Ljóðið er handskrifað á á pappírsörk með rithönd Árna. Efst á blaðið er búið að skrifa athugasemd: "Alli í Grímsey sendi mér svartfuglsegg, og mun það vera tilefni ljóðsins.
Ljóðið er handskrifað á miða sem límdur hefur verið á A4 pappírsörk, ásamt mynd af Jóhönnu Blöndal. Aftan á örkina er límdur minnismiði þar sem listuð er upp tónlist flutt við jarðarför Jóhönnu 19. júlí 1988.
Innbundin bók með handskrifuðum kveðskap. Á forsíður stendur: "Eitt æfintýri er kallast Jóhönnu raunir á þýsku útlagt og á ljóðmæli snúið af Snorra Björnssyni presti að Húsafelli."
Handskrifuð pappírsörk, inniheldur ljóð með yfirskriftinni Nemesis. Dagsett og undirrituð af HSB. Með fylgir vélrituð örk þar sem ljóðið er skrifað upp, ásamt skýringum á tilurð þess og höfundi.
Skjalið er tvær pappírsarkir límdar á stærri örk. Inniheldur tvö ljóð sem virðast vera sumarkveðjur til Jóhönnu Blöndal, annars vegar frá Siggu og Pétri og hins vegar frá Hönnu og Hannesi.
Skjalið er tölvuprentað og inniheldur nafnalista ásamt spakmælum og ljóðlínum, sem og skýringum. Einnig eru á blaðinu myndir af þeim sem um ræðir. Meðfylgjandi er handskrifað blað með sömu vísum og spakmælum.
Stílabókin er í stærðinni 20,1 x 16,2 cm. Hún inniheldur kveðskap, m.a. eftirmæli eftir Fljótamenn. Kápan er nokkuð óhrein, en annars er ástand bókarinnar gott.
Stílabókin er í stærðinni 20,9 x 14,8 cm. Bókin inniheldur einkum ljóð eftir þjóðskáldin og a.m.k. eina vísa er eftir Björn Pétursson frá Sléttu. Með liggur minnisblað um skuldi bænda í Fljótum við Samvinnufélag Fljótamanna. Ástand skjalanna er gott.
Stílabókin er í stærðinni 20,3 x 16,2 cm. Bókin inniheldur einkum ljóð, m.a. "Þið þekkið Fljót með ís og snjóinn..." Kápu vantar á bókina og hún er óhrein.
Stílabókin er í stærðinni 32,3 x 20,3 cm. Innbundin í harðspjalda kápu. Í bókina er skrifaðarfróðleikur úr Fljótum og Siglufirði, að mestu í annála eða dagbókarformi. Ástand bókarinnar er gott.
Stílabókin er í stærðinni 20,9 x 16,9 cm. Innbundin í harðspjalda kápu. Í bókina er skrifaður fróðleikur um bændur í Holtshreppi 1900 og áratugina á eftir. Ýmis ljóð koma við sögu, einkum eftirmæli. Sagnaþáttur um fund Íslands og Ameríku. Nokkur atriði úr íslandssögunni, einkum á Sturlungaöld. Nokkrir fróðleiksmolar úr spurningaþættinum sýslurnar svara sem var sendur út í útvarpi. Ástand bókarinnar er gott.
Stílabókin er í stærðinni 20,9 x 16,9 cm. Innbundin í harðspjalda kápu. Í bókinni eru uppskriftir af fundargjörðum UMF Holtshrepps frá 1919-1926, fróðleikur um blaðið Vísi sem félagið gaf út. kafli úr sveitarlýsingu Holtshrepps árið 1900 eftir Hannes Hannesson, annáll 1937-1950 og fleiri frásagnir og ljóð úr Fljótum. M.a. eftir Hannes Hannesson. Ástand bókarinnar er gott.
Rauð kápa með blómum. Á fremstu blaðsíðu er stimplað Gjöf Páls Sigurðssonar bókavarðar. Á næst fremstu blaðsíðu er skrifað með penna: Til Láru frá mömmu, 11 júní 1907. Í bókinni er skrifaðar kveðjur og ljóð frá vinum og vandamönnum
Fjölritað hefti í A5 broti, alls 16 síður að kápu meðtalinni. Heftið er gefið út af Forlaginu Pésa og inniheldur kveðskap sem tengist presti nokkrum. Ástand skjalsins er gott.
Vor í Skagafirði - tileinkað félaginu í "Varmahlíð" Vor í Skagafirði (tileinkað félaginu „Varmahlíð“)
Nú er vor yfir jörð. Yfir fjall, yfir fjörð Hellast fossar af skínandi, blikandi ljóma. Hér er unaður nýr, Þegar árdagsblær hlýr Leysir allt, sem að lifir úr kveljandi dróma. Hið „ónýta“ og visna að hauðrinu hnígur, Til himinsins ilmur frá jörðinni stígur. Yfir bjartsýna þjóð, Með sín blíðustu ljóð, Vorsins brosandi herskari ástfanginn, syngjandi flýgur.
Nú ber Mælihnjúk hátt. Upp í heiðloftið blátt yfir héraðið rís hann í konungstign sinni. Eins og vörður í kring raðar hamranna hring. Hvílík tign, hvílík dýrð yfir sveitinni minni. Um Kaldbak og Tindastól tíbráin glitrar. Niður tignfríða Blönduhlíð berglindin sitrar. Út við eyjar og sund sefu8r Ægir sinn blund. Yfir öll´ eru ríkjandi blessaðar listdísir virtar.
Ó, þú sólvermda land; Ó, þú sagnauðga land; Þú ert sólarbros Guðs, á hans albesta degi. Þú ert allt, sem er hlýtt, sem er fagurt og frítt, sem er framsækið, ljósþyrst, á betrunarvegi. Þú er máttugt, sem Hólastóll goðborins siðar. Yfir Skaga og Fljót, yfir fald þinn og fót, breiðist friðarblær vorsins, sem skjókróna allaufgaðs viðar.
Hér þarf frjálshuga þjóð. Hér þarf framsækna þjóð. Hér skal forystumenning frá grundvelli rísa. Hér þarf listelska lund, Þó að lúin sé mund. Hér skal ljóssækin æska á brautina vísa. Í ljóselskar sálir skal guðtraustið grafið, sem glampandi breiður á sólarþyrst hafið. Hér þarf raunsterka sál. Hér þarf rammíslenskt mál. Þá er ramminn og myndin í samræmdri einingu vafið.
Sigurður Egilsson tekur viðtal við Gunnar Jóhannsson frá Mælifellsá. Rætt er um kjör öryrkja en Gunnar bjó við fötlun. Gunnar fer með frumsamda vísu. Viðtalið er tekið í Reykjavík - nóvember 1970.
Skólaljóð. Kvæðasafn handa unglingum til að lesa og nema. Valið hefir og búið til prentunar Þórhallur Bjarnason. Þriðja prentun. Reykjavík. Bókaverzlun Sigfúsar Eymundssonar. 1909. Reynt hefur verið að lagfæra bókakápu. Efnisbútur hefur verið límdur yfir kjölinn.
Á fremstu blaðsíðu er skrifað: Frá mömmu til Siggu 3. júní 1905. Í bókinni eru handskrifaðar vísur og kveðjur frá vinum og vandamönnum, skrifað á mismunandi tímum.
Ljóðið er ein handskrifuð pappírsörk, undirrituð af Guðrúnu og Páli, Vestmannaeyjum. Um er að ræða eftirmæli um systur Páls, Sigríði Árnadóttur frá Geitaskarði.
Handskrifað bréf, ein pappírsörk í A4 stærð. Með liggur umslag, stílað á Hrólf Þorsteinsson. Í bréfinu eru eftirmæli um Ólaf Jóhannesson á Miklabæ í Blönduhlíð.
Bréfið er handskrifað á 3 arkir af þunnum pappír, líklega umbúðapappír. Með fylgja þrjár arkir sem á eru rituð ljóð, með annarri rithönd. Með liggur umslag, merkt "Sveinn Gunnarsson bréflappar."
Kvæðin til sýningarinnar í Skagafirði 28. maí 1881. Kvæði heita; Byrjunarljóð, Skagafjörður, Kvenna minni, Sönglistin, Vínið, Skilnaðarvísur. Prentað á Akureyri í prentsmiðju Fróða.
Bæklingur í stærðinni 17,8 x 11,4 cm. Jón Arason Hólabiskup. Fæddur á Grýtu í Eyjafirði 1484. Hálshöggvinn í Skálholti 7. nóv 1550. Alls 4 bls bæklingur með ljóði eftir Pál Ólafsson. Bæklingurinn er áritaður: "Til hr Árna Þorkelssonar. Vinsaml. frá höfundi. Alls 12 bls., auk kápu.
Útgefið rit í stærðinni 18,8 x 12,5 cm. Minningarrit um Jórunni Ísleifsdóttur Melsteð 1816-1858. Inniheldur ljóð og ræður. Alls 32 bls, auk kápu. Úgáfuár óþekkt.
Smárit í stærðinni 22 x 13, 6 cm. Skýring á minningarbréfinu um þúsund ára byggingu Íslands eptir Benedikt Gröndal. Kaupmannahöfn. Prentað hjá S. Trieer. Ritið er alls 64 bls. Kápu vantað. Ritið er nokkuð skemmt af sliti og óhreinindum.
Stílabókin er í stærðinni 29,7 x 21,2 cm. Í bókina er skrifaður ýmiss fróðleikur, einkum æviþættir og fáein ljóð. Líklega að stórum hluta uppskriftir. Með liggja allmörg laus blöð, hér og þar um bókina. Bókin hefur verið bundin inn með harðspjalda kápu, en kápuna vantar framan á og blöðin eru orðin mjög sundurlaus. Ástand bókarinnar er gott.
Stílabókin er í stærðinni 20,9 x 16,9 cm. Innbundin í harðspjalda kápu. Á kápusíðu er ritað: "Til hamingju með áttræðisafmælið. Til Péturs Frá Ástu." Í bókina er ritaður annáll Holtshrepps árið 1956 og ýmsar hugleiðingar. Einnig koma fyrir ýmis ljóð. Tilgáta að mest af þessu efni sé eftir Hannes Hannesson á Melbreið. Ástand bókarinnar er gott.
Ljóðmælin eru í vélrituðu hefti í A6 broti, alls 24 vélritaðar síður, auk ómerktrar kápu. Þau munu vera ort árið 1955, um Önnu Helgadóttur (1913-1976) sem bjó á Skíðastöðum. Letrið er nokkuð óskýrt en ástand skjalsins er gott.
Bréfið er handskrifað á 16 pappírsarkir í A4 stærð, á mjög þunnan pappír. Þar af eru 14 arkir með kveðskap, m.a. Einvígisrímum, nafnagátum og lausavísum. Blöðin eru orðin rifin og hafa sum krumpast.
Stílabókin er í stærðinni 24,7 x 19,4 cm. Innbundin í harðspjalda kápu. Í bókina er skrifaðar rúmlega 300 spurningar og svör, líklega úr útvarpsþætti. ýmsir fróðleiksmolar, líklega uppskrifaðir úr bókum og blöðum. Ýmiss siglfirskur og skagfirskur fróðleikur, m.a. um Sturlungu og úr Fljótum. Nokkrar annálafærslur. Uppskriftir úr útvarpsþáttum 1958-1959. Ljóð, m.a. ljóð Gunnars S. Hafdal um Fljótin. Æviþættir o.fl. Kápa bókarinnar er farin að losna í sundur. Með liggja tvö minnisblöð.
Stílabókin er í stærðinni 32 x 13 cm. Innbundin í harðspjalda kápu. Í bókina er skrifaður fróðleikur og ljóð úr útvarpsþáttum. Einnig ýmis önnur ljóð, æviágrip Pálma Sveinssonar á Reykjavöllum í Skagafirði, hugleiðing um kosningarétt kvenna, annála atriði, fróðleikur um símalagningu og Glaumbæ í Skagafirði, fjártala í Holtshreppi 1932,frásögn um leiksýningu 1953 (ekki ljóst hvar hún var sett upp) og sögn um álagablett í Minni-Brekku. Ástand bókarinnar er gott. Með liggja tvö minnisblöð
Stílabókin er í stærðinni 21,3 x 16,9 cm. Bókin inniheldur ljóð eftir Bólu-Hjálmar, ásamt fáeinum öðrum ljóðum, uppskrift af leikriti og uppskrift úr útvarpsþætti frá 1949. Ástand bókarinnar er gott.
Stílabókin er í stærðinni 20,1 x 16,2 cm. Bókin inniheldur ýmis ljóð, einkum erfiljóð eftir Fljótamenn. Kápan er laus frá bókinni og síðurnar eru upplitaðar.
Ljóðið Hótel jörð eftir Tómas Guðmundsson. Ljóðið er handskrifað á línustrikaða pappírsörk í A5 stærð með rithönd Marteins Steinssonar. Ástand skjalsins er gott.
10 arkir úr skrifblokk, þéttskrifaðar. Innihalda ljóðið Skagafjörður eftir Lúðvík Kemp. Á fremsta blaðið er ritað til hliðar: "L. Kemp/ Eiríkur Kristinsson."
Vélritað hefti með 8 blaðsíðum og kápu. Vélritað. Inniheldur bændavísur eftir Gunnþórunni Sveinsdóttur frá Mælifellsá. Ortar um bændur í Laxárdal og á Skaga.
Vélritað hefti með 17 blaðsíðum og kápu. Vélritað. Inniheldur bændavísur eftir Gunnþórunni Sveinsdóttur frá Mælifellsá. Ortar um bændur í framsveitum Skagafjarðar.
Ljóðmæli / Hjálmar Jónsson frá Bólu ; Jónas Jónsson gaf út Hjálmar Jónsson 1796-1875 (frá Bólu) Reykjavík : Menningarsjóður, 1942 Íslensk úrvalsrit xlvii, 112 bls. : teikningar ; 18 sm.
Fáein ljóðmæli Þorgeirs Markússonar fyrrum prests að Útskálum frá 1747 til 1753. Þorgeir Markússon 1722-1769 (prestur) höfundur. Sigurður Brynjólfsson Sívertsen 1808-1887 (prestur). Reykjavík : Jón Eyjólfsson, 1906. 64 bls. ; 17 sm. 3. útgáfa.
