Foreldrar: Þorleifur Þorleifsson b. á Botnastöðum og k.h. Ingibjörg Magnúsdóttir. Halldór ólst upp hjá foreldrum sínum til 10 ára aldurs, er hann missti þau bæði. Fluttist hann þá til Ingibjargar systur sinnar og ólst upp hjá henni og manni hennar í Axlarhaga í Blönduhlíð. Halldór bjó á eftirfarandi jörðum; Ystu Grund 1888-1892, Löngumýri í Vallhólmi 1892-1893 og Þverá í Blönduhlíð 1893-1897. Til Sauðárkróks fluttist hann 1898 og þar átti hann heima til æviloka. Þar vann hann aðalega við járnsmíði og hafði eigin smiðju. Stuttu eftir að hann flutti til Sauðárkróks, gekk hann í stúkuna "Gleym mér ei". Gerðist fljótt áhugasamur um bindindismál og starfaði mikið fyrir stúkuna og að bindindismálum. Við leiksamstarfi fékkst hann nokkuð. Um skeið var hann gæslumaður barnastúkunar " Eilífðarblómið. Halldór kvæntist Sigríði Magnúsdóttur (1868-1902) frá Utanverðunesi, þau eignuðust þrjú börn.

Bjó á Litla-Fljóti í Biskupsungum. Sonur Þorbjargar Halldórsdóttur og Þórðar Kárasonar. Halldór kvæntist Júlíönu Tyrfingsdóttur - þau skildu, þau eignuðust fjögur börn. Síðast búsettur í Hveragerði.

Foreldrar: Stefán Bjarnason seinna b. á Halldórsstöðum á Langholti og k.h. Aðalbjörg Magnúsdóttir. Halldór dvaldi hjá foreldrum sínum til vors 1902 en þá dó faðir hans og fjölskyldan sundraðist. Halldór fór þá í fóstur til móðursystur sinnar, Sigurlínu Magnúsdóttur og Árna Jónssonar hreppstjóra á Marbæli. Árin 1906-1910 var hann vinnumaður á Skíðastöðum á Neðribyggð. Kvæntist árið 1915 Karólínu Konráðsdóttur frá Brekkukoti í Blönduhlíð. Þau voru bændur í Brekkukoti 1919-1923, í Borgarseli í Borgarsveit 1923-1925 er þau fluttust til Sauðárkróks. Eftir að til Sauðárkróks kom stundaði Halldór lengst af smíðavinnu á veturna á eigin verkstæði í húsinu Rússlandi. Starfaði einnig í vegavinnu og seinni árin töluvert í byggingarvinnu. Halldór og Karólína eignuðust fjögur börn.

Halldór Sigurðsson (Dóri) fæddist í Stokkhólma í Akrahreppi í Skagafirði 12. maí 1925. Hann var gullsmiður. Halldór lést á Stokkseyri 18. nóvember 2003.

Halldór Sigurðsson, f. 20.02.1920 á Sjávarborg í Borgarsveit, d. 13.04.1968 á Hofsósi. Foreldrar: Sigurður Pétursson verkstjóri á Sauðárkróki og seinni kona hans Margrét Björnsdóttir. Halldór ólst upp á heimili foreldra sinna á Sauðárkróki. Hann vann hjá föður sínum við vita- og hafnarbyggingar víðs vegar um land á fyrstu starfsárum ævinnar. Um tvítugt fór hann í Stýrimannaskólann og lauk fiskimannaprófi 1942. Bjó á Ísafirði 1944-1945 og var skipstjóri á Djúpbátnum Fagranesi. Sneri síðan heim til Sauðárkróks og settist að þar. Stundaði sjómennsku alla tíð. Eftir andlát konu sinnar réðst hann til Þorgríms Hermannssonar útvegsmanns á Hofsósi og fluttist þangað 1963 og bjó þar til æviloka. Halldór tók virkan þátt í félagsmálum sjómanna á Sauðakróki. Sat í hreppsnefnd Hofsóss frá 1966 til dánardags. Nokkru áður en Halldórs lést var samið um nýsmíði á stóru togskipi sem keypt var til Hofsóss og heiðruðu íbúar minningu Halldórs með því að gefa skipinu nafn hans.
Maki: Kristjana Sesselja Kjartansdóttir frá Felli í Dýrafirði, f. 21.10.1918, d. 14.12.1960. Þau eignuðust eina dóttur.

Halldór nam guðfræði við H.Í. , einnig fjölmiðlafræði frá háskóla í USA. Hann hefur starfað sem prestur, blapamaðuer og forsetaritari

Halldór Maríus Svanur Jónsson fæddist á Daðastöðum á Reykjaströnd 10. desember 1934. Foreldrar hans voru Sigfríður Jóhannsdóttir og Jón Jónsson, bóndi á Daðastöðum og síðar á Steini á Reykjaströnd. Halldór flutti 1946 með foreldrum sínum í Stein á Reykjaströnd og hóf þar búskap og var bóndi alla sína tíð en vann einnig utan heimilis samhliða búskapnum. Halldór starfaði sem fláningsmaður um langt árabil við sauðfjárslátrun í gamla Sláturhúsi Kaupfélags Skagfirðinga á Sauðárkróki. Halldór vann hjá Fiskiðju Skagfirðinga frá 1980 allt til ársins 2005. Í fyrstu starfaði hann við löndun og síðar við skreiðarverkun. Halldór sinnti einnig ýmsum félagsmálum. Halldór kvæntist árið 1968 Höllu Kristrúnu Guðmundsdóttur frá Veðramóti, þau eignuðust fjögur börn.

Verslunarmaður á Blönduósi, drukknaði í Blöndu.

Halldór Kristján Kolbeins Eyjólfsson, f. 16.02.1893, d. 29.11.1964.
Prestur í Flatey á Breiðafirði, á Stað í Súgandafirði, Vestmannaeyjum og víðar.

Halldór Laxness fæddist sem Halldór Guðjónsson. Árið 1905 hóf fjölskylda hans búskap að Laxnesi í Mosfellssveit, og kenndi Halldór sig við þann bæ æ síðar. Millinafnið Kiljan tók hann upp þegar hann skírðist til kaþólskrar trúar. Foreldrar Halldórs voru Guðjón Helgi Helgason og Sigríður Halldórsdóttir. ,,Halldór byrjaði að skrifa sem barn og fékk ungur áhuga á íslenskri tungu og beitti sér fyrir málrækt í Mosfellsdalnum. Hann byrjaði snemma að lesa bækur og skrifa sögur, og þegar hann var 13 ára gamall fékk hann sína fyrstu grein birta í Morgunblaðinu undir nafninu H.G. Hann gaf út fyrstu bók sína, Barn náttúrunnar, 1919 þá aðeins 17 ára gamall. Hann skrifaði bókina þegar hann var 16 ára og sat þá frekar á Landsbókasafninu að skrifa en að mæta í skólann. Hann var í klaustri í Lúxemborg frá desember 1922 fram til haustsins 1923. Í klaustrinu tók hann kaþólska trú og var skírður og fermdur til kaþólskrar kirkju 6. janúar 1923. Árin 1927-1929 dvaldi hann í Vesturheimi. Árið 1955 var Halldór Laxness sæmdur Nóbelsverðlaununum. Það var í Stokkhólmi sem Halldór veitti verðlaununum viðtöku frá þáverandi konungi Svía, Gústaf VI. Auk Nóbelsverðlauna fékk Halldór fjöldan allan af viðurkenningum fyrir ritstörf sín, en dæmi um aðrar viðurkenningar sem honum hlotnuðust voru: Menningarverðlaun ASF, Silfurhesturinn (bókmenntaverðlaun dagblaðanna) og virt dönsk verðlaun kennd við Martin Andersen Nexø(en), svo nokkur séu nefnd. Halldór skrifaði fjölmörg skáldverk, þýddi verk annarra yfir á íslensku og sendi frá sér greinar í dagblöð og tímarit. Alls skrifaði hann 13 stórar skáldsögur; Brekkukotsannál, Gerplu, Atómstöðina, Heimsljós I og II, Íslandsklukkuna, Kristnihald undir Jökli, Söguna af brauðinu dýra, Sölku Völku I og II, Sjálfstætt fólk I og II, Smásögur (öllum smásögum skáldsins safnað saman í eina bók), Vefarann mikla frá Kasmír og Guðsgjafarþula var svo síðasta skáldsagan sem hann skrifaði. Einnig orti Halldór ýmiskonar kvæði og gaf út fjórar minningasögur, ein þeirra er bókin Í túninu heima. Auk þess samdi hann fimm leikrit og leikgerð að einni skáldsögu, en fyrsta leikritið samdi Laxness ekki fyrr en hann var orðinn þroskaður höfundur, Straumrof, 1934. Verk Halldórs eru fjölbreytt og hafa komið út í meira en 500 útgáfum og á 43 tungumálum auk móðurmálsins."

Halldór var tvíkvæntur. Árið 1930 giftist hann Ingibjörgu Einarsdóttur, þau eignuðust einn son. Þau slitu samvistir. Halldór kynntist seinni konu sinni, Auði Sveinsdóttur á Laugarvatni árið 1939, þau eignuðust tvær dætur.
Barnsmóðir: Málfríður Jónsdóttir, þau eignuðust eina dóttur, f. 1923.

Sonur sr. Jónmundar J. Halldórssonar og k.h. Guðrúnar Jónsdóttur á Barði í Fljótum. Búfræðingur og barnakennari á Stað í N-Ísafjarðarsýslu 1930. Bóndi á Stað, Grunnavík, síðar yfirlögregluþjónn á Ísafirði.

Halldór var fæddur í Reykjavík. Foreldrar hans voru Jón Jónsson kennari og Ingibjörg Snorradóttir. Að mestu leyti ólst Halldór upp hjá móðurfólki sínu að Laxfossi í Norðurárdal. Hann varð stúdent frá Menntaskólanum í Reykjavík árið 1940. Halldór nam íslensk fræði við Háskóla Íslands og stundaði kennslu við Gagnfræðaskólann við Lindargötu í Reykjavík. Árið 1961 varð hann safnvörður Þjóðminjasafns Íslands og hélt þeirri stöðu þar til hann lét af störfum vegna aldurs. Halldór var vinsæll prófarkalesari enda afburða íslenskumaður og liggja eftir hann ýmsar þýðingar og rit. Fyrri eiginkona Halldórs var Bodil Margarethe Shan Smidt, þau skildu, en áttu saman einn son. Seinni kona hans var Gyða Thorsteinsson.

Halldór Jóhannsson, fæddur á Birningsstöðum í Ljósavatnsskarði 20. júlí 1895. Var bóndi á Bergsstöðum og Skottastöðum í Bergstaðasókn, Austur-Húnavatnssýslu. Síðast búsettur í Blönduóshreppi. Maki: Guðrún Guðmundsdóttir, f. á Leifsstöðum í Svartárdal 19. júlí 1900, d. 26. október 1984. Halldór var síðast búsettur í Blönduóshreppi.

Sigmar Halldór Árnason Hafstað f. á Sauðárkróki 14.05.1924. Foreldrar: Árni Jónsson Hafstað og Ingibjörg Sigurðardóttir. Bóndi í Útvík í Skagafirði, maki: Solveig Arnórsdóttir, þau eignuðust fjögur börn.

Halldór fæddist í Reykjavík 1956. Hefur lengst af starfað við bókaútgáfu, einnig skrifað nokkrar bækur. Hlaut íslensku bókmenntaverðlaunin fyrir verk sitt Halldór Laxnes - ævisaga. Forstjóri Hörpu 2012-2017.

Fæddur að Rein í Hegranesi. Foreldrar: Jóhann Þorvaldsson, bóndi að Rein og víðar og kona hans Ingibjörg Guðmundsdóttir frá Finnstungu. Þau slitu samvistir þegar hann var ársgamall.
Halldór var um árabil vinnumaður hjá Agli bónda á Merkigili. Hann var bóndi á hluta Gilsbakka 1896-1897, Egilsá 1899-1901, Löngumýri 1901-1904, Vöglum 1904-1912 (eignaðist þá jörð), Vaglagerði 1912-1920. Þaðan fluttist hann að Bakkaseli í Öxnadal og bjó þar í 6 ár. Þar stunduðu þau hjónin m.a. greiðasölu. Þá hættu þau hjónin búskap og dvöldust eftir það á Akureyri í skjóli barna sinna til æviloka. Maki: Jónína Jónsdóttir (1880-1958) frá Króksstöðum. Þau eignðust níu börn. Fyrir hafði Halldór eignast son með Björgu Steinsdóttir, þá vinnukonu á Stóru-Seylu.

Halldór er jarðfræðingur hjá Náttúrfræðistofnun Íslands.

Halldór var fæddur 12. mars 1924 í Fremri - Hnífsdal við Djúp. Foreldrar hans voru Jón Eyþór Guðmundsson og Pálína Salóme Jónsdóttir. Halldór ólst upp í Fremri-Hnífsdal til 12 ára aldurs, en flutti þá með foreldrum sínum í Húnavatnssýsluna. Árið 1947 keyptu þau hjón Syðri - Löngumýri í Blöndudal. Allan sinn starfsaldur var Halldór bóndi þar, en um nokkurra ára skeið vann hann sem hirðir hjá Fáki í Reykjavík á veturna. Á sumrin var hann vörður við sauðfjárvarnargirðingu á Kili.

Faðir: Arnór Egilsson bóndi og ljósmyndari (1856-1900). Móðir: Valgerður Ósk Ólafsdóttir, húsfreyja (1857-1933). Halldór Egill Arnórsson lærði ljósmyndun hjá Hallgrími Einarssyni á Akureyri fyrir 1909. Rak ljósmyndastofu á Akureyri 1909-1918. Ferðaðist einnig og tók myndir t.d. á Siglufirði 1919. Starfaði hjá eða vann með Hallgrími Einarssyni a.m.k. á tímabilinu 1920-1924 (myndir merktar þeim báðum). Starfaði hjá Guðmundi R. Trjámannssyni 1924-1925. Starfi á ljósmyndastofu Jóns J. Dahlmanns í Reykjavík frá um 1927 til um 1938 en þá fór hann að starfa á ljósmyndastofu Vigfúsar Sigurgeirssonar í Reykjavík og var þar til dauðadags.
Hluti af filmu- og plötusafni hans er varðveitt í Þjóðminjasafni Íslands (Reykjavíkurárin).

Foreldrar: Eggert Briem sýslumaður á Reynistað og k.h. Ingibjörg Eiríksdóttir. Prestur og kennari, síðast bókavörður í Reykjavík.

Halldór Bjarnason fæddist á Völlum í Skagafirði 20. febrúar 1922. Foreldrar hans voru hjónin Sigurlaug Jónasdóttir og Bjarni Halldórsson. ,,Halldór fluttist með foreldrum sínum að Uppsölum í Blönduhlíð árið 1925 og ólst þar upp ásamt systkinum sínum. Báðar ömmur hans voru alla tíð á heimilinu og tóku þátt í uppeldi barnanna. Hann fór í bændaskólann á Hvanneyri 1943 og lauk þaðan búfræðiprófi 1945. Halldór kvæntist 22. maí 1948 Guðrúnu Bergþórsdóttur frá Fljótstungu í Hvítársíðu, þau eignuðust þrjár dætur. Hann hóf búskap með Guðrúnu á Uppsölum til ársins 1957 er þau fluttu að Hesti í Borgarfirði og síðan í Borgarnes 1959. Þar vann Halldór hjá Kaupfélagi Borgfirðinga. Halldór og Guðrún skildu. Seinni kona hans var Antonía Jóna Bjarnadóttir. Halldór og Antonía bjuggu lengst af í Hveragerði og á Álftanesi og vann hann síðustu ár starfsævinnar hjá Glettingi í Þorlákshöfn. Halldór var kjötmatsmaður meðfram öðrum störfum frá 1963 til 1998. Síðustu tvö árin bjó Halldór á Vífilsstöðum og nú síðast í Mörk."

Foreldrar: Bjarni Jóhannsson b. í Þúfum og k.h. Jónína Dóróthea Jónsdóttir. Halldór ólst upp hjá foreldrum sínum í Þúfum. Var við nám unglingadeildar Hólaskóla 1931-1932. Snemma hóf hann að stunda sjóinn, fyrstu árin með Halldóri frænda sínum á Miklabæ en um eða uppúr 1930 létu þeir Halldór og Melstaðarfeðgar, ásamt Óskari Gíslasyni, seinna bónda í Þúfum, smíða mótorbátinn Leif, þann hinn sama dag og Magnús Hartmannsson gerði síðan út allt til 1960. Mörg fyrstu árin fóru þeir félagar Halldór, Magnús og Óskar með Leif ýmist til Ólafsfjarðar eða Siglufjarðar og reru þaðan á vor- og haustvertíðum. Í annan tíma hafði Leifur uppsátur í Óslandskróki. Oft fiskuðu þeir félagar vel og urðu til þessar veiðar því drjúgt innlegg til uppbyggingar á jörðum þeirra. Árið 1939-1940 byggði Halldór ásamt tengdaföður sínum, íbúðarhús úr steini sem enn stendur á Melstað. Halldór var félagi í Ungmennafélaginu Geisla. Hann lést af slysförum við Kolkuós aðeins 37 ára gamall.
Halldór kvæntist Guðnýju Kristínu Hartmannsdóttur, þau eignuðust einn son.

Halldór Bjarnason fæddist 23. september 1854. Faðir: Bjarni Halldórsson bóndi á Austur-Ey í Laugardal. Móðir: Guðrún Guðmundsdóttir, húsmóðir á Austur-Ey. Halldór var smiður á Hagavelli í Grímsnesi 1883-1898. Hagavellir voru nýbýli er hann reisti úr auðn og gjörði að heimili sínu. Síðar átti hann heima í Vatnsholti og dó þar 31. ágúst 1915. Hann var ógiftur og barnlaus.

Halldór var fæddur á Fjalli í Sæmundarhlíð í Skagafirði árið 1908. Foreldrar hans voru hjónin Sigurlaug Sigurðardóttir og Benedikt Sigurðsson. Halldór var við nám í Íþróttaskólanum í Haukadal í nokkra mánuði. Lengi bóndi og oddviti á Fjalli, síðast búsettur að Mánaþúfu í Varmahlíð. Kvæntist Þóru Þorkelsdóttur frá Miðsitju, þau ólu upp tvö fósturbörn.

Halldór Ásgeirsson, f. 05.08.1893 í Dagverðartungu í Hörgárdal. Foreldrar: Kristjana Halldórsdóttir og Ásgeir Bjarnason. Var árum saman í fóstri hjá móðursystur sinni, Önnu Halldórsdóttur og Jóhannesi Guðmundssyni í Miðhúsum í Hrafnagilshreppi. Síðar var hann með móður sinni á Akureyri. Halldór gerðist starfsmaður Kaupfélags Eyfirðinga tæplega tvítugur að aldri en hafði áður stundað verslunarstörf í útibúi Edinborgarverzlunar á Akureyri. Vann lengi í kjötbúð félagsins, stýrði henni síðar og var einnig verkstjóri í sláturhúsinu. Einnig starfaði hann sem opinber kjötmatsmaður og ferðaðist þá á milli sláturhúsa á Norðurlandi í þeim erindum. Árið 1935 gerðist hann sölustjóri Sambandsverksmiðjanna svokölluðu. Einnig fékkst hann við ýmis tilfallandi störf tengd hátíðahöldum og slíku. Hann var virkur í Framsóknarfélagi Akureyrar og var einn af stofnendum Ungmennafélagsins á Akureyri.
Maki: Soffía Thorarensen, f. 07.12.1893. Þau eignuðust fjögur börn.

Búsett á Sauðárkróki.

Foreldrar Dóra Ingibjörg Magnúsdóttir og Rögnvaldur Ólafsson (Valdi rakari). Halla hárgreiðslumeistari, búsett á Sauðárkróki, kvænt Garðari Hauki Steingrímssyni, þau eiga tvær dætur.

,,Halla Eyjólfsdóttir hét fullu nafni Hallfríður Guðrún Eyjólfsdóttir og fæddist hún að Múla við Gilsfjörð 11. ágúst 1866. Tvítug réði hún sig að Laugabóli við Ísafjörð í Ísafjarðardjúpi og fáeinum árum síðar giftist hún syni hjónanna þar, Þórði Jónssyni frá Laugabóli. Þau eignuðust 14 börn en misstu þrjú þeirra úr barnaveiki. Eftir lát Þórðar sá Halla um búið en árið 1921 giftist hún Gunnari Steini Gunnarssyni frá Hvítanesi í Ögursveit við Djúp. Þau héldu áfram búskap á Laugabóli til 1935. Skáldskapurinn átti ætíð hug hennar allan þrátt fyrir að hún gæti aðeins sinnt honum í hjáverkum. Eftir Höllu liggja tvær ljóðabækur, Ljóðmæli sem komu út árið 1919, og Kvæði sem komu út árið 1940, þremur árum eftir andlát hennar. Bækurnar eru miklar að vöxtum og ljóðin margvísleg að allri gerð. Úrval kvæða hennar sem Guðfinna Hreiðarsdóttir gaf út ásamt æviágripi kom út árið 2008 og nefnist bókin Svanurinn minn syngur."

Fæddur á Flateyri. Foreldrar hans voru Steingrímur Árnason, útgerðarmaður á Flateyri, í Keflavík og víðar og f.k.h. Kristín Hálfdánardóttir frá Meiri-Hlíð í Bolungarvík. ,,Þegar hann var sjö ára gamall missti hann móður sína og var sendur í fóstur um skeið í Hegranes í Skagafirði. Síðan fór hann til föður síns og seinni konu hans, Grétu Þorsteinsdóttur, sem höfðu þá sest að á Sauðárkróki. Þar ólst hann upp ásamt bræðrum sínum fram á unglingsár. Fjölskyldan flutti síðar til Reykjavíkur og átti Hálfdán þar heimili æ síðan eða þar til árið 2009 er hann og flutti ásamt konu sinni til Mosfellsbæjar. Hálfdán stundaði nám við Héraðsskólann á Laugarvatni og gerðist að því loknu vörubílstjóri í Reykjavík. Árið 1951 tók hann við sem prentsmiðjustjóri í Steindórsprenti hf. sem síðar varð Steindórsprent-Gutenberg ehf. Þessu starfi gegndi hann til starfsloka árið 2000, eða í tæp 50 ár. Hálfdán var virkur félagi í Oddfellowreglunni og gegndi þar fjölmörgum trúnaðarstörfum."
Árið 1943 kvæntist Hálfdán Ingibjörgu Steindórsdóttur frá Reykjavík, þau eignuðust þrjú börn.

Sonur Örlygs Hálfdanarsonar og Þóru Þorgeirsdóttur. Starfar við bókaútgáfu. Leiðsögumaður.

Hálfdan Krisjánsson sjómaður á Sauðárkróki var fæddur 25. maí 1857 á Selhólum í Gönguskörðum. Faðir: Kristján Jónsson bóndi í Hofsgerði á Höfðaströnd. Móðir: Guðrún Þorláksdóttir húsfreyja í Hofsgerði á Höfðaströnd. ,,Árið 1873 lést móðir Hálfdanar og fór hann þá alfarinn að heiman. Lærði hann þá járnsmíði, en fékkst annars lítið við þá iðn. Hálfdan gerðist sjómaður og stundaði í mörg ár veiðar á fiskiskipum víðs vegar kringum landið. Þótti hann góður sjómaður og var eftirsóttur í skipsrúm fyrir sakir dugnaðar og ósérhlífni. ...Árið 1897 kvæntist Hálfdan. Fyrstu hjúskaparárin bjuggu hjónin á Glettinganesi í Borgarfirði eystra, og þar fæddust þrjú elstu börnin. Til Sauðárkróks fluttu þau árið 1901 og reistu þar heimili. voru þau þá algerlega efnalaus og lítið um vinnu. Hálfdan stundaði sjóinn eftir því sem færi gafst. ... Þegar börnin fóru að stálpast, batnaði efnahagurinn. Þá eignaðist Hálfdan bát, og var hann þá sinn eigin húsbóndi. Réri þá konan oft með honum, og oft fóru þau til Drangeyjar til fuglatekju."
Maki: Ingunn Magnúsdóttir (1877-1952). Saman áttu Ingunn og Hálfdan sex börn.

Foreldrar hans voru Jónas Jónasson og Þórey Guðrún Jónasdóttir. Hálfán ólst upp með foreldrum sínum, lengst af í Litluhlíð í Vesturdal, síðan á Þorljótsstöðum. Hann fór einn vetur í Hvítárbakkaskóla (1909-1910) en tók svo við búi foreldra sinna á Þorljótsstöðum. Tveimur árum síðar hóf hann búskap að Giljum, síðan á Breið, aftur á Giljum og í Sölvanesi, að lokum flutti hann til Siglufjarðar. Hálfdán var vel skáldmæltur og fékkst töluvert við kveðskap, orti kvæði og skrifaði ljóðabréf. Hálfdán kvæntist Guðrúnu Jónatansdóttur frá Ölduhrygg í Svartárdal, þau eignuðust tvö börn.

Foreldrar Hálfdánar voru Helgi Ólafsson kennari á Sauðárkróki og Akureyri, síðar búsettur í Reykjavík, og k.h. Valý Þ.Á. Ágústsdóttir. Kennari, búsettur í Reykjavík, kvæntist Hjördísi Magnúsdóttur kennara.

Var í Reykjavík 1910. Bóndi og prestur á Mosfelli, Lágafellssókn, Kjós. 1930. Prestur og prófastur á Mosfelli í Mosfellssveit. Kjörsonur Árni Reynir, f. 11.1.1931

Fæddur í Flatey á Breiðafirði þar sem faðir hans var prestur, foreldrar: sr. Guðjón Hálfdánarson og Sigríður Stefánsdóttir. Hálfdán útskrifaðist úr Prestaskólanum 1886 og var vígður sama ár til Goðdala. Fékk Breiðabólstað í Vesturhópi 1894 og Reynistaðarprestakall 1914, búsettur á Sauðárkróki, þjónaði því til 1934. Prófastur í Húnavatnssýslu 1907-1914 og í Skagafjarðarsýslu 1919-1934. Vígslubiskup í Hólabiskupsdæmi 1928 til æviloka 1937. Jafnframt gegndi Hálfdán hinum ýmsu trúnaðarstörfum, var alþingismaður Húnvetninga 1909-1911, sýslunefndarmaður í Húnavatnssýslu og Skagafjarðarsýslu um tíma. Sat í stjórn Sparisjóðs Sauðárkróks í 20 ár. Hálfdán kvæntist Herdísi Pétursdóttur frá Valadal, þau eignuðust fimm börn, tvö þeirra komust á legg.

Fæddur í Bolungarvík 1917. Foreldrar hans voru Jóhanna Einarsdóttir og Einar Hálfdánarsson.

Hákon Guðmundsson, f. á Hvoli í Mýrdal 18.10.1904, d. 06.01.1980. Foreldrar: Guðmundur Þorbjarnarson og Ragnhildur Jónsdóttir, síðar búsett á Stóra-Hofi á Rangárvöllum. Þangað fluttu þau er Hákon var á þriðja ári og ólst hann þar upp. „Hákon fór ungur í skóla, lauk gagnfræðaprófi frá Flensborg 1922 og stúdentsprófi frá Menntaskólanum í Reykjavík 1925 og lögfræðiprófi frá Háskóla Íslands 1930. Hann stundaði síðan framhaldsnám í lögfræði í Svíþjóð og Noregi og síðar Englandi. Hákon starfaði sem fulltrúi lögmanns i Reykjavik fyrstu árin, en árið 1936 var hann skipaður ritari Hæstaréttar og gegndi þvi starfi tíl 1964 er hann var skípaður I émbætti yfirborgardómara I Reykjavik, en af þvi starfi lét hann I byrjun árs 1974. Hann var forseti Félagsdóms frá stofnun hans 1938 til 1. okt. 1974 eða 36 ár. Formaður Siglingadóms i 10 ár frá 1964-1974. Þá var hann lengi formaður stjórnar Lifeyrissjóðs starfsmanna rlkisins. Auk þessa kenndi hann vissa þætti i lögfræði á námskeiðum og var lengi prófdómari við lagadeild Háskólans. Hann átti sæti i Náttúrverndarráði 1967-1972, og sem varamaðurfrá 1972-1975 og starfaði þá jafnan nokkuö fyrir það sem lögfræðilegur ráðunautur. Hann átti sæti í mörgum stjórnskipuðum nefndum til undirbúnings löggjafar. Í félögum áhugamanna og frjálsum félagsskap lét Hákon að sér kveða á svo ólikum sviðum sem félagsmál lögfræðinga, flugmál — kirkjumál, skógræktar og landgræðslumál eru. Formaður Skógræktarfélags Íslands var hann frá 1961-1972 er hann lét af því starfi að eigin ósk.
Maki: Ólöf Árnadóttir frá Skútustöðum. Þau eignuðust þrjár dætur.

Verkfræðingur í Reykjavík. Bæjarstjóri á Sauðárkróki 1966-1974. Maki: Ásta Kristjánsdóttir, þau eignuðust þrjú börn saman, fyrir átti Ásta tvær dætur sem Hákon gekk í föðurstað.

Foreldrar: Ágúst H. Bjarnason, prófessor í heimspeki við HÍ og Sigríður Jónsdóttir kennari við Kvennaskólann. Hákon lauk stúdentsprófi frá Menntaskólanum í Reykjavík 1926 og hélt að því loknu til náms í skógræktarfræðum við Landbúnaðarháskólann í Kaupmannahöfn. Þaðan brautskráðist hann 1932 fyrstur Íslendinga í þessum fræðum. Vann einn vetur sem aðstoðarmaður á Plantefysiologisk Laboratorium við sama háskóla. Framkvæmdastjóri Skógræktarfélags Íslands frá 1933 til loka 7. áratugarins. Kjörinn heiðursfélagi þess 1977. Hákon var skipaður skógræktarstjóri 1935 og gegndi því starfi í 42 ár, til 1977. Hákon dvaldist erlendis veturinn 1936—37 til þess að kynna sér vinnubrögð við tilraunastarfsemi í jarðannsóknum. Forstöðu Mæðiveikivarna gegndi Hákon til 1941. Beitti sér mjög fyrir innflutningi trjátegunda til Íslands í störfum sínum sem og notkun lúpínu við landgræðslu. Hákon var kjörinn heiðursfélagi Norska skógræktarfélagsins.
Maki 1: Guðrún Magnúsdóttir Þau eignuðust eina dóttur. Þau slitu samvistum.
Maki 2: Guðrún Bjarnason. Þau eignuðust fjögur börn.

Hafþór fæddist á Hrafnhóli í Hjaltadal í Skagafirði. Foreldrar hans voru Guðmundur Benjamínsson, bóndi í Smiðsgerði og Sviðningi í Kolbeinsdal í Skagafirði og kona hans Anna Jónsdóttir. ,,Hafþór ólst upp í Smiðsgerði í Kolbeinsdal í Skagafirði. Hann var stúdent frá Menntaskólanum á Akureyri 1941, cand. juris frá Háskóla Íslands 1946, fór haustið 1946 til framhaldsnáms í stjórnarfarsrétti og þjóðarétti, fyrst til Danmerkur, 1946-1947, og síðan til Frakklands, 1947-1949. Hann lauk prófi í þjóðarétti frá Lögfræðideild Parísarháskóla og varði þar doktorsritgerð 1. desember 1951, var tímabundið bæjarfógeti í Neskaupstað og á Siglufirði, hæstaréttarlögmaður 5. febrúar 1952. Ásamt því að reka innflutningsfyrirtæki í Reykjavík rak hann lögfræðiskrifstofu í Reykjavík frá 1952 til 1973, er hann gerðist fulltrúi borgarfógetaembættisins til starfsloka." Hafþór kvæntist Sólveigu Kolbeinsdóttur frá Skriðulandi í Kolbeinsdal og eignuðust þau þrjú börn.

Hafsteinn Lúðvíksson, f. 04.02.1940. Bóndi í Vallholti í Hólmi, síðar búsettur á Sauðárkróki.

Steindór Hafsteinn Hannesson fæddist 6. maí 1936. Hann starfaði sem vörubílstjóri. Hann lék með Leikfélagi Sauðárkróks í nokkra áratugi.

Foreldrar: Björn Hafliðason b. í Saurbæ í Kolbeinsdal og k.h. Ragnheiður Sigríður Þorláksdóttir. Haflína var í barnaskóla hjá Sigurveigu á Kálfsstöðum í Hjaltadal og í unglingadeild Hólaskóla veturinn 1929-1930 en veturinn 1931-1932 var hún í Kvennaskólanum á Blönduósi. Árið 1932 kvæntist hún Sigurmoni Hartmannssyni frá Kolkuósi og hófu þau búskap þar. Þar bjuggu þau til 1985 er þau fluttu til Sauðárkróks, þau eignuðust þrjár dætur.

Hafliði Eiríksson, f. að Nesi í Flókadal 07.07.1895 (6.7. skv. kirkjubók), d. 30.01.1979 í Reykjavík. Foreldrar: Eiríkur Ásmundsson, bóndi á Reykjarhóli á Bökkum og sambýliskona hans, Guðrún Magnúsdóttir. Hafliði ólst upp hjá foreldrum sínum er lengst af bjuggu á Reykjarhóli á Bökkum. Fjórtán ára fór hann til sjós á hákarlaskip og var hálfan annan áratug á hákarlaskipum. Hafliði var ýmist til sjós eða vann að búi foreldra sinna þar til hann hóf sjálfur búskap. Hann var bóndi á Austara-Hóli 1924-1927, Minni-Reykjum 1928-1929, í Neskoti 1927-1928 og aftur 1929-1953. Þegar hann brá búi flutti hann til Akraness og vann þar aðallega við fiskvinnslu. Árið 1960 fluttist hann til Reykjavíkur og bjó við Bergþórugötu 25 til dánardags. Starfaði hann þar nokkuð við smíðar.
Maki: Ólöf Anna Björnsdóttir (1895-1989) frá Sigríðarstöðum í Flókadal. Þa eignuðust eina dóttur og ólu upp Hafliða Frímannssonar frá Austara-Hóli í Flókadal og dótturson sinn Hafliða Kristjánsson.

Hafdís Ólafsdóttir, f. 06.10.1956. Foreldrar: Ólafur Jóhannesson (1913-1984) og Bára Svavarsdóttir.

Tannlæknir. Var á Fornastöðum í Austur - Húnavatnssýslu, síðar í Reykjavík.

Gyrðir er rithöfundur.

Var á Sauðárkróki 1930. Heimilisiðnaðarkennari á Blönduósi, síðar húsfreyja í Reykjavík.

Dóttir Flóvents Marinó Albertssonar og Guðrúnar Ágústsdóttur Blöndal.

Guttormur var fæddur á Neskaupstað. Foreldrar hans voru Vigfús Guttormsson og Ingibjörg Guttormsson, fædd Biskoptoð. Guttormur var til sjós eftir að barnaskóla lauk. Hann lauk námi frá Sjómannaskólanum árið1951. Kona hans var Áslaug Sigurðardóttir snyrtifræðingur. Börn þeirra :Drengur sem lifði aðeins í þrjár vikur, og dæturnar Magnea og Sigurbjörg Ásta.

Guttormur Vigfússon var fæddur í Geitagerði í Fljótsdal 8. ágúst 1850. Faðir: Vigfús Guttormsson (1828-1867) bóndi Geitagerði. Móðir: Margrét Þorkelsdóttir (1824-1895) húsmóðir í Geitagerði. ,,Guttormur nam búfræði í Stend í Noregi 1875–1877. Stundaði nám við landbúnaðarháskólann í Kaupmannahöfn 1881–1882. Ferðaðist um Norður-Múlasýslu 1878–1880 og leiðbeindi í búnaði. Kennari við Möðruvallaskóla 1880–1881. Skólastjóri búnaðarskólans að Eiðum 1883–1888. Bóndi á Strönd á Völlum 1888–1894, í Geitagerði frá 1894-1928. Guttormur var oddviti Fljótsdalshrepps um langt skeið. 1892-1908 sat hann á þingi fyrir Heimastjórnarflokkinn, Suður-Múlasýslu. Guttormur kvæntist Sigríði Guðbjörgu Önnu Sigmundsdóttur (1892-1922) en hún var ættuð frá Ljótsstöðum í Skagafirði, þau eignuðust átta börn."

Sonur hjónanna Ólínu Mörtu Jónsdóttur og sr. Þorvarðar Þormar í Laufási í Eyjafirði.

Guttormur Óskarsson fæddist í Hamarsgerði í Lýtingsstaðarhreppi í Skagafirði 29. desember 1916. Foreldrar hans voru Óskar Á. Þorsteinsson, bóndi í Hamarsgerði, síðar í Kjartansstaðakoti, Langholti og kona hans Sigríður Hallgrímsdóttir. 15. október 1944 kvæntist Guttormur Ingveldi Hólmsteinu Rögnvaldsdóttur þau eignuðust þrjár dætur. ,,Guttormur stundaði nám í Reykholti í Borgarfirði og síðan í Samvinnuskólanum í Reykjavík, 1942-1944. Að námi loknu starfaði hann hjá fræðsludeild Sambands íslenskra samvinnufélaga í tvö ár. 1946 fluttust þau hjón til Sauðárkróks og Guttormur hóf störf sem gjaldkeri hjá Kaupfélagi Skagfirðinga þar sem hann starfaði óslitið til starfsloka. Guttormi voru félagsstörf hugleikin. Auk þátttöku í hinum ýmsu félögum á Sauðárkróki var hann til æviloka dyggur stuðningsmaður Framsóknarflokksins og gegndi á þeim vettvangi fjölmörgum trúnaðarstörfum."