Kristín er dóttir Borgu sem er systurdóttir Ktistmundar

Kristín var fædd á Sauðárkróki 1. október 1905, foreldrar hennar voru Sölvi Jónsson járnsmiður og vélgæslumaður og Stefanía Marín Ferdinandsdóttir. Kristín ólst upp í Sölvahúsi (Skógargötu 8) á Sauðárkróki og var hún næstelst sjö systkina. Eftir barnaskóla vann hún á ýmsum stöðum, hjá Pálma Péturssyni á Króknum, á Völlum, á Víðivöllum, í bakaríinu hjá Snæbirni og Ólínu, á Reynistað og hjá Kristni P. Briem kaupmanni. Árið 1937 hóf hún störf í vefnaðarvöru- og skódeild Kaupfélags Skagfirðinga, Syðribúðinni. Þar vann hún samfleytt í 44 ár eða til ársins 1981. Stína kom töluvert að félagsmálum og starfaði með ungmennafélaginu Tindastóli, Leikfélagi Sauðárkróks og söng með kirkjukór Sauðárkróks í 50 ár.
Kristín var ógift og barnlaus.

Laundóttir Magnúsar f. 1825, drukknaði í Húnaflóa 1862, móðir hennar var Kristín Jónsdóttir þá í vinnumennsku á Geitaskarði. síðar b. Núpi í Laxárdal fremri.

Kristín Kristjánsdóttir fæddist á Efri-Hóli í Staðarsveit 3. mars 1914. Hún bjó lengst af á Efri-Hóli, Staðastaðarsókn, Snæfellsnesi, hjá Jóni bróður sínum og Unu konu hans. Jón lést árið 1959 og bjó Kristín áfram á bænum og sinnti bústörfum með Unu mágkonu sinni. Una lést árið 1973 og bjó Kristín áfram á Efri-Hóli, en Friðjón, sonur Jóns og Unu bjó skammt frá ásamt konu sinni Hönnu á nýbýlinu Lindarbrekku. Friðjón og Hanna fluttu á Sauðárkrók. Kristín var fyrst í stað áfram á Efri-Hóli, en flutti svo til þeirra á Sauðárkrók. Seinustu árin dvaldi hún á Dvalarheimili aldraðra á Sauðárkróki. Kristín var í Kvenfélagi Staðarsveitar og bakaði oft pönnukökur fyrir félagið. Hún var gerð að heiðursfélaga félagsins.

Kristín Jónsdóttir fæddist 3. janúar 1915 á Hólum í Hjaltadal. Foreldrar hennar voru Hólmfríður Jónsdóttir og Jón Ferdinandsson sem bjuggu um tíma í Smiðsgerði. ,,Kristín hlaut hefðbundna barnafræðslu og var við nám í Húsmæðraskólanum á Laugum. Hinn 26. október 1936 giftist Kristín Sigurði Karlssyni frá Draflastöðum. Kristín og Sigurður tóku við búi á Draflastöðum árið 1937 og bjuggu þar með blandaðan búskap til ársins 1987. Kristín var glaðsinna og félagslynd kona og tók þátt í margskonar félagsstarfi. Kristín var um tíma formaður Kvenfélagsins Bjarkar í Norður-Fnjóskadal, síðar var hún heiðursfélagi í Kvenfélagi Fnjóskdæla. Kristín vann um árabil að söfnun þjóðhátta fyrir Þjóðminjasafn Ísland. Hún tók virkan þátt í safnaðarstörfum, var sóknarnefndarformaður, söng í kirkjukór Draflastaðakirkju og var fulltrúi sóknarinnar á héraðsfundum. Kristín starfaði með kvennakórnum Lissý. Hún var orðhög og flutti eigin frásögn í Ríkisútvarpinu. Hún var meðal fyrstu einstaklinga til að prjóna peysur og annan fatnað úr lopa til að selja erlendum ferðamönnum. Kristín og Sigurður tóku inn á heimili sitt á Draflastöðum fjölda barna til sumardvalar." Kristín og Sigurður eignuðust tvö börn.

Dóttir Jóns Guðmundssonar b. í Teigi í Óslandshlíð og k.h. Elísabetar Jóhannsdóttur frá Krossi. Búsett á Akureyri.

Foreldrar: Jón Þorláksson b. í Brekkukoti ytra í Blönduhlíð og 3. k. h. Steinunn Björnsdóttir frá Miðhúsum í Óslandshlíð. Hún var húsfreyja á Þorsteinsstöðum í Tungusveit, Lýtingsstaðahreppi. Maður hennar var Stefán Jónatansson (1892-1936) bóndi á Þorsteinsstöðum.

Kristín Jónsdóttir. Móðir: Sigríður Magnúsdóttir (1821-1886). Vinnukona á Læk í Viðvíkursveit og í Saurbæ í Kolbeinsdal. Fór þaðan til Vesturheims 1888.

Kristín er dóttir hjónanna Borgu og Bjarka Jakobson. Amma hennar í móðurætt, Indíana, var systir Kristínar móður K.B. Kristín fæddist í Kanada og hefur búið þar.

Foreldrar: Guðmundur Finnbogason og Sigríður Jónsdóttir, þau voru ekki gift. Móðir hennar kvæntist síðar Pétri Hannessyni. Ólst upp í skjóli föðurömmu sinnar, Guðrúnar í Mjóadal til 6 eða 7 ára aldurs. Fluttist þá til föður síns á Ísafjörð um tíma og var í fóstri á bæjum í A-Húnavatnssýslu. Fór síðar í fóstur að Kirkjuskarði í Laxárdal til Sigríðar Björnsdóttur og Stefáns Guðmundssonar. Gekk í Kvennaskólann á Blönduósi. Giftist Helga Magnússyni frá Núpsöxl í Laxárdal fremri og bjuggu þau þar 1918-1935 og í Tungu í Gönguskörðum 1835-1949 er þau skildu og Kristín fluttist Reykjavíkur. Þau eignuðust átta börn. Í Reykjavík starfaði hún við matseld og barnagæslu. Seinna hóf hún sambúð með Halldóri Þorsteinssyni frá Grýtubakka í Eyjafirði. Kristín var vel hagmælt og varð virkur félagi í Kvæðamannafélaginu Iðunni.

Dóttir Guðmundar Einarssonar verslunarstjóra á Hofsósi, síðast á Siglufirði og k.h. Jóhönnu Stefánsdóttur frá Reynistað. Kvæntist Ólafi Þorsteinssyni lækni í Reykjvík. Veitti um tíma Landsímamiðstöðinni í Hafnafirði forstöðu ásamt móður sinni.

Dóttir Ingvars Pálssonar kaupmanns í Reykjavík og Jóhönnu Gróu Jósafatsdóttur. Húsfreyja í Reykjavík.

Kristín Ingibjörg Sigfúsdóttir, f. 14.12.1892 á Krakavöllum í Flókadal. Foreldrar: Sigfús Bergmann Jónsson og Margrét Jónsdóttir á Krakavöllum. Ingibjörg fluttist með foreldrum sínum að Hóli í Siglufirði árið 1895 og þaðan árið 1899 á Siglunes og var þar fram yfir fermingaraldur. Hún varð eftir hjá föður sínum þegar foreldrar hennar skyldu en þá var hún á tíunda ári. Eftir fermingu var hún lánuð sem barnfóstra til siglfirskra hjóna. Árið 1920 kvæntist hún Bergi Magnússyni. Þau bjuggu í Ásgeirsbrekku 1922-1926, á Unastöðum í Kolbeinsdal 1926-1943 og í Enni í Viðvíkursveit 1943-1945. Voru eftir það fjögur ár í húsmennsku á Ytri-Hofdölum, síðan búsett á Siglufirði. Ingibjörg var lærð hjúkrunarkona og hafði lært þau fræði hjá Jónasi Kristjánssyni lækni á Sauðárkróki. Stofnað var hjúkrunarfélag í Viðvíkurhreppi og samdi félagið við Ingibjörgu um að annast sjúklinga. Á sumrin var hún í kaupavinnu á Hofstöðum, Hólum og víðar en að haustinu á sláturhúsinu í Kolkuósi.
Maki: Bergur Magnússon, f. 1896. Þau eignuðust 4 börn.

Fædd að Neðra-Ási í Hjaltadal, foreldrar hennar voru Sigurlína Gísladóttir og Kristinn Erlendsson. Kristín fór ung til séra Þorsteins Briem og konu hans, Valgerðar Lárusdóttur, sem þá bjuggu í Eyjafirði. Kristín fór í Lýðháskóla í Hasslev í Danmörku 1922 og veturinn eftir dvaldi hún á herragarði á Jótlandi. Vorið 1923 fór Kristín sem ráðskona á Rolsö í Noregi þar sem hún veiktist af lömunarveiki og þurfti að dvelja í tvo mánuði á sjúkrahúsi í Osló. Eftir að hún kom heim til Íslands aftur 1924, starfaði hún sem kennari á Hofsósi og við verslun bæði á Siglufirði og Akureyri. Árið 1926 giftist hún Birni Jónssyni frá Bæ á Höfðaströnd og hófu þau búskap í Bæ. Samhliða heimilis- og bústörfum tók Kristín virkan þátt í félagsmálum í sveitinni, starfaði í ungmennafélaginu Höfðstrendingi og tók þátt í leikstarfsemi. Eins söng hún í kirkjukór Hofskirkju í rúm 50 ár. Kristín og Björn eignuðust átta börn og tóku að sér þrjú fósturbörn.

Kristín Hólmfríður Pétursdóttir fæddis á Siglufirði 23. janúar 1934. Hún er menntaður bókasafnsfræðingur og hefur unnið ýmis störf tengd námi sínu. Frá árinu 1985 var hún forstöðumaður Skjalasafns Landsbanka Íslands. Þá hefur hún komið að ritun bóka og greina. Maki: Baldur Ingólfsson, kennari, löggiltur skjalaþýðandi og dómtúlkur. Þau skildu.

Er frá Víðiholti. Var um tíma á Sjávarborg

Kristín var systir mágkonu Kristmundar, Helgu Hinriksdóttur

Foreldrar: Kristín J. Guðmundsdóttir og Helgi Magnússon bændur í Tungu í Gönguskörðum. Eiginmaður hennar var Magnús Jónsson smiður. Þau eignuðust fimm börn. Þau bjuggu í Perth í Ástralíu frá 1968-1987 er þau fluttu til Sauðárkróks.

Fæddist á Sauðárkróki 12. júní 1927. Foreldrar: Stefán Jóhannesson og Helga Júlíana Guðmundsdóttir. Krist­ín gift­ist 26.1. 1946 Gunn­ari Axel Davíðssyni (1921-2002) og eignuðust þau fimm börn.

Kristín Halldórsdóttir fæddist á Skottastöðum í Svartárdal í Austur-Húnavatnssýslu 4. júlí 1927. Foreldrar hennar voru Halldór Jóhannsson, f. á Birningsstöðum í Ljósavatnsskarði og Guðrún Guðmundsdóttir, f. á Leifsstöðum í Svartárdal. Árið 1963 giftist Kristín Gesti Pálssyni, f. á Grund á Jökuldal 13. ágúst 1925, þau eignuðust fjögur börn. ,,Veturinn 1947-48 var Kristín við nám í Kvennaskólanum á Blönduósi. Hún vann síðan við hin ýmsu störf í Reykjavík og á Bergsstöðum hjá foreldrum sínum. 1963 hófu þau Gestur sambúð á Akureyri og voru þar til 1965 er þau tóku við sem húsverðir í Húnaveri og hófu búskap þar og á Bergsstöðum, sem þau síðan byggðu upp og fluttu þangað 1974. Þau bjuggu þar til ársins 1989 er þau tóku aftur við húsvörslu í Húnaveri. Fluttu síðan til Blönduóss 1992 þar sem hún sinnti hugðarefnum sínum svo sem bóklestri og handavinnu. 1998 fluttu þau til Reykjavíkur og síðar í Kópavog, þar sem þau bjuggu með Guðrúnu dóttur sinni og fjölskyldu. Síðasta hálfa árið var hún á hjúkrunarheimilinu Grund."

Kristín Friðfinna Jóhannsdóttir á Tyrfingsstöðum.

Dóttir Eggerts Briem eldri, sýslumanns á Reynistað og Ingibjargar Eiríksdóttur. Kristín var vel menntuð og vann mikið að ýmsum félags-og framfaramálum. Var einn af stofnendum kvennaskólans í Ási í Hegranesi. Hún unni mjög tónlist og fyrir hennar forgöngu var fyrsta kirkjuorgelið í Skagafirði keypt í Reynistaðarkirkju. Kristín kvæntist Jean Valgard Claessen kaupmanni á Sauðárkróki, þau eignuðust fjögur börn, Kristín lést aðeins viku eftir fæðingu yngsta barnsins.

Dóttir Árna Guðmundssonar frá Þorbjargarstöðum í Laxárdal og k.h. Svanfríðar Guðrúnar Þóroddsdóttur. Búsett á Sauðárkróki. Kvænt Guðmundi Gunnarssyni.

Foreldrar: Björn Pétursson b. og hreppstjóri á Hofsstöðum og s.k.h. Una Jóhannesdóttir. Um tvítugt hélt Kristín til Reykjavíkur í hússtjórnarnám sem hún stundaði í tvo vetur. Auk þess mun hún hafa sótt nám utanskóla. Kristín kvæntist árið 1911 Kristni P. Briem og settust þau að á Hofsstöðum. Ári síðar fluttu þau til Sauðárkróks og settu þar á stofn verslun sem þau starfræktu til ársins 1961. Kristín og Kristinn eignuðust átta börn, fjögur þeirra komust á legg. Einnig tóku þau þrjú fósturbörn.

Foreldrar: Björn Hafliðason b. í Saurbæ í Kolbeinsdal og k.h. Ragnheiður Sigríður Þorláksdóttir. ,,Kristín ólst upp hjá foreldrum sínum í Saurbæ í Kolbeinsdal. Ung stundaði hún nám við unglingaskólann á Hólum í Hjaltadal og síðar við Húsmæðraskólann á Blönduósi. Í Danmörku dvaldi hún við nám og störf í um þrjú ár, lærði fatasaum og vann að saumum fyrir verslunarhúsið Rosenberg í Kaupmannahöfn. Eftir heimkomuna réðst hún til starfa á heimili Kristjáns Siggeirssonar. Kvæntist Georg Lüders af dönskum og austurrískum ættum. Eftir að Kristín gifti sig var hún heimavinnandi framan af en hóf síðan störf við niðursuðuverksmiðjuna ORA í Kópavogi við stofnun hennar, og starfaði þar um árabil. Kristín og Georg voru landnemar í Kópavogi þar sem þau byggðu sér lítið hús á Kársnesbraut 37 árið 1944 en reistu síðan stærra hús er varð Kársnesbraut 101. Árið 1975 flutti Kristín alfarin til Danmerkur." Kristín og Georg eignuðust tvær dætur.

Fædd í Flugumýrarhvammi eða Hjaltastaðahvammi. Móðir: Guðbjörg Sigurðardóttir ljósmóðir í Hjaltastaðahvammi. Húsfreyja á Sauðárkróki, síðar í Reykjavík. Húsfreyja í Reykjavík 1910. Kvæntist Birni Símonarsyni gullsmiði.

Dóttir Svavars Sigpéturs Guðmundssonar gjaldkera á Sauðárkróki og k.h. Sigurbjargar Ögmundsdóttur. Kristín var alin upp á Reykjarhóli á Bökkum frá sjö til fjórtán ára aldurs. Vann við fiskvinnslu og við ýmis störf á sjúkrahúsinu á Sauðárkróki. Kvæntist Hjalta Jósafat Guðmundssyni húsasmíðameistara.

Foreldrar hennar voru hjónin Sigurlaug Jónasdóttir og Bjarni Halldórsson á Uppsölum. Kristín giftist hinn 7. ágúst 1948 Maroni Péturssyni frá Brekkukoti í Svarfaðardal. Kristín og Maron bjuggu í Ásgeirsbrekku frá 1951 til 1966 er þau fluttu til Sauðárkróks og áttu þar heima upp frá því, þau eignuðust tvö börn.

Bankaritari á Akureyri 1930. Húsfreyja á Akureyri. Síðast bús. á Akureyri.

Foreldrar: Benedikt Sveinsson (1826-1899) sýslumaður og alþingismaður og Katrín Einarsdóttir (1843-1914). Kristín var alsystir Einars Benediktssonar skálds. Kennslukona í Reykjavík. Kvæntist Árna Pálssyni prófessor, þau voru barnlaus. Þau skildu.

Systurdóttir Kristmunds Bjarnasonar

Dóttir Maríu Kristínar Valgardsdóttur Claessen og Sigurðar Thoroddsen. Matreiðslukennari í Reykjavík.

Dóttir Eggerts Claessen hæstaréttarlögmanns og Soffíu Jónsdóttur.

Verslunarkona á Seyðisfirði.

Kristín Albertsdóttir fæddist á Sauðárkróki 5. ágúst 1930. Foreldrar hennar voru hjónin Karólína Guðmann og Albert Sölvason. Kristín fluttist á Akureyri 1940 og bjó lengst af á Eiðsvallagötu 28. Hún starfaði lengi sem tannsmiður, en síðustu starfsárin við verksmiðjustörf. Sonur Kristínar og Karls Hólm Helgasonar var Albert Sölvi Karlsson.

Kristín Aðalbjörg Jóna Þorbergsdóttir, f. á Helgustöðum í Austur-Fljótum 09.12.1915, d. 26.10.1999. Foreldrar: Þorbergur Arngrímsson bóndi í Hvammi í Fljótum og barnsmóðir hans Sigríður Eiríksdóttir. Kristín ólst upp hjá móður sinni í Helgustöðum fyrstu sjö árin, utan ársins 1922 sem hún var til heimilis hjá föður sínum í Hvammi. Árið 1922 lést móðir hennar og fór Sigríður þá í fóstur til afa síns og ömmu og fermdist frá þeim árið 1930. Árið 1932 var hún ráðskona hjá Pétri Jónssyni bónda á Brúnastöðum sem þá hafði misst konu sína árið áður. Árið 1933 fór hún að Þrasastöðum en 1934 var hún komin í Hvamm og orðin heitkona Sveins. Þau bjuggu á Illugastöðum 1936-1939, á Sléttu 1940-1942 og aftur 1943-1971. Árið 1942-1943 voru þau Sveinn í húsmennsku á Bjarnargili. Þá brugðu þau búi og fluttust til Reykjavíkur. Eftir að suður kom fór Krstín að vinna á Landakotsspítala. Þau bjuggu fyrst í Hraunbænum en síðar á Bræðraborgarstíg. Síðustu árin voru þau á Dvalarheimili á Dalbraut í Kópavogi.
Maki: Sveinn Vilhjálmur Pálsson (1903-1992). Þau eignuðust sex börn.

Fædd á Dýrfinnustöðum í Blönduhlíð. Dóttir Maríu Jóhannesdóttur og Runólfs Jónssonar. Ættleidd af Kristmari Ólafssyni kaupmanni á Siglufirði og Hallfríði Friðriku Jóhannesdóttur móðursystur sinni. Hún var kennd við stjúpa sinn. ,,Kristfríður var jafnvel betur þekkt undir nafninu Didda. Hún flutti til kjörforeldra sinna á Siglufirði 1931, þar ólst hún upp og gekk í skóla. 16 ára flutti hún til Reykjavíkur og fór að vinna fyrir sér. Árið 1948 kynntist hún Höskuldi Þorsteinssyni sem var nýkominn úr flugnámi í Kanada en hann lést í flugslysi, þau eignuðust fimm börn. Fyrstu hjúskaparárin bjuggu þau í Reykjavík en kringum 1955 fluttu þau í Kópavog í hús sem þau byggðu á Víghólastíg. Didda var heimavinnandi að mestu fyrstu árin en brá sér oft til Siglufjarðar og saltaði síld. Árið 1969 flutti hún á Bjarnhólastíg og bjó þar í rúm 30 ár. Árið 1970 hóf hún störf á leikskólanum Kópahvoli og starfaði þar í 27 ár." Seinni maður Kristfríðar var Eyjólfur Ágústsson.

Kristbjörg Sigurjóna Bjarnadóttir fæddist í Stóru-Brekku í Fljótum 13. maí 1935. Foreldrar hennar voru Bjarni Kristjánsson bóndi í Ökrum í Fljótum og eiginkona hans Aldís Margrét Guðmundsdóttir. Kristbjörg ólst upp með foreldrum sínum og bræðrum í Ökrum. ,,Hún gekk í gagnfræðaskóla á Siglufirði í 3 vetur. Eiginmaður hennar var Axel Þorsteinsson, fæddur á Vatni á Höfðaströnd, þau eignuðust sex börn. Árið 1953 keyptu Axel og Kristbjörg jörðina Litlu-Brekku á Höfðaströnd og stunduðu þar búskap til ársloka 1987 er Bjarni sonur þeirra tók við jörðinni. Þau dvöldu áfram í Litlu-Brekku til ársins 2002 en fluttu þá að Túngötu 2 á Hofsósi."

Dóttir Þorvaldar Ólafssonar b. í Hólkoti á Reykjaströnd og k.h. Kristínar Magnúsdóttir. Kristbjörg fluttist suður, lést ógift og barnlaus.

Kristbjörg Guðmundsdóttir fæddist 7. september 1904. Foreldrar hennar voru Guðmundur Ólafsson og Jóhanna Guðný Einarsdóttir. Hún var vinnukona á Ási, Rípursókn, Skagafirði 1930. Síðast búsett á Sauðárkróki, bjó á Hlíðarstíg 1. Ógift og barnlaus.

Kristbjörg Guðbrandsdóttir, f. í Ólafsvík 15.06.1934, d. 03.12.2009 á Sauðárkróki. Foreldrar: Guðbrandur Guðbjartsson og Kristjana Sigþórsdóttir. Kristbjörg giftist Magnúsi H. Sigurjónssyni árið 1954. Á Sauðárkróki vann hú ýmis störf. M.a. í Landssímastöðinni, kenndi handavinnu við barnaskóla Sauðárkróks, leiðbeindi í skólagörðum bæjarins og starfaði um árabil við verslun hjá Kaupfélagi Skagfirðinga. Hún var mikil hannyrðakona. Stofnaði kvenfata- og snyrtivöruverslunina Ísafold árið 1988 og rak í tæp tuttugu ár. Kristbjörg var félagi í Soroptimistaklúbbi Skagafjarðar.

Maki. Magnús Heiðar Sigurjónsson, f.v. verslunarstjóri Kaupfélags Skagfirðinga.

Prófessor í dönsku, forstöðumaður Stofnunar Vigdísar Finnbogadóttur.

Laug Biskupstungum

Var á Steiná, Bergstaðasókn, Hún. 1801. Skráður sem vinnumaður á Eiðsstöðum, Blöndudalshólasókn, Hún. í manntalinu 1835. Bóndi í Steinárgerði í sömu sókn 1845. Bóndi á Þröm í Blöndudal, A-Hún.
Eiginkona Kráks var Helga Þórðardóttir (1794- eftir 1855). Svo virðist sem hún hafi átt barn fyrir hjónaband, alla vegana segir í manntalinu 1835 að hún sé vinnukona á Eiðsstöðum (sama stað og Krákur) og sé að vinna fyrir barni. Saman áttu þau tvær dætur en mögulega hefur Krákur einnig átt barn fyrir hjónaband, Benedikt Kráksson (1833-1845) með Guðfinnu Einarsdóttur (1811-eftir 1870).

Konráð Þorsteinsson, f. 26.03.1914, d. 08.10.1973. Alinn upp með foreldrum sínum á Árskógsströnd. Flutti til Sauðárkróks og þaðan til Vestmannaeyja 1939, til Hafnarfjarðar 1942. Missti hús sitt í bruna og fyrri konu sína skömmu síðar (1943). Bjó með seinni konu sinni á Sauðárkróki, Ísafirði og síðustu tíu árin í Reykjavík. Var vélstjóramenntaður og lauk einnig kennaraprófi nær sextugur. Skólastjóri í Seljavallaskóla V-Eyjafjöllum. Var virkur í hvítasunnusöfnuðinum og tók þátt í bæjarstjórnarmálum á Sauðárkróki.

Fyrri kona: Kristín María Sigurðardóttir frá Sumarliðabæ og Hvammi í Holtum (1915-1943), þau eignuðust fimm börn saman, það yngsta varð kjörbarn Skúla Guðmundssonar alþingismanns og ráðherra.

Síðari kona: Sigríður Helga Skúladóttir (1911-1996), þau eignuðust sex börn saman, fyrir átti Sigríður Helga eitt barn, þau ólu einnig upp dótturson.

Fæddur í Gilhaga. Foreldrar: Þorsteinn Magnússon og Halldóra Sigurðardóttir. Bóndi í Goðdölum 1899-1900, á Grímsstöðum 1900-1904. Fór þá til Vesturheims með fjölskyldu sína. Kvæntist Guðrúnu Ágústu Jóhannsdóttur, þau eignuðust fjögur börn.

Sonur Magnúsar Konráðssonar (bróður sr. Helga Konráðssonar) og Eyþóru Jósefínu Sigurjónsdóttur.

Konráð Konráðsson, f. á Marbæli á Langholti 14.12.1868, d. 22.01.1951 á Skarðsá. Foreldrar: Konráð Jóhannesson bóndi á Ytra-Skörðugili og kona hans Filippía Gísladóttir.
Konráð fluttist vorið 1890 að Skarðsá í Sæmundarhlíð með foreldrum sínum og tók þar við búsforráðum er Gísli bróðir hans fluttist að Egg. Var bóndi á Skarðsá 1904-1951. Bjó fyrst með móður sinni en eftir andlát hennar 1928 tók Pálína dóttir hans við bústjórninni og hélt henni meðan hann lifði. Konráð kvæntist ekki en eignaðist þrjú börn.
Barnsmóðir 1: Steinunn Stefánsdóttir (22.07.1876-28.06.1931). Þau eignuðust tvö börn.
Barnsmóðir 2: Halldóra Sigvaldadóttir (12.01.1876-08.10.1913). Þau eignuðust eina dóttur.

Póstmaður á Skólavörðustíg 23, Reykjavík 1930. Póstmaður. Síðast bús. í Reykjavík.

Konkordía Rósmundsdóttir fæddist 13. apríl 1930. Fædd á Kjarvalsstöðum í Hjaltadal. Jafnan kölluð „Día“. Hún var húsfreyja á Nautabúi í Hjaltadal og Grafargerði á Höfðaströnd. Búsett á Sauðárkróki frá 1970.
Maður hennar: Róar Jónsson (1923-).

Sonur Tómas Ísleikssonar og Guðrúnar Jóelsdóttur í Kolkuósi, þau fluttu til Winnipeg 1903. Starfaði sem trésmiður í Winnipeg. Kvæntist Sigurlaugu Gilbert Magnúsdóttur.

Dóttir Svafars Dalmanns Þorvaldssonar og Dagrúnar Halldórsdóttur.

Foreldrar: Kolbrún María Sæmundsdóttir og Hinrik Már Jónsson á Syðstu-Grund í Blönduhlíð.

Kolbeinn Kristinsson, f. á Þúfum í Óslandshlíð en fluttist ásamt foreldrum sínum að Skriðulandi í Kolbeinsdal 1897. Foreldrar: Kristinn Sigurðsson (1863-1943) og Hallfríður Jónsdóttir (1858-1951). Kolbeinn tók fyrst við parti af búinu á Skriðulandi en svo allri jörðinni þegar faðir hans lést 1943. Kolbein bjó í 3 ár á Hofi en fluttist aftur að Skriðulandi. Hann fór þaðan alfarinn árið 1955. Þá flutti hann til Akureyrar og vann á fjórðungssjúkrahúsinu við skrifstofustörf og sem gjaldkeri. Frá Akureyri flutti hann til Sauðárkróks og bjó í tvö ár þar og vann við skipaafgreiðslu hjá Kaupfélaginu. Loks flutti hann til Reykjavíkur þar sem hann fékk ígripavinnu hjá Finni Sigmundssyni á Þjóðskjalasafninu.
Maki: Kristín Guðmundsdóttir (1898-1981). Þau eignuðust tvær dætur.