Bréfasamskipti Byggðasafnsins og Einars og Rósalindu. Varðar myndir heimsókn eirra frá Canada til Íslands og fréttir af þeim (jólabréf). 1 pappírsörk í A4 stærð. Ástand skjalsins er gott.
Tölvupóstsamskipti Byggðasafnsins og Byggðasafn Árnesinga. Varðar samstarf vegna sýningar um Vesturfara. 1 pappírsörk í A4 stærð. Ástand skjalsins er gott.
Bréfasamskipti Byggðasafnsins og Vesturfarasetursins. Alls 1 pappírsörk. Varðar: Lagfæringar og breytingar í tilefni af 20 ára afmæli Vesturfarasetursins og liðsinni Byggðasafnsins vegna þeirra. Ástand skjalsins er gott.
Nótnahefti. alls 12 prentaðar síður í A4 stærð. "Mig hryggir svo margt" eftir Ólaf Hallsson. Útgefið af höfundi í Winnipeg árið 1936. Heftið lá með gögnum úr Kanadaferð Sigríðar Sigurðardóttur 1999 og er líklegt að það sé fengið í þeirri ferð.
Bréfið er handskrifað á 2 pappírsarkir í A5 stærð. Það varðar bréf sem móðir Minnu fékk frá fósturforeldrum sínum og einnig dagbók Steinunnar Ingibjargar Guðmundsdóttur. Með liggja tvö ljósrit úr dagbók og 21 pappirsörk í A4 stærð sem er uppskrift úr dagbók. Einnig ljósrit af umslagi sem bréfið frá Minnu hefur borist í. Ástand skjalanna er gott.
Bréfið er vélritað á pappírsörk í A4 stærð. Með liggur staðfesting Sigríðar á að hún hafi sent afrit af bréfi dags. 16.12.1895 til Ola K. Olson. Einnig liggur með ljósrit af umræddu bréfi frá 1895. Ástand skjalsins.
Óþekkt kona fyrir framan hús. Myndin er tekin í Vesturheimi. Aftan á myndina er ritað: "Þetta eru tröppurnar á húsinu sem ég bý í. Stóri glugginn var á setustofunni minni. Eins og ég sagði í bréfinu, þá hefi ég flutt upp á sjötta gólf., svo þetta er ekki glugginn minn lengur."
Konan í upphlutnum heitir Helga Jónsdóttir og sú í kjólnum heitir Hildur. Aftan á myndina er skrifað: "Reykjavík 21/3 1912. Kæra Guðbjörg mín. Jeg hef að öllum líkindum ekki breyst svo mikið að þú þekkir mig ekki, en samt þori jeg ekki annað en segja þjér að jeg er sú sem er í upphlutnum, en Hildur sem er á kjólnum. Skilaður kærri kveðju til alls heimilisfólksins, svo er jeg. Þín einlæg frænka Helga Jónsdóttir."
Samkvæmt upplýsingum á myndinni er maðurinn á myndinni annað hvort Sigurbjörn Bjarnason eða Guðmundur Bjarnason, bróðir Bjargar Bjarnadóttur í Borgargerði, en þeir fóru báðir til Vesturheims. Myndin var send Björgu Bjarnadóttur í Borgargerði.
Fólkið á myndinni er óþekkt en aftan á hana eru skrifaðar þessar upplýsingar: "Við systurnar Stefanía, Ólöf, ég og maðurinn minn, Páll, daginn sem við giftum okkur, 1970." Bætt hefur verið við þeim upplýsingum að sé sem merkir myndina sé Ingibjörg og þær séu dótur Ingólfs Eiríkssonar.
Fólkið á myndinni er óþekkt. Aftan á myndina er rituð eftirfarandi jólakveðja: "August 1919 Svevig. Glædelig julog mange velige hilser fra deres danske venner E og S Paulli."
Stúlkurnar á myndinni eru Allison Ral 7 ára og Amber Jill 4 ára. Aftan á myndinni, neðan við nöfn og aldur stúlknanna stendur: "Gíslason Arborg Mane Canada. Dec 1980."
Passamynd. Stúlkan á myndinni er Karen, 10 ára gömul. Hún er afkomandi Reykjavallahjóna Guðríðar og Guðmundar Skúlasonar. Dórri Matthíasar Þorfinnssonar.
Á myndinni er Stefanía Magnússon, sem bjó í Gimli í Manitoba, ásamt óþekktri konu og þremur óþekktum karlmönnum. Aftan á myndina er skrifað: "Ég sendi mynd af mér 85 ára ég er kerlingin í svarta kjólnu við eigum öll afmæli í feb. Mrs. Stefanía Magnússon, Box 10, Gmili P.O. Manitoba Canada."
Á myndinni er Steinunn Jónsdóttir frá Syðstu-Grund ásamt hluta af fjölskyldu sinni í Vesturheimi. Aftan á myndina er skrifað: "Til vinstri í efri röð. Jóna yngsta dóttir mín, Svan Ingi fóstursonur minn. Ég sjálf. Steinunna Jónsdóttir. Anna næst yngsta dóttir mín. Tvíbura dætur hennar Svanna Steinunn og ...." (meira sést ekki af textanum þar sem límmiði hefur verið límdur ofan á textann).
Átta manna hópur, sitjandi fyrir framan hús. Fólkið er óþekkt. Aftan á myndina er skráður texti en hann er ólæsilegur þar sem límmiði hefur verið límdur ofan í textann.
Fólkið á myndinni er óþekkt en aftan á myndina eru ritaðar eftirfarandi upplýsingar. "Frá vinstri til hægri. ?, Jóhanna kona mín, Margrét systir mín, Þorbjörg móðir mín, Florence dóttir Margrétar, Thorsteina, Sigríður dóttir mín, ég og yngsta dóttir mín."
Karlmaðurinn í aftari röðinni er Sigurður J. Gíslason. Hitt fólkið er óþekkt. Aftan á myndina er skrifað: "Hún var nærri búin að dáleiða mig, þessi í brúnu kápunni. Karlamðurinn er úr Rvík og heitir Ólafur Guðmundsson. Við erum mikið saman. Stúlkurnar eru stystur. Myndin er tekin við ljós-bommu. Sigurður J. Gíslason."
Þrír óþekktir karlmenn og ein kona fyrir framan hús. Fólki á myndinni er óþekkt. Aftan á myndina er skrifað: Jón bróðir og Alli bróðursonur mömmu á bak við að framan mamma og Siggi bróðir."