Sýnir 8599 niðurstöður

Lýsing á skjalasafni
Málaflokkur
Advanced search options

Find results with:

í
Bæta við nýjum forsendum

Limit results to:

Filter results by:

Filter by date range:

Use these options to specify how the date range returns results. "Exact" means that the start and end dates of descriptions returned must fall entirely within the date range entered. "Overlapping" means that any description whose start or end dates touch or overlap the target date range will be returned.
Prenta - forskoðun Hierarchy View:
Ascending

69 niðurstöður með stafrænum einingum Sýna niðurstöður með stafrænum einingum

Frásögn af djöflinum

Það virðist vanta framan á þessa frásögn en hér er á ferðinni skáldskapur um ferðir djöfulsins um Ísland og hvernig hann leikur fylgismenn sína en það eru nafngreindir menn sem komu við sögu Sölva í veruleikanum.
Þar á meðal eru: Björn Halldórsson í Laufási, Stefán Gunnlaugsson, Jónas Jóhannsson á Laxamýri og Schulesen sýslumaður.
Frásögnin snýst um hvernig djöfullinn leikur þessa menn og eru lýsingarnar vægast sagt gróteskar. Hann slítur til að mynda undan þeim miskunarlaust og notar eistun í talnaband.

Lýsing á Sléttuhlíð og Höfðasókn

Á þessari síðu er sams konar samræða og fyrr var fjallað um í þessum flokki og umfjöllunarefnið það sama, þ.e. spurt er um mörk Sléttuhlíða og Höfðasóknar og um prestakall Fellssóknar en fleiri voru spurningarnar ekki að þessu sinni.

Bók um siðfræði

Hér er á ferðinni eitt forvitnilegasta handritið í þessu safni sem þarfnast nánari skoðunar. En þetta er handrit að bók Sölva um kristilega siðfræði. Í umfjöllun sinni vitnar Sölvi til Biblíunnar jafnt sem til ýmissa heimspekinga. Hegel, Fichte og Kant nefnir hann alla til sögunar . En Sölvi telur siðfræði kristinna mótmælenda skera sig nokkuð frá öðrum trúahreyfingum þar sem hún er ekki eins bundin af kenningum ritningarinnar
Bókin skiptist upp í nokkra hluta. Sá fyrsti heitir Hugmynd siðfræðinnar. Síðan kemur: Annar partur: Hið góða, sem kærleikans lögmál, eða hið algjöra siðferðislega fyrirmynd. Því næst kemur kafli sem er merktur með þessum hætti: III: Hin siðferðislega fulkomnun mannsins: 59.grein: Sálarinnar velferð og dyggð. Það er nokkuð ósamræmi því þar næst kemur: Þriðji partur: Hið góða sem siðferðislegt ríki. Að lokum kemur kafli sem ekki er númeraður en ber heitið: Líf safnaðarins. Samtals 5 hlutar en álitamáli getur talist hvort bókin skiptist í fimm hluta eða hvort þeir séu þrír og hinir tveir einhvers konar millifyrirsagnir.
Ljóst er að handritið er nokkuð yfirgripsmikið og að sama skapi heilsteypt en þetta virðist vera hreinskrift því á öðrum stað má sjá hluta þess sem er ekki fullgerður. Kaflar handritsins skiptast í mismunandi greinar sem eru tölusettar upp í 85 auk viðbóta við nokkrar greinar. Ekkert virðsit vanta í handritið þó mögulega aftan við það en ekkert sérstakt niðurlag fylgir því virðist vera. Því ætti að vera hægt að fá góða mynd af umfjöllunarefni þess og einkar áhugavert að kanna það frekar, t.d. hvort það eigi sér einhverja hliðstæðu sem Sölvi gæti hafa stuðst við eða hvort um sé að ræða sjálfstæðar ályktanir Sölva um trú og siðfræði sem hann dregur af bæði ritningunni og hugmyndum heimspekinga.

Lýsing á Sléttuhlíð

Í formála segir Sölvi þetta eiga að vera landafræði eða sveitalýsing. Hann útskýrir líka formið sem er samræða að hætti frumspekingana. Sölvi útskýrir að spurningarnar verði bornar upp af „Ainu“ og „Bjeinu“ en þeim er svarað af „cinu“ og „Djeinu“ en sérstaklega er tekið fram að sami maðurinn, þ.e. spekingurinn sjálfur standi á bakvið allar þessar persónur.

Um helstu náttúrufyrirbæri á Íslandi (nr. 16)

Ýmsar tölulegar upplýsingar um náttúrufyrirbæri á Íslandi. Eins og t.d. lengd vatnsfalla og hitastig þeirra og hitastig Geysis og ýmsar aðrar upplýsingar um hverinn. Einnig er gerð grein fyrir hæstu fjöllum og legu landsins á jarðarkringlunni, stærð þess og helstu eyjar.

Saga af djöflinum eftir Sölva

Þetta er ein af sögunum af skrattanum og fylgjendum hans. Í þetta skiptið er veisla í neðribyggðum þar sem skrattinn gengur í skrokk á fylgjendum sínum. Sagan er öll hin undarlegasta og ekki allaf auðvelt að átta sig á hvað er að gerast, auk þess skiptir sögumaður úr þriðju yfir í fyrstu persónu fleirtölu.
Þar sem það vantar að minnsta kosti aftan á frásögnina getur verið að eitthvað samhengi fari þarna forgörðum.

Sölvi: þræll og sölumaður norðlenskra höfðingja (nr. 41)

Hér virðist vera í heilu lagi smásaga af píslum Sölva sem þræll og sölumaður norðlenskra höfðingja. Hann fer um allt land eins og honum er skipað og selur gripi sem hann hefur smíðað, öllum hagnaðinum á hann síðan að skila af sér til höfðingjana en hann á að hlýða skipunum. En það er í mótsögn við eðli Sölva því hann er fyrir náð Guðs boðberi sannleikans og dyggðarinnar en ekki lyginnar og syndarinnar sem störf fyrir þessa höfðingja fela í sér og spurningin verður hvort Sölvi losni einhvern tímann undan þessum þrældómi og kvölum.

Skrifreglur handa manni

„Skrifreglur handa manni“ er titill skjalsins og þar eru ritaðar í sex liðum leiðbeiningar í skrift. Sölvi ávarpar einhvern í textanum og virðist vera að skrifa þessar reglur niður fyrir einhvern ónafngreindan sem bað hann um slíkar reglur. Á bakhlið arkarinnar er svo texti óskyldur skrifreglunum en þar fer kunnuglegur reiðilestur yfir illri meðferð á Sölva.

"Um heimspeki"

Á þesum síðum boðar Sölvi trú sína og fjallar um hvaða aðferðum er best að beita við trúariðkun. Hann varar sérstaklega við bókstafstrú en telur aðferðir heimspekinga gagnlega til þess að feta áfram veginn að sannleikanum og dyggðinni.

Viljinn 1. árgangur

Sveitablaðið Viljinn sem gefinn var út af Lestrarfélagi Miklabæjarsóknar í Blönduhlíð. Í þessu fyrsta blaði er rakin ástæða og fyrirkomulag blaðsins. Forsagan var þessi: "Hinn 23. f.m. var lestrarfélagsfundur haldinn á Miklabæ. Kom fram sú tillaga á fundinum að bæði skemtilegt og gagnlegt væri að láta blað ganga á milli félagsmanna í vetur. Var rætt af kappi um þetta mál og voru allir með því að það fengi framgang. Var ritstjóri fenginn og kosnir menn í ritneefnd. Blað þetta skyldi aðeins ganga millum félagsmanna og þeir skyldugir til að láta það ganga greiðlega milli sín; fara vel með það styðja það eptir föngum með því að senda ritgjörð í það. Blaðið á að sneiða hjá ókurteislegum rithætti og öllu því er gæti öllað ófrið og sundrung. Samt muna menn rita um ýmisl. sem þörf virðist vera að ræða um og láta í ljósi skoðanir sínar á þessu og hinu; aðeins þetta að fylgja sannfæringu sinni með kurteisi fram á ritvöllinn.
Slíkt blað, og hér er um að ræða yrði óefað gagnlegt og skemtilegt; já gagnlegt yrði það með því að þar gæfist mönnum kostur á, að hugsa og skipulega æfa sig í þessu hvorutveggja sem virðist mjög nauðsynl. einkum fyrir unga menn, sem verða að taka við störfum og stríði hinna eldri, og fylgja kröfum þeim, sem yfirstandandi tími heimtar af börnum sínum."

Umboð Jóns Jónssonar vegna uppboðs að Hóli í Svartárdal

"Jeg undirritaður fel hérmeð herra hreppstjóra Jóni Jónssyni á Hafsteinsstöðum í hendur, að meta fyrir mína hönd í uppboðinu að Hóli í Svartárdal laugardaginn þ. 3. marz n.k., til þess að gæta þar hagsmuna minna sem og að ákveða söluskilmála. Skal allt sem tilnefndur herra hreppstjóri Jón Jónsson gjörir fyrir mína hönd á léðu uppboði jafngilt vera og ég gjörði það sjálfur." Þetta er ritað Sauðárkróki 1. mars árið 1900. Vottar eru Ólafur Jónsson og Magnús Benediktsson. Undir plaggið ritar Popp sem hlýtur þá að vera Christian Popp kaupmaður í Skagafirði.

Ýmis samtíningur

1) Samningur og dómur milli Stafns og Eyvindarstaða 1853 og bréf um tolla af Eyvindarstaðaheiði s.á. ásamt fundargjörð fundar, sem leiða skyldi deiluna til lykta.
2) "Æfiágrip Sigríðar Halldórsdóttur Vídalín, eftir J. Halldórsson ( þ.e. sr. Jón Halldórsson) á Húsabakka 1841; def. vantar
3) Bann hreppsstjóra Lýtingsstaðahrepps við heimsóknum að Skíðastöðum vegna veikinda þar, 1887.
4) Skýrsla um fjárfelli í Skagafjarðarsýslu veturinn 1886-1887.
5) Uppskrift á búi Guðmundar Bjarnasonar í Gilkoti, Lýtingsstaðahreppi 1889.
vantar
6) Byggingarbréf fyrir Litladal 1890.
7) Uppskrift á dánarbúi sveitarómagans Kristínar Jónatansdóttur, Héraðsdal, 1891. vantar
8) Landamerkjaskrá fyrir Úlfsstaði.
9) Skrá um útsvör í Lýtingsstaðahreppi 1876-1888. vantar
10) Ýmis gögn bindindis- og lestrarfélagsins Neista, Lýtingsstaðahreppi, 1879-1899.

Sendibréfasafn 1850-1900

Magnús, Sveinn Þórarinn, Þorbergur og Guðrún Jónsbörn frá Hóli í Sæmundarhlíð. Sendibréfasafn.
Bréfritarar:

Guðrún Jónsdóttir, Halldórsstöðum (1)
Guðrún Ágústína Símonarson (1)
Jón Jónsson, Hóli, Sæmundarhlíð (1)
Magnús Jónsson "frá Fjalli" (2)
M. Magnússon (1, def.)
Sveinn Jónsson, Centerville (2)
Þórarinn Jónsson (1?)
Þórarinn Magnússon, Halldórsstöðum (1)
Þorbergur Jónsson, Hjarðarholti, Gimli (3)

Niðurstöður 256 to 340 of 8599