Item 6 - Bréf Staðarhrepps til sýslunefndar

Staðarhreppur er vestan Héraðsvatna í Skagafjarðarsýslu og er kenndur við kirkjustaðinn Reynistað. Hreppurinn liggur að Skarðshreppi að norðan, Austur-Húnavatnssýslu að vestan, Seyluhreppi að sunnan og suðaustan en Héraðsvötnum á móts við Rípurhrepp að austan.
Þrjú byggðarlög eru í Staðarhreppi: Sæmundarhlíð, Langholt og Víkurtorfa (einnig kölluð Staðarsveit).
Í skjalasafninu eru skjöl frá Staðarhreppi í Skagafirði frá árunum 1797-1998. Þann 6. júní 1998 sameinaðist Staðarhreppur 10 öðrum sveitarfélögum í Skagafirði. Þetta voru Skefilsstaðahreppur, Sauðárkrókskaupstaður, Skarðshreppur, Seyluhreppur, Lýtingsstaðahreppur, Rípurhreppur, Viðvíkurhreppur, Hólahreppur, Hofshreppur og Fljótahreppur, og mynduðu þau saman sveitarfélagið Skagafjörð. (https://is.wikipedia.org/wiki/Seyluhreppur)