Frá fundi UMFÍ á Sauðárkróki 1966. F.v. við borðið fjær. Hákon Torfason - Jóhannes Sigmundsson - Hafsteinn Þorvaldsson og Eiríkur Eiríksson (stendur). Hinir óþekktir.
Lúðrasveit Sauðárkróks 1973. Stjórnandi er Þorvaldur Þorvaldsson (Búbbi). F.v. Jóhannes Gunnarsson - Hörður Guðmundsson - óþekktur (á bak við Hörð) - Gunnar Már Ingólfsson - Lára Angantýrsdóttir - Erla Gýgja Þorvaldsdóttir - Sigfús Guðmundsson - Björn Sverrisson og Stefán Pedersen lengst t.h. Myndin tekin austan við Búnaðarbankann.
Sigurður Friðriksson sækir um byggingarleyfi fyrir fjósi og hlöðu á Stekkjarflötum. Teikningu gerði Teiknistofa landbúnaðarins. Umsókn dagsett 12.05.1971. Teikning fylgir ekki.
Skjalasafn Steinunnar Sigurjónsdóttur í Hátúni á Langholti. Gögnin eru samsafn af hennar persónulegu gögnum, bréfum og bókhaldi, ásamt gögnum barna hennar. Steinunn hefur haldið utan um gögn barna sinna frá grunnskólagöngu þeirra og fram á fullorðinsár og eru þau þess vegna skráð með hennar eigin gögnum.
Stefnuyfirlýsingin er fjölrituð á fjórar pappírsarkir í folio stærð. Hún varðar stefnumál listans fyrir bæjarstjórnarkosningar sem fram fóru árið 1958. Ástand skjalsins er gott.
Yfirlýsingin er 8 fjölritaðar síður í A4 broti. Hún varðar stefnumál K-listans fyrir bæjarstjórnarkosningar á Sauðárkróki 1986. Ástand skjalsins er gott.
Yfirlýsingin er 6 fjölritaðar pappírsarkir í 4 stærð. Hún varðar stefnumál K-listans fyrir bæjarstjórnarkosningar á Sauðárkróki 1982. Ástand skjalsins er gott.
Stefnan er á pappírsörk í A4 stærð og er merkt endurrit. Meðfylgjandi er umslag merkt "stefna frá 16. maí 1925". Á umslagið er einnig búið að rita athugasemdir varðandi málið.
Bréfasamskipti Byggðasafnsins og Stefaníu B. Stefánsdóttur. Varðar leiði Jóns Eyjólfssonar (sem fórst í Sléttuhlíðarvatni 2. júní 1910). 1 pappírsörk í A4 stærð. Ástand skjalsins er gott.
Safn sem byggist á bréfaskrifum milli Stefönu við frænda hennar óperusöngvarann Stefán Íslandi, þau áttu í bréfaskrifum um 35 ára skeið eða frá því að hann fór utan til söngnáms í Genova á Ítalíu 1930 og allt til ársins 1965 er hann bjó og starfaði í Kaupmannahöfn. Á þeim tíma nam Stefán og starfaði lengi á Ítalíu og svo síðar er hann hóf störf hjá Konunglegu óperunni í Kaupmannahöfn. Í safninu, auk sendibréfanna eru handskrifaðar jólakveðjur, nafnspjöld og skeyti. Einnig efnisskrá tónleika sem Stefán og Else Brehms héldu í Reykjavík ásamt undirleikaranum Fritz Weisshappel og skáldsaga sem er merkt Stefáni. Í safninu voru tveir myndarammar, í þeim voru tvær myndir - önnur þeirra pappírskópía var sett í viðeigandi plastvasa ásamt öðrum litmyndum sem voru í safninu. Hin myndin var úrklippa úr tímariti eða blaði með mynd af Stefáni, sú mynd var grisjuð úr safninu. Ákveðið var að halda myndarömmunum áfram í safninu. Allt safnið er ágætlega varðveitt.
Viðtöl við Stefán Stefánsson sem ýmist er kenndur við Brenniborg eða Brúnastaði. Stefán er 97 ára þegar viðtalið er tekið. Stefán fæddist á Löngumýri og ólst upp á Skíðastöðum., fór í fóstur á nokkra staði eftir að hafa misst föður sinn 12 ára og eftir það suður til sjós. Lærði söðlasmíði á Fjalli og gekk í Flensborgarskólann. Stefán bjó 20 ár á Blönduósi og var einnig bóndi á Brenniborg. Rætt um kenningar kristninnar og líf eftir dauðann. Einnig rætt um ýmsa samferðamenn Stefáns. Að lokum segir Stefán frá dulrænu atviki er hann var við smíðar og kaupavinnu á Sjávarborg.
Viðtal við Stefán Stefánsson Brenniborg. Hann segir frá uppvexti sínum á Löngumýri, Skíðastöðum og víðar. Einnig sjóðróðrum suður með sjó og skólagöngu í Flensborg.
Viðtal við Stefán Rósantsson frá Gilhaga, líklega tekið 1969. Virðist vanta framan á viðtalið. Það er í tvennu lagi og í stafrænu afriti er það klippt saman. Rætt um ýmsa samtíðarmenn Stefáns, m.a. Símon Dalaskáld. Einnig talar Indriði G. Þorsteinsson í þessari upptöku.
Sigurður Egilsson ræðir við Stefán Rósantsson frá Gilhaga. Fyrst er rætt um Jón Sigurðsson rímnaskáld. Síðan sagt frá æsku og uppvexti Stefáns í Reykjarseli, Flatatungu, Tungukoti og Ölduhrygg. Einnig ræða þeir um vinnumennsku Stefáns á Lýtingsstöðum og í Svartárdal. Jafnframt um búkap Stefáns í Sölvanesi og Gilhaga. Loks er sagt frá ýmsum fyrirboðum, sem Egill, faðir Sigurðar, sá.
Viðtal við Stefán Rósantsson Gilhaga. Vantar framan á viðtalið. Stefán segir ferð föður síns á Krókinn og banalegu hans þar. Einnig frá Önnu Stefánsdóttur, systur Eyþórs Stefánssonar. Þá talar hann um mannlífið í sveitinni.
Viðtal við Stefán Jónsson, Höskuldsstöðum. Líklega tekið í kringum 1960-1970. Rætt um æsku og uppvöxt Stefáns en hann var fæddur á Höskuldsstöðum þar sem foreldrar hans bjuggu. Stefán afabróðir Stefáns Jónssonar bjó þar einnig. Rætt um fræðimennsku Stefáns og fleira úr hans lífshlaupi. Einnig um umhverfi hans í Blönduhlíð, afréttinn þar og fleira. Stefán fer einnig með kvæði.
Ýmis gögn úr fórum Stefáns Jónssonar frá Höskuldsstöðum, svo sem sagnaþætti eftir hann, uppskriftir upp úr handritum, handrit Stefáns að bókum og greinum, sveitablaðið Hjarandi og bréf.
