Harðspjalda handskrifuð bók í viðkvæmu ástandi. Bókin er losleg hefur lítillega losað frá kili en er með límborða á kili, blaðsíður eru blettóttar og ryð í heftum. Bókin er persónugreinanleg og fjallar um persónuleg viðskipti bænda þeirra inn - og úttekið, nöfn bænda og heimilsfang.
Skjöl Gunnlaugs Jónassonar sem hafði verið safnað saman af móður hans, Steinunni Sigurjónsdóttur. Í skjölum Gunnlaugs má meðal annars finna bókhaldsdgögn, bréf og námsgögn frá dvöl hans á Laugarvatni.
Handskrifuð stílabók í lélegu ástandi en kápan er rifin í tvennt án kjalar og laus frá bók og blaðsíður blettóttar en bókin er persóungreinanleg og vel læsileg
Ein handskrifuð harðspjaldabók í góðu ástandi en blaðsíður blettóttar og nokkuð um ryðguð hefti við kjöl. Bókin fjallar um aðalfundi félagsins, tekjur og gjöld, allt vel læsilegt.
Ársskýrslur og skýrslur um búfé, fóðurforða og uppskeru. Skýrslurnar eru í misgóðu ástandi þær elstu orðnar snjáðar og rifnar en skýrslur eru látar halda sér í safni eins og þær komu. Eru flokkaðar eftir ártali.
Í safninu eru bækur bæði stílabækur og innbundnar bækur, þær eru allar með línu- eða rúðustrikuðum blaðsíðum. Bækurnar eru ýmsum stærðum og gerðum. Í bækurnar eru skráðar fundagerðir, ársskýrslur, félagaskrá einnig ferðasögur skátaflokkanna. Bækurnar eru allar vel varðveittar og læsilegar og er lítið skrifað í þær flestar. Pappírsgögn sem voru í fundagerðabók (A-E) voru tekin úr bókinni og sett í sér örk (A-G). Í gögnum A-F og A-G eru persónugreinanleg gögn, arkirnar voru settar efst í öskjuna til að hægt sé að taka þau úr safninu. Í einni fundagerðabók, í örk A-F fannst mygla, bókin var hreinsuð (ryksuguð og burstuð eins og kostur var) og er hún að öðru leyti í góðu ásigkomulagi.
Skjöl sem tilheyra Halli Jónassyni frá Hátúni. Steinunn móðir Halls hélt gögnunum til haga. Í skjölunum er að finna einkunnablöð, bréf, reikninga og nótur, ásamt einni innbundinni vasabók.
Í safninu eru bókhaldsbækur, dagbókarfærslubækur, viðskiptabók, kassabók og söluyfirlit. Safnið er í góðu ásigkomulagi og vel læsilegt. Bækurnar voru í bland við aðrar í safninu en ákveðið var að halda þessum sér þó svo að önnur fylgigögn bókhalds hafi fengið að fylgja pappírsgögnum í safni B (A-F).
í þessu safni eru pappírsgögn, vélrituð, forprentuð og handskrifuð gögn á mismunandi gerð pappíra. Einnig er talsvert af prentuðum blöðum með merki og logo Bandalags íslenskra skáta (BIS). Misjafnt var hvort gögnin voru röðuð upp eftir ártali eða ekki, ákveðið var að raða þeim í ártalsröð til að koma einhverju skipulagi á það og til að auðvelda aðgengi að þeim. Mest er um fréttabréf og erindi frá BIS. Í safni B-J eru skýrslur og inntökubeiðnir skátafélagið og eru þetta persónugreinanleg gögn, þau voru sett efst til að hægt sé að taka þau frá þegar safn er fengið til lestrar. Hefti og bréfaklemmur voru hreinsaðar úr safninu, blöðin eru í mismunandi ástandi, sum rifin og gulnuð og á sumum er sýnilegir ryðblettir eftir hefti. Tvö umslög voru tekin úr safninu, búið var að klippa frímerkin úr, Inntökubeiðnir voru í plastmöppu, þau voru tekin úr möppunni og sett saman við aðrar samskonar skýrslur.
Aðalreikningabók harðspjalda handskrifuð með númeraðar blaðsíður, skráðar eru tekjur, styrkir, eignir og gjöld félagsins. Bókin í góðu ástandi og skráð er í bókin heim að blaðsíðu 49 /298. Inn í bók liggur blár pappír Ásetningaskýrsla frá 1944 sem sett er með D-a reikningum frá 1938 - 1950.
Í þessu safni er mikið af handskrifuðum og vélrituðum, formlegum og óformlegum bréfum, erindum, skýrslum og fundagerðum. Skjölin eru vel varðveitt og sum hafa rifnað. Gögn eru röðuð í ártalsröð til einföldunar, þau voru hreinsuð af bréfaklemmum og heftum.
Lítil handskrifuð, kápulaus kver í mjög viðkvæmu ástandi blöð laus, gulnuð og rifin en nokkuð vel læsileg en í kverið hafa verið rituð ljóð frá mörgum aðillum, því hér er ýmis skriftarform í gangi og ekki nöfn undir. Einnig er ritað í hana á hvolfi og allkonar upplýsingar, nöfn og tölur.
Safn með 13 sendibréfum, 7 jólakortum, 4 nafnspjöldum og einu skeyti sem Stefán Guðmundssyni (Íslandi) frændi Stefönu sendi henni á tímabilinu 1930-1965.
Hér er að finna ýmis gögn úr búi Steinunnar. Happdrættismiða fyrir sundlaug í Varmahlíð, skömmtunarmiða, jólakort, erfiljóð um Sigurð Jónsson frá Brautarholti, dagskrá frá söngskemmtunar Sigurðar Skagfield, ljóð og fleiri blaðsnepplar sem ekki er ljóst hver skrifaði. Einnig ýmislegt útgefið efni, t.d. Barnablaðið, tímaritið Landvörn, tímaritið Ægir, tímaritið Dýraverndarinn, bókaslitrur og auglýsingar.
Pappírsgögn handskrifuð um rekstrarreikninga félagsins, gögnin eru látin halda sér í uppruna eftir ártali en eru í misgóðu ástandi sum rifinn en vel læsileg. Hreinsuð af bréfaklemmum.
Í safninu eru 12 ljósmyndir af Stefáni, 1 skuggamynd og 2 myndir í myndarömmum - þær voru fjarlægðar úr römmunum. Önnur myndin var úrklippa úr blaði- eða tímariti. Hin myndin tekin á ljósmyndastofu og er (líklega) árituð af Stefáni, með dagsetningunni 5.12.1929 og er líklega tekin stuttu áður en hann fer utan til náms. Rammarnir eru varðveittir áfram í safninu. Flestar myndirnar eru af Stefáni í leikbúningum, einnig eru nokkrar ljósmyndir teknar á ljósmyndastofu. Skrifað er á bakhlið nokkurra ljósmyndanna sem allar eru varðveittar í plastvösum. Stefáni í leikbúningum, einnig eru nokkrar ljósmyndir teknar á ljósmyndastofu. Skrifað er á bakhlið nokkurra ljósmyndanna sem eru varðveittar í plastvösum.
Bréf til Steinunnar, bæði persónuleg bréfaskipti en einnig bréfaskipti er varða skiptingu á engjum á hjálegum Glaumbæjar og deilumál sem reis við þau skipti.
Gögnin innihalda þá starfsemi er var í kringum dráttavél félagsins, traktors vinnustundir, viðgerðir og reikningar. Listi yfir kaupendur Freyr, erindi og bréf o.fr. Gögnin eru í misgóðu ástandi bæði ryðblettir og blöð trosnuð og annað heillegt en gögnin eru vel læsileg.
Handskrifuð og vélrituð pappírsgögn, einnig formleg og óformleg. Félagatal, skrár yfir bókatitla og bókhaldsgögn. Gögnin eru í misgóðu ástandi en hafa varðveist ágætlega.
Í þessu safni eru innbundnar bækur sem halda utan um skráningu á skátaprófum, einnig eru pappírsgögn með staðfestingu á skátaprófi sem Franc Michelsen þreytti 1929. Safnið er í góðu ásigkomulagi og vel læsileg.
Kápulaus stílabók um lög félagsins byrjar á 5. grein. Félagaskrá og fundargerð 11. des. 1932 til 29. okt. 1933. Bókin er föst saman á heftum sem eru látin halda sér og klippt hefur verið bls úr bókinni.
Í safni þessu eru fjölmörg sendibréf og meðylgjandi umslög er bárust til Sigurbjargar á þessu tímabili. Bréfin eru frá hinum ýmsu samferðamönnum Sigurbjargar, frá Akranesi, Siglufirði, Vífilstöðum, Máná, Wiad og Sauðárkróki. Þau eru öll vel læsileg og í góðu ástandi. Í safni þessu liggja líka 3 myndir er fylgdu bréfsefni og eru látnar halda sér hjá því sendibréfi vegna uppruna.
Sendibréf og umslög er bárust til Magnúsar, bróður Sigurbjargar, frá hinum ýmsu samferðamönnum Magnúsar frá ýmsum stöðum s.s Reykjavík, Siglufirði og Viborg. Bréfin eru vel læsileg og í góðu ástandi.
Í safninu eru tvær innrammaðar ljósmyndir, bekkjarmynd Sigurbjargar (Boggu) úr Ungmennaskóla Sauðárkróks og hópmynd nemenda í bekkjarferðalagi sumarið 1932.
Harðpsjalda handskrifuð bók um bókhald, félagsmannaskrá, árgjöld og efnahagsreinkninga félagsins. Bókin er í þokkalegu ástandi en brot er á aftari kápu og los er á kili en blaðsíður eru heilar og vel læsilegar.
Ýmis skjöl er varða félagið, mjólkurskýrslur, ríkisssjóðsstyrkur og skýrsla um kynferði nyt og fóðrun kúa ásamt erindum og reikningskvittanir. Gögnin eru látin halda sér í ártalaröð eins og þau voru fyrir í safni. Gögnin eru í þokkalegur ástandi en hreinsuð af bréfaklemmum og einstaka blöð blettótt og rifin.
Skjöl Ólafs Jónassonar sem móðir hans Steinunn Sigurjónsdóttir hafði haldið til haga á heimili þeirra í Hátúni á Langholti í Skagafirði. Skjölin eru meðal annars frá grunnskólagöngu Ólafs ásamt nokkrum reikningum og nótum.
Gögn Sigurðar Jónassonar sem móðir hans Steinunn hafði safnað saman og haldið til haga eftir að Sigurður flutti að heiman. Í safninu eru bréf, námsgögn, bókhaldsgögn og minnisblöð.