagið Skagafjörður
IS 551
Sögusetur íslenska hestsins
Sögusetur íslenska hestsins var stofnað að Hólum í Hjaltadal 9. júní 2001 af Hestamiðstöð Íslands, Byggðasafni Skagfirðinga og Hólaskóla. Sögusetrið var gert að sjálfseignarstofnun árið 2006 og eru stofnaðilar hennar Byggðasafn Skagfirðinga og Hólaskóli.
Markmið Söguseturs íslenska hestsins er að vera alþjóðleg miðstöð þekkingar og fræðslu um íslenska hestinn og halda úti sýningarstarfi um hvaðeina sem lýtur að íslenska hestinum. Í gömlu hesthúsi sem stendur í hjarta Hólastaðar hefur Sögusetrið komið upp sýningunni Íslenski hesturinn, sem var hún opnuð 14. ágúst 2010.
Sögusetrið hefur staðið fyrir málþingum og fyrirlestrum um hestinn og vinnur að því að efla samstarf og kynni milli áhugafólks um íslenska hestinn og er tengiliður og upplýsingamiðill fyrir alla þá sem vilja kynna sér sögu hans.
Sögusetrið safnar hestatengdum ljósmyndum og vistar þær. Valdar myndir eru skannaðar og eru þær aðgengilegar á netinu. Setrið tekur við munum og öðrum heimildum í samráði við sérhæfðar stofnanir svo sem skjala- og minjasöfn svo og stofnanir sem vinna að málefnum hrossaræktar og hestamennsku. Fyrirspurnir á póstfangið sogusetrid@gmail.com eða í síma 891 9879 (Kristinn Hugason).
Sögusetrið safnar gögnum og heimildum af öllu Íslandi.
SÝNINGAR SÖGUSETURS ÍSLENSKA HESTSINS
OPIÐ 10-18 ALLA DAGA NEMA MÁNUDAGA (Í JÚNÍ TIL ÁGÚST - NÁKVÆMARI DAGSETNINGAR AUGLÝSTAR SÉRSTAKLEGA)
UTAN ÞESS TÍMA HAFIÐ SAMBAND VIÐ FORSTÖÐUMANN
IS-SIS
Final
Hlutaskráning
04.06.2020 frumskráning, SUP.