Steingrímur fæddist á Dalvík 13. október 1913, sonur hjónanna Maríu Eðvaldsdóttur húsfreyju og Þorsteins Jónssonar verkamanns. Steingrímur missti móður sína ungur og var tekinn í fóstur af móðursystur sinni Petrínu Þórunni Jónsdóttur og manni hennar Sigurði Þorgilssyni. Eftir hefðbundna skólagöngu á Dalvík var Steingrímur við nám að Héraðsskólanum á Laugum í Suður-Þingeyjarsýslu. Árið 1930 hélt hann til Kaupmannahafnar og lauk þar prófi í húsamálun ári síðar. Seinna nam hann þar ytra leiktjaldamálun og leiklist við Konunglega leikhúsið í Kaupmannahöfn. Steingrímur var ráðinn kennari við Dalvíkurskóla og sinnti hann því starfi um þriggja áratuga skeið. Hann var mikill náttúruunnandi og mjög listfengur. Eftir hann liggur mikið safn málverka og uppstoppaðra dýra. Steingrímur sinnti ýmsum trúnaðarstörfum fyrir samfélag sitt, átti m.a. sæti í ýmsum nefndum og ráðum. Steingrímur kvæntist Steinunni Sveinbjörnsdóttur og eignuðust þau þrjú börn.

Steingrímur Steinþórsson fæddist í Álftagerði við Mývatn, 12. febrúar 1893.
Faðir: Steinþór Björnsson (1860-1926) bóndi í Álftagerði. Móðir: Sigrún Jónsdóttir (1870-1929), húsmóðir í Álftagerði.
Maki: Guðný Theódóra Sigurðardóttir (1899-1988).
Saman áttu þau fjögur börn en Steingrímur átti að auki eina dóttur.

Lauk úfræðiprófi frá Hvanneyri 1915 og prófi frá búnaðarháskólanum í Kaupmannahöfn 1924.

"Vann á búi foreldra sinna á Litluströnd við Mývatn 1915–1917. Fjármaður á Hvanneyri 1917–1920. Kennari við Bændaskólann á Hvanneyri 1924–1928. Skólastjóri Bændaskólans á Hólum 1928–1935. Búnaðarmálastjóri 1935–1962 nema þann tíma er hann var ráðherra. Nýbýlastjóri 1936–1941. Skipaður 14. mars 1950 forsætis- og félagsmálaráðherra, lausn 11. september 1953. Skipaður 11. september 1953 landbúnaðar- og félagsmálaráðherra, fór einnig með kirkju- og orkumál, lausn 27. mars 1956, en gegndi störfum til 24. júlí.
Í skipulagsnefnd atvinnumála 1934–1937. Settur forstjóri landbúnaðardeildar atvinnudeildar háskólans 1937–1941. Formaður milliþinganefndar í tilraunamálum landbúnaðarins 1938–1939. Í sýningarráði Íslandsdeildar heimssýningarinnar í New York 1938–1940. Í nýbýlastjórn frá 1941 til æviloka. Skipaður formaður í tilraunaráði búfjárræktar 1. janúar 1943, í nýbyggingarráði 1944, í nefnd til að endurskoða lög um bændaskóla 1947. Formaður sýningarráðs landbúnaðarsýningar 1947. Formaður Heklunefndar 1947. Í bankaráði Landsbankans 1957–1966. Í Náttúruverndarráði 1956–1966. Formaður orðunefndar 1957–1965.
Alþingismaður Skagfirðinga 1931–1933, 1937–1942 og 1946–1959 (Framsóknarflokkur).
Varaþingmaður Skagfirðinga apríl 1946.
Forsætis- og félagsmálaráðherra 1950–1953, landbúnaðar- og félagsmálaráðherra 1953–1956.
Forseti sameinaðs þings 1949–1950. 1. varaforseti neðri deildar 1947–1949."

Steingrímur Skagafjörð Felixson f. á Halldórsstöðum í Seyluhreppi 02.03.1932, d. °7.11.2007. Foreldrar: Felix Jósafatsson og Efemía Gísladóttir. Steingrímur stundaði nám í Bændaskólanum á Hólum. Einnig lauk hann vélskólaprófi í Vestmannaeyjum árið 1950. Hann starfaði á Akureyri en flutti síðar í Sunnuhlíð. Hann vann einnig á vinnuvélum og við ylrækt í Varmahlíð. Árið 1968 fluttist fjölskyldan til Reykjavíkur. Þar starfaði Steingrímur sem verktaki og síðar verkstjóri. Síðustu starfsárin vann hann hjá Búnaðarbankanum í Reykjavík. Steingrímur söng með Karlakórnum Heimi og síðar Karlakór Reykjavíkur og var einn af stofnendum Skagfirsku söngsveitarinnar.
Maki: Dana Arnar Sigurvinsdóttir (1933-). Þau eignuðust sex börn.

Foreldrar: Jónas Jónsson f. 1843 og Guðrún Margrét Jóhannesdóttir, f. 1846. Var í Gloppu, Bakkasókn í Eyjafirði 1901. Dó ungur úr berklum.

Héraðs- og spítalalæknir á Akureyri, var þar 1930, síðar í Tönder á Jótlandi og Nexsö á Borgundarhólmi.

Steingrímur Jónsson fæddist á Merkigili þann 29. nóvember 1844. Hann var bóndi á Silfrastöðum í Akrahreppi. Kona hans var Efemía Kristín Árnadóttir (1858-1907), notaði Kristínar nafnið í daglegu tali.

Sonur Hjálmars Péturssonar b. á Breið í Tungusveit og k.h. Rósu Björnsdóttur. Vinnumaður og verkamaður víða í Skagafirði. Lést ókvæntur og barnlaus.

Skólastjóri og vegaverkstjóri á Blönduósi. Síðast búsettur í Reykjavík.

Flutti frá Sauðárkróki til Vestmannaeyja árið 1928. Skólastjóri. Verkstjóri á Brekastíg 6, Vestmannaeyjum 1930. Síðast bús. í Vestmannaeyjum.
Maki: Hallfríður Kristjánsdóttir. Þau eignuðust sjö börn.

Steingrímur Arason, f. 27.01.1898, d. 06.12.1986. Bóndi og póstafgreiðslumaður í Víðimýri, Víðimýrarsókn, Skag. 1930. Kaupmaður á Víðimýri og Sauðárkróki. Síðast búsettur í Reykjavík.

Steindór Jónas Steindórsson, f. á Möðruvöllum í Hörgárdal 12.08.1902, d. 26.04.1997. Foreldrar: Jónas Steindór Jónasson (1872-1902) verslunarmaður í Þrastarhóli og Kristjón Jónsdóttir (1866- 1956) ráðskona á Möðruvöllum.
Maki: Kristbjörg Dúadóttir (1899-1974) sonur Kristbjargar og kjörsonur Steindórs: Gunnar, fæddur 1923.
Steindór lauk stúdentsprófi frá MR 1925 og nam náttúrufræði við Hafnarháskóla 1925-1930, utan eins árs sem hann var frá námi vegna veikinda. Lauk fyrri hluta meistaraprófs í grasafræði 1930. Stundaði framhaldsnám og rannsóknir við háskólann í Osló 1951. Var heiðursdoktor við HÍ 1981.
Steindór var kennari við MA 1930-1966 og skólameistari 1966-1972. Vann að gróðurrannsóknum á sumrum frá 1930-1976.
Fulltrúi Íslands á þingi norrænna náttúrufræðinga í Helsingfors 1936. Formaður Norræna félagsins á Akureyri 1939–1941 og 1956–1973. Bæjarfulltrúi á Akureyri 1946–1958. Formaður Ræktunarfélags Norðurlands 1952–1971. Ráðunautur Rannsóknastofnunar landbúnaðarins 1955–1967. Dvaldist þrjá mánuði í Bandaríkjunum 1956 í boði Bandaríkjastjórnar og flutti fyrirlestra við háskóla þar. Héraðssáttasemjari 1957–1971. Vann vestan hafs sumarið 1958 að söfnun heimilda að æviskrám Vestur-Íslendinga. Formaður Alþýðuflokksfélags Akureyrar 1962–1964. Sat ráðstefnu í Sviss 1962 á vegum OECD um endurbætur á líffræðikennslu í menntaskólum. Sat á allsherjarþingi Sameinuðu þjóðanna 1965. Í endurskoðunarnefnd menntaskólalaga 1967–1969. Í samstarfsnefnd menntaskólanna 1969–1972. Grasafræðiráðunautur við gróðurkortagerð Rannsóknastofnunar landbúnaðarins á Grænlandi 1977–1981.
Landskjörinn alþingismaður (Ísafjarðar) 1959 (Alþýðuflokkur). Landskjörinn varaþingmaður (Akureyrar) maí 1947. Annar varaforseti neðri deildar 1959.
Höfundur margra fræðirita og ritgerða, einkum um náttúru Íslands og þætti úr sögu lands og þjóðar. Mikilvirkur þýðandi, einkum ferðabóka um Ísland. Sjálfsævisaga í tveim bindum: Sól ég sá, kom út 1982–1983. Ritstjóri: Ferðir (1940–1941). Heima er best (1956–1988). Flóra (1963–1968). Alþýðumaðurinn (1964–1965). Reykjalundur (1966).

Faðir: Pétur Guðmundsson, f. 1853. Hjá foreldrum í Álftagerði í Mývatnssveit um 1882-1886 og á Árbakka í sömu sveit frá um 1899 fram yfir 1900 nema í vist í Víðikeri í Bárðardal 1899-1900. Bjó í Voladal á Tjörnesi um 1921-1922, flutti þá til Eyjafjarðar. Bóndi í Hólum í Öxnadal um 1929-1935 og 1936-1942. Klauf á Staðarbyggð 1935-1936., síðar á Hraunshöfða í Öxnadal um 1942-1947. Var á Krossastöðum á Þelamörk 1947-1955. Maki: Guðný Sigurðardóttir frá Merkigili, Saurbæjarhreppi í Eyjafirði.

Sonur Benedikts Þorsteinssonar b. í Birkihlíð, Kimbastöðum og Gili og s.k.h. Sigurborgar Jóhannesdóttur. Bóndi á Gili í Borgarsveit 1918-1920 og í Birkihlíð 1920-1978. Sat í hreppsnefnd Staðarhrepps 1933-1966, í stjórn Búnaðarfélags Staðarhrepps 1935-1972 (formaður frá 1944), fjallskilastjóri um árabil og formaður fjallskilastjórnar Staðarafréttar og gangnastjóri í Staðarfjöllum í áratugi. Sóknarnefndarfulltrúi Reynistaðarsóknar 1941-1965 og söng í áratugi í kirkjukór Reynistaðarkirkju. Kvæntist Elinóru Lovísu Jónsdóttur frá Sauðárkróki, þau eignuðust einn son.

Bóndi í Miklabæ og á Þverá í Blönduhlíð.

Trésmíðameistari og kaupmaður á Sauðárkróki. Giftur Guðrúnu Pálsdóttur frá Teigi í Óslandshlíð, þau eignuðust sjö börn saman. Steindór átti einn son utan hjónabands.

Sonur Jóns Björnssonar b. og tónskálds á Hafsteinsstöðum og k.h. Steinunnar Trjámannsdóttur. Bóndi á Hafsteinsstöðum og formaður Hestamannafélagsins Stíganda um tíma. Kvæntist Esther Heiðmar Skaftadóttur frá Kjartansstaðakoti.

Steinar Páll Þórðarson var fæddur að Háleggsstöðum í Deildardal í Skagafirði 16. ágúst 1919. Foreldrar hans voru Þórður Hjálmarsson b. á Háleggsstöðum og kona hans, Þóranna Þorgilsdóttir. Steinar stundaði í æsku nám í Unglingaskólanum í Óslandshlíð, síðar í Héraðsskólanum í Reykholti í Borgarfirði 1939-40 og í Samvinnuskólanum 1944-46. Veturinn 1946-47 var hann kennari við Unglingaskólann á Hofsósi, en haustið 1947 réðst hann kennari að Íþróttaskóla Sigurðar Greipssonar í Haukadal og kenndi þar átta vetur eða til vors 1955. Samhliða kennslunni stundaði Steinar bústörf heima á Háleggsstöðum og almenna byggingarvinnu og verkamannastörf. Heimili átti hann á Háleggsstöðum frá 1952-1964, en þá fluttist hann með Trausta bróður sínum til Reykjavíkur. Aftur kennari í Íþróttaskóla Sigurðar Greipssonar 1966-1970. Í Reykjavík vann hann m.a. við höfnina í nokkur ár. Ókvæntur og barnlaus.

Sonur Eiríks Ásmundssonar frá Stóru-Reykjum í Fljótum og Huldu Ingibjargar Magnúsdóttur.

Foreldrar: Stefán Ólafsson bóndi og hreppstjóri í Hvammkoti í Kópavogi og Guðríður Jónsdóttir. Stefanía hélt skóla fyrir ungar stúlkur á heimili sínu og kenndi þeim hannyrðir og fleira.
Maki: Arnór Árnason prestur. Þau bjuggu í Hvammi í Laxárdal. Þau eignuðust fjórar dætur.

Foreldrar: Arnór Árnason (1860-1938), prestur að Hvammi í Laxársdal og Stefanía Sigríður Stefánsdóttir (1857-1893).
Maki 1: Einar Jónsson, verslunarmaður á Seyðisfirði.
Maki 2: Guðmundur Bjarnason, bóndi á Hæli í Flókadal í Borgarfirði.

Foreldrar: Þorbjörg Pálmadóttir Möller og Jóhann Georg Möller, kaupmaður á Hvammstanga, síðar verslunarstjóri á Sauðárkróki. Húsfreyja í Reykjavík. Maki: Magnús Andrésson forstjóri í Reykjavík, þau áttu eina kjördóttur.

Foreldrar: Ólafur Stefánsson (1850-1887) og Guðrún Ingibjörg Magnúsdóttir (1834-1907). Foreldrar Stefaníu bjuggu aldrei saman, og var hún í fyrstu með föður sínum í Málmey á Skagafirði, en síðar á fleiri bæjum, þar til hann dó, er hún var níu ára gömul. Fór hún þá í vistir til vandralausra og átti misjafnt atlæti. Fyrst fór hún að Grafargerði á Höfðaströnd til Magnúsar Gíslasonar og Halldóru Skúladóttur, sem voru henni mjög góð, en eftir að Magnús drukknaði í janúar 1889 fór hún að Hofi á Höfðaströnd og síðar að Ártúni. Eftir fermingju, fjórtán ára gömul, fór hún að Brekku hjá Víðimýri til móður sinnar, sem þá var þar ráðskona hjá Birni Bjarnasyni bónda. 21 árs giftist Stefanía Birni. Þau bjuggu í Brekku til 1909, á Reykjarhóli 1909-1915 og í Krossanesi 1915-1919. Voru eftir það í húsmennsku á Hjaltastöðum, síðan að Brenniborg og loks hjá Sigurlínu dóttur sinni á Hofi á Höfðaströnd. Árið 1971 fluttist Stefanía suður til Reykjavíkur eftir 50 ára dvöl á Hofi. Stefanía og Björn eignuðust sjö börn saman. Með fyrri konu sinni, Margréti Andrésdóttur frá Stokkhólma, hafði Björn eignast einn son. Einnig eignaðist hann dóttur með Soffíu Björnsdóttur.

Stefanía var fædd að Hróarsstöðum í Vindhælishreppi og voru foreldrar hennar Ferdinand Gíslason og Herdís Sigurðardóttir. Ung að árum réðst hún vinnukona að Höfnum á Skaga til Jónínu Jónsdóttur, þaðan fór hún að Mælifelli til sr. Jóns Magnússonar og Steinunnar Þorsteinsdóttur. Kvæntist Sölva Jónssyni járnsmiði og vélagæslumanni á Sauðárkróki, þau eignuðust sjö börn og áttu einn fósturson.

Foreldrar: Jóhannes Jóhannesson og Jónanna Guðrún Jónsdóttir á Hornbrekku í Ólafsfirði. Stefanía lærði karlfatasaum og stundaði þá iðn alla tíð. Hún var laglega hagmælt, góður skrifari og fékkst við barnakennslu um skeið. Stefanía kvæntist Birni Guðmundssyni frá Ingveldarstöðum á Reykjaströnd, þau eignuðust þrjú börn.

Stefanía Guðrún Sveinsdóttir fæddist þann 29. júlí 1895.
Hún var á Þorljótsstöðum, Goðdalasókn í Skagafirði 1901. Hún var húsfreyja í Eyhildarholti í Hegranesi í Skagafirði.
Maður hennar var Gísli Magnússon (1893-1981).
Guðrún lést 13. ágúst 1977.

Foreldrar: Sigmundur Símonarson og Rósa Stefánsdóttir bændur á Bjarnastöðum. Kvæntist Guðna Hallgrími Jónssyni frá Þrastarstöðum á Höfðaströnd. Bústýra á Þrastarstöðum, Hofssókn, Skag. 1890. Húsfreyja á Heiði í Sléttuhlíð, Skag. Stefanía og Guðni eignuðust átta börn, fyrir hafði Guðni eignast þrjú börn með fyrri konu sinni Sigurlaugu Steinsdóttur, jafnframt hafði Guðni eignast dóttur milli hjónabanda.

Foreldrar: Sigurður Sigurðsson sýslumaður og Guðríður Stefanía Arnórsdóttir. Að loknu skólanámi á Sauðárkróki fór Stefanía í Kvennaskólann í Reykjavík og útskrifaðist þaðan. Hún stundaði skrifstofustörf í Reykjavík, lengst af hjá Vegagerð Ríkisins en einnig hjá Reykjavíkurborg. Stefanía var ógift og barnlaus.

Stefanía Frímannsdóttir fæddist í Neskoti 23. nóvember 1920. Foreldrar hennar voru þau Frímann Viktor Guðbrandsson og Jósefína Jósefsdóttir. Fósturforeldrar: Guðmundur Jónsson og Guðrún Magnúsdóttir á Syðsta-Mói. Um tíma var Stefanía búsett á Siglufirði og síðar á Sauðárkróki. Maður hennar var Adolf Ingimar Björnsson (1916-1976). Samkvæmt Íslendingabók var Stefanía síðast búsett í Keflavík.

Dóttir Erlends Pálssonar verslunarstjóra á Hofsósi og Guðbjargar Stefánsdóttur. Húsfreyja á Patreksfirði. Húsfreyja í Valhöll , Eyrasókn, V-Barð. 1930.

Dóttir Lárusar Stefánssonar b. í Skarði og s.k.h. Sigríðar B. Sveinsdóttur. Ólst upp hjá Sveini Sigvaldasyni f. 1842 og sambýliskonu hans Stefaníu Stefánsdóttur f. 1861. Kvæntist Brynjólfi Danivalssyni, þau bjuggu á Suðurgötu 24 (Árbæ) á Sauðárkróki, þau eignuðust fimm börn.

Stefanía Björg Ástvaldsdóttir, f. á Sauðárkróki 11.09.1926, d. 03.04.2013 á Sauðárkróki. Foreldrar: Ástvaldur Einarsson (1889-1955) og Sigurbjörg Pálsdóttir (1894-1949).
Maki: Geirald Gíslason (1910-1977). Þau eignuðust einn son.

Fædd á Sauðárkróki 9. mars 1945. Dóttir hjónanna Arnórs Sigurðssonar og Guðrúnar Sveinsdóttur. Gift Jóni Björnssyni sálfræðingi; þau eiga tvö börn. Stefanía starfaði hjá Þjóðskjalasafninu.

Stefanía Arnórsdóttir, f. 15.04.1889 á Felli í Kollafirði í Strandasýslu, d. 14.07.1948 í Danmörku. Foreldrar: Arnór Árnason prestur í Hvammi í Laxárdal ytri og fyrri kona hans, Stefanía Sigríður Stefánsdóttir. Stefanía ólst upp hjá föður sínum og seinni konu hans, Ragnheiði Eggertsdóttur, en móður sína hafði hún misst er hún var fjögurra ára gömul. Sem ung stúlka var hún um skeið í Reykjavík og vann þar m.a. við afgreiðslustörf í verslun. Í Skagafirði starfaði Stefanía mikið í félagsmálum, lét félags- og menningarmál kvenna til sín taka. Hún gerðist félagi í Hinu skagfirska kvenfélagi og var virkur félagi til dauðadags. Hún var forstöðukona félagsins frá 1935-1942. Þegar kvenfélögin í sýslunni stofnuðu Samband skagfirskra kvenna, var hún kosin í stjórn sambandsins og átti þar sæti og var gjaldkeri til dauðadags. Á árunum 1945 og 1946 starfaði hún í nefnd ásamt annarri konu í sambandinu og þremur fulltrúum sýslunefndarinnar, sem gera skyldu tillögur um skólasetur fyrir væntanlegan húsmæðraskóla Skagafjarðarsýslu og fleira viðkomandi þeirri skólastofnun. Veturinn 1946 sat Stefanía kvennafund í Kaupmannahöfn ásamt frú Sigríði Magnússon, formanni Kvenfélagasambands Íslands. Stefanía veiktist skyndilega sumarið 1947 og leitaði sér lækninga bæði til Reykjavíkur og Norðurlanda, en án árangurs.
Maki: Sigurður Sigurðsson frá Vigur, sem m.a. var sýslumaður Skagfirðinga. Þau eignuðust níu börn.

Stefán Yngvi Finnbogason fæddist á Mið-Grund í Skagafirði 13. janúar 1931. Foreldrar hans voru Finnbogi Bjarnason frá Þorsteinsstöðum og Sigrún Eiríksdóttir frá Sölvanesi. Foreldrar hans fluttu frá Mið-Grund að Hrauni í Öxnadal árið 1935, voru þar í eitt ár, á Stokkahlöðum í Hrafnagilshreppi 1938-1940, á Kroppi í sömu sveit 1940-1942 og þaðan til Akureyrar. Stefán varð stúdent frá MA árið 1950 og cand. odont. frá HÍ 1957. Yfirskólatannlæknir í Reykjavík frá 1976. Kvæntist Hólmfríði Árnadóttur frá Rauðuskriðu í Aðaldal.

Foreldrar: Sigríður Helgadóttir og Sigurjón Jónsson.
Maki: Sigríður Guðrún Pálsdóttir, f.1891. Þau eignuðust sjö börn.
Bóndi á Grjótgarði í Kræklingahlíð og síðar á Blómsturvöllum á Þelamörk.

Stefán Vagnsson var fæddur í Miðhúsum í Akrahreppi, Skagafirði þann 26. maí 1889. Hann var bóndi, skáld og kennari á Flugumýri, Sólheimum og Hjaltastöðum í Akrahreppi. Hann var síðast búsettur á Sauðárkróki og starfaði þar sem skrifstofumaður. Kona hans var Helga Jónsdóttir (1895-1988). Hann lést á Sauðárkróki 1. nóvember 1963.

Sonur Stefáns Guðmundssonar og Hrafnhildar Stefánsdóttur. Yfirlögregluþjónn á Norðurlandi Vestra.

Stefán Þorsteinsson fæddist árið 1858. Hann var vinnumaður í Akrahreppi og m.a. í Vaglagerði. Ókvæntur og barnlaus. Dánardagur er ekki skráður í Íslendingabók en hann er talinn hafa látist 1923.

Foreldrar: Sölvi Guðmundsson, f. 1806 og María Þorsteinsdóttir, f. 1808. Stefán ólst upp hjá foreldrum sínum en fór til frænda síns Stefáns Bjarnarsonar á Geirmundarstöðum nokkru áður en móðir hans andaðist. Stefán fór að vinna fyrir sér strax eftir fermingu. Hann var bóndi á hluta af Dúki 1874-1875, Borgargerði í Borgarsveit 1875-1889 og Daðastöðum á Reykjaströnd 1889-1897. Maki: Elín Vigfúsdóttir, f. 1841. Þau eignuðust tvö börn.

Nafn Stefán Þ. Björnsson - Bóndi
Heimili Sjávarborg
Maki Ingibjörg Guðmundsdóttir (1876-1906)

Líklega fæddur að Grundargerði. Móðir: Þóra Þorsteinsdóttir (1804-1855) Grundargerði. Faðir: Þorleifur Einarsson (1788-?). Þau voru ekki gift.
Í manntalinu 1845 er Stefán hjá móður sinni í Grundargerði. Stefán er skráður vinnupiltur á Víðivöllum 1854-56 og á Heiði í Gönguskörðum 1856-57, jafnvel lengur.
Vinnumaður í Fagranesi, Fagranesókn, Skag. 1860. Samkvæmt íslendingabók fórst Stefán af eldingu á Auðnum á Vatnsleysuströnd, frá Háreksstöðum, Mýr. 17. mars 1865.

Stefán Þorgrímsson, f. 14.05.1885. Bóndi á Bjarnastöðum í Blönduhlíð 1928-1944. Bjó þar með ráðskonu, Jóninnu Margréti Sveinsdóttur. Brá þá búi og fór að Hvammi í Hólahreppi. Síðast búsettur í Keflavík, skv. Íslendingabók.is.

Foreldrar: Bjarni Ingibergur Sigfússon frá Syðri-Brekkum og Gunnlaug Margrét Stefánsdóttir frá Gautastöðum í Fljótum. Stefán Þór var bóndi á Neðra-Hóli, Staðarsveit, k.h. Álfheiður Arnardóttir, þau eignuðust þrjú börn.

Foreldrar: Sveinn Guðmundsson b. í Bjarnastaðahlíð og k.h. Þorbjörg Ólafsdóttir. Vorið 1909 hóf hann búskap á hluta af Bjarnastaðahlíð í Lýtingsstaðahreppi og var þar í tvö ár. Á Reykjum bjó hann 1911-1914, en flutti þá vestur að Þverá í Hallárdal, Hvs. Þar missti hann fyrri konu sína og fluttist aftur til Skagafjarðar. Bóndi á Giljum 1921-1922, þá kvæntur seinni konu sinni, í Ölduhrygg 1922-1925 og á Írafelli 1925-1939. Slitu þau hjón þá samvistir. Dvaldist hann á ýmsum stöðum þar í sveit eftir það en einnig eitthvað hjá sonum sínum í Rvík. Síðast búsettur á Sauðárkróki.
Maki 1: Guðríður Guðnadóttir frá Villinganesi, eitt af börnum þeirra komst á legg. Guðríður lést árið 1916.
Maki 2: Kristbjörg Jónsdóttir frá Höfðahólum, þau eignuðust tvo syni. Þau skildu.

Foreldrar: Stefán Guðmundsson b. á Giljum í Vesturdal o.v. og k.h. Sigurlaug Ólafsdóttir. Stefán lærði járnsmíði á Akureyri stuttu eftir fermingu og stundaði þá iðn allar götur síðan. Kvæntist Steinunni Eiríksdóttur frá Írafelli, þau eignuðust tvö börn.

Foreldrar Stefáns voru Stefán Stefánsson og Margrét Skúladóttir. Stefán var við nám í Flensborgarskóla 1893-1895 og lærði þar söðlasmíði. Í byrjun árs 1903 kvæntist hann Margréti Sigurðardóttur ljósmóður, það sama ár hófu þau búskap í Valadal, en ári síðar fluttu þau að Brenniborg og bjuggu þar óslitið til 1940. Fluttust þá til Blönduóss og þar stundaði Stefán iðn sína, söðlasmíðina, í allmörg ár. Í kringum 1960 flutti hann til sonar síns í Brúnastaði í Lýtingsstaðahreppi. Stefán og Margrét eignuðust fjögur börn, þrjú þeirra komust á legg.

Fæddur á Sauðárkróki. Foreldrar hans voru Sölvi Jónsson járnsmiður og vélgæslumaður og Stefanía Marín Ferdinandsdóttir. Sölvi starfaði lengst af við vélgæslu hjá Fiskiðju Sauðárkróks eða í 40 ár samfellt. Sölvi giftist Lilju Aðalbjörgu Jónsdóttur frá Sauðárkróki, þau voru barnlaus.

Stefán fæddist á Siglufirði og ólst þar upp. Hann var sonur hjónanna Skafta Stefánssonar útgerðarmanns, skipstjóra og síldarsaltanda á Siglufirði og Helgu S. Jónsdóttur húsfreyju.
,,Stefán varð stúdent frá Menntaskólanum á Akureyri árið 1948. Hann útskrifaðist frá læknadeild HÍ 1956 og stundaði framhaldsnám í háls-, nef- og eyrnalækningum í Þýskalandi, Svíþjóð og Danmörku. Stefán starfaði sem læknir í Þýskalandi, Svíþjóð og Danmörku á árunum 1956 til 1969, er hann tók við nýstofnaðri háls-, nef- og eyrnadeild á Borgarspítalanum sem yfirlæknir og starfaði þar til loka starfsferils síns árið 1996. Samhliða starfrækti Stefán ásamt konu sinni, Maj, lækningastofu og heyrnarrannsóknarstöð í Kópavogi. Þá tók hann þátt í stofnun Heyrnar- og talmeinastöðvar Íslands. Stefán stundaði kennslu í háls-, nef- og eyrnalækningum í Kalmar í Svíþjóð á árunum 1963-1967 og við Háskóla Íslands 1976-1997. Árið 1993 var hann skipaður prófessor við læknadeild. Doktorsritgerð hans fjallaði um 1.001 eyrnaaðgerð (skurðaðgerðir í smásjá) sem hann framkvæmdi á árunum 1970 til 1980 og varði ritgerðina við Háskóla Íslands 1987. Hann gegndi fjölmörgum félags- og trúnaðarstörfum fyrir lækna og Lions á Íslandi, var m.a. formaður í norrænum samtökum háls-, nef- og eyrnalækna og fékk æðstu viðurkenningu Lionshreyfingarinnar. Eftir Stefán liggur fjöldi greina í erlendum og innlendum læknaritum, ásamt blaðagreinum, um málefni heyrnarskertra." Fyrri kona Stefáns var Ingibjörg Alda Bjarnadóttir, þau skildu, þau eignuðust eina dóttur. 1961 kvæntist Stefán Maj Vivi-Anne Skaftason skurðhjúkrunarfræðingi, þau eignuðust tvö börn.

Stefán Sigurgeirsson, f. að Grjótgarði á Þelamörk 26.07.1864, d. 13.01.1954 á Siglufirði. Foreldrar: Sigurgeir Ólafsson bóndi á Efri-Vindheimum á Þelamörk og kona hans Guðrún Jóhannsdóttir frá Engimýri í Öxnadal.
Stefán ólst upp hjá foreldrum sínum og dvaldist síðan á ýmsum stöðum þar nyrðra til 28 ára aldurs. Fór í Hólaskóla 1892 og lauk þar búfræðiprófið 1894. Starfsmaður á Hólum næstu ár. Hóf búskap á Nautabúi 1897 og bjó þar til 1902. Bóndi á Hrappsstöðum (Hlíð) 1902 til 1903. Fluttist að Hvammi 1903 og bjó þar óslitið til 1935. Keypti jörðina 1912. Eftir að hann hætti búskap dvaldist hann að mestu hjá börnu sínum, lengst hjá dóttur sinni á Reyðará á Siglunesi.
Maki: Soffía Jónsdóttir (28.10.1874-29.12.1966) frá Vestara-Hóli í Flókadal. Þau eignuðust þrjú börn. Fyrir átti Soffía eina dóttur með Júlíusi Kristjánssyni.

Stefán Ólafur Sigurfinnsson var fæddur á Meyjarlandi á Reykjaströnd, Skagafirði þann 7. ágúst 1898. Hann var bóndi á Innstalandi, á Reykjum og á Meyjarlandi á Reykjaströnd í Skagafirði. Var oddviti Skarðshrepps um langt skeið. Ókvæntur og barnlaus.
Hann lést á Innstalandi á Reykjaströnd í Skagafirði 7. janúar 1967.

Járnsmiðameistari

Fæddur á Ísafirði. Foreldrar: Sigurður Sigurðsson, sýslumaður Skagfirðinga og Stefanía Arnórsdóttir. Stefán stundaði ýmis störf til lands og sjós á yngri árum. Varð stúdent frá Menntaskólanum á Akureyri 1942 og cand. Juris frá Háskóla Íslands árið 1951. Að námi loknu gegndi hann stöðu fulltrúa sýslumanns Skagfirðinga og bæjarfógetans á Sauðárkróki, eða frá 1952-1961. Hann varð héraðsdómslögmaður árið 1958. Maki: Erla Gísladóttir. Þau eignuðust ekki börn. Þau fluttust á Akranes árið 1961 og starfaði Stefán um skeið sem fulltrúi bæjarfógeta þar. Stofnaði síðan lögmannsstofu sem hann rak til dánardags.

Stefán Sigurðsson, f. 19.03.1920 á Syðri-Hofdölum. Foreldar: Anna Sigríður Einarsdóttir, f. 1891 og Sigurður Stefánsson, f. 1895. Þau bjuggu m.a. í Hjaltastaðahvammi, Merkigarði í Tungusveit, Torfmýri í Blönduhlíð og Ytri-Húsabakka í Seyluhreppi fyrstu æviár Stefáns. Árið 1926 fluttist fjölskyldan á Sauðárkrók. Stefán var sjómaður og síðar skipstjóri á skipum Útgerðarfélags Sauðárkróks. Maki: Guðný Þuríður Pétursdóttir frá Vatnshlíð í Skörðum, f. 26.05.1920. Þau eignuðust tvær dætur.

Stefán Sigurðsson, f. í Vigur á Ísafjarðardjúpi, d. 22.08.1893, d. 22.09.1969. Foreldrar: Þórunn Bjarnadóttir og Sigurður Stefánsson prestur í Vigur. Stefán lauk gagnfræðaprófi frá Akureyri vorið 1911 og fór síðar í Verzlunarskólann í Reykjavík og lauk þaðan prófi. Vann síðan skrifstofu- og verslunarstörf á Ísafirði og stundaði einnig loðdýrarækt. Sat einnig í bæjarstjórn Ísafjarðar fyrir sjálfstæðisflokkinn árin 1925-1928.

Stefán Sigurðsson, f. 07.04.1879, d. 30.08.1971. Foreldrar: Sigurður Bjarnason (1829-1890) bóndi á Stóra-Vatnsskarði og seinni kona hans, Salbörg Sölvardóttir. Hreppstjóri og bóndi í Gili í Bergstaðasókn, A-Hún. 1930. Bóndi í Mjóadal, A-Hún., síðar hreppstjóri á Gili í Svartárdal. Var á Sunnuhvol, Blönduóshr., A-Hún. 1957. Síðast bús. í Blönduóshreppi.