Showing 6467 results
Authority record- Person
Maggý Ingibjörg Flóventsdóttir (1910-2000)
- S01603
- Person
- 1. sept. 1910 - 28. ágúst 2000
Maggý Ingibjörg Flóventsdóttir, fæddist á Sauðárkróki, dóttir hjónanna Margrétar Jósefsdóttur og Flóvents Jóhannssonar. Hinn 2. júní 1935 giftist Maggý Sigurði Tómassyni fyrrv. kaupfélagsstjóra á Siglufirði og forstjóra í Reykjavík, þau eignuðust tvö börn. Auk heimilisstarfa vann Maggý alla tíð við fyrirtæki Sigurðar í Reykjavík.
Magna Einarsdóttir (1904-1982)
- S01153
- Person
- 27.05.1904-03.12.1982
Magna Einarsdóttir, f. á Hraunum í Fljótum 27.05.1904, d. 03.12.1982 Foreldrar: Einar Baldvin Guðmundsson (eldri) og þriðja kona hans, Dagbjört Anna Magnúsdóttur (1865-1937) á Hraunum í Fljótum. Var í Reykjavík 1910. Flutti til Danmerkur.
- S02169
- Person
- 28. sept. 1883 - 18. des. 1968
Dóttir Árna Magnússonar b. á Syðra-Mallandi á Skaga og k.h. Baldvinu Ásgrímsdóttur. Kvæntist Daníel Davíðssyni ljósmyndara. Þau bjuggu á Breiðstöðum 1910-1919, á Dalsá (þá Heiðarsel) 1920-1922, á Hróarsstöðum á Skagaströnd 1922-1924, á Neðra-Nesi á Skaga 1924-1930 og síðan á Syðri-Ey á Skagaströnd til æviloka. Magnea og Daníel eignuðust sjö börn og ólu einnig upp systurson Magneu.
Magnea Baldvinsdóttir (1897-1950)
- S001108
- Person
- 1897-1950
Foreldrar: Baldvin Ólafur Friðriksson og Margrét Magnúsdóttir í Héraðsdal. Saumakona á Sauðárkróki, ógift og barnlaus.
- S00097
- Person
- 6. okt. 1904 - 15. des. 1966
Fæddur í Reykjavík. Verslunarfulltrúi og kaupmaður í Reykjavík. Kvæntist Stefaníu Ólöfu Möller frá Sauðárkróki, þau áttu eina kjördóttur.
- S00567
- Person
- 03.09.1829 - 03.08.1916
Magnús Árnason fæddist að Egilsá í Norðurárdal í Akrahreppi 3. september 1829. Hann var bóndi á Utanverðunesi í Rípurhreppi. Kona hans var Sigurbjörg Guðmundsdóttir (1831-1919), þau eignuðust átta börn, fimm þeirra komust á legg.
- S00547
- Person
- 12.03.1902 - 24.06.1976
Magnús Árnason fæddist 12. mars 1902. Hann var sonur Árna Magnússonar og Önnu Rósu Pálsdóttur.
Hann var vinnumaður í Utanverðunesi hjá Sigurbjörgu Gunnarsdóttur og Magnúsi Gunnarssyni, og síðar ráðsmaður þar. Seinna búsettur í Reykjavík.
Kona hans var Ásta Anna Björnsdóttir Leví (1897-1977).
Magnús lést 24. júní 1976.
- S00148
- Person
- 13.03.1899-13.11.1975
Fæddur í Stóru-Gröf á Langholti. Foreldrar hans voru Bjarni Magnússon járnsmiður á Sauðárkróki og Kristín Jónsdóttir. Systir Magnúsar var Guðrún Bjarnadóttir, móðir Bjarna Haraldssonar (Bjarna Har). Magnús lauk kennaraprófi frá Kennaraskóla Íslands 1924 og starfaði sem barnakennari í Skagafjarðar- og Húnavatnssýslum næstu níu ár. 1934-1961 starfaði hann sem fastur kennari við Barnaskólann á Sauðárkróki. 1936-1946 starfaði hann einnig við unglingaskólann á Sauðárkróki. Magnús sat bæði í hreppsnefnd Sauðárkrókshrepps um tíma og í bæjarstjórn. Eins starfaði Magnús mikið fyrir Verkamannafélagið Fram á Sauðárkróki, starfaði fyrir Alþýðuflokkinn og sat í stjórn Kaupfélags Skagfirðinga 1946-1961. Magnús var ókvæntur og barnlaus.
- S03118
- Person
- 29. júní 1918 - 15. sept. 2010
Ragnar Magnús Auðunn Blöndal fæddist í Stykkishólmi hinn 29. júní 1918. Foreldrar hans voru Magnús Benedikt Blöndal Benediktsson, hreppstjóri, oddviti, hafnarstjóri og settur sýslumaður og s.k.h. Guðný Björnsdóttir. Foreldrar Magnúsar létust frá honum er hann var aðeins tveggja ára gamall og fór hann þá í fóstur til hálfsystkina sinna þeirra Þórðar og Elínar Blöndal að Sævarlandi í Laxárdal. Þau komu honum svo seinna í fóstur að Litlu-Gröf í Staðarhreppi, hjá hjónunum Arngrími Sigurðssyni og Sigríði Benediktsdóttur. ,,Magnús var trésmíðameistari á Siglufirði, byggingafulltrúi hjá Bygginganefnd ríkisins og húsameistara ríkisins í Reykjavík og síðar hjá framkvæmdadeild Innkaupastofnunar. Hann hafði fyrst og fremst eftirlit með skólabyggingum og sá um framkvæmdir við þær." Magnús kvæntist 4. júlí 1942 Ingiríði Jónasdóttur, f. 9. október 1920, frá Eiðstöðum í Blöndudal, þau eignuðust þrjú börn.
Magnús Einar Jóhannsson (1874-1923)
- S01565
- Person
- 27. júlí 1874 - 23. des. 1923
Magnús ólst upp í Arabæ hjá foreldrum sínum. Hann gekk í Latínuskólann í Rvík og lauk þaðan stúdentsprófi þaðan vorið 1898 og frá Læknaskólanum í Rvík í júní 1898. Sumarið 1897 var hann aðstoðarmaður hjá Fr. Zeuten héraðslækni á Eskifirði. Haustið 1898 var hann settur héraðslæknir í Sauðárkrókshérði til næsta vors og sat á S.króki. Árið 1899-1900 var hann skipaður héraðslæknir í Hofsóshéraði, sem þá var ný stofnað og gegndi því embætti til æviloka. Allt frá æskuárum hafði hann mikinn áhuga á leiklist, tók sjálfur þátt í leiksýningum skólapilta öll sín skólaár, og stjórnaði leiksýningum á S.króki veturinn, sem hann dvaldist þar. Lét hann sér einnig mjög annt um Lestrarfélag Hofshrepps, var í stjórn þess og annaðist bókakaup þess og bókavörslu á heimili sínu um langt árabil. Einnig annaðist hann um tíma útgáfu á handskrifuðu sveitarblaði, Höfðstrendingi, á vegum Málfundafélags staðarins og skrifaði það að miklu leyti einn. Kom hann þar á framfæri ýmsum áhugamálum sínum, sem vörðuðu hag byggðarlagsins. Árið 1916 festi hann kaup á jörðinni Hugljótsstöðum á Höfðaströnd sem hann nytjaði síðan. Magnús kvæntist Rannveigu Tómasdóttur frá Völlum í Svarfaðardal, þau eignuðust sjö börn.
Magnús Einar Svavarsson (1954-)
- S00508
- Person
- 28.10.1954
- S01536
- Person
- 17. nóv. 1951
Magnús Eiríksson fæddist 17. nóvember 1951. Foreldrar hans: Eiríkur Ásmundsson og Hulda Ingibjörg Magnúsdóttir.
Kona hans er Guðrún Ólöf Pálsdóttir (1955-), Siglufirði.
Magnús Guðmundsson (1869-1939)
- S01000
- Person
- 21.02.1869-19.12.1939
Magnús Guðmundsson, f. 21.02.1869 á Hafsteinsstöðum í Staðarhreppi, d. 19.12.1939 á Sauðárkróki. Foreldrar: Guðmundur Guðmundsson bóndi á Yzta gili í Langadal og Ingibjörg Sölvadóttir frá Steini á Reykjaströnd. Magnús fluttist frá Hafsteinsstöðum með móður sinni að Veðramóti og voru þau þar í 1-2 ár. Þaðan fór hann á Reykjum á Reykjaströnd og ólst upp til tvítugsaldurs hjá Þorleifi Jónssyni bónda þar. Um 1890 réðst hann sem verslunarmaður að Poppsverslun á Sauðárkróki. Vann þar við afgreiðslu- og skrifstofustörf til 1910, er hann fluttist ásamt fjölskyldu sinni til Þingeyrar. Þar gerðist hann verkstjóri við fiskverslun hjá svokölluðu Milljónafélagi og starfaði þar til 1914. Þá fluttist hann ásamt fjölskyldu sinni til Sauðárkróks og setti þar á stofn verslun sem hann rak til 1919. Eftir það gerðist hann verslunar- og skipafgreiðslumaður hjá Kristjáni Gíslasyni kaupmanni. Vann þar til 1931 en eftir það við verkstjórn og fleira. Tók þátt í ýmsum félagsmálum, sat m.a. í hreppsnefnd Sauðárkróks eitt kjörtímabil og tók þátt í að eindurreisa Verkmannafélagið Fram.
Maki: Hildur Margrét Pétursdóttir Eriksen, f. 27.05.1872. Þau eignuðust 4 börn og ólu auk þess upp Pálu Sveinsdóttur og Magnús Guðmundsson, dótturson sinn.
Magnús Guðmundsson (1879-1937)
- S00650
- Person
- 06.02.1879-28.11.1937
Magnús Guðmundsson var fæddur á Rútsstöðum í Svínadal. Magnús lauk stúdentspróf Lsk. 1902. Lögfræðipróf Hafnarháskóla 1907. Hrl. 1923. ,,Var aðstoðarmaður í atvinnu- og samgöngumálaráðuneytinu 1907–1912 (1. janúar—31. mars 1909 vann hann þó í dóms- og kirkjumálaráðuneytinu). Jafnframt fulltrúi hjá Eggert Claessen yfirréttarmálaflutningsmanni og málaflutningsmaður Landsbankans. Skipaður 1912 til þess að takast á hendur rannsókn á gjaldkeramáli Landsbankans. Sýslumaður í Skagafjarðarsýslu 1912–1918, sat á Sauðárkróki. Skipaður 1918 skrifstofustjóri í fjármálaráðuneytinu. Skipaður 25. febrúar 1920 fjármálaráðherra og 2. febrúar 1922 jafnframt atvinnu- og samgöngumálaráðherra eftir lát Péturs Jónssonar (20. janúar 1922), lausn 2. mars 1922, en gegndi störfum áfram til 7. mars. Málaflutningsmaður í Reykjavík 1922–1924, 1927–1932 og frá 1934 til æviloka. Skipaður 22. mars 1924 atvinnu- og samgöngumálaráðherra, jafnframt forsætis-, dóms- og kirkjumálaráðherra eftir lát Jóns Magnússonar (23. júní 1926) til 8. júlí 1926, en þá tók Jón Þorláksson fjármálaráðherra við störfum forsætisráðherra. Skipaður 8. júlí 1926 atvinnu- og samgöngumálaráðherra og jafnframt dóms- og kirkjumálaráðherra, lausn 28. júlí 1927, en gegndi störfum áfram til 28. ágúst. Skipaður 3. júní 1932 dómsmálaráðherra, lausn 11. nóvember, en skipaður að nýju 23. desember 1932, lausn 16. nóvember 1933, en gegndi störfum áfram til 28. júlí 1934."
,,Í miðstjórn Íhaldsflokksins frá stofnun hans 1924 og síðan í miðstjórn Sjálfstæðisflokksins, framkvæmdastjóri Sjálfstæðisflokksins um skeið. Yfirskoðunarmaður landsreikninganna 1922 og 1928–1929. Stofnandi vikublaðsins Varðar 1923. Sat í Þingvallanefnd frá 1928, landsbankanefnd frá 1928, dansk-íslensku ráðgjafarnefndinni frá 1934 og í stjórn kreppulánasjóðs bæjar- og sveitarfélaga frá 1936, allra til æviloka. Sat og um skeið í stjórnarnefnd vátryggingarsjóðs sjómanna. Skipaður 1929 í milliþinganefnd um tolla- og skattalöggjöf, 1936 í milliþinganefnd til að undirbúa löggjöf um tekjustofna bæjar- og sveitarfélaga. Kosinn 1937 í milliþinganefnd í bankamálum."
Alþingismaður Skagfirðinga 1916–1937, landskjörinn alþingismaður (Skagfirðinga) 1937 (utan flokka, Utanflokkabandalagið, Sparnaðarbandalagið, Borgaraflokkurinn eldri, Íhaldsflokkurinn, Sjálfstæðisflokkur).
Fjármálaráðherra 1920–1922, atvinnumálaráðherra 1924–1927, dómsmálaráðherra 1932–1934.
- varaforseti neðri deildar 1918–1920 og 1924, 1. varaforseti sameinaðs þings 1937.
Magnús Guðmundsson (1920-1941)
- S00937
- Person
- 01.03.1920-30.11.1941
Foreldrar: Guðmundur Guðni Kristjánsson og Lára Ingibjörg Magnúsdóttir. Magnús var bifreiðastjóri á Sauðárkróki.
- S00446
- Person
- 01.01.1887 - 10.07.1955
Magnús Gunnarsson fæddist í Vík í Staðarhreppi 1. janúar 1887. Hann var sonur Gunnars Ólafssonar og Sigurlaugar Magnúsdóttur.
Magnús var bóndi í Utanverðunesi í Rípurhreppi, Skagafirði 1914-1955 og hreppstjóri þar 1942-1955.
Systir hans, Sigurbjörg var ráðskona hjá honum og sinnti einnig bústörfum.
Ókvæntur og barnslaus.
Magnús lést í Utanverðunesi 10. júlí 1955.
Magnús Gunnlaugur Jóhannesson (1968-)
- S03455
- Person
- 11.04.1968-
Magnús Gunnlaugur Jóhannesson, f. 11.04.1968. Foreldrar: Jóhannes Sigmundsson bóndi í Brekkukoti og kona hans Halldóra Kristín Guðrun Magnúsdóttir.
Bifvélavirki á Sauðárkróki.
Magnús Halldór Gíslason (1866-1952)
- S01475
- Person
- 26. maí 1866 - 25. sept. 1952
Magnús Halldór Gíslason, bóndi og hreppstjóri Frostastöðum í Blönduhlíð. Foreldrar: Gísli Þorláksson (1843-1903), bóndi á Ystu-Grund og k.h. Sigríður Magnúsdóttir (1837-1926). Magnús ólst upp með foreldrum sínum á Ystu-Grund og Hjaltastöðum. Árið 1888 fluttust þau að Frostastöðum. Magnús gerðist snemma fjáraflamaður og tók að kaupa jarðir og var um langan tíma einn af mestu jarðeignamönnum í Skagafirði. Magnús tók við búi á Frostastöðum við fráfall föður síns. Hann var talinn bæði framkvæmdaglaður og nýungagjarn bóndi. Við lát hans var svo að orði komist í eftirmælum, að hann hefði verið einhver mesti bústólpi á Norðurlandi ...,,Fyrir þetta brautryðjendastarf var hann sæmdur heiðursverðlaunum úr styrktarsjóði Kristjáns IX árið 1909." Magnús sat í hreppsnefnd Akrahrepps í mörg ár og var hreppstjóri 1903-1929. Árið 1929 hætti Magnús búskap og fluttist til Gísla sonar síns í Eyhildarholti þar sem hann átti lengst af heimili síðan. Magnús giftist Kristínu Guðmundsdóttur (1862-1955), þau eignuðust tvö börn.
Magnús Halldór Gíslason (1918-2013)
- S00025
- Person
- 23.03.1918-03.02.2013
Magnús Halldór Gíslason (Abbi) var fæddur á Frostastöðum í Akrahreppi í Skagafirði þann 23. mars 1918. Hann var bóndi á Frostastöðum í Akrahreppi og síðar blaðamaður í Reykjavík, síðast búsettur á Frostastöðum. Magnús var varaþingmaður og sat um tíma á þingi. Kona hans var Jóhanna Guðný Þórarinsdóttir (f. 1921-2018).
Magnús lést á Sauðárkróki 3. febrúar 2013.
Magnús Halldórsson (1891-1932)
- S01049
- Person
- 30.05.1891-13.12.1932
Foreldrar: Halldór Þorleifsson járnsmiður og k.h. Sigríður Magnúsdóttir. Magnús ólst upp hjá foreldrum sínum á Ystu-Grund, síðan Löngumýri í Vallhólmi og Þverá í Blönduhlíð. Fjölskyldan flutti til Sauðárkróks þegar Magnús var sjö ára gamall og bjó þar upp frá því. Magnús lærði skósmíði hjá Halldóri Halldórssyni en vann lítið sem ekkert við þá iðn því hann hóf kúabúskap í svokölluðu Spítalafjósi sem rekið var fyrir sjúkrahúsið. Kvæntist Hólmfríði Elínu Helgadóttur frá Ánastöðum, þau eignuðust sex börn.
Magnús Halldórsson Magnússon (1932-2015)
- S01637
- Person
- 6. nóv. 1932 - 4. jan. 2015
Magnús H. Magnússon fæddist á Sauðárkróki 6. nóvember 1932. Foreldrar hans voru Hólmfríður Elín Helgadóttir og Magnús Halldórsson. ,,Magnús lærði bifvélavirkjun við Iðnskóla Sauðárkróks, fékk síðar meistararéttindi í bifvélavirkjun 14. október 1959. Hann vann fyrst um sinn hjá Kaupfélagi Skagfirðinga. Flutti suður 1958, hóf störf hjá Vélsmiðju Hafnarfjarðar. Stofnaði síðan eigin rekstur 1969 til 1982. Þaðan fór hann til Ofnasmiðjunnar og endaði síðan starfsferil sinn hjá Olíudreifingu. Magnús var virkur þátttakandi í karlakórnum Þröstum frá árinu 1959." Hinn 14. janúar 1961 gekk Magnús að eiga Sigríði Bjarnadóttur úr Hafnarfirði, þau eignuðust fjögur börn.
Magnús Heiðar Sigurjónsson (1929-2020)
- S01825
- Person
- 24. júlí 1929 - 21. jan. 2020
Magnús fæddist 24. júlí 1929 í Árnesi í Lýtingsstaðahreppi í Skagafirði, sonur hjónanna Sigurjóns Helgasonar og Margrétar Magnúsdóttur. ,,Hann ólst upp í foreldrahúsum, fyrst í Árnesi og síðar á Nautabúi. Hann lauk verslunarprófi frá Samvinnuskólanum í Reykjavík og námi við bændadeild Bændaskólans á Hólum. Magnús starfaði hjá Kaupfélagi Skagfirðinga, fyrst við skrifstofustörf og síðar verslunarstörf, varð deildarstjóri byggingavörudeildar félagsins þegar hún var stofnuð 1957 og síðan verslunarstjóri Skagfirðingabúðar þegar hún tók til starfa árið 1983 og fram að 100 ára afmæli kaupfélagsins 1989. Eftir það tók Magnús við starfi framkvæmdastjóra Héraðsnefndar Skagfirðinga sem þá var nýlega stofnuð. Gegndi hann því starfi þar til sveitarfélagið Skagafjörður var stofnað laust fyrir síðustu aldamót. Magnús tók þátt í stjórnmálum og sat um 12 ára skeið í bæjarstjórn Sauðárkróks og var forseti bæjarstjórnar um tíma." Eiginkona Magnúsar var Kristbjörg Guðbrandsdóttir, f. 15. júní 1934, d. 3. desember 2009, þau eignuðust þrjú börn.
Magnús Helgi Helgason (1896-1979)
- S00021
- Person
- 21.12.1896-31.12.1979
Magnús Helgi Helgason var fæddur á Ánastöðum í Svartárdal, Skagafirði, 21. desember 1896. Magnús var bóndi í Kolgröf á Efribyggð og í Héraðsdal í Tungusveit í Skagafirði. Hann var síðast búsettur á Sauðárkróki. Kona hans var Jónína María Ingibjörg Guðmundsdóttir (1893-1988).
Magnús lést á Sauðárkróki 31. desember 1979.
- Person
Magnús Hofdal Hartmannsson (1910-1985)
- S01951
- Person
- 9. apríl 1910 - 18. jan. 1985
Foreldrar: Hartmann Magnússon b. á Melstað og k.h. Gunnlaug Pálsdóttir. Veturinn 1930-1931 var Magnús við nám í unglingadeild Hólaskóla. Bóndi í Brekkukoti 1931-1985. Magnús tók virkan þátt í félagsmálum, var formaður ungmennafélagsins Geisla (nú Neista) 1935-1942 og 1951-1962, einnig sat hann lengi í stjórn lestrarfélagsins. Magnús var mikill dansmaður og stjórnaði löngum gömlu dönsunum í Hlíðarhúsinu. Meðfram búskap stundaði hann vor- og haustvertíðir á mótorbátnum Leifi. Kvæntist Sigurbjörgu Halldórsdóttur frá Brekkukoti, þau eignuðust fjögur börn og tóku einn fósturson.
Magnús Jakob Jónsson (1919-1984)
- S01670
- Person
- 7. sept. 1919 - 13. jan. 1984
Fæddur á Torfmýri í Akrahreppi 7. september 1919. Foreldrar: Jón Eyþór Jónasson bóndi á Torfmýri, síðar á Mel í Staðarhreppi og kona hans Ingibjörg Magnúsdóttir. Magnús lauk stúdentsprófi frá MA 1940. Lögfræðipróf HÍ 1946. Hdl. 1947. Alþingismaður og ráðherra. Kvæntist Ingibjörgu Magnúsdóttur frá Miklaholti í Miklaholtshreppi.
Magnús Jóhannesson (1933-1986)
- S02185
- Person
- 28. okt. 1933 - 23. ágúst 1986
Sonur Jóhannesar Skúlasonar og k.h. Sigurlaugar Jónsdóttur sem lengst bjuggu á Geirmundarhóli í Hrolleifsdal. Magnús var lengst af vinnumaður í Brautarholti á Langholti, síðast til heimilis að Ytri-Brekkum í Blönduhlíð. Ógiftur og barnlaus.
- S03480
- Person
- 15.08.1889-
Magnús Jónasson, f. 15.08.1889, dánardagur óviss.
Foreldrar: Jónas Hallgrímsson og Þórey Magnúsdóttir á Fremri-Kotum. Magnús kvæntist Margrétu Jóhnson sem var norsk í föðurætt. Fluttist til Vesturheims.
Magnús Jónatansson (1899-1980)
- S01313
- Person
- 10.07.1899-08.02.1980
Sonur Jónatans Stefánssonar b. á Ölduhrygg í Svartárdal og k.h. Guðríðar Ólafsdóttur. Verkamaður á Sauðárkróki.
- S01189
- Person
- 28.04.1849-22.06.1915
Foreldrar: Jón Ásmundsson b. á Írafelli og k.h. Ingigerður Magnúsdóttir. Bóndi á Ánastöðum 1881-1883 og í Gilhaga 1883-1911 og átti heima þar til æviloka. Kvæntist Helgu Indriðadóttur, þau eignuðust tíu börn saman, Magnús átti tvo syni utan hjónabands.
- S00641
- Person
- 26.11.1887-10.04.1958
,,Magnús Jónsson fæddist að Hvammi í Norðurárdal 26. nóvember 1887, sonur Jóns Ólafs Magnússonar prests og konu hans, Steinunnar Guðrúnar Þorsteinsdóttur. Hann fluttist barnungur með foreldrum sínum norður til Skagafjarðar og ólst þar upp á Mælifelli og síðar á Ríp. Ungur var hann settur til mennta, lauk stúdentsprófi 1907 og guðfræðiprófi við prestaskólann 1911. Hann þjónaði Tjaldbúðarsöfnuði í Winnipeg síðari hluta árs 1911, var prestur Garða- og Þingvallasafnaða í Norður-Dakota í Bandaríkjunum 1912–1915, en fluttist þá heim til Íslands og var prestur á Ísafirði 1915–1917. Árið 1917 var hann skipaður dósent við guðfræðideild Háskóla Íslands, varð prófessor í guðfræðideild 1928, var atvinnumálaráðherra um átta mánaða skeið á árinu 1942, en gegndi síðan kennslustörfum við guðfræðideildina á ný til ársins 1947, er hann var skipaður formaður fjárhagsráðs, sem þá var sett á stofn. Gegndi hann þeim störfum til ársins 1953, er fjárhagsráð var lagt niður, en lausn frá prófessorsembætti hafði hann fengið á árinu 1952. Síðustu ár ævinnar fékkst hann við ritstörf og sinnti öðrum hugðarefnum sínum. Hér hefur verið rakinn embættisferill Magnúsar Jónssonar, en jafnframt embætti sínu gegndi hann einatt fjölþættum störfum á öðrum sviðum. Hann var bæjarfulltrúi á Ísafirði 1915–1917, þingmaður Reykvíkinga 1921–1946, sat á 32 þingum alls, var yfirskoðunarmaður landsreikninga 1923–1925 og 1932–1937. Hann átti sæti í Grænlandsnefnd 1925, í milliþinganefnd í bankamálum 1925–1926, í alþingishátíðarnefnd 1926–1930, í bankaráði Landsbankans 1927–1928 og 1930–1957, var formaður þess 1946–1957, Í dansk-íslenzkri ráðgjafarnefnd átti hann sæti frá 1935 og þar til hún var lögð niður, í milliþinganefnd í skattamálum árin 1938–1939, í orðunefnd 1939–1942, í útvarpsráði 1942–1956, formaður þess 1945–1946 og 1953–1956. Hann átti sæti í skólanefnd barnaskóla á Ísafirði og í Reykjavík, var í skólaráði verzlunarskólans og tónlistarskólans. Í félagsmálum vann hann mikið starf, var í stjórn Prestafélags Íslands, Sögufélagsins, Listvinafélags Íslands og Skagfirðingafélagsins og átti lengi sæti í miðstjórn Sjálfstæðisflokksins. Hann var ritstjóri Eimreiðarinnar 1918–1923, Iðunnar 1923–1926, Stefnis 1929–1934 og Kirkjuritsins 1940–1948 og 1954–1955. Hann var kjörinn heiðursdoktor í guðfræði við háskólann í Tartu í Eistlandi árið 1932."
- S00151
- Person
- 27.07.1925-01.08.1993
Magnús Jónsson var fæddur á Sauðárkróki 27. júlí 1925, þriðja barn þeirra hjóna Jóns Björnssonar og Unnar Magnúsdóttur. Hann ólst upp á Aðalgötu 17, þar sem hann bjó einnig síðustu árin ásamt eiginkonu sinni, Kristínu Helgadóttur. Magnús og Kristín hófu búskap sinn á Sauðárkróki árið 1947, þar sem þau bjuggu fram til 1968. Þeim fæddust fimm börn. Magnús vann við ýmiss konar störf, meðal annars hafnargerð, símalagnir, verslunarstörf og smíðar.
- S01892
- Person
- 18. nóv. 1938 - 2. des. 1979
Magnús Jónsson fæddist 18. nóvember 1938. Hann var sonur Ragnheiðar Möller og Jóns Magnússonar fréttastjóra. Hann var leikstjóri, leikritaskáld og sálfræðingur. Eftir stúdentspróf árið 1958 stundaði Magnús nám í kvikmyndagerð í Moskvu og lauk kvikmyndastjórn árið 1964. Er hann kom aftur heim til Íslands, stundaði hann leikstjórn og var hann tvö ár leikhússtjóri á Akureyri. Magnús samdi nokkur leikrit og gerði kvikmyndir. Hann hóf nám við sálarfræði við Háskóla Íslands og lauk þaðan prófi og var að ljúka framhaldsnámi í sálarfræði í Carbondale, Illinois í Bandaríkjunum er hann lést. Magnús Jónsson var tvíkvæntur. Fyrri kona hans var Kuregei Alexandra frá Jakútíu í Sovétríkjunum og áttu þau 4 börn.
Síðari kona hans er Renata Kristjánsdóttir.
Magnús Jónsson Fjalli (1851-1942)
- S03647
- Person
- 17.07.1851-31.03.1942
Magnús fæddist árið 17. júlí árið 1851 að Hóli í Sæmundarhlíð. Foreldrar: Jón Jónsson, hreppstjóri og bóndi að Hóli og Sigríður Magnúsdóttir, húsfreyja að Hóli. "Magnús ólst upp hjá foreldrum sínum og vann búi þeirra á Hóli til 1874, var í húsmennsku hjá tengdamóður sinni á Fjalli 1874-77, en tók þá við ábúð á jörðunni. Bjó á Fjalli 1877-87. Brá þá búi og fór vestur um haf. Nam land í Víðirnesbyggð í Nýja Íslandi, byggði þar nýbýlið Hjarðarholt og bjó þar 1887-91, en nam þá land í Hólabyggð í Assinibonedal í Manitoba, um tólf mílu norðaustur af Glenboro, og bjóð þar 1891-1902. Þaðan fluttist hann til Blaine og bjó þar 1902-17, var hjá Jóni sýni sínm í New Westminster í Bresku Columbiu 1917-27, en fór þá aftur til Blaine og átti þar heima til æviloka." (Skagf. æviskrár V, 245).
Kvæntist Margréti Unu Grímsdóttur (1848-1934) árið 1874 en Margrét var frá Fjalli í Sæmundarhlíð.
Saman áttu þau fimm börn, tvö þeirra komust á legg.
Magnús Kolbeinsson (1921-2005)
- S02425
- Person
- 14. júlí 1921 - 5. des. 2005
Magnús fæddist á Þorvaldsstöðum í Hvítársíðu 14. júlí 1921. Foreldrar hans voru Kolbeinn Guðmundsson bóndi og járnsmiður og kona hans Helga Jónsdóttir húsfreyja. Magnús átti heima á Þorvaldsstöðum fyrstu þrjú árin, en flutti þá með fjölskydu sinni að Stóra - Ási og bjó hann þar æ síðan. Magnús stundaði nám við Flensborgarskóla og lauk þaðan gagnfræðaprófi 1946. Hann hóf búskap á Stóra-Ási árið 1954. Hinn 24. júní 1955 kvæntist Magnús Þórunni Andrésdóttur, þau eignuðust fjögur börn. Magnús gegndi fjölmörgum trúnaðar- og félagsstöfum í sinni sveit og sat m.a. í hreppsnefnd Hálsahrepps og var oddviti frá 1956 til 1982. Hann var einn stofnenda karlakórsins Söngbræðra. Magnús fékkst við ritstörf eftir að hann hætti búskap, gaf út bókina Engjafang sem eru endurminningar og lýsing á mönnum og mannlífi í heimabyggð hans.
- S00793
- Person
- 1. apríl 1898 - 23. jan. 1986
Sonur Konráðs Magnússonar og Ingibjargar Hjálmsdóttur á Syðra-Vatni. Fluttist með móður sinni að Blönduósi 1911. Verkfræðingur í Reykjavík 1945. Síðast bús. í Reykjavík. Kvæntist Eyþóru Sigurjónsdóttur.
Magnús Kristján Gíslason (1897-1977)
- S02791
- Person
- 31. mars 1897 - 25. mars 1977
Magnús Kristján Gíslason, f. 31.03.1897 á Stóru-Ökrum í Blönduhlíð. Foreldrar: Gísli Sigurjón Björnsson og kona hans Þrúður Jónína Árnadóttir. Magnús ólst upp með foreldrum sínum, sem þá bjuggu á hálfum Stóru-Ökrum. Tvo vetrarparta var hann við nám á Frostastöðum hjá Gísla Magnússyni frænda sínum og síðar varð hann búfræðingur frá Hólum vorið 1918. Gísli faðir hans var leiguliði á Ökrum en keypti Vagla í Blönduhlíð 1914 og fluttu þeir feðgar þangað 1918. Magnús tók við búinu 1921 og bjó svo á Vöglum allan sinn búskap eða til 1977, síðast ásamt Gísla syni sínum. Magnús var skáldmæltur og orti m.a. textann alkunna Undir bláhimni. Hann var virkur í félagslífi sveitarinnar og sat í hreppsnefnd um skeið.
Maki: Ingibjörg Stefánsdóttir, f. 14.4.1898 á Svaðastöðum. Þau eignuðust einn son, Gísla.
Magnús Laxdal Guðvarðsson (1893-1922)
- S03067
- Person
- 6. júlí 1893 - 25. júní 1922
Foreldrar: Guðvarður Magnússon b. á Hafragili í Laxárdal ytri og k.h. Ingibjörg Gunnarsdóttir. Magnús kvæntist Fanneyju Áslaugu Gunnarsdóttur frá Selnesi, þau bjuggu á Hafragili, þau eignuðust ekki börn. Magnús lést aðeins 29 ára gamall.
- S0
- Person
- 17.10.1904-03.03.1964
Magnús var skósmiður ókvæntur og barnlaus.
- S01876
- Person
- 19.08.1952-
Sonur Dóru Ingibjargar Magnúsdóttur og Rögnvaldar Ólafssonar hárskera á Sauðárkróki. Kvæntist Sigríði Valgarðsdóttur, f. 3. mars 1954, þau eiga þrjú börn.
- Person
Magnús Sigmundsson (1891-1952)
- S00039
- Person
- 14.11.1891-28.05.1952
Magnús Sigmundsson var fæddur á Írafelli í Svartárdal, Skagafirði 14. nóvember 1891. Hann var bóndi á Vindheimum í Lýtingsstaðahreppi, Skagafirði. Kona hans var Anna Sigríður Jóhannesdóttir (1900-1985). Magnús lést á Sauðárkróki 28. maí 1952.
Magnús Sigurbjörn Ásgrímsson (1888-1963)
- S01849
- Person
- 10. sept. 1888 - 14. júlí 1963
Foreldrar: Ásgrímur Björnsson b. í Hólakoti í Austur-Fljótum og k.h. María Stefanía Eiríksdóttir. Magnús fór í hákarlalegur strax og aldur leyfði og var samskipa föður sínum á Fljótavíkingi 1904 þegar Ásgrímur féll fyrir borð og drukknaði. Hann var í vinnumennsku í Stóra-Holti í Fljótum um hríð, réðst þaðan til Héðinsfjarðar og var síðan um skeið á Siglufirði. Fluttist árið 1912 í Skagafjörð og kvæntist Elísabetu Evertsdóttur árið 1914. Bóndi í Miklagarði á Langholti 1917-1918, á Rein í Hegranesi 1920-1921 og 1923-1931, í Vatnskoti í Hegranesi 1931-1935. Eftir það á Sauðárkróki til 1952 er þau hjónin fluttust að Kúskerpi í Blönduhlíð til dóttur sinnar og bjuggu þar síðan. Á Sauðárkróki vann Magnús við fiskvinnslu og aðra daglaunavinnu sem til féll. Magnús og Elísabet eignuðust tvö börn.
- S01598
- Person
- 17. sept. 1908 - 10. sept. 1985
Foreldrar hans voru hjónin Sigurður Helgason bóndi í Torfgarði á Langholti og Helga Magnúsdóttir. Verkamaður í Reykjavík.
- S02404
- Person
- 27. sept. 1924 - 6. júní 2009
Magnús fæddist á Gilsbakka í Hvítársíðu, ólst þar upp og bjó þar æ síðan. Hann lauk stúdentsprófi frá MR 1946, en vann að bústörfum alla tíð; var bóndi á Gilsbakka 1956-1997. Gegndi mörgum trúnaðarsörfum fyrir sveit sína og átti lengi sæti í hreppsnefnd og stjórn Kaupfélags Borgfirðinga og var formaður við Sparisjóðs Mýrasýslu. Hann starfaði einnig mikið að félags- og hagsmunamálum bænda og sat m.a. í stjórn Búnaðarsambands Íslands og Stéttarfélags bænda. Magnús kvæntist Ragnheiði Kristófersdóttur frá Kalmanstungu. Þau eignuðust fimm börn.
Magnús Þórarinn Jóhannsson (1921-1947)
- S00931
- Person
- 28. júní 1921 - 27. ágúst 1947
Var á Fagurhóli, Ólafsvíkursókn, Snæf. 1930. Ókvæntur og barnlaus. Drukknaði.
Magnús Þórir Jónasson (1921-2002)
- S02075
- Person
- 11. maí 1921 - 21. maí 2002
Magnús Þórir Jónasson fæddist á Hellu í Akrahreppi. Foreldrar hans voru Jónas Kristjánsson, f. á Þverbrekku í Öxnadal, og Stefanía Sigurðardóttir, f. í Flugumýrarhvammi í Blönduhlíð. ,,Magnús flutti fimm ára með foreldrum sínum til Sauðárkróks og gekk í skóla þar. Hann vann mörg ár við vitabyggingar víðsvegar um landið og síðar hjá Kaupfélagi Skagfirðinga, m.a. við trésmíðar. Magnús kvæntist árið 1960, Þóreyju Guðmundsdóttur frá Ytri-Ánastöðum á Vatnsnesi, þau eignuðust eina dóttur."