Fundargerðir Skagfirðingafélagsins í Reykjavík frá upphafi, 6. desember 1936, til ársins 1960. Markmið félagsins í upphafi var að vinna að því að setja á stofn mennta- og menningarsetur við Reykjarhól í Seyluhreppi (Varmahlíð). Starfssemi félagsins verður fjölbreyttari þegar á líður. Nafn félagsins var fyrst "Varmahlíð" en var strax á 3ja fundi breytt í Skagfirðingafélagið í Reykjavík.
Nokkrar fundargerðir: Fundargerð skólanefndar frá 3.12.1978 og varðar skilgreiningu á störfum skólastjóra og gjaldkera. Fundargerð skólanefndar frá 23.02.1987 varðandi ýmis mál Fundargerð Tónlistarskóla Skagafjarðar frá 14.09.1987. Fundargerð Tónlistarskóla Skagafjarðar frá 01.11.1987. Fundargerð Tónlistarskóla Skagafjarðar frá 20.01.1990. Oddvita og skólanefndarfundur frá 15.11.1983 Endurrit úr gerðabók sýslunefndar Skagafjarðarsýslu og varðar erindi Knút H. Ólarfssonar varðandi lífeyrisréttindi. Ástand skjalanna er gott.
Harðspjalda Fundargerðabók U.M.F. Geisla. Heilleg og handskrifuð í góðu ástandi en rauðbrúnir blettir inn við kjöl á nokkrum blaðsíðum sem smita ekki frá sér.
Fundargerðabækurnar eru sex og í misjöfnu ástandi og misstórar. Þær eru frá árunum 1917 - 1984. Blöðin nokkuð trosnuð og rifin eða blöð hafa losnað. Allar handskrifaðar og eru merktar með Gjörðabók Ungmennafélags Höfðstrendinga eða Fundagerðabók U.M.F.H. Í þessum bókum eru fundirnir útlistaði og greinilegt er að miklu er áorkað til samfélagsins og mikið og gott ungmennastarf unnið.
Ljósritað hefti eða pappírsgögn með fundargerð formannafunds S.S.K. árið 2003. Eintakið var bundið í glært spjald og þykkan pappír, heft saman og límborði þar yfir það var fjarlægt. Blöðin rifnuðu hjá skjalaverði þegar efra heftið var fjarlægt, að öðru leyti hafa gögnin varðveist ágætlega og eru vel læsileg.
Þunn innbundin handskrifuð bók með línustrikuðum blöðum. Bókin geymir fundagerðir stjórnar S.S.K. og formannafunda sambandsins frá 1955 - 1982 og eru fundagerðir vel læsilegar. Bókin hefur varðveist mjög vel. Límborði er á kili bókarinnar.
