Person

Jens Þorkell Halldórsson (1922-1992)

• Ýtu Keli

• Ýtu-Keli

01.04.1922-11.05.1992

Jens Þorkell Halldórsson, f. í Súðavík 01.04.1922, d. 11.05.1992. Foreldrar: Halldór Guðmundsson, f. 09.02.1888 og Sigrún Jensdóttir, f. 20.12.1891. Þorkell ólst upp á Súðavík hjá foreldrum sínum fyrstu árin en fór síðan til Sr. Ólafs Ketilssonar á Hvítanesi við Ísafjarðardjúp og fermdist þaðan. Þaðan fór hann um tíma til móðursystur sinnar á Akureyri en síðan Vogum í Kelduhverfi til Þórarins Þórarinssonar og Jóhönnu Haraldsdóttur, þar sem hann átti heima næstu árin. Hann gekk í barnaskólann í Súðavík og fór í unglingaskóla í Núpasveit í N-Þigeyjarsýslu og síðar í Bændaskólann á Hólum í Hjaltadal veturnar 1946-1948. Eftir það var hann einn vetur fjósamaður á Hólum. Hann vann við landbúnaðarstörf, vegavinnu og við sláturhússtörf í N-Þingeyjarsýslu. Lengst af vann hann á þungavinnuvélum hjá Ræktunarsambandi Skagfirðinga, árin 1949-1989. Á yngri árum var hann virkur meðlimur ungmennafélaga, fyrst með Ungmennafélaginu Leifi í N-Þingeyjasýslu og síðar með Ungmennafélaginu Hjalta í Hjaltadal, er hann var við nám í Bændaskólanum á Hólum.
Maki: Eiríka Alfreðsdóttir, f. 31.06.1027, d. 1970. Hún var frá Þýskalandi. Þau eignuðust þrjú börn. Fjölskyldan bjó á Sauðárkróki að undanskildum tveimur árum í Þýskalandi. Fyrir átti Þorkell dóttur með Dagbjörtu Jónsdóttur og einnig átti hann fyrir einn son.

IS-HSk

Final

Hlutaskráning

14.01.2016
Lagfært í Atóm 25.10.2019 KSE.

• íslenska

Dagblaðið Vísir - DV, 78. tölublað (01.04.1992), Blaðsíða 26 http://timarit.is/view_page_init.jsp?pageId=2596785

Feykir, 19. tölublað (20.05.1992), Blaðsíða 7 http://timarit.is/view_page_init.jsp?pageId=6580694