Ólafur Jón Jóhannsson, f. 22.08.1889 í Bjarnastaðagerði í Unadal. Foreldrar: Jóhann Símonarson bóndi í Bjarnastaðagerði og kona hans Anna Guðrún Ólafsdóttir. Ólafur ólst upp hjá foreldrum sínum til fullorðinsára. Hann fór í vinnumennsku í Blönduhlíð er hann var kominn á þrítugsaldurinn og árið 1915 var hann í húsmennsku á Frostastöðum og þar var hann fram til 1922, er hann flutti ásamt fjölskyldu sinni að Hofi í Vesturdal og hóf þar sjálfstæðan búskap. Að tveimur árum liðnum fluttust þau að Ystu-Grund og voru þar í fjögur ár og síðan að Miklabæ í Blönduhlíð þar sem Ólafur bjó til dánaradags. Síðustu árin var Ólafur mæðiveikivörður í Austurdal og á fjöllum á svæðinu frá Nýjabæ fram að Laugarfelli.
Maki: Sigurbjörg Guðmundsdóttir, f. 24.12.1892 á Fyrirbarði í Fljótum. Þau eignustðu þrjú börn.

Foreldrar hans voru Jónas Jón Gunnarsson bóndi í Hátúni og k.h. Steinunn Sigurjónsdóttir. ,,Ólafur starfaði ungur sem bifreiðastjóri á Akureyri en fluttist til Reykjavíkur 1954 þar sem hann starfaði á Sendibílastöð Reykjavíkur. Stundaði búskap í Norðlingaholti í Reykjavík og starfaði sem vaktmaður á Landspítalanum frá árinu 1980. Árið 1955 kvæntist Ólafur Sæunni Gunnþórunni Guðmundsdóttur, f. 15. júní 1933, frá Króki í Grafningi, þau eignuðust fjögur börn. Þau skildu. Ólafur eignaðist einnig son með Þóreyju Ólafsdóttur."

Ólafur Jónsson, f. 20.01.1885 að Garðsstöðum við Ísafjarðardjúp , d. 07.01.1960. Foreldrar: Sigríður Jónsdóttir og Jón Einarsson. Jón missti ungur foreldra sína og tók bróðir hans þá við búsforráðum. Hann naut kennslu í æsku og byrjaði um fermingu að stunda sjóróðra. Hafði hann sjómennsku að aðalatvinnu fram að 30 ára aldri. Árið 1913 kom hann til Breiðafjarðar og dvaldi þar þangað til hann fluttist til Reykjavíkur skömmu áður en hann lést. Hann bjó lengi í Elliðaey og rak þar umfangsmikið refabú í 14 ár.
Maki: Theódóra Daðadóttir. Þau eignuðust einn son.

Foreldrar: Jón Jónsson og Jósefína Guðrún Heiðberg Ólafsdóttir, lengst af búandi á Heiði í Gönguskörðum. Ólafur ólst upp hjá foreldrum sínum á Heiði, 18 ára gamall sigldi hann til Vesturheims þar sem hann starfaði við skógarhögg, timburflutninga og margvísleg störf sem tengdust járnbrautarlagningu í grennd við Winnipegvatn. Árið 1911, þá 25 ára gamall, sneri hann aftur til Íslands og bjó og vann fyrst um sinn hjá foreldrum sínum sem þá bjuggu á Kimbastöðum. Árið 1916 tók hann alfarið við búi á Kimbastöðum og bjó þar til 1934 en fluttist þá að Veðramóti þar sem hann bjó til 1943 er hann flutti til Reykjavíkur. Í Reykjavík starfaði hann aðallega við verslunarrekstur. Kvæntist Matthildi Ófeigsdóttur frá Ytri-Svartárdal, alin upp á Sauðárkróki, þau eignuðust þrjú börn saman en Matthildur lést eftir aðeins sex ár í hjónabandi. Seinni sambýliskona Ólafs var Engilráð Júlíusdóttir, þau eignuðust eina dóttur.

Sonur Jóns Ólafssonar b. í Grófargili og Sigríðar Jónsdóttur. Árið 1910 kom Ólafur sem vinnumaður að Litlu-Gröf á Langholti þar sem hann var til ársins 1914 að hann fluttist að Stóru-Gröf. Þar átti hann síðan heima í 44 ár. Laust fyrir 1940 byggði Ólafur sér lítið hús skammt austan við gamla bæinn í Stóru-Gröf, þarna bjó hann fram til 1958 er hann flutti til Sauðárkróks. Ólafur var ókvæntur og barnlaus.

Ólafur Björgvin Jónsson, f. 23.03.1895 að Freyshólum á Fljótsdalshéraði. Foreldrar: Jón Ólafsson og Hólmfríður Guðmundsdóttir. Fór til náms við Búnaðarskólann á Hvanneyri og síðan í Landbúnaðarháskólann í Kaupmannahöfn. Þaðan lauk hann prófi 1924. Sama ár var hann ráðinn framkvæmdastjóri Ræktunarfélags Norðurlands og settist að í Gróðrarstöðinni á Akureyri. Árið 1949 lét hann þar af störfum og gerðist jarðræktarráðunautur hjá Búnaðarsambandi Eyjafjarðar og síðar hjá sambandi nautgripartæktarfélaganna þar. Þar vann hann til 1965 er hann varð sjötugur. Auk þessara starfa stundaði hann jafnan rannsóknir og sinnti skáldskap. Hann hóf útgáfu á Handbók bænda og ritstýrði henni frá 1950-1960. Ritaði margt um jarðfræði Íslands og bar þar hæst rit hans Ódáðahraun í þremur bindum, Skriðuföll og snjóflóð í tveimur bindum og ritin Dyngjufjöll, Askja og Berghlaup. Einnig sendi hann frá sér skáldsöguna Öræfaglettur og ljóðabókina Fjöllin blá. Loks komu út nokkkrar frásagnir og smásögur í bókinni Strípl. Æviminningar hans komu út á árunum 1971-1972 og bera heitið Á tveimur jafnfljótum.

Sonur Jóns Sigurjónssonar b. í Ási í Hegranesi og k.h. Lovísu Guðmundsdóttur. Verkamaður á Sauðárkróki.

Veitingamaður

Sonur Konráðs Þorsteinssonar og Guðrúnar Ágústu Jóhannsdóttur á Grímsstöðum í Svartárdal, sem fluttu til Vesturheims 1904.

Foreldrar: Kristján Kristjánsson og kona hans Ingibjörg Jónsdóttir, síðast búsett á Ábæ í Austurdal. Ólafur ólst upp hjá foreldrum sínum á Keldulandi til 1887, í Reykjaseli á Mælifellsdal eitt ár, á Tyrfingsstöðum á Kjálka í fjögur ár og á Ábæ til fullorðinsára. Hann nam trésmíðar á Akureyri um 1906-1908 og síðan voru trésmíðar jafnan hans aðalstarf. Ólafur hóf, ásamt fyrri konu sinni, búskap á Ábæ sumarið 1912 og voru þau þar eitt ár. Fluttust þaðan að Glæsibæ í Staðarhreppi og voru þar um skeið. Árið 1932 hóf hann, ásamt seinni konu sinni, búskap á hluta af jörðinni Sveinsstöðum og bjuggu þau þar til 1945. Þar áttu þau heimili áfram til 1955, þó að eigi dveldu þau þar að staðaldri síðari árin. Árið 1955 fluttist Ólafur til Akureyrar og dvaldist þar síðustu þrjú æviárin, ýmist á Kristneshæli þar sem kona hans starfaði eða hjá dóttur þeirra á Akureyri. Ólafur dvaldi löngum fjarri heimili sínu við smíðar og var yfirsmiður við fjölda bygginga í Lýtingsstaðahreppi. Þ.á.m. kirkjurnar á Ábæ, Mælifelli og Glaumbæ. Auk þessa stundaði hann vegavinnu um skeið. Heilsu hans tók að hnigna á árunum 1952-1955 svo hann gat ekki lengur stundað erfiðisvinnu að staðaldri. Tók hann þá að sér umsjón með heimavistarbarnaskóla Lýtingsstaðahrepps, Steinsstaðaskóla, og kenndi þar jafnframt en kona hans var þá ráðskona við skólann.
Maki 1: Lilja Aðalbjörg Jóhannesdóttir f. 31.07.1886 í Litladal í Eyjafirði d. 20.10.1930 á Sauðárkróki. Hún lést af völdum gigtarsjúkdóma. Þau eignuðust eina dóttur.
Maki 2: Guðlaug Egilsdóttir, f. 07.08.1905 á Sveinsstöðum, d. 03.05.1982 á Akureyri. Þau eignuðust eina dóttur.

Prófessor Ólafur Lárusson var fæddur í Selárdal við Arnarfjörð 25. febrúar 1885. Faðir: Séra Lárus Benediktsson, prestur í Selárdal. Móðir: Ólafía Ólafsdóttir, húsfreyja í Selárdal. ,,Ólafur lauk stúdentsprófi í Reykjavík vorið 1905. Sigldi síðan til Kaupmannahafnar og lagði stund á náttúruvísindi og landafræði. Prófi í forspjallsvísindum lauk hann við Kaupmannahafnarháskóla 1906. Árið 1908 hvarf hann frá náttúrufræðináminu, kom hingað heim og tók að lesa lög. Lauk hann laganáminu á skömmum tíma og var í hópi hinna fyrstu laganema, er tóku lögfræðipróf hér á landi. Var það á fyrsta starfsári Háskóla íslands, vorið 1912. Próf hans var eitt hið bezta, er tekið hefir verið við Háskóla íslands í lögfræði. Að prófi loknu gerðist Ólafur Lárusson málaflutningsmaður við yfirréttinn. Árið 1915 var hann settur prófessor í lögum í forföllum Einars Arnórssonar, er þá var ráðherra. Gegndi hann
því starfi þar til í ársbyrjun 1917. Sama ár varð hann fulltrúi borgarstjórans í Reykjavík. Á meðan hann gegndi því starfi, var hann um skeið settur borgarstjóri. 9. jan. 1919 var hann svo skipaður prófessor í lögum við Háskóla íslands, og hefir gegnt því starfi óslitið síðan." Eiginkona Ólafar var Sigríður Magnúsdóttir frá Ísafirði. (Tíminn, 15. tölublað (23.02.1945), Blaðsíða 6.)

Sonur Lárusar Stefánssonar b. á Skarði og Sigríðar B. Sveinsdóttur. Ólst upp í Skarði hjá foreldrum sínum og tók þar við búi 1936 og bjó þar til æviloka. Ólafur bjó um tíma stórbúi og var fyrsti mjólkurinnleggjandi í Mjólkursamlag K.S. Ólafur var hreppstjóri Skarðshrepps um nær fjögurra áratuga skeið 1947-1984, jafnframt hreppsnefndaroddviti 1948-1950, átti lengi sæti í skólanefnd. Réttarstjóri var hann um áratugi í Skarðarétt. Ólafur kvæntist Jórunni Sigurðardóttur frá Akureyri, þau eignuðust saman einn son en fyrir átti Jórunn dóttur sem Ólafur gekk í föðurstað.

Ólafur Magnússon fæddist á Akranesi árið 1889. Faðir hans var Magnús Ólafsson (1862-1937), ljósmyndari í Reykjavík. Móðir hans var Guðrún Jónsdóttir (1862-1926), húsfreyja. Ólafur lærði ljósmyndun hjá föður sínum fyrir 1908 en var í framhaldsnámi hjá Sophus Junker Jensen í Kaupmannahöfn og í Berlín 1911-1913. Vann sem ljósmyndari hjá Pétri Brynjólfssyni í Reykjavík um tíma fyrir 1911. Rak ljósmyndastofu í Reykjavík frá 1913 til 1954. Maki Ólafs var Guðrún Árnadóttir (1915-1993). Ólafur dó árið 1954.

Ólafur Örn Jónsson, f. 25.05.1964 á Siglufirði. Fyrrum staðarhaldari á Lónkoti í Sléttuhlíð.

Fyrrum skjalavörður Seðlabanka Íslands.

Ólafur Ragnar Grímsson, f. 14.05.1943.
F.v. stjórnmálamaður og forseti Íslands.

Ólafur Sigfússon, f. í Hringey í Vallhólmi, f. 26.01.1880, d. 21.04.1972 á Sauðárkróki. (Sjálfur taldi hann fæðingarárið vera 1879).
Foreldrar: Sigfús Jónasson bóndi í Hringey og kona hans Margrét Guðmundsdóttir. Þau slitu samvistir þegar Ólafur var barn að aldri og ólst hann upp með móður sinni. Voru þau á ýmsum stöðum þar í sveitinni. Hann fór ungur að vinna fyrir sér. Hóf búskap í Álftagerði 1906 og keypti bústofninn af fráfarandi bónda.
Maki: Arnfríður Ingibjörg Halldórsdóttir (1873-1953). Þau eignuðust fimm börn en eitt þeirra lést á fyrsta ári.
Einnig átti Ólafur fjögur börn utan hjónabands.
Ólafíu Álfheiði (f. 1907) barnsmóðir Elínborg Ólafsdóttir.
Sesselju (f. 1909), barnsmóðir María Guðbjörg Árnadóttir.
Hjalta Eymann (f. 1918), barnsmóðir Lilja Kristín Gísladóttir.
Eggert (. 1918) barnsmóðir Soffía Sigríður Skúladóttir. Eggert er skráður Skúlason.

Frá Starrastöðum, sonur Guðrúnar Kristjánsdóttur og Páls Gísla Ólafssonar. Kvæntist Hjörtínu Dóru Vagnsdóttur, þau eignuðust tvö börn. Búsettur á Sauðárkróki.

Foreldrar: Sigurður Ólafsson b. á Hellulandi og k.h. Anna Jónsdóttir. ,,Ólafur útskrifaðist frá Hólaskóla árið 1906 og starfaði svo að búi foreldra sinna allt þar til hann kvæntist árið 1916 og hóf sjálfur búskap á Hellulandi þar sem hann átti eftir að búa til dauðadags 1961. 1930-1946 starfaði hann sem ráðunautur veiðimála hjá Búnaðarfélagi Íslands og Fiskifélagi Íslands. Einnig starfaði Ólafur við að leiðbeina bændum við eflingu æðarvarps. Ólafur gegndi fjölmörgum trúnaðarstörfum fyrir sveit sína og hérað. Hreppstjóri Rípurhrepps frá 1955 til dauðadags, formaður Búnaðarfélags Rípurhrepps um skeið, deildarstjóri Rípurdeildar K.S. og fulltrúi á kaupfélagsfundum frá 1907 til dauðadags, formaður sjúkrasamlags Rípurhrepps frá upphafi til æviloka, helsti hvatamaður að útgáfu Glóðafeykis og fyrsti ristjóri þess ásamt Marteini Friðrikssyni og í áratugi fréttaritari ríkisútvarpsins í Skagafirði. Ólafur var sæmdur riddarakrossi hinnar íslensku Fálkaorðu 1960." Hann kvæntist Ragnheiði Konráðsdóttur, þau áttu tvö kjörbörn.

Ólafur Stefánsson fæddist 17. júlí 1931 í Kalmanstungu. Hann var starfsmaður við Seðlabanka Íslands, fulltrúi í fjármálaráðuneytinu. Hann var síðast búsettur í Reykjavík.

Ólafur fæddist að Höskuldsstöðum í Austur-Húnavatnssýslu 3. maí 1731. Faðir: séra Stefán Ólafsson, prestur að Höskuldsstöðum. Móðir: Ragnheiður Magnúsdóttir húsfreyja á Höskuldsstöðum. Ólafur fór í Hólaskóla og útskrifaðist þaðan 1751, sigldi síðan og lauk lögfræðiprófi frá Kaupmannahafnarháskóla 1754. Hann var fyrst bókhaldari við Innréttingarnar en árið 1756 var hann settur varalögmaður norðan og vestan. Síðar varð hann aðstoðarmaður Magnúsar Gíslasonar amtmanns og tók við embættinu er hann andaðist 1766. Þegar landinu var skipt í tvö ömt 1770 varð Ólafur amtmaður í Norður- og Austuramti. Árið 1783 fékk hann lausn frá embætti af því að hann vildi ekki flytja norður í land eins og ætlast var til og var Stefán Þórarinsson skipaður í staðinn. En þegar suður- og vesturamtinu var skipt í tvennt 1787 varð Ólafur amtmaður í vesturamtinu og 14. apríl 1790 varð hann jafnframt stiftamtmaður. 1793 hafði hann amtaskipti og var skiptur yfir suðuramtið. Hann fékk lausn frá embættum sínum 1806 en fékk að búa áfram endurgjaldslaust í Viðey, þar sem hann var þá. Fyrst hafði hann búið á Leirá í Leirársveit, síðan á Bessastöðum, Elliðavatni, í Sviðholti og á Innra-Hólmi.

Ólafur Sveinsson, f. í Fremri-Svartárdal 09.11.1870, d. 25.02.1954 á Starrastöðum.
Foreldrar: Sveinn Guðmundsson, þá bóndi í Svartárdal og seinna í Bjarnastaðahlíð og kona hans Þorbjörg Ólafsdóttir. Ólafur ólst upp með foreldrum sínum. Ólafur hóf búskap á Breið 1899 og bjó þar í tvö ár. Árið 1901 keypti hann Starrastaði , sem hafði verið kirkjujörð frá Mælifelli, og var skráður fyrir búi þar til 1943. Hann hlaut verðlaun úr styrktarsjóði Kristjáns konungs hins IX. fyrir búnaðarframkvæmdir.
Þegar kirkjan á Mælifelli brann, aðfararnótt 21. september 1921, sýndi Ólafur það snarræði og hugrekki að fara inn í brennandi kirkjuna og bjarga embættisbókum kallsins og fleiru af verðmætum munum. Loguðu bækurnar í höndum hans, er hann bar þær út. Brann hvert blað að miðju niður og varð mikið tjón, en fyrir snarræði Ólafs eyðilagðist ekki allt.
Maki 1: Gíslíana Bjarnveig Bjarnadóttir (05.011878-25.02.1902) frá Króki á Skagaströnd. Þau eignuðust son sem dó á fyrsta ári.
Maki 2: Margrét Eyjólfsdóttir (27.06.1867-26.08.1923). Eyjólfur Hansson, síðast bóndi í Stafni í Svartárdal var kjörfaðir hennar en raunverulegir foreldrar voru Björn Fr. Schram og Herdís Eiríksdóttir, sem síðar varð kona Eyjólfs. Margrét og Ólafur eignuðust þrjú börn.

Ólafur Sveinsson fæddist þann 3. september 1927. Hann var læknir á Sauðárkróki.

Stórkaupmaður í Reykjavík. Kona hans var Guðrún Árnadóttir Johnson frá Geitaskarði.

Var í Bæ á Höfðaströnd, Skag. 1930. Síðast bús. í Hofsóshreppi. Sonur Þorsteins Stefánssonar og Láru Árnadóttur á Hofsósi.

Ólafur Tómasson, f. í Litluhlíð 12.06.1952, d. 06.09.1952 í Garðshorni í Kræklingahlíð. Foreldrar: Tómas Pálsson bóndi á Bústöðum og kona hans Þórey Sigurlaug Sveinsdóttir. Ólafur var elstur sex bræðra og átti eina systur sem dó á fyrsta ári. Hann ólst upp hjá foreldrum sínum og vann ða búi þeirra fram til 1920, er hann fór til búfræðináms á Hólum. Að námi loknu tók hann meira og minna við búsforráðum og alfarið árið 1927. Árið 1944 seldi hann jörðina og flutti til Eyjafjarðar. Þar keypti hann Garðshorn í Kræklingahlíð. En árið 1952 lenti hann í bilslysi við heimreiðina á bænum og lést samstundis.
Maki: Stefanía Guðrun Ingveldur Jóhannesdóttir frá Syðra-Hvarfi í Svarfaðardal (17.12.1905-15.03.1985). Þau eignuðust fimm börn.

Sonur Sigurlaugar Magnúsdóttur og Gunnars Ólafssonar í Keflavík. Ólafur ólst upp með foreldrum sínum og systkinum í Keflavík. Bóndi í Garði í Hegranesi 1920-1925, í Enni í Viðvíkursveit 1928-1930 og á Miklabæ í Óslandshlíð 1935-1981. Ólafur kvæntist árið 1933 Elísabetu Ingveldi Halldórsdóttur ljósmóður frá Miklabæ, þau eignuðust þrjú börn saman og áttu einn fósturson. Fyrir hjónaband eignaðist Ólafur son með Guðnýju Stefánsdóttur frá Halldórsstöðum.

Foreldrar: Ola Aadnegard f. 8.1.1887, d. 3.2.1963 og Gurid Aadnegard f. 4.3.1881, d. 31.3.1954. Lögreglumaður og verkamaður á Sauðárkróki, síðast bús. á Sauðárkróki.

Ole Bang var fæddur í Árósum í Jótlandi og ólst þar upp ásamt foreldrum sínum. Hann lauk gagnfræðiprófi og nam síðan lyfjafræði og lauk fyrrihluta námsins. Hann kom fyrst til Íslands 1929 og vann í lyfjabúðum í Reykjavík og Hafnarfirði. Eftir ársdvöl á Íslandi fór hann aftur til Danmerkur og lauk kandidatsprófi í lyfjafræði 1932. Það sama ár fór hann aftur til Íslands og tók við Sauðárkróksapóteki og rak það til efsta dags. Ole kvæntist Minnu Elísu Bang og eignuðust þau fjórar dætur. Ole tók mikinn þátt í ýmsum félagsmálum á Sauðárkróki.

Ole var fæddur í Noregi. Kvæntist Guðnýju Jónsdóttur frá Bíldudal í janúar 1936, þau eignuðust sjö börn. Þau bjuggu fyrstu árin í Noregi en fluttu svo til Íslands árið 1948. Ári síðar fluttu þau til Sauðárkróks og starfaði Ole sem tannlæknir þar í 16 ár. 1965 fluttu þau til Reykjavíkur þar sem Ole starfaði sem yfirlæknir skólatannlækninga.

Ole Gabrielsen Syre, frá Noregi. Fluttist ásamt konu sinni og þremur dætrum til Íslands árið 1911 og settust þau að á Ísafirði. Eignuðust þar einn son. Fluttust aftur til Noregs 1918 en komu aftur árið 1925 og fóru þá til Ísafjarðar, Ole var skipstjóri og kaupmaður þar.

Sonur Önnu Margrétar Þuríðar Kristjánsdóttur Möller og Jósefs Gottfreðs Blöndal verslunarstjóra í Grafarósi. Póstmálaritari í Reykjavík. Var í Reykjavík 1910. Fyrrverandi póstmaður á Vesturgötu 19, Reykjavík 1930.

Óli Björn Kárason er fæddur á Sauðárkróki 26.ágúst 1960. Foreldar: Kári Jónsson (1933-1991) og Eva Mjallhvít Snæbjörnsdóttir (1930-2010). Maki: Margrét Sveinsdóttir (f. 1960) og börn þeirra eru þrjú. Óli Björn útskrifðist með stúdentspróf frá MA 1981 og BS-próf í hagfræði frá Suffolk University í Boston 1989. Óli Björn hefur starfað við ýmsa útgáfu og ritstjórn ásamt því að vera alþingismaður Sjálfstæðisflokksins í Suðvesturkjördæmi frá árinu 2016 og varaþingmaður þar áður.

Frá Ási í Kelduhverfi bóndi í Eyvindarholti. Lauk námi í Hólaskóla árið 1921.

Foreldrar: Björn Ólafsson b. á Skefilsstöðum og k.h. Guðrún Ingibjörg Björnsdóttir. Ólína ólst upp á heimili foreldra sinna á Skefilsstöðum og dvaldist þar að mestu til 19 ára aldurs, er hún réðst til starfa á heimili Snæbjörns bakara og móður hans á Sauðárkróki og tók þar við búsforráðum er þau Snæbjörn giftust árið 1924. Ólína og Snæbjörn eignuðust sex börn. Snæbjörn lést árið 1932. Seinni maður Ólínu var Guðjón Sigurðsson bakarameistari, þau eignuðust þrjú börn. Ólína starfaði í bakaríinu og starfrækti einnig veitingasölu í eigin nafni í tugi ára. Eins tók hún virkan þátt í starfi Kvenfélags Sauðárkróks og Sambandi skagfirskra kvenfélaga.

Ólína Marta Jónsdóttir Þormar, f. 1. mars 1898, d. 19. febr. 1991. Maki: Þorvarður G. Þormar sóknarprestur í Laufási við Eyjafjörð, f. 1. febr. 1996, d. 22. ágúst 1970.

Ólína Ragnheiður Jónsdóttir fæddist á Steinholti í Staðarhreppi. Foreldrar hennar voru Jón Jóhannesson og Guðrún Jónsdóttir. ,,Ólína ólst upp á Sauðárkróki og stundaði nám við barna- og unglingaskólann þar. 1939-40 stundaði hún framhaldsnám á Laugarvatni og 1946-47 við húsmæðraskólann á Löngumýri. 1947 giftist Ólína Gunnlaugi Magnúsi Jónassyni. 1947 hófu þau búskap í Hátúni og héldu búi þar til 2008. Ólína vann ýmis störf á lífsleiðinni, í 8 ár vann hún á símstöðinni á Sauðárkróki, einnig vann hún við símstöðina í Varmahlíð í fjölda mörg ár. Lengst af starfaði hún sem safnvörður í byggðasafninu í Glaumbæ í ein 25 ár. Ólína var virkur meðlimur í kvenfélagi Seyluhrepps allt til æviloka og söng með kirkjukór Glaumbæjarkirkju í fjölda ára." Ólína og Gunnlaugur eignuðust tvo syni.

Dóttir Dóru Ingibjargar Magnúsdóttur og Rögnvaldar Ólafssonar (Valda rakara). Kvænt Stefáni Jóni Skarphéðinssyni, búsett á Sauðárkróki.

Foreldrar: Einar Guðmundsson hreppstjóri og alþingismaður að Hraunum í Fljótum og 1.k.h. Kristín Pálsdóttir frá Viðvík. Kvæntist Guðmundi Davíðssyni hreppstjóra á Hraunum í Fljótum. Þau bjuggu að Hofi í Hörgárdal 1892-1896, á Hraunum í Fljótum frá 1896 og fram á gamals aldur. Ólöf var síðast búsett í Reykjavík. Aðeins eitt af börnum Ólafar og Guðmundar náði fullorðinsaldri.

Faðir: Eyvindur Björnsson vinnumaður í Helguhvammi. Móðir: Þorgerður húsmóðir á Felli í Kollafirði. Vitað er að Ólöf var vinnukona á Þorleifsstöðum í Blönduhlíð 1801. Kringum 1836 virðist hún vera á flakki en virðist síðast hafa verið á sveitarframfæri á Mið-Grund í Blönduhlíð. Ólöf átti tvö börn með Sigurði Jónssyni (1742-1800). Börn þessi voru Sigurlaug Sigurðardóttir (1791-1856) og Benónía Sigurðardóttir (1792-1846).

Ólöf Guðmundsdóttir, 23.11.1841, d. 1916. Foreldrar: Guðmundur Jónsson bóndi í Efri-Skútu í Siglufirði og kona hans Sigríður Þorsteinsdóttir. Ólöf ólst upp hjá foreldrum sínum og fermdist frá þeim árið 1857. Vann að búi þeirra í Efri-Skútu til 1862. Bjó ásamt manni í sínum í Efri-Skútu 1862-1869, en það ár drukknaði Árni á Siglufirði, ásamt Guðmundi föður Ólafar. Eftir lát hans bjó Ólöf í Efri-Skútu 1869-1872 , er hún giftist Magnúsi. Þau bjuggu áfram í Efri-Skútu 1872-1879. Fóru þá að Brekkukoti í Óslandshlíð og voru til 1881 eða lengur. Voru á Háleggsstöðum 1885-1887 og í Grafargerði 1887 og þar til Magnús lést 1889. Eftir lát hans var Ólöf vinnukona á Torfhóli 1890 og 1901, húskona í Berlín á Hofsósi 1910 en síðast á sveitarframfæri á Krossi.
Maki 1 (g. 1860): Árni Árnason. Hann drukknaði á Siglufirði ásamt tengdaföður síns í miklum hafís. Árni og Ólöf eignuðust 5 börn og létust 2 þeirra í frumbernsku.
Maki 2 (1872): Magnús Gíslason (1851-24.01.1889). Hann drukknaði í Kolkuósi. Þau eignuðust þrjú börn sem öll dóu ung.

Ólöf Guðmundsdóttir fæddist að Ási í Hegranesi 11. mars 1898. Foreldrar hennar voru Guðmundur Ólafsson og Jóhanna Guðný Einarsdóttir. Ólöf dvaldi einn vetur á Akureyri við nám í hannyrðum og orgelleik. Hún kvæntist Þórarni Jóhannssyni 1918 og eignuðust þau tíu börn. Þau bjuggu á Ríp í Rípurhreppi.

Dóttir Þorvaldar Einarssonar og Láru Sigfúsdóttur. Ólst upp með foreldrum sínum á Sauðárkróki og hlaut töluverða menntun bæði þar og á Akureyri. Hafði góða söngrödd og söng í kirkjukór Sauðárkróks um tíma. Kvæntist Árna Halldórssyni skósmiði, þau bjuggu lengst af á Hofsósi og eignuðust þrjár dætur.

Oddný Ólöf Jóhannesdóttir fæddist þann 14. september 1901. Hún var húsfreyja á Deplum og Nefstöðum í Stíflu, Skagafirði, síðar húsfreyja á Siglufirði.

Foreldrar: Jóhannes Björnsson verslunarmaður á Sauðárkróki og barnsmóðir hans Filippía Þorsteinsdóttir frá Miklagarði. Filippía kvæntist síðar Bjarna Oddssyni, þau bjuggu á Rein í Hegranesi, í Birkihlíð í Staðarhreppi (þá Hólkoti) og síðan á Sauðárkróki. Ólöf ólst upp með móður sinni. Hótelstýra á Stykkishólmi. Ógift og barnlaus.

Ólöf Konráðsdóttir, f. á Ysta-Hóli 16.03.1890, d. 16.03.1956 á Tjörnum. Foreldrar: Konráð Jón Sigurðsson bóndi á Ysta-Hóli og kona hans Indíana Guðbjörg Sveinsdóttir. Ólöf ólst upp hjá foreldrum sínum, elst fjögurra systra. Um tveggja ára skeið lærði hún karlamannafatasaum og hannyrðir á Sauðárkróki, Akureyri og Siglufiri. Fékkst hún mikið við saumaskap eftir það.
Maki: Ásgrímur Halldórsson (27.2.2886-21.02.1960), bóndi á Tjörnum. Þau eignuðust sjö börn.Tvö dóu í bernsku. Auk þeirra ólu þau upp fósturbörnin Guðna Kristján Hans Friðríksson og Sigríði Sölvínu Sölvadóttur.

Frá Álftagerði, kona Guðmundar Jóhannssonar á Siglufirði.

Ólöf Ragnheiður Jóhannsdóttir fæddist á Löngumýri þann 20. mars 1908. Foreldrar hennar voru Jóhann Sigurðsson b. á Löngumýri og Sigurlaug Ólafsdóttir. ,,Ólöf fór til náms í Kvennaskólanum á Blönduósi eitt ár, 1927-1928, en var annars heima allt til þess er hún giftist Sigurði Óskarssyni frá Hamarsgerði 1934 og þau hófu búskap á hálfu Krossanesi í fyrstu en fengu svo síðar 2/3 jarðarinnar." Ólöf og Sigurður eignuðust þrjár dætur.

Fædd og uppalin í Görðum í Aðalvík. Fór í vist að Gunnsteinsstöðum í Langadal og síðar í Þverárdal á Laxárdal fremri til Margrétar systur sinnar og Eiríks manns hennar. Þegar þau fluttu til Sauðárkróks fór Ólöf með þeim og kynntist þar manni sínum, Haraldi Sigurðssyni verslunarmanni á Sauðárkróki, þau eignuðust þrjú börn.