Glen er fæddur í Kanada, sonur íslenskra hjóna, Borgu og Bjarka Jakobson. En móðuramma hans, Indíana Sveinsdóttir, sem ættuð er úr Skagafirði, fluttist ung til Vesturheims og giftist þar íslenskum manni, Kristjóni.

Foreldrar Ólafs Hauks voru Helgi Ólafsson kennari á Sauðárkróki og Akureyri, síðar búsettur í Reykjavík, og k.h. Valý Þ.Á. Ágústsdóttir. Framkvæmdastjóri í Kaupmannahöfn, kvæntur Benediktu Atterdag Helgason.

Gíslína Bergþóra Valdimarsdóttir, oftast kölluð Lóa, fæddist á Akureyri 10. ágúst 1918. Hún lést á Landspítalanum við Hringbraut 30. maí síðastliðinn. Foreldrar hennar voru Guðrún Frímannsdóttir frá Hvammkoti í Húnavatnssýslu og Valdimar Jónsson frá Harastaðakoti í Vindheimahreppi. Þau eignuðust saman fjögur börn, Bergþóru (Lóu), sem hér er kvödd, Skarphéðin, f. 1916, lést ungur, Huldu, f. 1920, lést ung, og Jakobínu, sem búsett er á Sauðárkróki. Valdimar hafði áður eignast fjögur börn; Unu, Öldu, Valdimar og Valdimar yngri. Jakobína er ein eftirlifandi þeirra systkina.
Lóa var aðeins 4 ára þegar móðir hennar lést. Eftir lát móður sinnar dvaldist hún í tvö ár hjá móðurforeldrum sínum, Hallveigu Ósk Gísladóttur og Frímanni Guðjónssyni, að Skálavík í Húnavatnssýslu, en þá tóku Haraldur Frímannsson, móðurbróðir hennar, og Valgerður Ólafsdóttur, frá Fossá í Kjós, unnusta hans, Lóu í fóstur. Þau voru þá barnlaus en eignuðust síðar þrjú börn; Ásbjörgu, f. 1926, d. 1961, Matthías, f. 1929, d. 1990, og óskírðan dreng er lést á fyrsta aldursári. Frá 7 ára aldri ólst Lóa upp á Njálsgötu 32b í Reykjavík. Að loknu hefðbundnu barnaskólanámi var hún í vistum í Reykjavík og vann á sjúkrahúsinu Hvítabandinu í nokkur ár. Árið 1940 hóf Lóa búskap með unnusta sínum, Ágústi Guðjónssyni, f. 30. september 1905, d. 23. desember 1993, frá Furufirði, en áður hafði Bergþóra eignast soninn Garðar Val Halldórsson. Hann er kvæntur Huldu Magnúsdóttur. Þau eiga þrjár dætur, Bergþóru Ásu, Sigurlaugu Guðrúnu og Halldóru og sjö barnabörn. Ágúst og Lóa áttu saman tvö börn og tvö fósturbörn: 1) Grétu, maki Grétar Jón Magnússon. Þau eiga þrjú börn: Ágúst, Rósu Maggý og Magnús, og fimm barnabörn. 2) Guðjón, kvæntur Sigrúnu Öldu Michaelsdóttur. Þeirra börn eru Guðrún Ragna, Ágúst og Halldór. Barnabörnin eru átta. 3) Valgerður Morthens, gift Stefáni Halldórssyni. Börn þeirra eru Bergþór og Daggrós. 4) Hinrik Morthens, kvæntur Elínu Vigfúsdóttur. Þau eiga tvo syni, Vigfús og Orra, og tvö barnabörn.

Gíslíana (Jana) fæddist á Nautabúi í Lýtingsstaðahreppi í Skagafirði. Foreldrar hennar voru Bjarni Kristmundsson og Kristín Sveinsdóttir. Eiginmaður Jönu var Pétur Gauti Pétursson bóndi. Þau bjuggu á Gautlöndum í Mývatnssveit. Börn þeirra: Sólveig, Bjarni, Kristín og Steingrímur. Jana var systir Kristmundar.

Útgerðamaður á Sauðárkróki og Akranesi.

Foreldrar: Björn Sigtryggsson og Þuríður Jónsdóttir á Framnesi. Húsasmíðameistari á Akureyri.

Foreldrar: Tómas Gíslason kaupmaður á Sauðárkróki, f. 1876 og Elínborg Jónsdóttir, f. 1886. Maki: Kristín Sigurjónsdóttir frá Vestmannaeyjum. Þau eignuðust þrjú börn. Útskrifaðist frá MA 1949. Framkvæmdastjóri, veðurathugunarmaður og verslunarstjóri í Reykjavík.

Sonur Tómasar Gíslasonar kaupmanns og bókhaldara á Sauðárkróki og k.h. Elínborgar Jónsdóttur.

Foreldrar: Þorsteinn Arnþórsson og k.h. Karólína Jóhannesdóttir. Ólst upp á ýmsum stöðum í Seyluhreppi. Fermdur 1883 þá léttadrengur á Krossanesi hjá Jósafat Guðmundssyni. Gísli kvæntist Helgu Jónsdóttur og hófu þau búskap á hluta af Ytra-Skörðugili, en bjuggu þar aðeins í eitt ár. Fluttu til Sauðárkróks 1898 og dvöldust þar í full 40 ár. Kringum árið 1940 fluttust þau til Akureyrar. Á Sauðárkróki vann Gísli aðallega að verslunarstörfum, fyrst hjá Gránufélagsverslun og síðar mörg ár hjá Kaupfélagi Skagfirðinga. Gísli og Helga eignuðust þrjú börn.

Gísli fæddist að Ystu-Grund í Blönduhlíð, sonur Þorláks Jónssonar b. á Ystu Grund og k.h. Sigríðar Hannesdóttur. ,,Gísli ólst upp hjá foreldrum sínum á Ystu-Grund og byrjaði búskap á hálfri jörðinni við fráfall föður síns á móti Hannesi bróður sínum. Bóndi á Ystu-Grund 1865-72, Hjaltastöðum 1872-88, Frostastöðum 1888-1903. Hreppstjóri í Akrahreppi 1881-1903. Fyrsti hreppsnefndaroddviti Akrahrepps 1875-78 og um langt árabil í hreppsnefnd Akrahrepps." Gísli kvæntist Sigríði Magnúsdóttur (1837-1926) árið 1865, saman eignuðust þau einn son.

Gísli Þorfinnsson, f. að Ási í Hegranesi 23.09.1866, d. 26.05.1936 á Sauðárkróki. Foreldrar: Þorfinnur Hallsson og Guðrún Björnsdóttir ógift vinnuhjú í Ási. Gísli ólst upp á vegum móður sinnar sem var vinnukona á ýmsum stöðum. Er Gísli var á áttunda ári missti hann móður sína og fór um það leyti að Litlu-Brekku á Höfðaströnd. Þar var hann á vegum Arnfríðar ömmu sinnar en fór sem vinnumaður í fram í Blönduhlíð 17 ára gamall. Meðan hann var í Litlu-Brekku tók hann að stunda sjómennsku ungur að árum og reri eina eða tvær Drangeyjarvertíðir og fór einnig á Suðurnes til sjóróðra. Hann var bóndi á Meyjarlandi á Reykjaströnd 1892-1893, Minni-Ökrum 1893-1900, Miðhúsum 1900-1936. Síðustu árin bjó hann á litlum hluta jarðarinnar á móti Jóni syni sínum. Gísli var bæði góð skytta og vefari.
Maki: Guðrún Jónsdóttir (06.07.1863-07.01.1941). Þau eignuðust níu börn en tvö þeirra dóu ung.

Búsettur á Sauðárkróki.

Fæddur að Sandfelli í Öræfum. Foreldrar: Sveinn Eiríksson (1844-1907) prestur í Sandfelli og kona hans Guðríður Pálsdóttir (1845-1920). Lauk stúdentsprófi frá Lærða skólanum árið 1903 og lögfræðiprófi frá Hafnarháskóla 1910. Um tíma bæjarfógeti og settur sýslumaður á Akureyri. Varð yfirdómslögmaður í Reykjavík árið 1910. Sýslumaður í Víkurkauptúni í V-Skaftafellssýslu. Skipaður sendiherra í Noregi árið 1947. Alþingismaður 1916-1921, 1933-1942 og 1946-1947 fyrir Vestur-Skaftfellinga. Landskjörinn þingmaður 1942-1946. Gegndi ýmsum nefndarstörfum og ritaði margar greinar um sjálfstæðismál Íslendinga og kirkjumál. Samdi einnig bækling um Kötlugosið 1918 og afleiðingar þess. Maki: Guðrún Pálína Einarsdóttir (1890-1981). Þau eignuðust fjögur börn.

Foreldrar: Kristján Ragnar Gíslason, f. 1887 og Aðalbjörg Vagnsdóttir, f. 1893 bændur á Minni-Ökrum, síðar á búsett á Sauðárkróki. Gísli ólst upp hjá foreldrum sínum við almenn sveitastörf á Minni-Ökrum. Maki: Jóhanna Freyja Jónsdóttir frá Réttarholti. Settust þau í bú tengdaforeldra hans og bjuggu í Réttarholti, þau eignuðust þrjú börn. Fyrir átti Gísli eitt barn.

Fæddur á Sleitustöðum í Kolbeinsdal. Foreldrar: Björn Jónsson (f. 1822) bóndi á Frostastöðum og Vöglum og þriðja kona hans, Sigríður Þorláksdóttir. Þegar þau fluttu til Vesturheims 1876, með börn sín, var Gísli sem enn var á barnsaldri ófáanlegur til að fara með þeim. Var hann þá tekinn í fóstur af Gísla móðurbróður sínum og ólst upp þar, fyrst á Hjaltastöðum og svo á Frostastöðum. Gísli stundaði nám í Hólaskóla og lauk prófi þar 1891. Var síðan næstu vor í jarðabótavinnu í sveit sinni og við barnakennslu einhverja vetur. Bóndi á hálfum Stóru-Ökrum 1897-1918, Vöglum 1918-1937. Hafði þó nytjar á hálfum Ökrum að nokkru leyti 1918-1919. Vagla með Vaglagerði keypti hann um 1912 og hafði nytjar af 1/4 Vagla frá 1913 þar til hann fluttist þangað. Frá 1921 bjó Magnús, sonur Gísla, á móti föður sínum á Vöglum en höfðu þeir þá Vaglagerði með til ábúðar. Gísli var oddviti Akrahrepps 1901-1937, sýslunefndarmaður 1915-1937. Einnig hafði hann fleiri störf með höndum, svo sem pöntunarstjórn fyrir Akrahrepp, var lengi úttektarmaður, umboðsmaður Brunabótafélags Íslands, safnaðarfulltrúi, sá um lögferju á Héraðsvötnum. Var um hríð endurskoðandi sýslusjóðsreikninga og hafði á hendi jarðabótamælingar.
Maki: Þrúður Jónína Árnadóttir (1876-1965) frá Miðhúsum í Blönduhlíð. Þau eignuðust einn son.

Sonur Sigurðar Björnssonar og Ragnhildar Svölu Gísladóttur. Framkvæmdastjóri Tengils.

Foreldrar: Sigurður Sólmundur Þorvaldsson bóndi og hreppstjóri á Sleitustöðum í Kolbeinsdal og kona hans Guðrún Sigurðardóttir. Gísli var þriggja ára er foreldrar hans fluttust frá Ísafirði að Sleitustöðum. Bóklegt nám fyrir fermingju hlaut Gísli í föðurgarði en gerðist bílstjóri um tvítugt. Fyrsta bílinn keypti Gísli ásamt Sigurmoni í Kolkuósi 1931. Árið 1933 keypti hann hinn helminginn af Sigurmoni og gerði bílinn út næstu fjögur árin. Á næstu árum vann Gísli sem bílstjóri hjá öðrum. Fyrst um tíma hjá Kristjáni Kristjánssyni, sem rak Bifreiðastöð Akureyrar, en síðan fór hann suður og ók leigubíl á Bifreiðastöð Steindórs. Þegar hann hætti hjá Steindóri keypti hann vörubíl, þriggja tonn Ford. Þennan bíl var hann með í vinnu hjá breska setuliðinu við flugvallargerð í Kaldaðarnesi við Ölfusá. Eftir ársvinnu hjá setuliðinu kom Gísli norður og hóf að aka mjólk fyrir bændur í Hofs- og Viðvíkurhreppi. Hann var þá kominn með fjölskyldu og hafði árið 1938-1939 stofnað nýbýlið Sigtún úr landi Sleitustaða. Um þetta leyti má segja að hin eiginlega bílaútgerð Gísla væri hafin. Auk mjólkurflutinga fyrir bændur tók hann að sér yfir sumartímann mjólkurflutninga frá Sauðárkróki til Siglufjarðar. Til þeirra flutninga keypti hann sérstakan flutningabíl með yfirbyggðri körfu. Fyrsta rútubílinn keypti hann í félagi með Kjartani Haraldssyni frá Unastöðum og þann bíl notuðu þeir félagar til hópferða. Árið 1950 var Gísla veitt sérleyfið á leiðinni Sauðárkrókur - Varmahlíð. Seinna fékk hann sérleyfið Siglufjörður - Varmahlíð og loks Siglufjörður- Reykjavík tvisvar í viku. Á tímabili átti fyrirtækið sjö bíla til fólksflutninga og var þá eitt öflugasta fyrirtæki landsins á þessu sviði. Árið 1945 stofnsetti Gísli bifreiðaverkstæði á Sleitustöðum. Maki: Helga Margrét Magnúsdóttir, þau eignuðust fjögur börn.

Fæddur og uppalinn á Víðivöllum, foreldrar hans voru Sigurður Sigurðsson og Guðrún Pétursdóttir. ,,Gísli útskrifaðist frá Hólaskóla 1906. Hann sat í mörg ár í hreppsnefnd, varð hreppstjóri Akrahrepps 1929 og sýslunefndarmaður 1937 og gegndi báðum þessum störfum til lokadægurs." Gísli kvæntist Helgu Sigtryggsdóttur frá Framnesi, þau voru barnlaus en áttu tvær fósturdætur.

Gísli Páll Sigmundsson fæddist 23. júlí 1851 á Ljótsstöðum í Skagafirði. Faðir: Sigmundur Pálsson, verslunarstjóri á Hofsósi og bóndi á Ljótsstöðum. Móðir: Margrét Þorláksdóttir, húsmóðir á Ljótsstöðum. Gísli ólst upp hjá foreldrum sínum á Ljótsstöðum. ,,Hann sigldi til Danmerkur og nam trésmíði, hann smíðaði meðal annars fyrstu taðkvörnina og plóg. Bóndi á Ljótsstöðum 1890-1914. Á búskaparárum sínum á Ljótsstöðum gegndi hann ýmsum trúnaðarstörfum fyrir hrepp sinn." Gísli kvæntist árið 1889 Friðriku Guðrúnu Friðriksdóttur (1854-1939) frá Miklabæ. Hún hafði áður verið gift Páli, bróður Gísla, en hann dó árið 1884. Gísli og Friðrika áttu eina dóttur saman en Friðrika hafði eignast aðra dóttur með Páli.

Fæddur á Akureyri en alinn upp á Sauðárkróki frá tveggja ára aldri. Sonur Guðrúnar Ingibjargar Svanbergsdóttur og Ólafs Gíslasonar bifreiðastjóra. Kvæntist Ingibjörgu Jónasdóttur, þau eiga þrjú börn.

Foreldrar: Jón Ólafsson og Helga Eiríksdóttir. Byrjaði á námi í Latínuskólanum, fór 1904 til Danmerkur og nam símritun. Var síðan í þjónustu Landsímans í Reykjavík frá 1927. Maki: Polly Grönvold frá Siglufirði, f. 1889. Þau eignuðust tvær dætur.

Fæddur á Eiríksstöðum í Svartárdal, foreldrar hans voru Ólafur Gíslason og Helga Sölvadóttir. Gísli bjó lengi vel á Eiríksstöðum með foreldrum sínum. Hann vann ýmis störf utan heimilis og sótti einn vetur nám í unglingaskóla hjá Árna Hafstað í Vík. Gísli kvæntist árið 1914 Jakobínu G. Þorleifsdóttur og voru þau hjón í húsmennsku á bæjum í Svartárdal fyrstu hjúskaparár sín. Árið 1924 fluttust það til Blönduóss þar sem Gísli stundaði daglaunavinnu. 1928 fluttu þau til Sauðárkróks þar sem þau bjuggu til æviloka, húsið sem þau bjuggu í við Suðurgötu 11b nefndu þau Eiríksstaði. Gísla var í blóð borin rík hagmælska og hann byrjaði snemma að yrkja. Fyrsta bók hans, Ljóð, kom út 1917, Nokkrar stökur kom út 1924. Samantekt fyrri ljóða ásamt nýjum viðauka, Á brotnandi bárum, kom út 1944. Síðasta bók hans, Í landvari, kom út árið 1960. Nokkur þekkt sönglög hafa verið samin við texta hans, t.d. Myndin þín eftir Eyþór Stefánsson. Gísli hlaut listamannalaun ríkisins frá 1945. Gísli lék einnig á orgel og var góður kvæðamaður.
Gísli og Jakobína eignuðust þrjú börn og ólu einnig upp dótturson sinn.

Fæddur á Þórshöfn á Langanesi. Setti á stofn bókaútgáfuna Ormstungu ásamt Sigurjóni Magnússyni rithöfundi.

Gísli Magnússon fæddist þann 24. ágúst 1921.
Hann var sonur Magnúsar Kr. Gíslasonar og Ingibjargar Stefánsdóttur og bóndi á Vöglum í Akrahreppi.
Kona hans: Kristín Sigurmonsdóttir frá Kolkuósi, fædd 2. ágúst 1933.
Gísli lést þann 4. desember 2004.

Gísli Magnússon fæddist á Frostastöðum í Blönduhlíð, Skagafirði þann 25. mars 1893. Foreldrar Magnús Gíslason, bóndi og hreppstjóri á Frostastöðum og Kristin Guðmundsdóttir. Hann lauk Gagnfræðaprófi frá Mentaskólanum í Reykjavík 1910. Búfræðiprófi frá Hólaskóla 1911. Búnaðarnámi í Noregi og Skotlandi 1912 - 1914 ( aðllega sauðfjárrækt. Vann á búi foreldra á Frostastöðum til vors 1923, hóf þá búrekstur að Eyhildarholti í Hegranesi.
Hann var bóndi á Frostastöðum í Blönduhlíð og í Eyhildarholti í Hegranesi, Skagafirði. Hann var í pólítík, Varafulltrúi á Búnaðarþingi, kjörin aðalfulltrúi 1962. Formaður Framsóknafelags Skagfirðinga frá stofnun 1928 og í miðstjórn Framsóknarflokksins frá 1937. Starfaði m.a. í hreppsnefnd Rípurhrepps og var oddviti hreppsnefndarinnar 1935 - 1958. Þá var hann í Sýslunefnd Skagafjarðar frá 1942 og í yfir- skattanefnd Skagafjarðarsýslu og Sauðárkrókskaupstað frá 1934. Hann var ritstjóri Glóðafeykis, félagsrits Kaupfélags Skagfirðinga. Hann var í stjórn K.S. 1919 - 1922 og aftur 1939 og síðan varaformaður þar frá 1946 og síðar formaður. Gísli kenndi um skeið og var organisti í Flugumýrarkirkju og síðar í Rípurkirkirkju.
Kona hans var Stefanía Guðrún Sveinsdóttir (1895-1977)
Gísli lést á Sauðárkróki 17. júlí 1981.

Símstjóri á Seyðisfirði.

Fæddur og uppalinn á Læk í Viðvíkursveit, sonur Péturs Guðmundssonar og Lilju Sigurðardóttur. Bóndi á Kýrholti frá 1892-1915 en brá þá búi, en átti heima þar til æviloka og einhver afnot hafði hann af jörðinni enn um skeið. Auk þess nytjaði hann Læk í nokkur ár. Gísli sat í hreppsnefnd um skeið og var lengi úttektarmaður. Hann mun hafa verið með fyrstu bændum í Skagafirði sem lét vinna að túnsléttun með hestvinnsluvélum í stórum stíl. Gísli kvæntist Margréti Bessadóttur frá Kýrholti, þau eignuðust þrjú börn og áttu einn fósturson.

Gísli fæddist á Sauðárkróki. Foreldrar hans voru Lárus Þórarinn Blöndal kaupmaður og kona hans Sigríður Þorleifsdóttir.

Fæddur á Marbæli á Langholti. Foreldrar: Konráð Jóhannesson (1837-1905) bóndi á Ytra-Skörðugili og kona hans Sigurbjörg Jónsdóttir (1810-1878). Gísli ólst upp með foreldrum sínum og flutti með þeim að Skarðsá og reisti þar bú með móður sinni og Konráð bróður sínum. Hann var bóndi þar 1890-1904, á Egg í Hegranesi 1904-1911, Bessastöðum 1911-1932. Bessastaði keypti hann af föðurbróður konu sinnar og bjó þar til æviloka. Mikið tjón varð á bænum er íbúðarhúsið brann til kaldra kola árið 1922. Gísli sat í hreppsnefnd Staðarhrepps og var oddviti frá 1901-1904. Maki: Sigríður Sveinsdóttir (1883-1919) frá Hóli í Sæmundarhlíð. Þau eignuðust níu börn og komust sjö þeirra upp. Launsonur Gísla var Sigurður Jóhann (f. 1893), verslunarmaður og kennari á Akureyri. Móðir hans var Guðbjörg Guðmundsdóttir (1867-1952). Hún giftist síðar Halldóri Halldórssyni í Brekkukoti í Óslandshlíð.

Gísli var fæddur á Hofi í Svarfaðardal. Foreldrar hans voru Jón Gíslason bóndi og kona hans Arnfríður Anna Sigurhjartardóttir húsfreyja.
Gísli lauk stúdentsprófi frá MA 1946 og kandidatsprófi í norrænum fræðum frá HÍ 1953, einnig prófum í uppeldis-og kennslufræðum. Á námsárunum starfaði hann sem þingritari og sem kennari við við MA og síðar var hann skipaður í embættir 1953 og starfaði hann þar æ síðan.
Um tíma sá hann um að búa til prentunar bækur Kvöldvökuútgáfunnar á Akureyri. Gísli sá um tíma um útvarpsþáttinn Daglegt mál.
Hann var formaður Stúdendaráðs- og S

Gísli Jónsson var fæddur að Flatey á Mýrum í Austur-Skaftafellssýslu 15. september 1882.
Hann var verzlunarmaður á Seyðisfirði 1930. Kaupfélagsstjóri á Sauðárkróki, síðar verslunarstjóri á Seyðisfirði.
Fyrri kona hans var Margrét Arnórsdóttir (1887-1920), húsfreyja á Sauðárkróki og Seyðisfirði.
Seinni kona hans var Guðrún Guðmundsdóttir (1898-1980), var frá Fáskrúðsfirði. Húsfreyja á Seyðisfirði.

Foreldrar: Jónas Jónsson b. og smáskammtalæknir í Hróarsdal í Hegranesi og 2.k.h. Elísabet Gísladóttir. Kennari og síðar skólastjóri í Reykjavík. Kvæntist Margréti Jónu Jónsdóttur frá Hafnarfirði.

Gísli Jóhannesson, f. á Hrauni á Skaga 18.10.1887, d. 04.09.1974 á Sauðárkróki. Foreldrar: Jóhannes Jóhannesson bóndi í Neðra-Nesi og kona hans Margrét Stefánsdóttir. Gísli ólst upp á heimili foreldra sinna í Neðra-Nesi og vann á búi þeirra. Er faðir hans lést árið 1915 tók Gísli við búinu og bjó á jörðinni til ársins 1923, er hann fluttist að Kleif. Gísli bjó á Kleif til ársins 1935 hann fluttist til Sauðárkróks ásamt fjölskyldu sinni. Reisti hann þar íbúðarhús ásamt Gunnari bróður sínum sem jafnan fylgdi Gísla og fjölskyldu hans.
Marki: Jónína Árnadóttir (04.08.1893-d. 18.11.1980) frá Syðra-Mallandi.
Þau eignuðust þrjá syni en einn þeirra lést á fyrsta ári.

Foreldrar: Jakob Halldórsson ráðsmaður á Herjólfsstöðum í Laxárdal og Ragnheiður Eggertsdóttir. Gísli ólst upp hjá móður sinni og fósturföður, Markúsi Arasyni. Hann aflaði sér menntunnar í hljóðfæraslætti og var orgelleikari um nokkur ár við Rípurkirkju. Stundaði búskap á hálfri Rípurjörðinni, á móti fósturföður sínum 1910-1931, flutti þá að Keldudal í Hegranesi þar sem hann bjó til 1936 er hann flutti til Sauðárkróks þar sem hann bjó til æviloka. Hafði hann nokkurn búrekstur á Sauðárkróki meðfram verkamannavinnu. Kvæntist árið 1910 Sigurlaugu Guðmundsdóttur frá Ási í Hegranesi, þau eignuðust tvo syni.

Skrifstofustjóri á Smiðjustíg 12, Reykjavík 1930. Ekkill. Sýslumaður á Blönduósi, síðar skrifstofustjóri fjármálaráðuneytisins.

Gísli fæddist í Flatey á Breiðafirði 30. maí 1926. ,,Hann stundaði nám í foreldrahúsum, tók stúdentspróf frá MA 1947, lauk guðfræðinámi frá HÍ 1950, stundaði framhaldsnám í guðfræði við Háskólann í Göttingen í Þýskalandi 1959-60, stundaði rannsóknir í kirkjusögu í Lundúnum, Lúxemborg, Bremen og Kaupmannahöfn 1981-82 og var í endurmenntun og guðfræðitengdu rannsóknarnámi í York í níu mánaða leyfi 1981-82. Gísli varð sóknarprestur í Sauðlauksdal 1950. Hann starfaði þar 1950-54 og gegndi aukaþjónustu í Eyraprestakalli og í Vestmannaeyjum. Hann var sóknarprestur á Melstað í Vestur-Húnavatnssýslu 1954-77 og í Stykkishólmi 1977-92. Auk þess gegndi hann aukaþjónustu á Melstað og í Setbergsprestakalli. Eftir að hann lauk skipaðri prestþjónustu sinnti hann prestþjónustu á Kolfreyjustað 1992, á Sauðárkróki, í Bolungarvík, í Staðastaðaprestakalli 1995-96, í Skagastrandarprestakalli 1998, Bólstaðahlíðarprestakalli 1998, í Vestmannaeyjum 1998, á Hrafnistu í Hafnarfirði 1998-99, á Kolfreyjustað 2000-2001, í Hofsóss- og Hólaprestakalli 2001-2003 og í Skagastrandarprestakalli 2004. Gísli starfaði í góðtemplarareglunni um árabil, sat í stjórn Ungmennafélagsins Grettis í Miðfirði, var formaður Ungmennasambands Vestur-Húnavatnssýslu 1956-60, sat í barnaverndarnefnd Ytri-Torfustaðahrepps 1954-76, í stjórn Veiðifélags Miðfjarðarár í 20 ár, í skólanefnd Reykjaskóla, í stjórn Byggðasafnsins á Reykjum í 20 ár, var prófdómari í barnaskólum í Vestur-Húnavatnssýslu í 23 ár, formaður og ritari Lionsklúbbsins Bjarma á Hvammstanga, sat í barnaverndarnefnd Stykkishólms, í stjórn Byggðasafns Snæfellsness- og Hnappadalssýslu, var ritari Lionsklúbbs Stykkishólms, sat í fulltrúaráði Prestafélags Íslands og var formaður Hallgrímsdeildar Prestafélags Íslands. Gísli þýddi ritið Könnuður í fimm heimsálfum, var ritstjóri ýmissa tímarita og ársrita og samdi Skáld-Rósu og síðan Skáldung, um námsár Nóbelsskáldsins hjá sr. Halldóri, föður Gísla."
Gísli kvæntist Sigríði Ingibjörgu Bjarnadóttur Kolbeins frá Brekkubæ í Nesjum, þau eignuðust fimm börn.

Gísli fæddist á Tálknafirði 2.2. 1927. Leikari í Reykjavík, lék meðal annars aðalhlutverk í Djöflaeyjunni og Börnum náttúrunnar. Eiginkona Gísla var Theodóra Thoroddsen, þau eignuðust þrjú börn.

Gísli fædd­ist 12. ág­úst 1914 á Jörfa á Kjal­ar­nesi. ,,Gísli lauk prófi frá Iðnskól­an­um í Reykja­vík 1933 og sveins­prófi í húsa­smíði árið 1935. Að því loknu lá leið hans til Kaup­manna­hafn­ar þar sem hann lauk prófi sem bygg­ing­ar­fræðing­ur frá Det Tekn­iske Selska­bs Skole árið 1938. Síðan stundaði hann nám í Det Kong­elige Aka­demi for de Skønne Kun­ster 1938-1940 en kom þá heim vegna seinni heims­styrj­ald­ar­inn­ar. Hann lauk brott­farar­prófi sem arki­tekt 1947. Gísli setti á fót eig­in teikni­stofu í Reykja­vík ásamt Sig­valda Thor­d­ar­son arki­tekt sem þeir starf­ræktu sam­eig­in­lega til árs­ins 1948. Hann rak stof­una síðan einn til 1957 en eft­ir það sem sam­eign­ar­fé­lag með nokkr­um sam­starfs­mönn­um. Gísli hef­ur teiknað fjöl­mörg mann­virki, þar á meðal mörg fé­lags­heim­ili og íþrótta­mann­virki. Gísli sat sem varamaður í borg­ar­stjórn Reykja­vík­ur 1954-1958 og borg­ar­full­trúi 1958-1974. Var vara­for­seti borg­ar­stjórn­ar 1958 og for­seti borg­ar­stjórn­ar 1970-1974. Í borg­ar­ráði 1962-1970. Sat í bygg­ing­ar­nefnd Reykja­vík­ur 1954-1958. Skipu­lags­nefnd Reykja­vík­ur 1958-1974 og um­ferðar­nefnd 1962-1966. Formaður í stjórn íþrótta­vall­anna 1958-1961. Formaður íþróttaráðs 1961-1974. Gísli starfaði um ára­bil fyr­ir KR og íþrótta­hreyf­ing­una." Eig­in­kona Gísla var Mar­grét Hall­dórs­son, fædd í Kaupmannahöfn, þau eignuðust einn son.

Tökubarn í Minna-Akragerði, Miklabæjarsókn, Skag. 1860. Fór til Vesturheims 1899 frá Hjaltastöðum, Akrahreppi, Skag. Fræðimaður.

Bóndi Írafelli í Kjós. Síðast búsettur í Kópavogi.

Gísli Guðmundsson fluttist til Sauðárkróks 1904 og hóf hótelrekstur þar, fyrst í gamla barnaskólahúsinu, sem kallaðist þá Gistihúsið Baldur (við Aðalgötu 24/22) en keypti Hótel Tindastól laust fyrir 1920 og starfrækti þar greiðasölu til 1936. Ingibjörg systir hans stóð fyrir hótelinu með honum. Faðir þeirra voru Guðmundur Gunnarsson (1830-1888), siðast bóndi á Ingveldarstöðum á Reykjaströnd. Móðir var Valgerður Ólafsdóttir (1830-1910).
Gísli var ókvæntur og barnlaus.

Gísli var fæddur á Bakka í Vallhólmi, 27. febrúar árið 1900. Foreldrar hans voru Salóme Sigrún Halldórsdóttir og Gottskálk Egilsson bóndi á Bakka. Móðir hans fór með hann að Geldingaholti og var með hann þar fyrstu þrjú árin, þar hefur hann stigið sín fyrstu spor. Þá flyst hún með hann að Syðstu-Grund í Blönduhlíð og verður það æskuheimili Gísla. Hann útskrifaðist með gagnfræðipróf frá Gagnfræðiskóla Akureyrar árið 1919. Var barnaskólakennari í Akrahreppi frá 1927. Tók kennarapróf árið 1934. Það sama ár hóf hann búskap á eigin jörð, Sólheimagerði í Blönduhlíð. Árið 1934 var hann einnig ríkisvegaverkstjóri og hélt því starfi áfram til ársins 1959 þegar hann var settur yfirmaður vegamála í Skagafirði. Árið 1931 kvæntist Gísli Nikólínu Jóhannsdóttur og áttu þau saman 5 börn. Gísli lést 1960.

Foreldrar: Gísli Þorláksson vinnumaður í Glaumbæ o.v. og s.k.h. María Jónsdóttir. Gísli ólst upp hjá móður sinni fyrstu tíu árin, en hún var á þessum árum ýmist húskona eða vinnukona á ýmsum bæjum í Blönduhlíð og Vallhólmi til 1882, en á Hraunum í Fljótum 1882-1885 og Lambanesi í Fljótum 1885-1886. Árið 1886 fór Gísli í fóstur að Réttarholti í Blönduhlíð til Rögnvalds Björnssonar og k.h. Freyju Jónsdóttur. Fermdist hann frá þeim árið 1891 og vann síðan búi þeirra allt til ársins 1902, er hann fór sem vinnumaður að Þverá í Blönduhlíð til Stefáns Sigurðssonar bónda þar. Á Þverá var Gísli vinnumaður þar til hann kvæntist 1912 Helgu Guðmundsdóttur frá Skuggabjörgum, eftir það í húsmennsku á s.st til 1915 og Framnesi í sömu sveit 1915-1918, að þau hófu búskap á Skúfsstöðum í Hjaltadal. Bóndi á Skúfsstöðum í Hjaltadal 1918-1921, á Bjarnastöðum í Blönduhlíð 1921-1924 og í Hjaltastaðahvammi 1924-1950. Eftir það í húsmennsku, fyrst að Minni Ökrum og síðast á Höskuldsstöðum. Árið 1956 fluttu þau til Reykjavíkur. Gísli og Helga eignuðust tvær dætur.

Foreldrar: Gísli Jónsson b. í Lágmúla á Skaga og k.h. Þóra Jóhannsdóttir. Ólst upp í Lágmúla og bjó í samvistum við foreldra sína alla tíð. Með árunum færðust búsforráð yfir á hendur Gísla og Önnur fóstursystur hans. Lágmúli var leigujörð og árið 1927 ákvað eigandinn að selja. Gísli hafði ekki ráð á að kaupa jörðina og flutti því til Sauðárkróks og var þar búsettur síðan. Ráðskona Gísla var Anna Jónsdóttir frá Efra-Nesi á Skaga.

Foreldrar: Gísli Gíslason og Kristín Eiríksdóttir, þau voru ekki kvænt. Maður Kristínar hét Jón Jónsson og ólst Gísli upp með þeim. Var fyrst í húsmennsku á Berghyl. Bóndi í Nefsstaðaskoti í Stíflu 1893-1894, Melbreið 1894-1896, Minna Holti 1896-1904 er hann fluttist til Ólafsfjarðar. Þar bjó hann tvíbýli á Ytri-Gunnólfsá til 1915, en þá byggði hann bæ í Grundarlandi og kallaði Ytri-Grund. Þaðan fluttist hann að Syðri Grund og bjó þar til 1922, að hann flutti niður í Ólafsfjarðarhorn og dvaldist þar til dauðadags. Gísli stundaði jafnan sjómennsku með búskapnum. Var t.d. á hákarlaskipinu "Voninni" er hún fór sína frægu ferð umhverfis landið. Einnig þótti hann mjög fær klettamaður. Eftir að hann kom til Ólafsfjarðar fór hann að stunda dýralækningar og fór iðulega inn í Fljót þeirra erinda. Einnig var hann sérstaklega nærfærinn að hjúkra sjúku fólki. Gísli kvæntist Kristínu Ólafsdóttur frá Deplum í Stíflu, þau eignuðust sjö börn, auk þess ólu þau upp tvö fósturbörn.

Gísli var fæddur á Hæli í Gnúpverjahreppi 1907. Foreldrar hans voru Margrét Gísladóttir og Gestur Einarsson.
Gísli stundaði nám í verkfræði við Polyteknisk Læreanstalt í Kaupmannahöfn til ársins 1930, en þá þraut námsstyrkurinn. Hann var safnvörður við Þjóðminjasafnið árið 1951 til 1978. Gísli var einskonar "fornleifafræðingur", var ómenntaður í þeim fræðum , en var þó fær fræðimaður á þessu sviði og helsti aðstoðarmaður Kristjáns Eldjárns og varaforstöðumaður hin síðari ár. Gísli kvæntist Guðrúnu, sem var hannyrðakona, dóttir Önnu Magnúsdóttur kennara og Sigurðar Jónssonar skólastjóra Miðbæjarbarnaskólans. Börn þeirra voru fjögur, Anna, Margrét, Sigrún og Gestur.
Gísli var mikill náttúruunnandi og mjög fær ljósmyndari.

Gísli Felixson fæddist á Halldórsstöðum í Skagafirði 12. júní 1930. Foreldrar hans voru Felix Jósafatsson og Efemía Gísladóttir. ,,Gísli ólst upp í Húsey í Vallhólmi, Skagafirði. Hann stundaði nám við Héraðsskólann á Laugarvatni og síðan við Kennaraskólann í Reykjavík og útskrifaðist með kennarapróf 1952. Gísli kvæntist Erlu Einarsdóttur frá Vík í Mýrdal. Erla og Gísli bjuggu tvö fyrstu hjúskaparárin á Dalvík og fluttu þaðan til Sauðárkróks árið 1954 þar sem þau áttu heima til æviloka. Gísli kenndi fyrstu árin á Króknum við Barnaskólann á Sauðárkróki auk þess sem hann vann sumarvinnu sem flokksstjóri í vegavinnu frá 1956 til 1959. Árið 1960 fór hann í fullt starf hjá Vegagerðinni fyrst sem yfirverkstjóri og síðan rekstrarstjóri frá 1963 þar til hann hætti störfum vegna aldurs 1998." Erla og Gísli eignuðust þrjú börn.

Gísli er sagður vera á Hólum, Bakkasókn, Eyjafirði árið 1801. Skráður sem niðursetningur í Lönguhlíð, Myrkársókn, Eyj. 1816. Bóndi á Kjartansstöðum á Langholti í manntalinu 1835 og býr þar þá ásamt konu sinni Ingibjörgu Guðmundsdóttur.

Bóndi á Steinsstöðum í Tungusveit, Lýt.

Gísli Brynjólfsson fæddist í Skildinganesi í Seltjarnarneshreppi., Kjós þann 23. júní 1909.
Hann var háseti í Bergstaðastræti 11, Reykjavík 1930. Prestur og síðar prófastur á Kirkjubæjarklaustri á Síðu, Skaftafellssýslu.
Hann starfaði við málgagn Bændaflokksins er nefndist "Framsókn" en það er vitnað í það í bréfinu.
Kona hans var Ásta Þórey Valdimarsdóttir (1915-1996)
Gísli lést 4. maí 1987.

Gísli Björnsson, f. í Kolgröf í Lýtingsstaðahreppi 18.01.1877, d. 03.03.1966 í Reykjavík. Foreldrar: Björn Gottskálksson síðast bóndi í Kolgröf og kona hans Jóhanna Jóhannsdóttir.
Gísli aflaði sér talsverðrar menntunar af sjálfsdáðum. Hann var ráðsmaður á Skíðastöðum 1901-1904 og bóndi þar 1904-1915. Reisti hann steinsteypt íbúðarhús á jörðinni árin 1909-1910, hið fyrsta sinnar tegundar í hreppnum.
Maki: Ingibjörg Jónsdóttir (var áður gift Hannesi Péturssyni bónda á Skíðastöðum). Þau voru barnlaus og slitu samvistir 1915. Fór Gísli þá til Reykjavíkur og stundaði ýmis kaupsýslustörf og fasteignasölu. Mörg síðustu árin dvaldi hann á Hrafnistu í Reykjavíku.

Faðir: Benedikt Jóhannsson verslunarmaður í Reykjavík (1850-1876). Móðir: Katrín Gísladóttir húsfreyja á Teigi í Vopnafirði (1849-1918). Gísli ólst upp að mestu hjá afa sínum, Jóhanni Knúti Benediktssyni presti. Gísli stundaði úrsmiðanám hjá Teiti Tómasi Ingimundarsyni úrsmiði í Reykjavík 1891-1893. Lærði ljósmyndun hjá Guðjóni Ágústi Guðmundssyni í Reykjavík 1893-1894. Framhaldsnám í ljósmyndun í Kaupmannahöfn veturinn 1895-1896, líklega hjá N. Nyberg. Ljósmyndari á Vopnafirði 1894-1897. Tók ljósmyndir í Öræfum 1896. Starfaði við úrsmíðar og rak ljósmyndastofu á Sauðárkróki 1898-1899. Keypti myndastofu Arnórs Egilssonar á Akureyri í maí 1900 og rak hana til dauðadags.