Valdimar Guðmundsson óskar eftir að byggja íbíðarhús á lóð þeirri er hann fékkútmælda við hús Steingríms Benediktssonar. Teikningu gerði Páll Jónsson. Fundargerð 02.05.1928.
Kristján óskar eftir að byggingarnefnd staðsetji hvar hann megi setja niður hús það sem hann keypti s.l. á lóð sinni á Suðurgötu 14. Húsið er í dag kallað Ártún (Magnúsbúð, Búðin)
Teikning og umsókn fyrir viðbyggingu við íbúðarhús Kristjáns við Suðurgötu 14 - Ártún. Viðbyggingin kom að vestan og norðan. Umsókn samþykkt af byggingarnefnd 31.10.1919.
Leyfi um að bygja timburskúr áfastan við skúr Frank Michelsen, teikningar fylgja með. Samþykkt en með því skilyrði að hann verði fjarlægður ef Bygginganefnd fer fram á það.
Leyfi til að gera bráðabirgðaþak á kjallara hússins þar sem ekki náðist að klára bygginguna um sumarið. Sjá niðurstöðu í fundargerð Bygginganefndar 28.06.1926
Ósk um að byggja íbúðarhús eftir teikningu Páls Jónssonar. Stefna hússins er suður af Bifröst á Skagfirðingabraut. Líklega Skagfirðingabraut 10 - Vindheimar.
Ósk um staðsetningu fyrir gripahús sitt, var áður synjað um þá staðsetningu sem þeir óskuðu sér. Byggingarnefnd leyfir þeim að byggja hús þetta á svæðinu sunnan við Árbæ.
Ósk um breytingu útihúsum í íbúðarhús. Vildi breyta fjósi og hlöðu sem hann keypti af lyfsala Lindgreen í íbúðarhús. Líklega hefur ekkert orðið af þessum breytingum þar sem Hálfdán deyr 2 árum síðar.
Ósk um að lóð í brekkunni milli Kirkjugarðsvegar og fjárhús Jóns Þorsteinssonar. Húsið fylgir Skógargötu 22 og kallast Sigurhæðir. Fundargerð 13.09.1926
Gjörðabók, innbundin, í stærðinni 22,6 x 18,2 cm. Í hana eru ritaðar fundargjörðir sóknarinnar. Aftast í bókinni er listi þar sem þrifum á kirkjunni er skipt á milli bæja í sókninni. Ástand bókarinnar er gott.
Bókin er innbundin og er 17,9 x 21,7 sm að stærð. Hún er 288 tölusettar síður og þar af eru 267 auðar síður. Með liggur á lausu blaði reikningur um störf nefndarinnar.
Lóðateikning, ósk um að fá að byggja skúr vestan við íbúðarhús sitt . Leyfi veitist ef samþykki nágranna fæst. Um er að ræða Gísla hús eða Gísley sem stendur við Skógargötu 5b.
Laus blöð sem heftuð hafa verið saman og stílabókarkápu brugðið utan um. Fundargerðir fundarhalda hjá nemendum í Ungmennaskóla Sauðárkróks 1936-1944. Ástand skjalanna er gott.
Kjallímd stílabók. Fundargerðir húsnæðiskönnunarnefndar Sauðárkróksbæjar frá 17.03. og 05.04. Aðeins tvær skrifaðar síður eru í bókinni. Ástand bókarinnar er gott.
Bókin er innbundin í stærðinni 22 x 30 sm. Síðurnar eru ótölusettar en alls eru 73 skrifaðar síður. Með liggja bréf frá Agli Bjarnasyni, dags. 4.12.1973 og Landgræðslu ríkisins 7.11.1989.
Fundargerðabók í foliobroti, innbundin. Inniheldur fundargerðir félagsins á árunum 1934-1963. Félagið virðist hafa verið endurvakið úr dvala 1934 og fundað reglulega eftir það, a.m.k. til ársins 1963.
Fundargerðabók í stærðinni 33 x 24 cm. Í hana eru ritaðar fundargerðir félagsins frá stofnfundi 1937 til ársins 1954. Alls er skrifað á 16 númeraðar síður. Ástand bókarinnar er gott.
