Dóttir Jóhönnu Sigurbjargar Sigurðardóttur og Sigurfinns Bjarnasonar á Meyjarlandi. Vinnukona á Innstalandi 1930. Kvæntist Óskari Guðmundssyni, bjó í Reykjavík.

Sigrún Ásbjörg Fannland fæddist á Ingveldarstöðum á Reykjaströnd í Skagafirði 29. maí 1908. Móðir hennar var Anna Guðrún Sveinsdóttir og faðir hennar Hálfdán Kristjánsson. Fósturforeldrar hennar voru Ingibjörg Björnsdóttir og Guðmundur Sigurðsson á Innstalandi á Reykjaströnd. Sigrún giftist Páli Sveinbjörnssyni frá Kjalarlandi í Austur-Húnavatnssýslu 14. apríl 1931. Þau skildu. Þau áttu sex börn. Sigrún flutti til Keflavíkur árið 1961. Hún vann bæði við fiskvinnslu og afgreiðslustörf hjá Kaupfélagi Suðurnesja. Hún gaf út ljóðabókina "Við arininn" árið 1979. Síðustu tvö árin dvaldi hún á Hlévangi, dvalarheimili aldraðra í Keflavík.

Stefán Ólafur Sigurfinnsson var fæddur á Meyjarlandi á Reykjaströnd, Skagafirði þann 7. ágúst 1898. Hann var bóndi á Innstalandi, á Reykjum og á Meyjarlandi á Reykjaströnd í Skagafirði. Var oddviti Skarðshrepps um langt skeið. Ókvæntur og barnlaus.
Hann lést á Innstalandi á Reykjaströnd í Skagafirði 7. janúar 1967.