2 línustrikuð blöð, á blöðin er handskrifuð dagsetningin 23. maí 1943 og fyrir neðan eru 25 nöfn þeirra sem fermdust 23. maí og 24. október þar sem sú dagsetning er fyrir neðan og tvö nöfn þar við. Einnig er ljósritað blað, á því er dagsetningin 12.06.98. Á blaðinu eru nöfn og símanúmer. Blaðbútur með nöfnum, heimilisföngum og símanúmerum. A4 blað með teiknuðum útlínum eftir ljósmynd. Á blaðinu er handskrifað "Mynd fyrir 1940" og eitt nafn er skrifað á blaðið og svo stendur skrifað "Skólabörnin á Reykjaströnd".
8 póstkort með myndum eftir málarann G. Þorsteinsson sem málaðar voru á tímabilinu 1940-1955 og sýna aðstæður og húsakosti fyrri tíma (torfhús, verbúðir, baðstofu, beitiskúra, fiskiþorp og fjárrekstur) 1 póstkort með teikningu af Lindagötu á Sauðárkróki og gefið var út af Bókabúð Brynjars og prentsmiðjunni SÁST. 2 myndir af Sauðárkrókskirkju sem líklega voru framan á jólakortum en klippt af. Önnur myndin er ljósmynd af kirkjunni og í forgrunni er jólatré, hin myndin er teikning eftir myndlistakonuna Ástu Páls.
1 pappírskópía af Sigríði Amalíu Njálsdóttur. Lítill miði fylgdi kópíunni sem á var nafn Sigríðar og fæðingadagur 18.10.1900. Einnig ljósmynd af Sigríði á efri árum.
Safn svart hvítra litmynda frá Sauðárkróki, Hólum í Hjaltadal og Arnarstapa. Tvær ljósmyndir teknar í Hrafnseyrarkirkju og við Dynjanda 1977. 3 svart hvítar litmyndir eru í lítilli örk - þar sem myndirnar pössuðu ekki í plastvasana.
2 myndamöppur með myndum af helstu kennileitum Kaupmannahafnar, utan um þær eru umbúðir / umslög með upphleyptu konungsskjaldarmerki Danmerkur. Möppurnar voru í tréboxi ásamt ljósmyndum úr eigu Björns bróður Ólínu.
Tvö blöð með lista yfir íslenskum sérhljóðunum i og y. Fremra blaðið er merkt "Jón H. Jónsson". Aftan á aftasta blaðinu eru þrjár vísur, höf. ókunnugur / -ir.
Fjórar ljósmyndir sem sýna nokkra unga einstaklinga vera að tína fræ af birkitrjám líklega eru myndirnar teknar á Hólum. Við myndirnar er handskrifaður texti, á öðru blaðinu (mynd 1 og 2) stendur "Fræsöfnun með kveðju frá Landgræðslunni" og skondnar athugasemdir við hverja mynd, á seinna blaðinu (mynd 3 og 4) stendur "Kveðja skógræktin Hólum. Ekkert ártal er við myndirnar en líklega eru þær teknar á tímabilinu 1987-1990 sbr. fatnaðurinn sem fólkið á myndunum er í.
Útdráttur úr Jarðabók Árna Magnússonar - Vaglir og Þverá. Skjalið er ódagsett en undir það ritar "Björn m ólsen". Björn hefur einnig sett stimpil sinn á skjalið: "Björn Magnússon Ólsen. Dr, phil. Reykjavík". Björn deyr 1919 svo það má leiða líkum að því að hann hafi unnið þetta verkefni á tímabilinu 1904-1919.
Lögfesti fyrir jörðinni Þverá í Hallárdal, dagsett 15. maí 1886. Undir skjalið ritar Árni Jónsson. Á skjalið hafa svo verið ritaðar viðbætur, mótmæli við þessari lögfestu. Einnig eru á skjalinu að finna upplýsingar um hvenær plaggið var þinglýst og sett í kaup- og veðmálabók Skagafjarðarsýslu.
Uppskrift af kaupbréf frá árinu 1603 fyrir Vinhæli með lýsingu landamerkja ásamt vitnisburði þeirra Guðmundar Ólafssonar á Vindhæli og Davíðs Guðmundssonar á Spákonufelli frá 19. september 1829 um landamerki Þverár.
Kaupgjörningur. Sigurður Gíslason (síðast á Þóreyjarnúpi í Línakradal) selur bróður sínum, Konráði Gíslasyni á Völlum jörðina Þverá í Hallárdal. Skjalið er dagsett 1. ágúst 1781. Með undirritun Sigurðar og Konráðs ásamt innsiglum þeirra.
Landamerkjaskrá. Landamerki milli Hrafnagils og Þverár í Hallárdal. Dagsett 14. nóvember 1921. Undir skjalið rita Steingrímur Guðmundsson, eigandi Þverár og Guðmundur Guðmundsson eigandi Hrafnagils.
Landamerkjaskrá. Landamerki milli Illugastaða og Þverár í Hallárdal. Dagsett 20. júní 1889. Undir skjalið rita Árni Jónsson, eigandi Þverár og Hjörtur Hjálmarsson meðeigandi Illugastaða.
Landamerkjaskrá. Landamerki milli Þverár í Hallárdal. Dagsett 20. júní 1889. Undir skjalið er ritað nafn Árna Jónssonar, eigandi Þverár. Mögulega er hér um uppskrift að ræða.
Landamerkjaskrá. Landamerki milli Hrafnagils í Laxárdal ytri og Þverár í Hallárdal. Dagsett 29. maí 1890. Undir skjalið rita Árni Jónsson, eigandi Þverár og Hjörður Hjálmarsson umráðamaður Hrafnargils.
Samkomulag um landmerki milli Þverár og Illugastaða. Dagsett 25.01.1887. Undir skjalið rita Árni Jónsson eigandi Þverár og Gísli Gíslason frá Illugastöðum.
Samkomulag um landmerki milli Þverár og Bergsstaða. Dagsett 17.06.1889. Nöfn Jónínu Þereyju Jónsdóttur (eiganda Bergstaða) og Árna Jónssonar (eiganda Þverár) eru rituð undir.
Samkomulag um landmerki milli Þverár og Bergsstaða. Dagsett 15.06.1889. Nöfn Frímanns Guðmundssonar (fyrir hönd eiganda Bergstaða) og Árni Jónsson (eigandi Þverár) eru rituð undir.
Landamerkjaskrá. Landamerki Hrafnagils og Þverár í Hallárdal. Dagsett 14. nóvember 1921. Undir skjalið rita Steingrímur Guðmundsson, eigandi Þverár og Magnús Laxdal, eigandi Hrafnagils ásmt Ásgeiri Halldórssyni eiganda Foss.
Bréfið ritar Björn Auðunsson Blöndal í Hvammi í Vatnsdal, þann 4. júlí 1842. Bréfið virðist hafa verið sent til Bjarna Þorlákssonar, Þverá í Hallárdal.
Bréf frá Birni Gunnlaugssyni, kennara í Bessastaðaskóla. Bréfið varðar Þverá, um mat á jörðunni og kaupverð. Bréfið er ritað 16. nóvember 1841 að Sviðholti á Álftanesi. Uppskrift Björns Blöndal í Hvammi.