Sonur Eyrúnar Óskar Þorvaldsdóttur frá Sleitustöðum og Rúnars Björnssonar.

Ingi T. Lárusson tónskáld fæddist á Seyðisfirði 26. ágúst 1892. Hann var sonur hjónanna Lárusar Tómassonar, skólastjóra, bókavarðar og sparisjóðsgjaldkera á Seyðisfirði, og k.h., Þórunnar H. Gísladóttur Wium. Ingi kvæntist 1921 Kristinu Ágústu Blöndal frá Seyðisfirði en þau skildu árið 1935, þau eignuðust eina dóttur. Ingi stundaði nám við VÍ 1911-13, starfaði við Hinar sameinuðu íslensku verslanir á Vestdalseyri, var símstöðvarstjóri á Norðfirði og á Vopnafirði og starfaði við Kaupfélag Héraðsbúa á Reyðarfirði. Ingi var eitt ástsælasta tónskáld þjóðarinnar á síðustu öld og bjó yfir snilligáfu á því sviði. Öll sín frægustu lög, svo sem Í svanalíki, Ég bið að heilsa, Litla skáld á grænni grein og Til fánans, samdi hann sem barn og unglingur. Lagið Ó, blessuð vertu sumarsól, samdi hann sjö ára að aldri.

Foreldrar: Helgi Jónsson b. og járnsmiður á Hafgrímsstöðum o.v., síðast í Merkigarði og k.h. Þóra Kristjánsdóttir. Fór eftir fermingu í vist að Hóli í Tungusveit og síðan að Tyrfingsstöðum í Kjálka til Rögnvaldar Jónssonar vegaverkstjóra og Sigríðar Árnadóttur. Vann síðan fjöldamörg sumur við vegagerð með Rögnvaldi. Bóndi í Hvammkoti 1944-1974. Ókvæntur og barnlaus.

Ingibjörg Alda Bjarnadóttir fæddist á Sauðárkróki 2. maí 1929. Hún var dóttir hjónanna Helgu Pétursdóttur saumakonu og Bjarna Antons Sigurðssonar sjómanns. ,,Eftir að Alda missti föður sinn ung að árum, fluttist móðir hennar frá Sauðárkróki til Akureyrar. Alda þurfti að hætta skólagöngu í Menntaskólanum á Akureyri sökum þess að hún fékk berkla. Árið 1954 fór hún í Húsmæðraskóla Reykjavíkur og kláraði próf þaðan árið 1955. Árið 1952 giftist Alda Stefáni Skaftasyni lækni frá Siglufirði, þau skildu, þau eignuðust eina dóttur. Alda og Stefán bjuggu bæði í Þýskalandi og Svíþjóð en eftir að þau skildu fluttist hún aftur til Akureyrar. Á Akureyri kynntist hún síðari manni sínum, Magnúsi, þar sem hann starfaði sem bæjarstjóri, þau eignuðust tvær dætur. Bjuggu þau hjónin á Akureyri til ársins 1967 en fluttu þá suður. Alda og Magnús fluttu í Kópavoginn og bjuggu þar allt fram á dánardag Magnúsar. Síðast búsett í Keflavík.

Foreldrar: Andrés Tómasson og Ingibjörg Þórðardóttir bændur á Syðri Bægisá. Bjó á Gilsbakka, Breiðargerði, Skatastöðum, Hellu, Brekkukoti í Efribyggð og Sólheimagerði. Maki: Helgi Árnason frá Úlfá í Eyjafirði. Þau áttu eitt barn, sem dó kornungt en ólu upp fósturbörn.

Foreldrar: Guðrún Þorvaldsdóttir frá Framnesi og Árni Jónsson b. og snikkari í Borgarey í Vallhólmi. Árni lést þegar Ingibjörg var aðeins fimm ára gömul. Móðir hennar kvæntist aftur, Pétri Gunnarssyni á Stóra-Vatnsskarði. Um tvítugsaldur settist Ingibjörg í kvennaskóla á Akureyri og lauk þar námi. Eftir það stóð hún fyrir búi hjá Árna bróður sínum á Stóra-Vatnsskarði þar til hann kvæntist. Hún tók í fóstur frænku sína, Guðrúnu Þorvaldsdóttur, þær fluttu til Reykjavíkur árið 1945 og bjó Ingibjörg þar til æviloka.

Dóttir Árna Magnússonar b. á Syðra-Mallandi á Skaga og k.h. Baldvinu Ásgrímsdóttur. Rak prjónastofu á Sauðárkróki. Ógift og barnlaus.

Ingibjörg fæddist á Reykjum í Lýtingsstaðarhreppi í Skagafirði. Dóttir hjónanna Kristínar Sveinsdóttur og Bjarna Kristmundssonar. Ingibjörg var ung tekin í fóstur af Kristjönu Ingibjörgu Jóhannsdóttur. Var húsfreyja í Reykjavík. Maki 1: Peder Jacobsen 1905-1950, þau eignuðust tvö börn. Maki 2: Gunnar Björnsson 1910 - 1990, þau eignuðust einn son.

Foreldrar: Björn Benónýsson b. á Illugastöðum í Laxárdal og k.h. Ingibjörg Stefánsdóttir. Tveggja ára gömul fór Ingibjörg í fóstur til Sigríðar föðursystur sinnar og manns hennar Magnúsar Hjálmarssonar að Bjarnastöðum í Blönduhlíð. Árið 1907 fluttust þau hjón með Ingibjörgu að Illugastöðum í Laxárdal til Björns föður hennar. Þar voru þau eitt ár, en fluttust síðan til árs búskapar að Ingveldarstöðum ytri á Reykjaströnd og árið 1909 fóru þau til Sauðárkróks og settust að í húsinu Brimgarði. Ingibjörg fermdist árið 1911, og sama árið fór hún vinnukona að Hólkoti á Reykjaströnd. Árið 1912 fór hún frá Hólkoti að Bakka í Vallhólmi, þar sem kynntist mannsefni sínu, Agli Gottskálkssyni. Þau bjuggu á Hvammkoti á Skaga 1917-1921, á Ingveldarstöðum á Reykjaströnd 1921-1926, í Hjaltastaðakoti 1926-1935, á Mið-Grund 1935-1968. Síðast búsett á Akureyri. Ingibjörg lést 101 árs gömul.
Ingibjörg og Egill eignuðust átta börn.

Ingibjörg var fædd á Fagranesi á Reykjaströnd í Skagafirði árið 1918. Dóttir hjónanna Björns Helga Guðmundssonar bónda og konu hans Dýrólínu Jónsdóttur kennara. ,,Ingibjörg stundaði nám í Húsmæðraskólanum á Staðarfelli 1940-1941 og lauk kennaraprófi frá Kennaraskóla Íslands 1944. Eiginmaður Ingibjargar var Jónas Guðjónsson kennari, þau eignuðust fimm börn. Jónas og Ingibjörg ráku á heimili sínu Smábarnaskóla Laugarness ásamt Teiti Þorleifssyni kennara 1949-1958. Hún kenndi við Laugarnesskóla 1957-1961, við Laugalækjarskóla frá 1962-1968 og Laugarnessskóla 1969-1986."

Ingibjörg Eiríksdóttir, f. 08.01.1909, d. 24.10.1979. Foreldrar: Eiríkur Jónsson bóndi í Djúpadal og kona hans Sigríður Hannesdóttir.
Verslunarmær og húsmóðir á Sauðárkróki, síðast búsett þar.
Maki: Sigurður P. Jónsson kaupmaður (Siggi í Drangey). Þau eignuðust tvo syni.

Ingibjörg Eiríksdóttir f. 16.09.1827, d. 15.09.1890. Foreldrar: Eiríkur Sverrisson sýslumaður í Rangárvallasýslu og seinni k.h. Kristín Ingvarsdóttir. Var á Hamri í Borgarsókn í Mýrarsýslu 1835. Maki: Eggert Briem sýslumaður á Reynistað. Þau eignuðust 19 börn, 13 þeirra komust upp.

Ingibjörg var fædd í Grímstungusókn í Húnaþingi. Kvæntist Halli Jóhannssyni og bjuggu þau að Garði í Hegranesi. Ingibjörg tók virkan þátt í félagsstörfum kvenna í sinni sveit.

Dóttir Kristins Erlendssonar og Sigurlínu Gísladóttur, þau bjuggu lengst af á Hofsósi. Húsfreyja á Fjalli, Ólafsvallasókn, Árn. 1930. Húsfreyja á Hlemmiskeiði á Skeiðum.

Fæddist á Sauðárkróki og ólst þar upp í stórum systkinahópi. Foreldrar hennar voru Jean Valgard Claessen kaupmaður og síðar landsféhirðir og fyrri kona hans, Kristín Eggertsdóttir Briem. Stjúpmóðir Ingibjargar var Anna Margrét Þuríður Kristjánsdóttir Möller. Ingibjörg kvæntist Jóni Þorlákssyni fyrrum forsætisráðherra og áttu þau hjón tvær kjördætur.

Fædd í Vatnahverfi í Refasveit. Kvæntist Þorleifi Þorbergssyni frá Selá á Skaga, þau bjuggu á Sauðárkróki. Eftir að Þorleifur lést úr holdsveiki 1906 flutti Ingibjörg til Gísla bróður síns sem þá rak Hótel Tindastól. Ingibjörg og Þorleifur eignuðust eina dóttur.

Fá Stóradal í Svínavatnshreppi. Húsfreyja í Reykjavík.

Húsfreyja á Keldulandi á Kjálka og á Vöglum í Blönduhlíð, síðar búsett á Akureyri.

Ingibjörg Gunnlaugsdóttir fæddist á Marbæli í Óslandshlíð þann 25. desember 1885. Hún var húsfreyja á Úlfsstöðum í Akrahreppi. Maður hennar var Jóhann Sigurðsson (1883-1970).

Ingibjörg Hauksdóttir Hafstað fæddist 19. apríl 1951. Var búsett í Vík í Staðarhreppi í Skagafirði ásamt manni sínum Sigurði Sigfússyni (1947-). Búsett á Sauðárkróki.

Dóttir Sigríðar Magnúsdóttur og Halldórs Þorleifssonar á Ystu-Grund, síðar á Sauðárkróki. Lést úr berklum aðeins 27 ára gömul, ógift og barnlaus.

Ingibjörg Hallgrímsdóttir fæddist 8. febrúar 1915 í Hringveri í Viðvíkursveit, Skagafirði. Foreldrar hennar voru Anna Gunnarsdóttir og Hallgrímur Helgi Jónsson. ,,Árið 1936 giftist Ingibjörg Skafta Óskarssyni, f. 12.9. 1912, d. 7.8. 1994, frá Kjartansstaðakoti á Langholti og stofnuðu þau heimili á Sauðárkróki sama ár. Ingibjörg og Skafti eignuðust fjórar dætur. Eftir 10 ára dvöl á Sauðárkróki flutti Ingibjörg með fjölskyldu sinni að Kjartansstaðakoti á Langholti þar sem hún bjó lengst af. Árið 1983 brugðu þau hjón búi og fluttu á Hólaveg 26 á Sauðárkróki."

Ingibjörg var fædd í Selhaga í Skörðum lést í Point Roberts á Kyrrahafsströnd. Foreldrar hennar voru Hannes Jónatansson (1799-1887) og s.k.h. Sigríður Sigurðardóttir frá Pottagerði.
Ingibjörg var ung tekin í fóstur af frænda sínum Jónasi Einarssyni b. og hreppstjóra á Gili í Svartárdal og k.h. Guðrúnu Illugadóttur og ólst upp hjá þeim. Hún var vinnukona í Kálfárdal á Skörðum til 1863, hjá Sigfúsi bróður sínum á Stóra Búrfelli 1863-1865. Kvæntist Sveini Sigvaldasyni, þau eignuðust tólf börn, níu þeirra komust á legg. Þau Sveinn skildu 1893, og fór hún þá í vinnumennsku vestur að Auðkúlu í Svínadal og þaðan til Vesturheims aldamótaárið. Var í Winnipeg til 1912, en síðan í Point Roberts til æviloka.

Ingibjörg er eiginkona Hannesar Péturssonar skálds, þau eiga einn son.

Búsett í Stykkishólmi.

Verkefnastjóri hjá Forlaginu bókaútgáfu.

Fæddist í Norðtungu í Borgarfirði. Kvæntist Konráði Magnússyni, þau bjuggu lengst af á Syðra-Vatni en eftir lát Konráðs 1911 flutti Ingibjörg til Blönduóss. Ingibjörg og Konráð eignuðust níu börn, sjö þeirra náðu fullorðinsaldri.

Inigbjörg Jóhannesdóttir, f. á Húsavík 27.10.1929, d. 03.11.2021. Foreldrar: Ása Stefánsdóttir frá Skinnalóni á Melrakkasléttu og Jóhannes Ármannsson frá Hraunkoti í Aðaldal.
Inga ólst upp á Húsavík og var í hópi frystu nemenda sem útskrifuðust sem gagnfræðingar þar. Hún og Gísli bjuggu á Mið-Grund í Skagafirði, byggðu þar íbúðarhús á 6 áratugnum og bjuggu þar til æviloka.
Maki: Gísli Gíslason (1925-2018) brúarsmiður frá Eyhildarholti í Skagafirði. Þau eignuðust eina dóttur.

Ingibjörg Jóhannsdóttir fæddist á Löngumýri þann 1. júní 1905. Hún var dóttir Jóhanns Sigurðssonar, bónda á Löngumýri, og Sigurlaugar Ólafsdóttur húsfreyju. ,,Ingibjörg sótti nokkur námskeið í garð- og skógrækt áður en hún fór til Reykjavíkur í Kvennaskólann. Þar þurfti hún einungis að sitja einn vetur því hún kom ákaflega vel undirbúin. Ingibjörg lauk kennaraprófi 1936. Ingibjörg fór í námsferð til barna- og húsmæðraskóla í Noregi og Svíþjóð 1938. Þá stundaði hún nám við Húsmæðrakennaraskóla Noregs og síðar í Danmörku og Þýskalandi. Ingibjörg er verðugur fulltrúi þeirra kvenna af aldamótakynslóðinni sem einsettu sér ungar að vinna að menntun kynsystra sinna og ryðja braut nýjum viðhorfum í hússtjórn er lutu að auknum þrifnaði, matjurtaræktun og fjölbreyttari fæðu. Ingibjörg tók áskorun Jónasar frá Hriflu, þáverandi kennslumálaráðherra, að taka að sér starf skólastýru við Húsmæðraskólann á Staðarfelli árið 1937. Ingibjörg þótti standa sig með mikilli prýði í þau sjö ár sem hún stýrði skólanum. Á lýðveldisárinu 1944 flutti hún aftur heim að Löngumýri og stofnaði Húsmæðraskóla og var skólastjóri hans til 1967. Þar þurfti hún að byrja alveg frá grunni því aðbúnaðurinn var enginn. Oft gekk erfiðlega að fá styrki og reyndi hún að mæta þeim kostnaði sjálf eftir fremsta megni. Mikil aðsókn var í skólann og útskrifuðust um 700 stúlkur í hennar tíð. Ingibjörg var formaður Skógræktarfélags Skagfirðinga, Kvenfélags Seyluhrepps og gjaldkeri Kvenfélagasambands Skagafjarðar um skeið. Hún skrifaði töluvert í blöð og tímarit, aðallega um uppeldis- og skólamál."
Ingibjörg var ókvænt og barnlaus.

Foreldrar: Jón Halldórsson og s.k.h. Helga Guðmundsdóttir, þau bjuggu á Brúarlandi í Deildardal, í Bjarnastaðaseli í Kolbeinsdal og að Klaufbrekknakoti í Svarfaðadal. Kvæntist Magnúsi Guðmundssyni frá Óslandi, þau bjuggu á Stafshóli í Deildardal, á Háleggsstöðum, Torfhóli í Óslandsshlíð, í Stafni, á Skuggabjörgum og loks að Koti í Svarfaðadal. Ingibjörg og Magnús eignuðust fjögur börn.

Dóttir Jóns Guðmundssonar hreppstjóra á Sauðárkróki (1907-1920) og Guðbjargar Sölvadóttur frá Skarði. Kvæntist Birni Magnússyni frá Garðakoti. Þau bjuggu á Borðeyri og Ísafirði.

Ingibjörg er fædd á Bólu í Blönduhlíð, dóttir Jóns Ingimars Jónassonar og k.h. Oddnýjar Stefánsdóttur. Ingibjörg ólst upp í Bólu en fór til Akureyrar 1922 þar sem hún var m.a. í vistum. Hún fór í Kvennaskólann í R.vík og lauk þar námi. Árið 1930 flutti hún til Siglufjarðar þar sem hún setti upp matsölu og rak hana að sumrinu. Þá rak hún einnig saumastofu á Siglufirði og saumaði skinnhúfur, skinnhanska, lúffur og vinnuvettlinga. Þessa framleiðslu seldi hún víða um land. Ingibjörg tók mikinn þátt í félagslífi á Siglufirði. Auk þess að syngja með Kirkjukór Siglufjarðar starfaði hún með kvenfélaginu þar og eitthvað með leikfélagi Siglufjarðar. Árið 1945 flutti hún ásamt manni sínum, Pétri Helgasyni, til Sauðárkróks, þar sem þau tóku fyrst við rekstri Hótel Tindastóls og síðar Villa Nova. Eftir að þau hættu rekstri Hótel Tindastóls, setti Ingibjörg þar upp hannyrðaverslun í félagi við Sigríði Önnu Stefánsdóttur og ráku þær hana þar til 1970, að Ingibjörg opnaði verslun að Hólavegi 16 sem hún rak meðan heilsa leyfði. Vefnaðarvöruverslun hennar var vinsæl og þekkt fyrir góða og vandaða vöru. Hún gekk til liðs við Kirkjukór Sauðárkróks og söng þar meðan heilsa leyfði. Einnig var hún virk í starfi Kvenfélags Sauðárkróks og var gerð að heiðursfélaga á 90 ára afmæli félagsins árið 1985.
Ingibjörg og Pétur eignuðust einn son saman og tóku einn fósturson, fyrir hjónaband hafði Pétur eignast dóttur.

Foreldrar: Jónanna Sigríður Jónsdóttir frá Hofsósi og Jósafat Sigfússon frá Gröf á Höfðaströnd. Kvæntist Sveini M. Friðvinssyni, þau eignuðust þrjú börn. Búsett á Sauðárkróki.

Dóttir Jósefs Björnssonar skólastjóra á Hólum og Hólmfríðar Björnsdóttur frá Brimnesi. Móðir Ingibjargar lést þegar hún var fimm ára gömul og þá fór hún ásamt Kristrúnu systur sinni í fóstur til Margrétar Símonardóttur og Einars Jónssonar á Brimnesi. 13 ára gömul flutti hún í Kolkuós með Kristínu Símonardóttur. 18 ára gömul sigldi hún til Danmerkur þar sem hún stundaði nám og störf næstu tvö árin, m.a. í húsmæðraskóla í Kaupmannahöfn, í Lýðháskóla í Uberup og í hjúkrunarskóla í Vallekilde. Árið 1914 kvæntist Kristín Halldóri Gunnlaugssyni frá Stafshóli, þau bjuggu í Garðakoti 1916-1931 en þá fluttust þau norður að Kristnesi. Þau skildu í kringum 1933. Ingibjörg starfaði sem hjúkrunarkona á Kristnesi frá 1931-1948 en flutti þá suður og starfaði á dvalarheimilinu Grund í 18 ár, síðustu starfsár sín vann hún á sjúkrahúsinu Sólheimum. Ingibjörg og Halldór eignuðust sex börn.

Foreldrar: Jón G. Erlendsson b. á Marbæli í Óslandshlíð og k.h. Anna Rögnvaldsdóttir. Ingibjörg ólst upp hjá foreldrum sínum á Marbæli til fullorðinsára. Hún lauk barnaskólanámi á Hlíðarhúsinu í Óslandshlíð. Einnig stundaði hún nám í tvo vetur á alþýðuskólanum að Laugum í Suður- Þingeyjarsýslu og útskrifaðist þaðan vorið 1927. Hún stundaði garðrækt og ræktaði kartöflur, rófur og ýmiskonar kálmeti, sem ekki var algengt í þá daga. Ingibjörg starfaði í UMF Geisla og var hún ein af stofnendum kvenfélagsins Óskar í Óslandshlíð og í stjórn þess. Ingibjörg kvæntist Kristjáni Jónssyni frá Stóragerði, þau bjuggu í Stóragerði 1932-1946 og á Óslandi eftir það, þau eignuðust fjögur börn.

Ingibjörg Kristjánsdóttir var fædd 11. september 1922. Foreldrar hennar voru Kristján Árnason bóndi á Krithóli í Skagafirði og kona hans Ingibjörg Jóhannsdóttir. Fósturforeldrar hennar voru Sigurður Þórðarson alþingismaður og kaupfélagsstjóri á Nautabúi, síðar Sauðárkróki, og kona hans Ingibjörg Sigfúsdóttir. Ingibjörg giftist 27. maí 1944, Guðjóni Ingimundarsyni (1915-2004) og áttu þau saman sjö börn. Ingibjörg lauk hefðbundinni skólagöngu og fór í Kvennaskólann á Blönduósi áður en hún giftist Guðjóni. Þau bjuggu á Sauðárkróki alla sína hjúskapartíð. Hún vann við verslunarstörf en síðan tóku við skyldur og störf á stóru heimili. Hún var félagi í Kirkjukór Sauðárkróks í mörg ár og starfaði í Kvenfélagi Sauðárkróks um árabil. Þá lagði hún ýmsum félögum lið ekki síst þeim sem tengdust félagsstarfi eiginmannsins. Eftir að börnin uxu úr grasi starfaði hún við Sundlaug Sauðárkróks til starfsloka.

Foreldrar: Albert Kristjánsson b. og oddviti á Páfastöðum og k.h. Guðrún Ólafsdóttir. Ingibjörg kvæntist Sigurði Skagfield óperusöngvara frá Litlu-Seylu, þau eignuðust tvö börn. Þau skildu. Ingibjörg stóð fyrir búi föður síns eftir lát móður sinnar 1931.

Dóttir Magnúsar Konráðssonar (bróður sr. Helga Konráðssonar) og Eyþóru Jósefínu Sigurjónsdóttur.

Dóttir Guðjóns Ingimundarsonar og Ingibjargar Kristjánsdóttur. Búsett á Sauðárkróki.

Ólst upp á Sauðárkróki. Kvæntist Jóni Dagssyni Jóhannssyni múrarameistara á Sauðárkróki, síðar í Kópavogi.

Foreldrar: Frímann Björnsson og f.k.h. Solveig Jónsdóttir. Ingibjörg ólst upp í Hamrakoti m. foreldrum sínum og fluttist svo með þeim að Hvammi í Langadal árið 1877. Hún fór til náms í Kvennaskólann á Ytri-Ey og var skráð þar veturna 1895, 1897 og 1898. Eftir það hélt hún til Reykjavíkur, fyrst naut hún tilsagnar í saumaskap en fór síðan til náms í ljósmóðurfræðum hjá Jónasen landlækni þaðan sem hún lauk prófi árið 1900. Strax að loknu námi réðst hún til starfa sem ljósmóðir í Bólstaðarhlíðarumdæmi, A-Hún., og starfaði þar fram á mitt ár 1904, er hún var skipuð ljósmóðir á Sauðárkróki, þar sem hún starfaði óslitið í 32 ár eða til ársins 1936. Ekki einskorðaðist starfsumdæmi hennar þó við Sauðárkrók; Hún var sett ljósmóðir í Seylu- og Staðarhreppi 1930-1931, auk þess fylgdi Skarðshreppur starfsskyldu hennar. Á Sauðárkróki starfaði Ingibjörg einnig mjög að bindindismálum og var kjörin heiðursfélagi góðtemplarastúkunnar á Sauðárkróki. ,,Ingibjörg gat sér frábært orð sem ljósmóðir, elskuð og dáð af öllum sem henni kynntust. Hjálpsemi hennar og umhyggja náði langt útfyrir starfsskylduna og sköpuðu henni þær vinsældir, að einstakt var."
Ingibjörg var ókvænt og barnlaus.

Foreldrar: Pétur Eriksen skósmiður, f. 1870, skósmiður á Sauðárkróki og Ingibjörg Ólafsdóttir Eriksen, f. 1872, frá Harrastöðum á Skagaströnd. Ingibjörg var ógift og barnlaus.

Ingibjörg Sigurðardóttir, f. á Fossi á Skaga 16.03.1879, d. 17.05.1952.
Foreldrar: Sigurður Gunnarsson bóndi á Fossi og kona hans Sigríður Gísladóttir.
Maki: Sigtryggur Jóhannsson (13.08.1876-24.03.1920). Þau eignuðust fjögur börn.
Þau bjuggu á Hóli á Skaga. Ingibjörg hélt áfram búi þar eftir að Sigtryggur lést og kom þar upp börnum sínum. Árni Kristmundsson frá Selá var hjá henni til 1924 en Ingibjörg talin fyrir búinu. Árin 1924-1948 var Árni talinn fyrir búinu en Ingibjörg skráð ráðskona hans. Þau brugðu búi það ár og fór Ingibjörg þá til Þórunnar dóttur sinnar á Sauðárkróki og síðar til Sigurðar sonar síns í Reykjavík.

Foreldrar: Sigurjón Jónsson b. á Hellu í Blönduhlíð og k.h. Ólöf Jónsdóttir. Ung var Ingibjörg tekin í fóstur að Víðivöllum í Blönduhlíð, en þá bjuggu þar hjónin Sigurður Sigurðsson og Guðrún Pétursdóttir. Þar ólst hún upp, en réðst kaupkona að Flatatungu 1919. Kvæntist árið 1923 Þorsteini A. Einarssyni frá Flatatungu. Ingibjörg og Þorsteinn hófu búskap í Flatatungu árið 1925, fóru búferlum að Tungukoti á Kjálka 1930 og bjuggu þar til ársins 1974 er þau fluttust til Akureyrar. Ingibjörg og Þorsteinn eignuðust þrjú börn en auk þess dvöldu mörg börn hjá þeim, skyld og vandalaus og undu hag sínum vel.

Blönduósi.

,,Ingibjörg Stefanía Þorvaldsdóttir fæddist hinn 9. júní 1913 í Hjaltastaðakoti (nú Grænumýri) í Blönduhlíð í Skagafirði. Foreldrar hennar voru hjónin Þorvaldur Jónsson og Helga Jóhannsdóttir. Árið 1973 giftist hún Ólafi Jónssyni vélstjóra, d. 1985, fyrir átti hún einn son. Ingibjörg ólst upp í Hjaltastaðakoti og á Íbishóli í Skagafirði. Upp úr fermingu var hún í vist á ýmsum bæjum í sveitinni. Fjölskyldan flutti á Sauðárkrók árið 1928 en um það leyti flutti Ingibjörg til Akureyrar. Þar bjó hún til ársins 1985 að hún flutti til Reykjavíkur. Hún starfaði lengst af við saumaskap."

Ingibjörg Stefánsdóttir fæddist á Svaðastöðum í Hofstaðaplássi þann 14. apríl 1898. Hún var kona Magnúsar Kr. Gíslasonar og húsfreyja á Vöglum í Akrahreppi. Hún var formaður Kvenfélags Akrahrepps um skeið. Hún stofnaði einnig bindindisfélag með unglingum í Akrahreppi.

Ingibjörg fæddist í Mjóadal í Laxárdal í Austur - Húnavatnssýslu, kennd við Gil í Svartárdal. Foreldrar hennar voru Stefán Sigurðsson bóndi og kona hans Elísabet Guðmundsdóttir. Ingibjörg stundaði nám við Kvennaskólann á Blönduósi, Laugaskóla í Þingeyjarsýslu og lauk ljósmæðraprófi frá Ljósmæðraskóla Íslands árið 1935. Var ljósmóðir í Austur - Hún. 1935-1968. Ingibjörg starfaði við Heilsuhæli NLFÍ í Hveragerði frá 1969 til 1976 og síðar hjá Áklæðum og gluggatjöldum í Reykjavík, eða í fimm ár. Ingibjörg giftist Þorsteini Jónssyni organista, þau eignuðust tvö börn.

Húsmóðir og saumakona í Kópavogi. Maki: Guðni Daníelsson (1920-1992).

Frá Hóli í Sæmundarhlíð, dóttir Hallfríðar Sigurðardóttur og Sveins Jónssonar oddvita. Kvæntist Ellerti Jóhannessyni, þau bjuggu í Holtsmúla.

Marja Ingibjörg Sveinsdóttir var fædd á Skarði í Skarðshreppi á Reykjaströnd í Skagafirði 27. júlí 1910. Foreldrar hennar voru Sveinn Lárusson og Lilja Kristín Sveinsdóttir. ,,Ingibjörg fluttist á fyrsta aldursári með foreldrum sínum að Steini á Reykjaströnd þar sem hún bjó til 16 ára aldurs, en þá fluttist fjölskylda hennar að Ingveldarstöðum á Reykjaströnd þar sem hún átti heima til 25 ára aldurs. Þaðan flutti hún til Akureyrar og var þar einn vetur. Síðan flutti hún til Siglufjarðar og vann þar við heimilisstörf til 1938, er hún réðst sem ráðskona til Páls Ásgrímssonar að Mjóstræti 2. Ingibjörg tók þar við heimilishaldi, en kona Páls hafði látist frá þremur ungum drengjum nokkrum árum áður. Ingibjörg vann við síldarsöltun meðan síld kom til Siglufjarðar og eftir það við fiskvinnslu. Hún starfaði í verkakvennafélaginu Vöku og í kvennadeild slysavarnafélagsins Vörn. Einnig tók hún virkan þátt í félagsstarfi aldraðra. Ingibjörg bjó alla sína búskapartíð í Mjóstræti 2 en veturinn 1990 flutti hún í Skálarhlíð, dvalarheimili aldraðra á Siglufirði." Hinn 15.apríl 1939 giftist Ingibjörg Páli Ásgrímssyni, þau eignuðust þrjú börn saman, fyrir átti Páll þrjá syni.

Ingibjörg Þorvaldsdóttir Hillers fæddist á Sauðárkróki 14. maí 1918. Foreldrar hennar voru hjónin Þorvaldur Guðmundsson, kennari, hreppstjóri og sjúkrahúshaldari á Sauðárkróki og Ingibjörg Salóme Pálmadóttir. ,,Hinn 30. maí 1936 gekk Ingibjörg að eiga Björn Guðmundsson frá Reykjarhóli í Seyluhreppi, þau eignuðust eina dóttur, þau skildu. Árið 1941 hóf Ingibjörg að búa á Selfossi með Börge Hillers, mjólkurfræðingi frá Marup Mark við Koldind/Koldindbro á Jótlandi. Þau Ingibjörg og Börge gengu í hjónaband 29. desember 1951. Þau eignuðust fjögur börn. Ingibjörg fæddist á Sjúkrahúsinu á Sauðárkróki, flutti með foreldrum sínum að Brennigerði í Skarðshreppi 1920, þar sem þau bjuggu í tíu ár, en fluttu að þeim liðnum aftur til Sauðárkróks. Hún var gædd listrænum hæfileikum, söng í Kirkjukór Sauðárkróks og lék m.a. annað aðalhlutverkið í Pilti og stúlku eftir Jón Thoroddsen. Hún flutti á Selfoss 1941 og átti þar heima síðan. Hún stundaði þar ýmis tilfallandi störf."