Showing 5156 results

Authority record

Arnljótur Jón Kristjánsson

  • S00990
  • Person
  • 10.02.1887-14.03.1928

Arnljótur var annar í aldurröð sex barna sem til þroska komust. Hann ólst upp hjá móður sinni en faðir hans dó þegar hann var átta ára. Arnljóur stóð síðan fyrir búi móður sinnar, þar til hann hóf sjálfstðan búskap í Efra-Lýtingsstaðakoti í Tungusveit ásamt Sigurbjörgu konu sinni. Er þau brugu búi á Hafgrímsstöðum 1921, fluttust þau til Sauðárkróks, þar sem Arnljótur stundaði daglauna vinnu í fyrstu, Hann gekk ekki heill til skógar, og mun Jónas Kristjánsson læknir hafa komið því til leiðar að Arnljótur fékk gæslu eða umsjónarstarf á við Sjúkrahúsið og starfaði hann síðan sem sjúkrahússráðsmaður til dánardags en hann lést 41 árs gamall.

Arnór

  • Person

Arnór Egilsson (1856-1900)

  • S00372
  • Person
  • 04.08.1856-04.05.1900

Ljósmyndari í Húnavatnssýslu frá miðju árið 1883-1899, fór á Akureyri og var ljósmyndari þar í eitt ár eða til ársins 1900.

,,Arnór Egilsson fæddist á Holtastöðum í Langadal í Húnavatnssýslu 4. ágúst 1856. Faðir hans var Egill Halldórsson (1819-1894) bóndi og smiður á Reykjum á Reykjabraut og móðir Sigurveig Jóhannesdóttir (1832-1899) húsfreyja frá Laxamýri. Sigurveig var fyrri kona Egils. Þau skildu en hún giftist síðar Þorsteini Snorrasyni bónda síðast í Brekknakoti í Reykjahverfi S-Þing. Síðustu ár sín bjó hún í Argyle byggð í Kanada og lést þar. Arnór ólst upp hjá foreldrum sínum og á Hjaltabakka hjá sr. Páli Sigurðssyni. Þótti hann snemma efnilegur og listfengur. Um tvítugsaldur vann hann við verslunarstörf á Blönduósi en sigldi síðan til Kaupmannahafnar að læra ljósmyndun. Árið 1882 kvæntist hann Valgerði Ólafsdóttur frá Leysingjastöðum og hófu þau búskap á Blönduósi. Þar stundaði Arnór veitingasölu í Vertshúsinu en rak með ljósmyndastofu. Byggði hann viðbyggingu við Vertshúsið árið 1884 sérstakt hús til myndatökunnar og starfaði þar til ársins 1885. Tengdafaðir Arnórs bjó á Hæli í Torfalækjarhreppi síðustu búskaparár sín, en árið 1885 lést hann og Arnór flutti sig um set ásamt Valgerði konu sinni og tók við búi að Hæli. Mun nær útilokað að hafa lifibrauð af ljósmyndatökum, þó veitingasala bættist þar við. Það áttu margir frumkvöðlar ljósmyndunar á Íslandi eftir að reyna og því í raun einsýnt fyrir Arnór að hefja hefðbundin búskap.[1] Á Hæli bjó Arnór til 1890. Árið 1891 var hann á Stóru-Giljá í Þingi, en keypti síðan Bjarnastaði í Vatnsdal og bjó þar ásamt fjölskyldu sinni frá 1892-1899. Allan þann tíma hélt Arnór áfram að taka ljósmyndir af miklum krafti. Vorið 1899 vatt hann sínu kvæði í kross og ákvað að reyna enn á ný að hafa atvinnu af ljósmyndun. Keypti hann þá ljósmyndastofu Önnu Schiöth á Akureyri ásamt öllum tækjum og myndplötusafni. Í auglýsingu í blaðinu Stefni í júnímánuði tilkynnti Arnór að hann hefði nú tekið yfir rekstur Önnu og bauð bæjarbúum að láta taka af sér góðar og vandaðar ljósmyndir, svo notuð séu hans orð. Arnór fullyrti einnig að almennt væri viðurkennt að hans myndir tækju öðrum íslenskum ljósmyndum fram.[2] Akureyringar nutu hæfileika Arnórs þó í stuttan tíma. Þrátt fyrir ungan aldur veiktist hann af krabbameini og var mjög veikur veturinn 1899-1900. Hann lést á vordögum, 4. maí 1900 frá konu og þremur ungum börnum aðeins 44 ára gamall.[3] Þrátt fyrir að glerplötur Arnórs hafi nær allar eyðilagst er varðveitt talsvert magn af pappírseftirtökum í ýmsum söfnum og gefa þær nokkra yfirsýn yfir starf hans. Arnór virðist, eins og flestir ljósmyndarar, hafa gætt þess lengst af að merkja sér myndirnar. Þó er ólíklegt að svo hafi verið í fyrstu. ÁletruninArnór Egilsson Blönduósi er sýnileg á allmörgum ljósmyndum, sem og áletrunin Arnór Egilsson Ísland, en báðar eru þær frá fyrstu árum Arnórs sem ljósmyndara, en eins og áður sagði eru elstu myndirnar líklega ekki áritaðar. Áritanir frá Hæli og Bjarnastöðum er mun fleiri. Þá má geta þess að örfáar myndir eru til með áletruninni Arnór Árnason Gilá, þar sem hann var í eitt ár eins og að framan sagði. Flestar ljósmyndir Arnórs voru svokallaðar visit myndir. Hétu þær þessu nafni þar sem þær voru svipaðar á stærð og heimsóknarspjöld, visitcards, sem velþekkt voru á betri heimilum víða um heim. Myndir í cabinet stærð voru mun fátíðari. Eins og flestir ljósmyndarar var starfsemi þeirra að mestu leyti bundin við ljósmyndastofur, þar sem hægt var að koma við þokkalegri lýsingu. Á þeirri myndatöku höfðu ljósmyndararnir lifibrauð sitt. Hins vegar áttu þeir einnig til að taka útimyndir og mannlífsmyndir, þótt slíkt væri fremur til gamans en til gróða. Þó munu einhverjir hafa keypt slíkar myndir til að hafa uppi við á heimilum sínum. Arnór stundaði slíka myndatöku í nokkru mæli. Varðveist hafa allmargar myndir frá Blönduósi, teknar af Arnóri við upphaf byggðar þar. Leiða má líkum að því að Arnór hafi farið í ljósmyndaferð til Skagafjarðar árið 1888, hugsanlega í boði Ludvigs Popp kaupmanns og fleiri ríkismanna í Skagafirði. Í þeirri ferð tók að þvi er virðist allmargar þekktar ljósmyndir, þar á meðal elstu yfirlitsmyndina, sem er þekkt af Sauðárkróki."

Arnór Sigurðsson (1919-1998)

  • S00920
  • Person
  • 01.03.1919-14.11-1998

Sýsluskrifari og verslunarmaður á Sauðárkróki. Var á Sauðárkróki 1930. Síðast bús. í Kópavogi.

Arnór Árnason (1860-1938)

  • S02942
  • Person
  • 16.02.1860-24.04.1938

Arnór Árnason, f. 16.02.1860 í Höfnum á Skaga, d. 24.04.1938 á Sauðárkróki. Foreldrar: Árni Sigurðsson bóndi í Höfnum og fyrra kona hans Margrét Guðmundsdóttir. Arnór ólst upp með foreldrum sínum í Höfnum. Varð stúdent 1884, cand theol. 1886. Kennari við unglingaskóla á Þingvöllum veturinn 1883-1884. Veitt Tröllatunguprestakall 1886 en sat að felli í Kollafirði. Fékk lausn frá embætti 1904. Bóndi að Ballará á Skarðsströnd 1904-1907. Veittur Hvammur í Laxárdal 1907. Fékk lausn frá embætti 1935. Dvaldist á Fossi á Skaga 1935-1938. Arnór gegndi mörgum trúnaðarstörfum og hafði m.a. afskipti af verslunarsamtökum bænda.
Maki 1: Stefanía Sigríður Stefánsdóttir (10.12.1857-07.06.1893). Þau eignuðust 4 börn.
Maki 2: Ragnheiður Eggertsdóttir (28.09.1862-01.01.1937). Þau eignuðust 5 börn.

Atelier Hix

  • S01811
  • Privat company
  • ?

Ljósmyndastofa í Danmörku

Auðbjörg Sigríður Albertsdóttir (1908-1994)

  • S02870
  • Person
  • 27.09.1908-13.09.1994

Auðbjörg Sigríður Albertsdóttír f. 27.09.1908 í Neðstabæ í A-Húnavatnssýslu, d. 13.09.1994 á Blönduósi. Foreldrar: Hólmfríður Margrét Guðjónsdóttir og Gottskálk Albert Björnsson á Neðstabæ. Auðbjörg ólst þar upp hjá foreldrum sínum. Einn vetur stundaði hún nám við Hvítárbakkaskólann.
Maki: Sigurður Guðlaugsson f. 1902, d. 1992, frá Sæunnarstöðum í Hallárdal. Þau hófu búskap á Neðstabæ en fluttust þaðan að Hafursstöðum og bjuggu þar um 30 ára skeið. Árið 1972 fluttu þau að Árbraut 3 á Blönduósi. Þau eignuðust fimm börn.
Frásagnir eftir Auðbjörgu hafa birst í tímaritinu Heima er best, þar sem hún segir sögur af dýrum og ýmsum atburðum. Hún hafði einnig mikla ánægju af garðrækt og fékkst nokkuð við að yrkja kvæði.

Auðunn Blöndal (1936-2012)

  • S00215
  • Person
  • 24.11.1936-21.12.2012

Auðunn Blöndal fæddist á Sauðárkróki. Foreldrar hans voru Valgard Blöndal og Jóhanna Árnadóttir. Auðunn kvæntist Ólu Sveinbjörgu Jónsdóttur, leiðir þeirra skildu. Saman eignuðust þau tvo syni.

Auður Guðjónsdóttir (1930-2008)

  • S02602
  • Person
  • 1930-2008

Auður Guðjónsdóttir f. á Tunguhálsi í Lýtingsstaðahreppi 06.07.1930, D. á Akureyri 27.04.2008.
Foreldrar Guðjón Jónsson, f. 27.01.1902, d. 30.07.1972 og Valborg Hjálmarsdóttir, f. 01.05.1907, d. 27.09.1997. Næstelst sex systkina. Maki: Stefán Arnbjörn Ingólfsson frá Víðihóli á Hólsfjöllum í Fjallahreppi, N-Þingeyjarsýslu, f. 13. 11.1925. Þau áttu sjö börn. Stundaði almenn sveitastörf á uppvaxtarárum sínum að Tunguhálsi. Árin 1947-1948 stundaði hún nám við Húsmæðraskólann að Löngumýri í Skagafirði. Árið 1952 fluttist hún til Akureyrar og á árunum 1951-1963 eignaðist hún börnin sjö. Hóf störf við Útgerðarfélag Akureyringa 1965 og starfaði þar til ársins 2000. Gegndi ýmsum trúnaðarstörfum tengdum starfi sínu bæði hjá Útgerðarfélagi Akureyringa og hjá Verkalýðsfélaginu Einingu á Akureyri. Virk í félagsstarfi aldraðra á Akureyri.

Auður Sigríður Albertsdóttir (1908 -1994)

  • Person
  • 1908-1994

Auðbjörg stundaði nám við Alþýðuskólann á Hvítárbakka árið 1940. Hún var húsfreyja á Hafurstöðum í Húnavatnssýslu.
Bjó síðast áBlönduósi. Eiginmaður Auðbjargar var Sigurður Guðlaugsson.

Auður Þorbjörnsdóttir (1926-2001)

  • Person
  • 1926-2001

Auðbjörg stundaði nám við Alþýðuskólann á Hvítárbakka árið 1930.
Hún var húsfreyja á Hafurstöðum í Húnavatnssýslu. Bjó síðast á Blönduósi.

Axel Friðbjarnason

  • S01809
  • Person
  • 22.11.1896-06.06.1921

Ljósmyndari. Rak ljósmyndastofu á Siglufirði 1918-1920. Starfaði á ljósmyndstofu Ólafs Magnússonar í Reykjavík frá des 1919 til júní 1920. Síldarmatsmaður á Siglufirði

Axel Guðmundsson (1882-1948)

  • S02780
  • 27.02.1882-04.02.1948

Axel Guðmundsson, f. 27.02.1882, d. 04.02.1948. Foreldrar: Sigríður Kristjánsdóttir, f. 1846 og Guðmundur...
Tók sér viðurnefnið Snæland og skrifaði sig Axel G. Snæland eftir það.
Bóndi, lengst af í Stóragerði í Myrkárdal í Eyjafirði. Áður bóndi í Melgerði.

Axel Guðmundsson (1924-2007)

  • S00485
  • Person
  • 09.09.1924-27.04.2007

Axel Guðmundsson fæddist á Bakka á Bökkum í Vestur-Fljótum í Skagafjarðarsýslu. Foreldrar hans voru hjónin Guðmundur Jónsson og Ólöf Anna Björnsdóttir. ,,Axel bjó á Neskoti í Fljótum með móður sinni og uppeldisföður, Hafliða Eiríkssyni, f. 1895, d. 1979. Þau fluttust á Akranes 1953 og síðan til Reykjavíkur árið 1960. Axel kvæntist árið 1973 Rannveigu Jónsdóttur frá Brjánsstöðum á Skeiðum, f. 1922. Axel vann margvísleg störf eftir að hann kom til Reykjavíkur. Hann vann lengi í timburverslun Völundar, síðan keyrði hann bíl á vegum hreinsunardeildar Borgarinnar og síðustu árin vann hann sem meindýraeyðir hjá Reykjavíkurborg."

Axel Kristjánsson (1892-1942)

  • S00737
  • Person
  • 17.08.1892-16.04.1942

Sonur Kristjáns Gíslasonar kaupmanns á Sauðárkróki og Bjargar Eiríksdóttur. Var í Reykjavík 1910. Kaupmaður á Akureyri 1930.

Aðalbjörg Sigmarsdóttir (1952

  • S02640
  • Person
  • 1952

Aðalheiður var forstöðumaður Héraðsskjalasafnsins á Akureyri í 34 ár; lét af störfum árið 2018.

Aðalbjörg Steindóra Skarphéðinsdóttir (1928-)

  • S01288
  • Person
  • 16.12.1928

Aðalbjörg Steindóra Skarphéðinsdóttir fæddist á Ysta-Hóli 16. desember 1928.
Hún er húsfreyja í Brúsholti í Borgarfirði.
Maður hennar: Sigurður Ingiberg Albertsson (1915-2003), bóndi í Brúsholti.

Aðalsteinn Gottfreð Michelsen (1918-1994)

  • S00092
  • Person
  • 28. okt. 1918 - 9. des. 1994

Sonur Frank Michelsen úrsmíðameistara á Sauðárkróki og Guðrúnar Pálsdóttur. Starfaði sem bifvélameistari.

Aðalsteinn Jónsson (1916-1997)

  • S00108
  • Person
  • 1916-1997

Guðmundur Aðalsteinn Jónsson
Fæddur í Skagafjarðarsýslu 4. júlí 1916
Látinn 15. september 1997
Síðast bús. á Sauðárkróki.
"Steini Putt"

Aðalsteinn Sigurðsson (1921-2015)

  • S02410
  • Person
  • 1921 - 2015

Aðalsteinn fæddist á Akureyri, sonur hjónanna Elínborgar Jónsdóttur húsmóður og Sigurðar Sölvasonar húsasmíðameistara. Aðalsteinn varð stúdent frá Menntaskólanum á Akureyri1941. Hann útskrifaðist með BA-prófi sagnfræði frá Bandaríkjunum árið 1944. Kenndi við MA 1944 -1985. Aðalsteinn vann mörg sumur sem afleysingamaður í banka. Hann annaðist tekjubókhald fyrir Flugfélag Norðurlands og síðar Flugfélag Íslands. Eiginkona Aðalsteins var Alise Julia Soll Sigurðsson, grafískur hönnuður. Þau eignuðust einn son, Sigurð.

Baldur Bjarnason

  • Person
  • 1918-1985

Baldur fæddist árið 1918. Sonur hjónanna Bjarna Sigurðssonar og Bjargar Björnsdóttur bænda í Vigur í Ísafjarðardjúpi. Baldur starfaði mikið að félagsmálum og var oddviti og sýslunefndarmaður. Hann var afar félagslyndur, brosmildur og geðgóður. Eiginkona hans var Sigríður Salvarsdóttir og eignuðust þau fimm börn. Baldur brá búi 1985 og tóku synir hans við búinu.

Baldur Pálmason (1919-2010)

  • S00134
  • Person
  • 17.12.1919-11.09.2010

Kristófer Baldur Pálmason fæddist í Köldukinn á Ásum í Austur-Húnavatnssýslu þann 17. desember 1919. Hann var útvarpsmaður, ljóðskáld og þýðandi í Reykjavík. Gegndi fjölmörgum félags- og trúnaðarstörfum.
Hann lést í Reykjavík 11. september 2010.

Baldur Vilhelmsson (1929-2014)

  • S02598
  • Person
  • 1929-2014

Baldur Vilhelmsson, fæddur á Hofsósi 22.07.1929. Foreldrar hans voru Vilhelm Magnús Erlendsson, póst- og símstöðvarstjóri á Blönduósi, áður Hofsósi, f. 13.mars 1891 á Sauðárkróki, d. 3. maí 1972 og Hallfríður, f. 25. sept. 1891 á Höfða, Hofshr., Skag., d. 27. febr. 1977 í Reykjavík. Kvæntur Ólafíu Salvarsdóttur, f. 12.02.1931, d. 21.07.2014. Þau áttu fimm börn og fyrir átti Ólafía eina dóttur. Stúdent frá MA og cand.theol. frá HÍ 1956. Sóknarprestur í Vatnsfirði frá 1956-1999. Einnig prófastur í Ísafjarðarprófastdæmi frá 1988. Lengi kennari í Reykjanesi við Ísafjarðardjúp og skólastjóri í afleysingum. D. í Reykjavík 03.12.2014.

Baldur Ólafsson (1911-1988)

  • S03002
  • 02.08.1911-27.12.1988

Baldur Ólafsson, f. 02.08.1911, d. 27.12.1988. Foreldrar: Ólafur Helgi Jensson kaupmaður á Hofsósi og kona hans, Lilja Haraldsdóttir. Maki: Jóhanna Ágústsdóttir.
Ólst upp á Hofsósi en fluttist með foreldrum sínum til Siglufjarðar árið 1922, þar sem hann gekk í unglingaskóla og síðan til Vestmannaeyja árið 1927. Þar störfuðu þeir feðgar við póststörf til 1930. Það ár réðst Baldur í Útvegnsbanka Íslands í Vestmannaeyjum. Vann þar sem ritari, gjaldkeri og útibússtjóri frá árinu 1953. Hann gegndi því starfi til 1968 að hann tók við útibústjórastörfum í Kópavogi. Tók einnig virkan þátt í félagslifi, ma. í Oddfellowreglunni. Var vararæðismaður Norðmanna í Eyjum og halut orðu Ólafs Noregskonungs.
Maki: Jóhanna Ágústsdóttir frá Kiðabergi í Vestmannaeyjum. Þau eignuðust 3 börn en fyrir átti Jóhanna eina dóttur.

Baldvin Bjarnason ( 1916-2004)

  • S0
  • Person
  • 1916-2004

Baldvin var fæddur að Reykjum í Tungusveit í Lýtingsstaðarhreppi árið 1916. Sonur hjónanna Kristínar Sveinsdóttur og Bjarna Kristmundssonar bænda þar. Baldvin var bróðir Kristmundar.

Baldvin Jóhannsson (1893-1980)

  • S00995
  • Person
  • 19.05.1893-28.03.1980

Bóndi á Dæli 1935-1950 eftir það á hluta jarðarinnar á móti syni sínum. Baldvin missti móður sína 4 ára og dvaldist með föður sínum sem fljótlega eftir konumissinn fluttist til Skagafjarðar og var þar á ýmsum bæjum, ýmist búandi eða í husmennsku.; hvernig langdvölum nefna á Staðarhóli í Siglufirði. Fljótlega uppúr fermingu fór Baldvin í vinnumennsku lengst á Reynistað. Baldvin kynnist konu sinni á Staðarhóli, en hún fór þangað sem vinnukona með Guðnýju dóttur sína snemma vors árið 1930. Bjuggu þau fyrstu árin í úsmennsku á Reynistað 1930-1931 og á Eiríksstöðum 1932-1935. Hann keypti Dæli árið 1935 og naut til þess aðstoðar góðs vinar og nágranna. Eftir lát konu sinnar bjó hann einsamall nokkur ár með aðstoð sonar síns og tengdadóttur. Baldvin átti alla tíð heimili i Dæli en var á vegum sonar síns á Sauðárkróki, eftir að aldruinn færðist yfir og kraftar þurru.

Baldvin Ringsted (1914 - 1988)

  • S0
  • Person
  • (1914-1988)

Baldvin var fæddur á Kljáströnd í Grýtubakkahreppi árið 1914. Hann var tannlæknir á Akureyri

Baldwin & Blondal

  • S00627
  • Corporate body
  • 1890-1900

Erfitt að finna eitthvað um þessa ljósmyndastofu. En Jón Blöndal lærði ljósmyndun í Winnipeg og rak ljósmyndastofu ásamt öðrum/fleirum sem hét Baldwin & Blondal. Talið að margir Íslendingar sem fluttu vestur um haf, hafi látið taka myndir af sér á þessari stofu á tímabilinu 1890-1900.

Bandalag íslenskra leikfélaga (1950-)

  • S02845
  • Organization
  • 1950-

Bandalag íslenskra leikfélaga (skammstafað BÍL) er samtök áhugaleikfélaga á Íslandi. Samtökin voru stofnuð árið 1950 og var Ævar Kvaran helsti hvatamaðurinn að stofnun þeirra.
Bandalagið rekur Þjónustumiðstöð að Kleppsmýrarvegi 8 í Reykjavík. Þjónustumiðstöðin sinnir ýmsum málum fyrir áhugaleiklistarhreyfinguna en einnig er þar almenn þjónusta við leikhús og leikhópa af öllu tagi. Þar er m.a. stærsta leikritasafn landsins. Bandalagið hefur starfrækt leiklistarskóla síðan árið 1997 til að byrja með að Húsabakka í Svarfaðardal en skólinn flutti árið 2010 í Húnavallaskóla og árið 2017 í Reykjaskóla í Hrútafirði.

Barnaskólinn á Sauðárkróki (1882 - 1998)

  • S02256
  • Organization
  • 1882 -1998

Barnaskólinn á Sauðárkróki við Aðalgötu var byggður árið 1908, en fyrsti barnaskólinn á Sauðárkróki var stofnaður og hafin í honum kennsla 3. janúar 1882. Þá var tekið í notkun nýbyggt skólahús sem var á svipuðum slóðum og Verslun Haraldar Júlíussonar er núna. Með auknum íbúafjölda varð skólahúsið brátt of lítið og var þá ráðist í byggingu hússins við Aðalgötu.

Barði G. Skúlason

  • S0
  • Person
  • 1871-1965

Barði var fæddur á Reykjavöllum í Skagafirði árið 1871. Hann, ásamt fjölskyldu sinni, flutti til Vesturheims fimm ára gamall eða árið 1876. Fyrstu árin bjó fjölskyldan í Nýja-Sjálandi, en fluttu þaðan 1880 til Mountain í Norður -Dakota( Víkurbyggðar í Norður-Dakota). Barði nam lögfræði við Dakotaháskóla og útskrifaðist árið 1897. Sama ár stofnaði Barði lögfræðingafélag ásamt Skúla bróður sínum. Barði kvæntist Charlotte H. Robinson árið1896, þau eignuðust tvö börn, Dagmar og Rolfe. Barði var mikill málamaður og las átta tungumál. Hann hafði gaman af skáldskap, einnig heimspeki.
Barði var lögmaður í Oregon.

Results 171 to 255 of 5156