Jakob Benedikt Bjarnason var fæddur 26. október 1896 að Forsælu í Vatnsdal. Foreldrar hans voru Guðrún 1875-1967 og Bjarni 1863-1945. Jakob ólst upp á vegum móður sinnar, sem var ráðskona að Forsælu. Þegar Jakob var á þriðja ári réðst hún sem vinnukona að Geitaskarði og hafði drenginn með sér, en var þar aðeins eitt ár að þessu sinni. Næstu árin var hún á ýmsum stöðum í Engihlíðarhreppi, en kom Jakobi fyrir hjá systur sinni Hólmfríði, sem bjó á Björnólfsstöðum. Jakob varð fljótt afar bókhneigður. Hann var í vinnumennsku hingað og þangað. Hann kvæntist Elínborgu Ósk dóttur þeirra Síðuhjóna Einars Guðmundssonar og Sigurlaugar Þ. Björnsdóttur. Ungu hjónin bjuggu þar og svo kom að þau keyptu alla jörðina. Þau eignuðust eina dóttur, Magdalenu, f. 1930, en sama ár kenndi Jakob sér fyrst þess meins sem fylgdi honum æ síðan, liðagigtar og var hann oft lítt vinnufær. Jakob og Sigurlaug brugðu búi að fullu árið 1971. Jakob var mikill bókaáhugamaður, safnari og fræðimaður.

Jakob Benediktsson var fæddur þann 20. júlí 1907 og lést 23. janúar 1999. Jakob var frá Fjalli í Seyluhreppi, sonar hjónanna Benedikts Sigurðssonar, bónda þar, og konu hans Sigurlaugar Sigurðardóttur. Jakob tók stúdentspróf utan skóla vorið 1926 með svo góðum árangri að hann hlaut fjögurra ára námsstyrk sem gerði honum kleift að sigla utan til framhaldsnáms. Með námsstyrk upp á vasann hélt Jakob til Kaupmannahafnar til frekara náms. Jakob lauk cand. mag. prófi í latínu og þýsku árið 1932 og síðar dr. phil. prófi frá Hafnarháskóla. Kvæntist Grethe Khyl fornleifafræðingi, þau voru barnlaus. ,,Jakob var forstöðumaður Orðabókar Háskólans, ritstjóri Tímarits Máls og menningar og meðritstjóri af Íslands hálfu fyrir Kulturhistorisk Leksikon. Hann gaf einnig út fjölda rita, þeirra á meðal Jarðabók Árna Magnússonar og Páls Vídalíns, VII, X og XI bindi. Hann skrifaði einnig mikið sjálfur og munu titlar rita hans vera á sjöunda hundrað. Jakob þýddi einnig fjölmörg verka Halldórs Laxness á dönsku og naut við það verk aðstoðar konu sinnar Grethe Benediktsson (fædd Kyhl) sem var dönsk."

Jakob Einarsson, f. á Varmalandi í Sæmundarhlíð 09.01.1902, d. 18.07.1987 á Sauðárkróki. Foreldrar: Einar Jónsson bóndi á Varmalandi og kona hans Rósa Gísladóttir. Jakob ólst upp á heimili foreldra sinna og vann að búi þeirra. Eftir að faðir hans lést 1922 stóð Jakob fyrir búinu með móur sinni til vors 1923 en þá brugðu þau búi og Jakob fór í Valadal á Skörðum þar sem hann var meira og minna næstu þrjú árin. Sama haust fór hann í Hólaskóla og lauk þaðan prófi 1925. Einnig sótti hann plægingarnámskeið og stundaði plægingar fyrir bændur. Árið 1929 kvæntist hann og hóf búskap á hluta Víðimýri. Árið eftir keypti hann Dúk í Sæmundarhlíð og bjó þar til æviloka.
Maki: Kristín Jóhannsdóttir (25.10.1900-10.09.1965). Þau eignuðust þrjú börn.

Frá Glaumbæ í Langadal. Jakob nam múrsmíði í Reykjavík og dvaldi eftir það á ýmsum stöðum og starfaði mikið við steinsmíði. Kom að byggingu Þingeyrarkirkju, byggði Reykjahlíðarkirkju við Mývatn, byggði kjallara skólahússins á Hólum og reisti alla legsteina í Sauðárkrókskirkju til 1907. Kvæntist árið 1878 Sigríði Davíðsdóttur frá Tómasarhúsum í Aðaldal. Þau fluttu að Tungu í Gönguskörðum 1887 og bjuggu þar til æviloka, þau eignuðust fjögur börn.

Foreldrar: Anna Pétursdóttir og Hans Baldvinsson á Hrólfsstöðum í Blönduhlíð. Jakob ólst upp hjá foreldrum sínum á Hrólfsstöðum. Maki: Jónína Steinvör Líndal. Lauk prófi frá Möðruvallaskóla 1903 og búfræðiprófi frá Hólaskóla 1904. Árin 1906-1907 nam hann við Lýðskólann í Askov í Danmörku. Veturinn eftir var hann í Ási í Noregi. Var framkvæmdastjóri Ræktunarfélags Norðurlands 1910-1917. Það ár hóf hann búskap á Lækjamóti í Víðidal. Jakob gegndi margvíslegum trúnaðarstörfum í sveit sinni og stundaði mikilvægar jarðvegsrannsóknir.

Fæddur á Sauðafelli í Dölum. Foreldrar: Jóhannes Lárus Lynge Jóhannsson, prestur á Kvennabrekku, og f.k.h., Steinunn Jakobína Jakobsdóttir. Jakob lauk stúdentsprófi í Reykjavík 1908, stundaði nám í norrænum fræðum við Kaupmannahafnarháskóla og lauk þaðan meistaraprófi árið 1914. Jakob var kennari við ýmsa skóla í Reykjavík á árunum 1914-20 og við Menntaskólann í Reykjavík 1920-36 og yfirkennari þar. Hann sat lengi í stjórn Sálarrannsóknafélags Íslands. Jakob sendi frá sér ljóðabækurnar Kaldavermsl, 1920, Handan storms og strauma, 1936, Undir sól að sjá, 1939, og Við djúpar lindir, 1957. Þá samdi hann kennslubækur, s.s. Íslenska setningafræði og Íslenska málfræði og tók saman Íslensk-danska orðabók. Jakob þýddi m.a. sum verka Gunnars Gunnarssonar, leikrit eftir Ibsen og Strindberg og óperettur, að ógleymdri Bókinni um veginn, eftir Lao-Tse, ásamt Yngva Jóhannessyni. Jakob var nýrómantískt skáld. Skáldskapurinn var ljóðrænn og átakalítill, sonnettan var hans aðalljóðform en yrkisefnið gjarnan sótt í kyrrð og fegurð íslenskrar náttúru. Hann var því ekki beint barn síns tíma þegar leið á ferilinn. Samt urðu ýmis ljóða hans vel þekkt og oft sungin.
Maki: Helga Þorkelsdóttir kjólameistari, þau eignuðust tvö börn.

Jakob Jón Símonarson, f. í Hólakoti á Höfðaströnd 04.01.1864, d. 24.10.1935 á Hofsósi. Foreldrar: Símon Sigvaldason (1837-1887) bóndi í Hólakoti og kona hans Hólmfríður Jakobsdóttir frá Tumabrekku. Jakob ólst upp hjá foreldrum sínum í Hólakoti til 1886, en eitthvað af þeim árum mun hann hafa dvalist hjá Pétri Jónssyni frænda sínum á Syðri-Hofdölum. Árið 1887 fluttist hann að Garði í Kelduhverfi og var þar eitt ár en fór síðan að Skinnastað og var þar ráðsmaður hjá sr. Þorleifi Jónssyni og naut þar fræðslu.
Maki: María Þórðardóttir (30.06.1860-08.12.1936) frá Sævarenda í Loðmundarfirði. Þau giftust árið 1887.
Árið 1899 komu Jakob og María í Skagafjörð og settust að á Höfða. Fluttust í Ártún við Grafarós árið 1890 og voru þar til 1892, er þau fluttust að Brekku við Hofsós, sem Jakob var þá búinn að byggja. Jafnhliða þeirri uppbyggingu stundaði hann smíðar og ýmsar viðgerðir. Hann átti sjálfur tvo báta, feræring og sexæring, og hélt þeim út frá Hofsósi.
Jakob og María skyldu árið 1897 og fór hún austur á Seyðisfjörð og síðar til Reykjavíkur. Þau eignuðust einn son. Síðar hafði Jakob ráðskonu, þar til árið 1912 að þau fluttust til hans, Guðmundur Guðmundsson og Bjargey Kristjánsdóttir. Sáu þau um Jakob þar til hann lést. Hafði hann þá gefið eign sína, Brekku, dóttur þeirra, Margréti Guðmundsdóttur.

Jakob Jónsson, f. í Ytri-Tungu á Tjörnesi 17.02.1900, d. 03.01.1991. Foreldrar: Jón Jakobsson og Sigurlaug Jóhannesdóttir. Þau stofnuðu býlið Árbæ í landi Ytritungu 1902 og þar ólst Jakob upp til 12 ára aldurs. Hann var elstur fjögurra systkina. Þá flutti fjölskyldan að Mýrarkoti á Tjörnesi og þremur árum síðar lést faðir hans. Ekkjan flutti þá með börnin í Hallbjarnarstaði og síðan í Ytritungu. Jakob fór snemma að vinna utan heimilis, m.a. við sjósókn og í kolanámu sem starfrækt var í Tungufjöru á stríðsárunum fyrri. Sótti svo undirbúningsnámskeið fyrir skipstjórnarnám og lauk prófi frá Stýrimannaskólanum 1931. Starfaði eftir það á fjölda skipa, bæði innlendum og erlendum, bæði sem skipstjóri og stýrimaður.
Maki: Kristín Jóhannessdóttir frá Þverá á Blönduhlíð. Þau bjuggu alla tíð á Eiðsvallagötu 1 á Akureyri. Þau eignuðust tvo syni.

Var í Reykjavík 1910. Hóf ungur nám í Menntaskólanum í Reykjavík. Á þeim árum var Ungmennafélag Reykjavíkur stofnað og gerðist hann einn helsti áhrifamaður. Að loknu guðfræðinámi 1910 hélt séra Jakob vestur um haf til að vera prestur meðal landa vestra um stund. Árið 1913 kom hann heim aftur, og varði þá aleigu sinni til að kaupa og flytja heim fyrstu nothæfu bifreiðina, er hingað kom til lands. Gerðist hann nú prestur að Holti undir Eyjafjöllum og kvæntist Sigríði Kjartansdóttur. Varð þeim margra barna auðið. Vafalaust var séra Jakob meðal áhrifaríkustu og vinsælustu presta sinnar tíðar. Þegar Laugarvatnsskólinn tók til starfa haustið 1928, varð séra Jakob skólastjóri þar. Hann stýrði skólanum þó aðeins einn vetur, því að um þetta leyti tók hann að kenna alvarlegs sjúkdóms, er svipti hann starfsgetu skömmu síðar og þjáði hann til æviloka.

Kaupmaður og etasráð á Akureyri, einnig kaupmaður á Hofsósi. Maki: Thora Emilie Marie Havsteen.

Fædd og uppalin við Ísafjarðardjúp. Kvæntist Gísla Ólafssyni skáldi frá Eiríksstöðum í Svartárdal, þau eignuðust þrjú börn og ólu einnig upp dótturson sinn. Fyrstu ár sín í hjónabandi voru þau í húsmennsku á nokkrum bæjum í Svartárdal. Bjuggu á Blönduósi 1924-1928 er þau fluttu til Sauðárkróks þar sem þau bjuggu til æviloka. Jakobína starfaði mikið með kvenfélagi Sauðárkróks og var meðal þeirra sem lögðu fyrstu hönd að gróðursetningu trjáplantna í Sauðárgili þar sem nú kallast Litli skógur.

Dóttir Flóvents Jóhannssonar bústjóra á Hólum og b. á Sjávarborg og k.h. Margrétar Jósefsdóttur. Kvæntist Steinþóri Hallgrímssyni. Þau skildu. Húsfreyja á Siglufirði og í Reykjavík.

Hún var meðalhá kona, frekar þrekvaxin. Hún var hlédræg og lítillát, en mikil gæðakona. Jakobína mátti ekkert aumt sjá og þótti sérstaklega natin við sjúklinga og barngóð. Hún starfaði í Hinu Skagfirska kvenfélagi.

Jakobína Ragnheiður Ingadóttir, f. 01.02.1942. Foreldrar: Ingi Gests Sveinsson og Guðrún Sigríður Gísladóttir.

Fósturdóttir Maríusar Pálssonar og Jakobínu Jóhannsdóttur. K. Valgarðs Björnssonar, bjuggu á Skagfirðingabraut 4. Búsett á Sauðárkróki.

Foreldrar: Sveinn Arason og Guðbjörg Benjamínsdóttir. Jakobína ólst upp hjá Birni Þorkelssyni og Guðlaugu Gunnlaugsdóttur á Sveinsstöðum. Kvæntist Agli Benediktssyni, þau bjuggu á Sveinsstöðum 1904-1919 og 1925-1935. Þau eignuðust sex börn saman, einnig átti Jakobína son með Helga Daníelssyni á Steinsstöðum.

Ár 1902 16. maí var fundur settur og haldinn í Brekkukoti i Hofshreppi og þar stofnað Jarðabótafélag af 12 bændum. Kosnir í stjórn félagsins : Jón Erlendsson, Marbæli. Sigurjón Jónsson, Óslandi formaður. Þorleifur Rögnvaldsson, Brekkukoti. Félagið heitir Jarðarbótafélag Óslandshlíðar í Hofshreppi. Tilgangur félagsins er að efla grasrækt , garðrækt og búpeningsrækt.

Í þessum gögnum kemur ekkert fram um uppruna félagsins né framgang. En gögnin eru persónugreinanleg.

Sonur Álfheiðar Guðjónsdóttur Blöndal og Kristjáns Þórðar J. Blöndal. Starfaði sem póstafgreiðslumaður á Sauðárkróki og umboðsmaður Flugfélags Íslands á Sauðárkróki. Var í Lúðrasveit Sauðárkróks. Kvæntist Jóhönnu Árnadóttur frá Geitaskarði.

Ólst upp með foreldrum sínum í Khöfn. Rak verslun í Hofsósi, kom þangað á vegum Chr. Thaae stórkaupmanns. Hann tók við stjórn Hofsósverslunar 1871, 21 árs gamall. Nokkrum árum síðar tók hann svo við stjórn verslunar í Grafarósi. En 1879 fluttist hann til Sauðárkróks og tók við stjórn verzlunar Lud. Popps. Gegndi hann því starfi uns Popp flutti sjálfur til Sauðárkróks árið 1885. Árið eftir stofnaði Claessen sjálfstæða verslun sem hann rak til haustsins 1904, er hann flutti til Reykjavíkur, nýskipaður landsféhirðir. Gegndi því starfi til vorsins 1918 þá veiktist hann og lést í árslok. Starf hans að félagsmálum á Sauðárkróki var bæði mikið og farsælt. Hann var einn af stofnendum Sparisjóðs Sauðárkróks og formaður hans um skeið. Fyrsti formaður og leiðbeinandi leikfélags Sauðárkróks. Einn af aðal hvatamönnum að byggingu Sauðárkrókskirkju og fyrsti formaður sóknarnefndar þar.
Kvæntist Kristínu Eggertsdóttur Briem 1876 og eignuðust þau saman fjögur börn, Kristín lést aðeins viku eftir að yngsta barnið fæddist. Seinni kona Jean Valgard var Anna Margrét Þuríður Kristjánsdóttir Möller, þau kvæntust árið 1885 og eignuðust fjögur börn saman, tvö þeirra komust á legg, fyrir átti Anna tvo syni.

Foreldrar hans voru Evert Skagfjörð Þorkelsson og Sigrún Ólöf Snorradóttir (Rúna). Rafvirki á Sauðárkróki og í Hafnarfirði

Foreldrar: Pétur Eriksen skósmiður á Sauðárkróki og k.h. Ingibjörg Ólafsdóttir (Eriksen).
Verkamaður á Sauðárkróki 1930. Síðar kaupmaður í Reykjavík.
Maki: Sigríður Amalía Njálsdóttir, þau eignuðust eina dóttur.

Foreldrar: Ólafur Helgi Jensson kaupmaður á Hofsósi og kona hans Lilja Haraldsdóttir. Fjölskyldan flutti á Siglufjörð árið 1920 og síðan til Vestmannaeyja 1927. Jens var bifreiðastjóri í Vestmannaeyjum. Bjuggu lengi á Brekastíg 29. Maki: Kristný Jónína Valdadóttir (1909-1993). Þau eignuðust 5 börn.

Jens Þorkell Halldórsson, f. í Súðavík 01.04.1922, d. 11.05.1992. Foreldrar: Halldór Guðmundsson, f. 09.02.1888 og Sigrún Jensdóttir, f. 20.12.1891. Þorkell ólst upp á Súðavík hjá foreldrum sínum fyrstu árin en fór síðan til Sr. Ólafs Ketilssonar á Hvítanesi við Ísafjarðardjúp og fermdist þaðan. Þaðan fór hann um tíma til móðursystur sinnar á Akureyri en síðan Vogum í Kelduhverfi til Þórarins Þórarinssonar og Jóhönnu Haraldsdóttur, þar sem hann átti heima næstu árin. Hann gekk í barnaskólann í Súðavík og fór í unglingaskóla í Núpasveit í N-Þigeyjarsýslu og síðar í Bændaskólann á Hólum í Hjaltadal veturnar 1946-1948. Eftir það var hann einn vetur fjósamaður á Hólum. Hann vann við landbúnaðarstörf, vegavinnu og við sláturhússtörf í N-Þingeyjarsýslu. Lengst af vann hann á þungavinnuvélum hjá Ræktunarsambandi Skagfirðinga, árin 1949-1989. Á yngri árum var hann virkur meðlimur ungmennafélaga, fyrst með Ungmennafélaginu Leifi í N-Þingeyjasýslu og síðar með Ungmennafélaginu Hjalta í Hjaltadal, er hann var við nám í Bændaskólanum á Hólum.
Maki: Eiríka Alfreðsdóttir, f. 31.06.1027, d. 1970. Hún var frá Þýskalandi. Þau eignuðust þrjú börn. Fjölskyldan bjó á Sauðárkróki að undanskildum tveimur árum í Þýskalandi. Fyrir átti Þorkell dóttur með Dagbjörtu Jónsdóttur og einnig átti hann fyrir einn son.

,,Jes fæddist í Vestmannaeyjum árið 1934. Að loknu stúdentsprófi frá Menntaskólanum í Reykjavík stundaði hann nám í myndlist og arkitektúr í París og útskrifaðist sem arkitekt frá Ecole Nationale Supérieure des Beaux-Arts árið 1967. Á námsárunum vann hann í tvö sumur hjá Gísla Halldórsssyni arkitekt og með námi hjá Högnu Sigurðardóttur arkitekt og á ýmsum teiknistofum í París. Strax að námi loknu hóf Jes rekstur eigin teiknistofu sem hann hefur rekið í eigin nafni alla tíð. Jes Einar er án vafa kunnastur fyrir hönnun mannvirkja á sviði íþrótta og heilsugæslu. Allan sinn starfsaldur hefur Jes Einar verið áberandi og leiðandi í félagsstarfi Arkitektafélagsins og lagt sitt af mörkum í hagsmunamálum arkitekta. Hann var formaður félagsins 1984-85, ritari 1971-72 og meðstjórnandi 1983 og 1986. Þá hefur hann setið í gjaldskrár-, samkeppnis- og siðanefndum félagsins og verið fulltrúi þess í stjórn Bandalags Íslenskra Listamanna. Mest er þó arfleifð hans í menntamálum stéttarinnar. Þar ber hæst vinna hans við ÍSARK og síðar við að stuðla að varanlegri kennslu í arkitektúr á háskólastigi á Íslandi."

Foreldrar: Jón Guðmundsson (1857-1940) og Katrín Friðriksdóttir (1857-1930) á Hömrum í Efribyggð.
Jóel var bóndi á Hömrum og síðar á Stóru-Ökrum í Blönduhlíð.
Maki: Ingibjörg Sigurðardóttir frá Syðra-Vallholti. Þau eignuðust a.m.k. þrjú börn.

Talsímaþjónn á Sauðárkróki 1930. Síðast búsett á Sauðárkróki. Ógift og barnlaus.

Jófríður Björnsdóttir fæddist að Bæ á Höfðaströnd 27. september 1927. Hún var dóttir hjónanna Kristínar Ingibjargar Kristinsdóttur og Björns Jónssonar hreppstjóra frá Bæ á Höfðaströnd. ,,Jófríður stundaði nám við Húsmæðraskólann að Laugalandi í Eyjafirði veturinn 1945-1946. Áður en hún stofnaði heimili starfaði hún sem hótelstýra á Hofsósi, ráðskona á hótelinu Blönduósi og í Fornahvammi en sem ráðskona fyrir vegavinnuflokk og á Hólum í Hjaltadal fyrstu sumur eftir giftingu. Síðari hluta vetrar 1964 dvaldist hún í Reykjavík og lærði sniðagerð og saumaskap. Eftir það stundaði hún saumaskap á heimili sínu allt til þess er hún gerðist verkstjóri í verksmiðjunni Ylrúnu á Sauðárkróki um miðjan áttunda áratuginn þar sem hún starfaði allt til ársins 1992. Jófríður tók virkan þátt í félagsmálum, var m.a. formaður Kvenfélags Sauðárkróks, söng með Kirkjukór Sauðárkróks um árabil og í kór eldri borgara í Skagafirði síðustu árin. Jófríður giftist hinn 31. ágúst 1950 Gunnari Þórðarsyni bifreiðastjóra, síðar yfirlögregluþjóni og bifreiðaeftirlitsmanni, frá Lóni, Viðvíkursveit, þau eignuðust tvær dætur."

Dóttir Tóbíasar Sigurjónssonar og Kristínar Gunnlaugsdóttur bænda í Geldingaholti. Kvæntist Björgvini Jónssyni frá Ási í Hegranesi, þau eignuðust tvo syni. Búsett á Sauðárkróki.

Jóhann Benediktsson f. í Neðra-Haganesi í Fljótum 14.06.1889, d. 09.06.1965 á Sauðárkróki. Foreldrar: Benedikt Stefánsson bóndi í Neðra-Haganesi og kona hans Ingibjörg Pétursdóttir. Jóhann ólst upp með foreldrum sínum til tíu ára aldurs en þá missti hann föður sinn og fór í fóstur til föðurafa síns og ömmu er þá bjuggu að Minni-Brekku og dvaldist þar til 17 ára aldurs. Þá fór hann í vinnumennsku á ýmsum stöðum fram yfir tvítugt og er fyrst skráður með sjálfstæðan búskap árið 1913. Hann var lengst af leiguliði og bjó á mörgum stöðum í Fljótum og stundaði sjó meðfram búskapnum. Var á Berghyl 1913-1915, í Minni-Brekku 1915-1917, í Háakoti í Stíflu 1917-1921, á Stóra-Grindli 1921-1923 í Hólakoti 1923-1925, á Skeiði 1925-1931, í Langhúsum 1931-1935, á Syðsta-Mói 1937-1943, á Krakavöllum 1943-1044, húsmaður í Vatnshorni í Haganesvík 1944-1945 og bóndi á Minna-Grindli 1945-1955 og aftur 1957-1964.
Jóhann hafði á höndum eftirlit með sullaveiki í hundum og annaðist það um árarraðir i allri sýslunni.
Maki 1: Sigríður Jónsdóttir (17.05.1890-14.10.1939) frá Hvammi í Fljótum. Þau eignuðust tólf börn en eitt þeirra lést á fyrsta ári.
Maki 2: Helga Jónsdóttir (1894-1973). Þau slitu samvistum.
Bústýra Jóhanns og sambýliskona eftir að hann skildi við Helgu var Björg Þorsteinsdóttir (1903-1981). Þau eignuðust einn son. Fyrir átti Björg eina dóttur.

Ritstjóri, teiknari og skrifstofumaður í Reykjavík, hann var áberandi innan íþróttahreyfingarinnar. Kvæntist Svövu Þorbjarnardóttur söngkonu, þau eignuðust þrjú börn.

Vinnumaður og sjómaður í Svartárdal ytri í Skagafirði 1880. Fór til Vesturheims 1883 frá Grímsstöðum í Svartárdal. Bóndi í Tindastól, Alberta, Kanada 1901. Póstafgreiðslumaður við Tindastóll-pósthús í Alberta. Var í Red Deer, Alberta í Kanada 1916. Nefndur John Bjornson í manntalinu 1916.

Jóhann Eiríksson, f. á Sólheimum í Blönduhlíð 19.01.1892, d. 08.05.1970 á Sauðárkróki.
Foreldrar: Eiríkur Gíslason, síðast húsmaður á Tyrfingsstöðum og barnsmóðir hans, Ólöf Jónsdóttir, þá ógift vinnukona á Sólheimum.
Jóhann ólst upp með móður sinni, fyrstu tvö árin í Sólheimum og síðar aftur þar 1897-1902. Annars voru þau á ýmsum bæjum í Blönduhlíð og fylgdust að til ársins 1911, að Ólöf fór í aðra vist.Þegar bærinn á Víðivöllum brann 1908 voru þau þar og komst Jóhann naumlega úr brunanum. Jóhann var áfram á Víðivöllum til 1915 en eftir það fylgfust þau að á Miðsitju, Úlfsstöðum og Kúskerpi. Árið 1919 fóru þau í húsmennsku að Flatatungu á Kjálka. Átti Jóhann þá orðið eitthvað af skepnum og voru þú búandi í nokkur ár. Árið 1924 tók Jóhann jörðina Tyrfingsstaði til ábúðar og var móðir hans áfram ráðskona hans, þar til Freyja Ólafsdóttir réðst þangað og giftist síðan Jóhanni árið 1940.
Maki: Freyja Ólafsdótir(1899-1982). Þau eignuðust eina dóttur.

Jóhann Friðriksson fæddist 21. júní 1953.
Hann er tölvuumsjónarmaður Árskóla á Sauðárkróki, var kennari þar og um árabil trommari í Hljómsveit Geirmundar Valtýssonar.
Kona hans er Hildur Sigríður Sigurðardóttir (1953-)

Foreldrar: Jóhann Georg Möller (1848-1903) og Katrína Alvilda María Thomsen. Kaupmaður á Hvammstanga, síðar verslunarmaður á Sauðárkróki. Kvæntist Þorbjörgu Pálmadóttur frá Hofsósi, þau eignuðust 11 börn.

Foreldrar: Sigríður Magnúsdóttir Möller og Kristján Möller. Var í Grafarósi 1860. Kaupmaður á Blönduósi. Kvæntist Katrínu Alvildu Maríu Thomsen, þau eignuðust níu börn.

Forstjóri og alþingismaður í Reykjavík.

Sonur Jóhanns Georgs Möller (1907-1955) og Edith Poulsen. Læknanemi í Reykjavík. Fórst í flugslysi á Öxnadalsheiði.

Foreldrar: Guðjón Jóhannsson og Ingibjörg Sveinsdóttir á Nýlendi á Höfðaströnd. Múrarameistari og skólastjóri Iðnskólans á Sauðárkróki, síðast byggingarfulltrúi.
Maki 1: Dagrún Sædal Bjarnadóttir Hagen, þau eignuðust einn son, þau skildu.
Maki 2: Karla Berndsen.

Jóhann Guðmundsson, f. 24.10.1876 á Hagakoti í Hjaltadal. Foreldrar: Guðmundur Þorleifsson bóndi á Hrafnhóli í Hjaltadal og kona hans Guðrún Júlíana Þorleifsdóttir. Jóhann ólst upp í foreldrahúsum og dvaldi þar fram yfir tvítugt. Árið 1902 fór hann í vinnumennsku í Brimnesi og var þar að mestu næstu sjö árin. Þaðan kom hann að Hofi í Hjaltadal árið 1909. Kynntist konu sinni þar og þau byrjuðu búskap á hluta Hofs en fluttust vorið 1913 að Brekkukoti (nú Laufskálar) og bjuggu þar í 25 ár. Tvö síðustu búskaparárin voru þau í Hlíð. Jóhann sat eitt kjörtímabil í hreppsnefnd Hólahrepps. Maki: Birgitta Guðmundsdóttir, f. 28.04.1915. Hún átti tvö börn fyrir hjónaband og saman eignuðust þau 6 börn, 5 þeirra komumst til fullorðinsára.

Jóhann Guðmundsson, f. á Þrasastöðum 29.05.1898, d. 13.07.1983 á Sjúkrahúsi Siglufjarðar. Foreldrar: Guðmundur Bergsson bóndi á Þrasastöðum og kona hans Guðný Jóhannsdóttir. Jóhann ólst upp með foreldrum sínum. Hann nam búfræði á Hólum í Hjaltadal og lauk prófi þaðan vorið 1922. Þegar Jóhann var innan við tvítugt féll móðir hans frá. Faðir hans fékk ráðskonu til að sjá um heimilið og tókst að halda fjölskyldunni saman. Jóhann tók við búi á Þrasastöðum 1923 og bjó þar til 1935. Hann gengdi ýmsum trúnarstörfum og var m.a. skólanefndarformaður, hreppsstjóri, einn af stofnendum málfundafélagsins Vonar í Stíflu og formaður þess um árabil. Jóhann varð veill í lungum og mun það hafa átt þátt í því að hann brá búi árið 1935 og fluttist til Siglufjarðar. Þar starfaði hann við Kjötbúð Siglufjarðar og síðast hjá Síldarverksmiðjum Ríkisins.
Maki: (g. 31.3.1923) Sigríður Gísladóttir frá Ljótsstöðum. Þau eignuðust fimm börn.

Jóhann fæddist í Vík í Mýrdal, sonur hjónanna Ólafs Arinbjarnarsonar og Sigríðar Eyþórsdóttur. Jóhann útskrifaðist sem lögfræðingur frá Háskóla Íslands árið 1927. Kona hans var Ragna Haraldsdóttir og eignuðust þau fimm syni. Jóhann var bæjarstjóri í Vestmannaeyjum 1928 - 1938. Fluttist til Ísafjarðar þar sem hann gegndi embætti sýslumanns í 25 ár. Jóhann gaf út fjölda bóka og rita af sagnfræðilegum toga.

Jóhann Gunnarsson, f. að Egg í Hegranesi 20.08.1880, d. 27.08.1962 á Sauðárkróki. Foreldrar: Gunnar Ólafsson síðar bóndi í Keflavík í Hegranesi og kona hans Arnbjörg Hannesdóttir.
Bóndi í Utanverðunesi (á parti) 1907-1908, í Garði 1908-1913, á Bjarnastöðum í Unadal 1914-1927, í Enni í Viðvíkursveit 1927-1928, á Krossi 1928-1962.
Kona: Anna Guðrún Þorleifsdóttir (1883-1965) frá Miklabæ í Óslandshlíð. Þau eignuðust þrjú börn. Fyrir átti Jóhann dóttur með Guðrúnu Ástvaldsdóttur.

Jóhann fæddist í Leirhöfn á Melrakkasléttu 20. júní 1924. Foreldrar hans voru Andrea Pálína Jónsdóttir húsfreyja og Helgi Kristjánsson bóndi í Leirhöfn. Jóhann var búfræðingur frá Hvanneyri 1944. Hann hóf búskap ungur og var meðal frumkvöðla í sauðfjárrækt og rak stórt fjárbú í Leirhöfn. Jóhann var mjög vakandi fyrir nýjungum í jarðrækt og öðru sem viðkom íslenskum landbúnaði. Hann gegndi ýmsum trúnaðarstörfum, sat m.a. í stjórn KÞ, var í hreppsnefnd Presthólahrepps og einn af frumkvöðlum stofnunar Fjallalambs á Kópaskeri. Jóhann var búnaðarþingsfulltrúi um árabil. Kona hans var Dýrleif Andrésdóttir; þau eignuðust fjögur börn.

Jóhann fæddist á Grímsstöðum í Svartárdal í Skagafirði 27. nóvember 1919. Þriggja ára missti hann föður sinn, Hjálmar Jóhannesson frá Ölduhrygg í Lýtingsstaðahreppi, en Jóhann var hið níunda af tólf börnum Hjálmars og konu hans, Guðrúnar Jónsdóttur frá Hömrum í Lýtingsstaðahreppi. Fósturforeldrar frá þriggja ára aldri: Jóhann Pétur Magnússon og Lovísa Sveinsdóttir á Mælifellsá. Bóndi á Mælifellsá á Efribyggð 1941-43, í Brekkukoti í sömu sveit 1943-46 og á Ljósalandi á Neðribyggð 1946-73. Síðar húsvörður í Reykjavík. Síðast bús. í Kópavogi. Kvæntist María Benediktsdóttir, þau eignuðust átta syni.