Ljósmynd í stærðinni 10,2 x 6,4 sm. Svarthvít pappírskópía. Myndin er tekin af Nöfunum fyrir ofan Sauðárkrók. Sér m.a. yfir göturnar Suðurgötu og Skagfirðingabraut.
4 fréttabréf frá 1955 sem sennilega hafa verið send Degi á Akureyri en það er þó ekki fullvíst. Fjallað er um flugvöllinn á Sauðárkróki og tekið er fram að árið 1954 hafi lendingar á vellinum verið 254 og farþegar 940. Greint er frá skólaslitum Iðnskólans á Sauðárkróki og kemur þar fram að hæstu einkunn í burtfararprófi hlaut Auðunn Blöndal nemi í flugvélavirkjun eða 8,93 og í 1. bekk hlaut hæstu einkunn Friðrik Jónsson (Fíi) húsasmíðanemi eða 8,33. Einnig er fjallað um nýtt fiskvinnslu og hraðfrystihús á Sauðárkróki.
Lausavísur á auglýsingatöflu bæjarstjórnarskrifstofunnar á Sauðárkróki 1974.
Ráðalausir labba um storð leggjast svo til náða. Loksins fundu lausnarorð látum Bakkus ráða.
Bakkusarvinur svarar: Hver yrkir þannig? Álasar kóngsins megt, sem ævinlega bætir þegnanna hag. Allavega finnst mér forkastanlegt að fárast yfir því, sem kippt er í lag.
Sífellt fremja ofaníát ótta og hrolli slegin. Virðast ætla að verða mát veslings komma greyin.
5 umferðareglur sem raðast niður í; Hámarkshraða í 3. liðum. Aðalbraut í 2. liðum. Einstefna í 2. liðum. Stöðvunarskylda 3.liðum Bann við bifreiðastöðum í 4. liðum
Ljósmyndin er svarthvít í stærðinni 6x9 sm. Myndin er frá sýningu Leikfélags Sauðárkróks á nýársnóttinni í Sæluviku 1942. Á henni er karlmaður í búningi, e.t.v. Sigurður P. Jónsson í hlutverki Húnboga stallara.
Kaupsamningur á milli Nikódemusar Jónssonar og Kristjáns Gíslasonar kaupmanns. Kristján afsalar sér til handa Nikódemusi húseign sína, fjós og hlöður er standa sunnanvert við lóð Nikódemusar uppi undir brekku. Bréfið er dagsett 30. október 1929, undirritað og stimplað af Sýslumanninum í Skagafjarðarsýslu.
Jón Þ. Björnsson skólastjóri Barnaskólans á Sauðárkróki fylgdist með og skráði líkamlegan þroska skólabarna á tímabilinu 1913-1953. Í þessari bók skráir hann niður mælingar á nemendum frá 1913 til 1931. Nemendurnir eru frá níu ára og upp í tvítugt. Mæld var hæð, þyngd, brjóstmál (brjóstkassi), kraftur/afl og andrými.
Sundurliðuð kostnaðaráætlun af öðrum byggingaráfanga Sundhallar Sauðárkróks (búningsálma og áhorfendapallar) frá Verkfræðistofu Sigurðar Thoroddsen 1966.
Mannamynd. Ekki vitað af hverjum myndin er. Hún er merkt "Pétur Hannesson Sauðárkróki" svo hún hefur verið tekin á tímabilinu 1914 til 1928 þegar Pétur rak þar ljósmyndastofu.
Harðspjalda handskrifuð fundagerðabók í þokkalegu ástandi en nokkuð er um ryð frá heftum við kjöl og blettóttar blaðsíður. Bókin hefur verið límd innanvert á bókakápu.
Handskrifuð, prentuð og vélrituð pappírsgögn. Í safninu er nokkuð af handskrifuðum blöðum, flest án ártals og dagsetningar. Félagatal, Lög Búnaðarfélags Íslands. Handskrifaðar fundargerðir, einnig nafnalisti og uppröðun félaga í göngur og hirðingu í fjárréttum (án ártals og dagsetn.). Skriflegar og vélritaðar beiðnir um úrsagnir og inntöku nýrra félaga í Búnaðarfélag Sauðárkróks. Safnið er í misgóðu ásigkomulagi en vel læsilegt. Safnið var hreinsað af bréfaklemmum og heftum.
Íbúaskrá Sauðárkróks árið 1961. Prentuð á gatapappír og kápa úr þykkum pappír utan um. Inn í skrána eru færðar ýmsar upplýsingar. Ástand skjalanna er gott.
Boðsbréf frá Iðnsveinafélagi Skagafjarðar vegna 25 ára afmælis félagsins. Líklega til Erlendar Hansen. Í bréfinu kemur fram að viðtakdandi hafi verið einn af 13 stofnfélögum félagsins. Bréfið er undirritað af Halli Sigurðssyni, formanni félagsins.
Ljósmyndin er svarthvít í stærðinni 6x9 sm. Myndin er frá sýningu Leikfélags Sauðárkróks á nýársnóttinni í Sæluviku 1942. Á henni eru líklega Péturs Hannesson í hlutverki álfakóngsins og Sigurður P. Jónsson í hlutverki Húnboga stallara.
Fréttabréf frá 1958 sem sennilega hefur verið send til blaðsins Dags á Akureyri. Sagt er frá 65 ára afmæli Guðmundar Sveinssonar og kveðjuhófi sem haldið var fyrir Björgvin Bjarnason sem lét þetta ár af bæjarstjórastörfum. Eins er sagt frá því að Haraldur Pálsson skíðamaður frá Reykjavík hafi verið á Sauðárkróki við skíðakennslu og sagt er frá skíðamóti sem fram fór í Skógarhlíð.
Sigrún M. Jónsdóttir (Lóa) eltist við hesta í haga sunnan við Bárustiginn. Sauðárkrókur og Tindastóll í baksýn. Stóra húsið t.h. stendur við Skagfirðingabraut 25. (ca. 1950-1955).
Sennilega Sörli hennar Lóu. Skagfirðingabraut 8 (með tveimur strompum) á Sauðárkróki í baksýn. Fyrir framan Sörla er stafli af steyptum rörum ( ca. um 1955).
Hús Búnaðarbankans við Faxatorg í forgrunni, kjörbúð KS (ný ráðhúsið á bak við. Vinstra megin suðurgatan og hægra megin Skagfirðingabraut. Sér í barnaskólann efst til vinstri á myndinni.
Ljósmyndin er svarthvít í stærðinni 6x9 sm. Myndin er frá sýningu Leikfélags Sauðárkróks á nýársnóttinni í Sæluviku 1942. Á henni er líklega Sigurður P. Jónsson í hlutverki Húnboga stallara.
Forprentaðar skýrslur með handskrifuðum upplýsingum um framkvæmdir á Sauðárkróki á tímabilinu 1926-1949 - með nokkrum undantekningum þar sem vantar nokkur ártöl inn í. Safnið er í misjafnlega góðu ástandi, skýrsla fyrir árið 1931 er t.d. mjög illa rifin. Safnið og raðað upp eftir ártali og heftin hreinsuð úr.
Fundgerðabók aðalfunda Verkamannafélagsins Fram 1933-1935. Innbundin handskrifuð bók með línustrikuðum blaðsíðum. Nokkrar blaðsíður eru auðar og virðist sem að það hafi farist hjá að skrá nokkrar fundagerðir í bókina. Bókin er vel læsileg og ágætlega varðveitt.
Íbúaskrá Sauðárkróks árið 1962. Prentuð á gatapappír og kápa úr þykkum pappír utan um. Alls 4 eintök. Inn í hvert um sig eru færðar ýmsar upplýsingar. Eitt eintakið er merkt skattanefnd. Ástand skjalanna er gott.
Ljósmynd í stærðinni 9 x 9 sm. Á myndinni sjást m.a. húsin við Aðalgötu 16, 14, 12 og 10 við Aðalgötu og Sauðárkrókskirkja. Myndin er tekin af svölum hússins við Aðalgötu 21.
Veðbréf þar sem Nikódemus Jónsson á Sauðárkróki gjörir kunnugt að hann hafi fengið að láni hjá Sparisjóði Sauðárkróks 400 krónur. Bréfið er undirritað og stimplað af Sýslumanni Skagafjarðarsýslu.
