Sveitablað sem hefur gengið á milli bæja í Blönduhlíð. Erfitt að átta sig á hver hefur forgöngu um stofnun blaðsins en svo virðist sem það hafi verið til áður og sé endurreist kringum 1919. Fyrri skráning (handritasafn HSk) segir: Stígandi, sveitar- eða lestrarfélagsblað í Út-Blönduhlíð, að því er virðist. Ritað 1919 til 1925.
Minnisblað varðandi ristjórastefnu Feykis (uppkast). Ráðningarsamningur við Jón Gauta Jónsson (uppkast). Minnisblað varðandi ýmislegt er kemur að rekstri blaðsins og útgáfu.
Bréf frá vinkonu Indíönu, Herdísi Bjarnadóttur. Skrifar undir Dísa. Á umslaginu er skrifað nafn Guðbrandar Frímannssonar, Fornósi 13 (minnispunktur eða að hann hafi komið bréfinu uppeftir). Á bakhlið umslags eru skrif sem gæti verið vísa.
Bréfið er líklega skrifað árið 1994. Hulda gæti verið Hulda Arnbjörg Vilhjálmsdóttir. Í bréfinu nefnir hún dóttur sína, Önnu Lind og kærasta, Jonna. Einnig er minnst á Hönnu, móður Jonna.
Bráðabirgðaskuldabréf úr Byggingarsjóði. Bréfið er í þremur eintökum. Varðar jörðina Brenniborg í Lýtingsstaðahreppi. Handskrifuð undirskrift Steingríms Steinþórssonar. Meðfylgjandi er miði sem heftaður var við: Stofnfjáreign og arður Daníels Ingólfssonar af viðskiptum við Kaupfélagi Skagfirðinga.
Tilboð Helga Jóhannessonar, Syðstu-Grund, Akrahreppi, í jörðina Brenniborg í Lýtingsstaðahreppi, sem Daníel Ingólfsson hafði auglýst til sölu. Seljandi: Daníel Ingólfsson, kaupandi: Helgi Jóhannesson. Vottar: Adolf Gíslason og Gísli Eiríksson.
Fæðingarvottorð Gunnars Jóhanns Valdimarsson, en hann fæddist að Vöglum 15. júní 1900. Undir vottorðið skrifar Lárus Arnórsson sóknarprestur og er það dagsett á Miklabæ 15. júní 1933.
Framan á umslaginu ritar Hannes Pétursson: „Endurminningar séra Jónmundar Halldórssonar, færðar í letur af Kristm. Bjarnasyni (aðallega ksv. bréfum sem sr. Jónmundur skrifaði honum)“. Hannes fékk handritið frá K.B. árið 1966 eða þar um bil, eins og stendur á umslaginu.
Bréfið er handskrifað á pappírsörk í folio broti. Það varðar ágreining milli Hóla-og Viðvíkurhreppa um óskilafjár. Með liggja reglur um fjallskilasjóð fyrir Hóla- og Viðvíkurhreppa, sem eru handskrifaðar á pappírsörk í folio stærð. Ástand skjalanna er gott.
Bréf frá Kristínu Símonardóttur á Kolkuósi til Þórarins Jónssonar hreppstjóra og skólaráðsformanns vegna umsóknar Karlottu Jóhannesardóttur um starf við Húsmæðraskólann á Blönduósi. Kristín telur upp kosti og hæfileika Karlottu í bréfinu og gefur henni sín bestu meðmæli.
Umsögn frá Vefnaðarskóla Ingrid Skov í Odense um frammistöðu Karlottu Jóhannsdóttur við skólann en þar lagði hún stund á nám við vefnað og vefnaðarfræði. Ingrid gefur Karlottu sín bestu meðmæli. Bréfið er stimplað sem staðfest afrit af Sendiráði Íslands í Kaupmannahöfn þann 27.07.1937.
Bréfið er vélritað á pappírsörk í folio stærð, afrit gert með kalkipappír. Það varðar sýsluvegasjóð. Með liggja afrit af tveimur reikningum. Ástand skjalanna er gott.
Broddi Björnsson sækir um byggingarleyfi fyrir fjósi fyror 40 kýr og mjólkurhúsi í Framnesi. Staðsett ca 150 m. suðvestur af íbúðarhúsi. Teikning gerð af Byggingarstofnun landbúnaðarins og styrkleikateikningu gerði Sigurður Sigvaldason. Dagsett 26.05.1973. Teikning fylgir ekki.
Jóhann Þorsteinsson sækir um byggingarleyfi fyrir fjárhúsi á Miðsitju. Húsið er hugsað sem bráðabirgðafjárhús úr timbri og járni sem fyrirhugað er að setja upp vestan við steypa hlöðu. Riss af byggingunni fylgir. Umsókn dagsett 23.10.1979.
Jón Sigurðsson sækir um byggingarleyfi fyrir íbúðarhúsi á Stóru-Ökrum 2. Teikningu gerði Byggingastofnun landbúnaðarins. Umsókn dagsett 01.06.1978. Teikning fylgir ekki.
Helgi Friðriksson sækir um byggingarleyfi fyrir þurrheyshlöðu á Úlfsstöðum. Um er að ræða stálgrindarhús frá Héðni. Umsókn dagsett 07.09.1975. Teikning fylgir ekki.
Bréfið er vélritað á pappírsörk í folio stærð, afrit gert með kalkipappír. Það varðar sveitarsjóðsreikninga til endurskoðunar. Ástand skjalsins er gott.
Bréfið er vélritað á pappírsörk í folio stærð. Það varðar frumvarp til reglugjörðar um grenjaleitir og refaveiðar í Skagafjarðarsýslu. Ástand skjalsins er gott.
Bréfið er vélritað á pappírsörk í folio stærð, afrit gert með kalkipappír. Það varðar ábyrgð á ræktunarsjóðsláni fyrir Friðrik Hansen. Ástand skjalsins er gott.
Varðar tillögu um kynningu á Sigrid Undset og skáldverkinu Kristín Lafranzdóttur. Norska húsmæðrasambandið lét búa þessa kynningu í hendur félagskvenna í Norræna húsmæðrasambandinu.
Smárit sem inniheldur reglur um lyf. Á titilsíðu stendur: "Reglur um lyfjagreiðslur sjúkrasamlaga. Útgefandi: Tryggingastofnun ríkisins. Reykjavík 1945:."
Bókin er 52 síður í A5 broti, auk kápu. Hún inniheldur 52 ljósmyndir af húsum, auk grunnteikninga. Texti grunnteikninganna er á ensku. Bókin er gefin út í Reykjavík af Haraldi Jónssyni byggingameistara.
Bókin er innbundin í stærðinni 17x21,4 sm. Hún er 300 tölusettar bls og þar af er ein auð síða. Með liggur uppkast að vélrituðu bréfi til Rögnvaldar Jónssonar á Tyrfingsstöðum sem var laust inni í bókinni.
Bréf í A4 stærð sem inniheldur ályktum um byggingu héraðsskóla. Bréfið er stílað á formenn skólanefndar í Skagafirði og stuðlað fulltrúum stjórnar Varmahlíðar.
Blaðið er í stærðinni A4. Það er fjölritað, heftað og kjallímt. Það telur 14 bls., auk kápu. Í þessu tölublaði er rakin saga félagsins, fréttir af starfsemi þess og ýmsar aðrar fréttir viðkomandi félagssvæðinu.
Skýrslan er fjölrituð í A4 broti og er 82 bls auk fjölda fylgiblaða. Á kápu stendur: Virkjun Blöndu I. Frumáætlun um 135 mw virkjun. Skýrsla samin fyrir Orkustofnun OS-ROD-75.21. Reykjavík, maí 11975.
