Handknattleiksþjálfari.

Foreldrar: Páll Pálsson (1829-1871) og Guðbjörg Björnsdóttir (1832-1910) b. á Kjartansstöðum. Faðir hennar lést þegar Gunnvör var eins árs og móðir hennar brá búi vorið 1872 og flutti í Eyjafjörð. Gunnvör var ógift og barnlaus. Var á Sauðárkróki 1930.

Gunnur Pálsdóttir, f. 04.01.1930.
Móðir: Sigríður Guðjónsdóttir (1900-1988).

Fædd í Borgarey í Vallhólmi, Skag. 2. febrúar 1885. Látin í Reykjavík 18. nóvember 1970.
VInnukona á Skíðastöðum, Hvammssókn, Skag. 1910. Bóndi á Mælifellsá á Efribyggð, Skag. Gistihúsrekandi og kaupkona á Sauðárkróki. Síðast bús. í Reykjavík.
Gaf út bókina; Gleym mér ei.

Gunnsteinn Sigurður Steinsson fæddist á Hrauni á Skaga 10. janúar 1915. Foreldrar hans voru hjónin Steinn Leó Sveinsson bóndi og hreppstjóri á Hrauni á Skaga k.h. og Guðrún Sigríður Kristmundsdóttir. ,,Gunnsteinn lauk gagnfræðaprófi frá Menntaskólanum á Akureyri 1936. Hann var búsettur á Hrauni til 1953 og stundaði á þeim tíma aðallega sjómennsku og smíðar. Gunnsteinn var bóndi í Ketu á Skaga 1953-1974 en fluttist þá ásamt konu sinni til Sauðárkróks. Stundaði hann þar störf í skinnaverkuninni Loðskinni hf. auk þess sem hann var um árabil umboðsmaður skattstjóra á Sauðárkróki. Gunnsteinn starfaði mikið að félagsmálum og var m.a. hreppstjóri og sýslunefndarmaður fyrir Skefilsstaðahrepp um árabil auk þess að gegna fjölmörgum öðrum trúnaðarstörfum fyrir sveit sína." Gunnsteinn kvæntist árið 1945 Guðbjörgu Hólmfríði Guðmundsdóttur, þau eignuðust tvær dætur.

Foreldrar: Tobías Sigurjónsson bóndi í Geldingaholti og kona hans Kristín Gunnlaugsdóttir húsfreyja. Í uppvextinum vann Gunnlaugur að bústörfum í Geldingaholti. Einnig við skógrækt og við sjósókn á vetrarvertíðum á Suðurnesjum. Hann stundaði nám við Bændaskólann á Hólum 1967-1969 og lauk þaðan búfræðinámi. Hann starfaði sem frjótæknir 1979-2008, er hann lét af störfum vegna heilsubrests. Lauk einkaflugmannsprófi og var mikill áhugamaður um flug. Hann var virkur í félagsmálum og starfaði m.a. í Lionsklúbbi Skagafjarðar, Veiðifélagi Húseyjarkvíslar og sat í sóknarnefn Glaumbæjarkirkju um árabil. Starfaði einnig lengi með Flugbjörgunarsveitinni í Varmahlíð.
Maki: Gerður Hauksdóttir (1949-2015). Þau eignuðust einn son og fyrir átti Gerður eina dóttur.

Gunnlaugur Sölvason, f. 1854, d. 01.09.1034. Vinnumaður í Kolugili í Víðidal 1880. Fór til Vesturheims 1889. Var í Winnipeg í Manitoba 1901. Var í Selkirk í Manitoba 1916.
Maki: Guðríður Helgadóttir. Þau eignuðust a.m.k. þrjú börn.
innumaður í Kolugili, Víðidalstungusókn, Hún. 1880. Fór til Vesturheims 1889, óvíst hvaðan. Var í Winnipeg, Manitoba, Kanada 1901. Var í Selkirk, Manitoba, Kanada 1916.

Gunnlaugur Pálmi Steindórsson, f. 22.10.1925, d. 21.06.2013. Foreldar: Sigríður Bryndís Pálmadóttir og Steindór Gunnlaugsson lögfræðingur.
Maki: Guðrún Halldórsdóttir verslunarkona og húsmóðir (1928-2013). Þau eignuðust einn son.
Gunnlagur lauk prófi í járnsmíði frá Iðnskólanum 1946 og prófi frá Vélskóla Íslands 1950. Hann var vélstjóri á togurum og farskipum á árunum 1947-1953 og síðan vélstjóri við Írafossvirkjun. Árið 1954 stofnaði hann vélsmiðjuna Dynjanda ásamt öðrum.

Gunnlaugur Jónsson, f. 15.12.1904, d. 17.04.1985. Foreldrar: Jón Guðvarðsson (02.03.1864-02.03.1941) og Aðalbjörg Jónsdóttir (20.10.1975-21.05.1951).
Gunnlaugur var með foreldrum sínum á Melbreið í Stíflu í Fljótum en þau bjuggur þar frá 1919. Hann fluttist að Atlastöðum í Svarfaðardal árið 1936 ásamt konu sinni ug elstu dóttur.
Maki: Jónína Gunnlaug Magnúsdóttir frá Stafni í Deildardal (13.10.1905-07.11.2000). Þau eignuðust fjögur börn. Fyrir átti Gunnlaug eina dóttur.

Gunnlaugur M. Jónasson fæddist í Garði í Hegranesi 25.6. 1917. Foreldrar hans voru Jónas Jón Gunnarssonar b. í Hátúni og k.h. Steinunn Sigurjónsdóttir. ,,Gunnlaugur fæddist í Garði í Hegranesi en flutti þaðan þriggja ára í Húsabakka ásamt foreldrum og bræðrum og þaðan fimm ára í Hátún á Langholti þar sem hann bjó alla sína ævi. Gunnlaugur vann við bretavinnuna, m.a. við að byggja Reykjavíkurflugvöll. Einnig stundaði hann nám á Laugarvatni. Hinn 12.11. 1947 kvæntist Gunnlaugur Ólínu R. Jónsdóttur. 1947 hófu Ólína og Gunnlaugur búskap í Hátúni eftir móður Gunnlaugs og héldu bú allt til 2008. Gunnlaugur sat lengi í stjórn Byggðasafnsins í Glaumbæ, var einn af stofnfélögum í Karlakórnum Heimi, söng um áratuga skeið í kirkjukór Glaumbæjarkirkju og sat einnig í stjórn hans." Gunnlaugur og Ólína eignuðust tvo syni.

Gunnlaugur Jón Jóhannsson, f. að Hringveri í Hjaltadal 26.04.1874, d. 08.12.1942 á Illugastöðum í Flókadal. Foreldrar: Jóhann Gunnlaugsson og Guðrún Einarsdóttir, ógift vinnuhjú að Hirngveri. Jóhann ólst upp hjá móður sinni sem var vinnukona á Litla-Hóli í Viðvíkursveit hjá Aðalsteini Steinssyni bónda þar og konu hans Helgu Pálmadóttur og hafði son sinn á kaupi sínu, þar til hann fór að geta unnið fyrir sér. Gunnlagur bjó á Litla-Hóli 1899-1906, Háleggsstöðum 1906-1916, Stafni 1916-1925 og Illugastöðum í Flókadal 1925-1934. Hann hafði alltaf lítið bú og vann því oft utan heimilis. M.a. við torfristu, vegghleðslu og byggingu. Einnig þótti hann laginn að hjálpa skepnum við burð og var oft fenginn í slíkt.
Maki (gift 1899): Jónína Sigurðardóttir (14.02.1877-04.02.1964). Þau eignuðust átta börn og misstu eitt þeirra tveggja ára gamalt.

Gunnlaugur Jóhannsson, f. á Bjarnastöðum í Unadal 19.04.1914, d. 02.06.2006 á Sauðárkróki. Foreldrar: Jóhann Gunnarsson síðast bóndi á Krossi í Óslandshlíð (1880-1962) og kona hans Anna Guðrún Þorleifsdóttir (1883-1965). Gunlagur bjó fyrstu æviár sín á Bjarnastöðum en flutti með foreldrum og systkinum að Krossi í Óslandshlíð árið 1928. Þau fluttustu síðan til Sauðárkróks ásamt móður sinni eftir andlát Jóhanns og bjuggu saman á Freyjugötu 40 meðan heilsa leyfði. Gunnlaugur starfaði við vegavinnu og fiskvinnu.

Gunnlaugur fæddist á Egilsstöðum. Hann stundaði nám í sagnfræði, einnig þjóðhátta - og fornleifafræði. Eftir Gunnlaug er m.a. ritverkið Akranes.

Sonur Halldórs Antonssonar og Sigrúnar Hartmannsdóttur í Tumabrekku.

Gunnlaugur Guðmundsson, f. 25.03.1876 að Bási í Hörgárdal. Foreldrar: Guðmundur Jónsson, bóndi á Bási og víðar og kona hans Lilja Gunnlaugsdóttir. Gunnlaugur ólst upp í foreldrahúsum til fermingaraldurs. Fór þá í vinnumennsku í nokkur ár, keypti sér lausamennskubréf og stundaði vinnu hér og þar. Maki: Friðbjörg Jóhanna Halldórsdóttir, f. 20.05.1882. Þau eignuðust fimm börn. Þau hófu búskap í Djúpadal 1909. Á Ytri-Kotum 1910-1924, Uppsölum 1924-1925, Sólheimagerði 1925-1926, Grófargili 1926-1928, Íbishóli 1928-1933 og loks á Bakka í Vallhólmi 1933 til æviloka.

Fæddur að Syðra-Hvarfi í Svarfaðardal árið 1898

Gunnlaugur Eggertsson Briem var fæddur á Sauðárkróki 5. febrúar 1903, sonur Eggerts Briem yngri, þáverandi sýslumanns á Sauðárkróki og Guðrúnar Jónsdóttur frá Auðkúlu. ,,Gunnlaugur lauk stúdentsprófi frá Menntaskólanum í Reykjavík 1922 og lögfræðiprófi frá Háskóla Íslands 1927. Gunnlaugur hóf störf í atvinnu- og samgöngumálaráðuneytinu 1927, var skipaður fulltrúi þar 1930 og skrifstofustjóri 1944. 1947 var hann skipaður skrifstofustjóri og síðar ráðuneytisstjóri í atvinnumálaráðuneytinu og síðar landbúnaðarráðuneytinu og veitt lausn frá störfum vegna aldurs 1973. Gunnlaugur var dómari í Félagsdómi frá 1938 til 1974, skrifstofustjóri Útflutningsnefndar 1939 til 1943, sat í viðskiptaráði 1943 til 1945 og allan sinn starfsferil sat hann í fjölda veigamikilla nefnda á sviði innanríkis- og utanríkismála. Árið 1965 var Gunnlaugur kjörinn heiðursfélagi Skógræktarfélags Íslands, hlaut riddarakross hinnar íslensku fálkaorðu 1946, stórriddarakross 1952 og stórriddarakross með stjörnu 1963. 1946 hlaut hann frelsisorðu Kristjáns tíunda og kommandörkross sænsku Vasaorðunnar, riddarakross norsku st. Olavsorðunnar 1947, annars stigs kommandörkross Dannebrogsorðunnar 1948 og fyrsta stigs kommandörkross Dannebrogsorðunnar 1956." Hinn 5. júlí 1930 kvæntist Gunnlaugur Þóru Garðarsdóttur, þau eignuðust þrjú börn.

Foreldrar: Eggert Briem Gunnlaugsson sýslumaður á Reynistað og Ingibjörg Eiríksdóttir. Fæddur á Melgraseyri við Ísafjarðardjúp. Gunnlaugur varð snemma ráðsmaður á búi föður síns og hafði alla bústjórn á hendi á annan áratug, til 1882. Var einnig hin síðari ár fulltrúi hans og hélt manntalsþing og fl. í umboði hans. Var búsettur fyrst á Hjaltastöðum, en lengst á Reynistað, frá 1872-1882. Var við verslun í Reykjavík 1882-1885, verslunarstjóri í Hafnarfirði 1885-1897. Gunnlaugur var þingmaður Skagfirðinga 1883-1885. Kvæntist Friðriku Claessen og eignuðust þau einn son.

Gunnlaugur Eggert Briem fæddist á Sauðárkróki 8. nóvember 1922. Foreldrar hans voru Kristinn P. Briem kaupmaður á Sauðárkróki, og Kristín Björnsdóttir Briem. Gunnlaugur kvæntist hinn 6.11. 1954 Hjördísi Á. Briem hjúkrunarfræðingi og eignuðust þau fjögur börn. ,,Gunnlaugur lauk stúdentsprófi frá Menntaskólanum í Reykjavík árið 1943, embættisprófi í lögfræði frá Háskóla Íslands árið 1949. Hann stundaði framhaldsnám í réttarfari í opinberum málum í Svíþjóð og Danmörku 1950-51. Hann var fulltrúi hjá Sakadómaranum í Reykjavík 1949-61, var settur sakadómari 1961 og yfirsakadómari frá 1973. Árið 1982 var hann síðan skipaður yfirsakadómari og gegndi því embætti þar til hann lét af störfum fyrir aldurs sakir árið 1992. Gunnlaugur var auk þess dómari í Félagsdómi 1983-86, formaður Siglingadóms 1986-89, gegndi setudómarastörfum í nokkrum málum og var varadómari í Hæstarétti í einstökum málum á árunum 1984-92. Hann sat í stjórn Dómarafélags Íslands 1970-72, var endurskoðandi félagsreikninga 1977-78 og sat í nefnd til að endurskoða lög um meðferð opinberra mála árið 1985."

Sonur Sigurðar Eggertssonar Briem og Guðrúnar Ísleifsdóttur. Símaverkfræðingur í Reykjavík.

Gunnlaugur fæddist að Narfastöðum í Viðvíkursveit 26. júní 1891. Foreldrar hans voru Björn Gunnlaugsson og Halldóra Magnúsdóttir. Vorið 1916 útskrifaðist Gunnlaugur frá Kennaraskólanum og kenndi eftir það bæði í sinni heimasveit og við Bændaskólann á Hólum til 1922. Næstu tvö árin dvaldi hann í Danmörku og Noregi þar sem hann kynnti sér búnaðarhætti og lýðmenntun. Þegar heim kom 1924 bjó hann í Reykjavík og starfaði m.a. hjá UMFÍ, ritstýrði Skinfaxa og kenndi við Samvinnuskólann. Árið 1928 flutti fjölskyldan aftur norður og tóku þau hjónin við búi á Brimnesi en samhliða því starfaði Gunnlaugur sem kennari við Bændaskólann á Hólum. Gunnlaugur fékkst mikið við ritstörf og samdi m.a. ritið Hólar í Hjaltadal sem kom út árið 1937. Eins sá hann um ritstjórn Búfræðingsins og sat um skeið í stjórn Sögufélags Skagfirðinga. Gunnlaugur var jafnframt deildarstjóri Viðvíkurdeildar K.S. til margra ára. Kona Gunnlaugs var Sigurlaug Guðrún Sigurðardóttir (1903-1971) frá Hvalnesi og eignuðust þau einn son saman, Björn Gunnlaugsson (1926-1990), fyrir átti Sigurlaug dæturnar Huldu og Önnu og gekk Gunnlaugur þeim í föðurstað.

Gunnlaug Sigurbjörg Sigurðardóttir fæddist á Geirmundarstöðum í Sæmundarhlíð 7. október 1921. Foreldrar hennar voru hjónin Sigurður Sigurðsson yngri, bóndi þar, og kona hans Guðlaug Sigurðardóttir. Bogga naut föður síns ekki lengi því hann lést úr krabbameini 23. desember 1922. Guðlaug móðir hennar hélt áfram búskap með aðstoð tengdaforeldra sinna. 20. desember 1942 kvæntist Bogga Guðmundi Svavari Valdimarssyni eða Munda Valda Garðs eins og hann var kallaður og sáu þau meðal annars um rekstur Sauðárkróksbíós. Bogga og Mundi eignuðust tvær dætur og bjuggu lengst af á Bárustíg 3 á Sauðárkróki.

Foreldrar: Stefán Sigurðsson og Þórdís Ingimundardóttir á Vatnsenda. Gunnlaug var frá sjö ára aldri alin upp á Gautastöðum í Stíflu af Jóhannes Bogasyni og k.h. Guðrúnu Ólafsdóttur. Kvæntist Bjarna Sigfússyni frá Gröf á Höfðaströnd.

Dóttir sr. Hallgríms Thorlacius prest í Glaumbæ og Sigríðar Þorsteinsdóttur. Kvæntist norskum manni Fr. Stang, þau voru búsett í Noregi.

Dóttir sr. Vilhjálms Briem frá Reynistað og k.h. Steinunnar Pétursdóttur. Gunnlaug var forstjóri Söfnunarsjóðs Íslands. Kvæntist Bjarna Guðmundssyni blaðafulltrúa í Reykjavík.

Dóttir Eggerts Kristjánssonar söðlasmiðs á Sauðárkróki og Sumarrósar Sigurðardóttur. Kvæntist Karli Guðmundssyni lögregluvarðstjóra í Reykjavík. Síðast búsett í Kópavogi.

Húsfreyja á Sauðárkróki. Kjörforeldrar: Þórey Sigmundsdóttir Hansen, f. 1.9.1886 og Hans Kristján Hansen, f. 18.10.1885.

Foreldrar: Andrés Pétursson b. á Öldubakka á Skaga og v. og k.h. Kristjana Jóhanna Jónsdóttir. Gunnhildur fylgdi foreldrum sínum framan af en var svo í vistum hér og þar; á Þorbjargarstöðum í Laxárdal 1916-1919, á Breiðstöðum í Gönguskörðum 1920-1921, á Veðramóti 1922 þar sem hún kynntist manni sínum Abel Jónssyni. Þau fluttu til Sauðárkróks árið 1923 þar sem þau bjuggu lengst af. Gunnhildur og Abel eignuðust ekki börn en áttu eina fósturdóttur.

Fæddist á Sauðárkróki 27. apríl 1926. Foreldrar hennar voru Steinunn Ingibjörg Ólafsdóttir og Magnús Konráðsson. Fósturforeldrar hennar frá sex mánaða aldri voru Gunnhildur Andrésdóttir húsmóðir og Abel Jónsson sjómaður, búsett á Sauðárkróki. Gunnhildur giftist 30. ágúst 1945 Svafari Helgasyni. Þau eignuðust tvær dætur. Gunnhildur starfað lengst af hjá Pósti og síma á Sauðárkróki. Hún var félagi í kirkjukór Sauðárkrókskirkju í 40 ár og virkur félagi í félagsstarfi á Sauðárkróki um árabil.

Gunnfríður Ingibjörg Björnsdóttir fæddist á Stóru-Ökrum í Blönduhlíð 29. febrúar 1920. Foreldrar hennar voru hjónin Björn Sigurðsson bóndi á Stóru-Ökrum og Sigríður Gunnarsdóttir húsfreyja. Þau voru bæði fædd í Syðra-Vallholti. Gunnfríður giftist hinn 26. maí 1943 Hólmsteini S. Jóhannessyni bónda á Þorleifsstöðum, þau eignuðust fjögur börn og bjuggu á Þorleifsstöðum.

Fyrrverandi eiginkona dr. Björns Gunnarssonar og Ingibjargar Bjarnadóttur, Boggu, sem var systir Kristmundar.

Gunnar Valdimarsson, f. að Rauðalæk efra á Þelamörk. Foreldrar: Valdemar Guðmundsson og Arnbjörg Guðmundsdóttir. Ólst upp á Rauðalæk fyrstu þrjú árin en síðan á Fremri-Kotum í Norðurárdal og í Bólu í Blönduhlíð. Stundaði akstur vörubíla og mjólkurbíla. Maki: Sigurlaug Stefánsdóttir fædd á Geirmundarstöðum í Sæmundarhlíð. Þau eignuðust fimm börn. Reistu bú að Fremri-Kotum 1937. Þann 6. júlí 1954 hljóp mikil skriða á bæinn og olli gríðarlegu tjóni á húsakosti og jörð en allt var byggt upp aftur með góðum fjárstyrk og eljusemi ábúenda. Gunnar hafði einnig umboð fyrir eldsneyti á vegum Shell heima á Fremri-Kotum og stundaði margvíslega flutninga. Hann þótti handlaginn og sinnti viðgerðum fyrir sjálfan sig og aðra.

Foreldrar: Þorsteinn Þorsteinsson og Guðrún Brynjólfsdóttir. Starfaði sem lögmaður og hæstaréttarlögmaður í Reykjavík og í Kaupmannahöfn, um tíma bæjarfógeti í Vestmannaeyjum.
Maki 1: Jóna Marta Guðmundsdóttir húsfreyja. Þau skildu. Þau eignuðust 2 börn.
Maki 2: Guðrún Ágústa Þórðardóttir húsfreyja. Þau skildu.
Maki 3: Þóra Emilía María Júlíusdóttir Havsteen húsfreyja. Þau skildu.

Sonur Maríu Kristínar Valgardsdóttur Claessen og Sigurðar Thoroddsen. Dr. juris, prófessor, borgarstjóri, sendiherra, alþingismaður og forsætisráðherra, síðast bús. í Reykjavík. Var á Fríkirkjuvegi 3, Reykjavík 1930. Dr. juris og prófessor 1945.

Sonur Guðjóns Sigurðssonar bakara á Sauðárkróki og k.h. Ólínu Ingibjargar Björnsdóttur. Bakarameistari. Lengi búsettur á Sauðárkróki, síðar í Reykjavík.

Foreldrar hans voru Þórður Gunnarsson bóndi á Lóni í Viðvíkursveit og k.h. Anna Björnsdóttir. Eiginkona Gunnars var Jófríður Björnsdóttir frá Bæ á Höfðaströnd, þau eignuðust tvær dætur. Þau bjuggu á Hólavegi 17, Sauðárkróki, nær alla sína búskapartíð. Þau reistu sér sumarbústað á Lóni þar sem Gunnar sinnti æðarvarpi, lax- og silungsveiði, auk skógræktar og landgræðslustarfa. Einnig gerði Gunnar út trillu og stundaði skot- og stangveiðar fram á elliár. Gunnar sótti barnaskóla í Viðvíkursveit, gekk í Bændaskólann á Hólum og Héraðsskólann á Laugarvatni. Hann ók langferða- og leigubílum á yngri árum en var síðar yfirlögregluþjónn á Sauðárkróki. Var einnig prófdómari ökuprófa og bifreiðaeftirlitsmaður á Sauðárkróki. Starfaði mörg ár í Rótarýklúbbi Sauðárkróks, Veiðifélagi Skagafjarðar, Æðarræktarfélagi Skagafjarðar og bridgefélagi Sauðárkróks.

Gunnar var fæddur 1922. Foreldrar hans voru Kristbjörg Dúadóttir húsfreyja og bæjarfógetaritari og Steindór Steindórsson grasafræðingur og skólastjóri, frá Hlöðum.
Steindór kvæntist árið 1946, Guðrúnu Sigbjörnsdóttur tryggingafulltrúa. Börn þeirra:Steindór, Sigbjörn, Gunnar og Kristín.
Gunnar lauk stúdentsprófi frá MA árið 1944. Árabilið 1945 til 1946 starfaði hann í Dómsmálaráðuneytinu, síðan vann hann hjá Bifriðaeftirliti ríkisins 1946-1953, Slökkviliðinu 1953-1966 og starfaði hjá MA þar sem hann gengdi kennarastarfi frá 1969-1972. Hann vann við Iðnskólann og síðar við Verkmenntaskólann á Akureyri þar til hann lét af störfum vegna aldurs

Útvarpsmaður, hefur ritstýrt Andvara, skrifaði Bókina Saga Ríkisútvarpsins 1930-1960. Háskólapróf í íslensku og bókmenntum.

Faðir: Sigurður Gunnarsson (1833-1909) bóndi og hreppstjóri á Fossi á Skaga. Móðir: Sigríður Gísladóttir (1853-1936) húsfreyja á Fossi. Gunnar keypti Aðalgötu 9 (Miklibær/Dýrfinnuhús) og hafði þar greiðasölu og gistingu í húsinu. Gunnar stækkaði húsið í suður og var sú viðbygging nefnd Salurinn, veitingastofa en þessi viðbygging var rifin 1959. Gunnar var viðriðinn peningafölsunarmáli sem kom upp haustið 1914 og ritað hefur verið um í Skagfirðingabók 22 (1993). Gunnar var kvæntur Dýrfinnu Jónasdóttur frá Keldudal en hún var ekkja eftir Þórð Jónsson bónda á Auðólfsstöðum, þau skildu. Gunnar flutti til Reykjavíkur og opnaði þar verslunina Von (Laugavegur 55), 3. maí 1919 og var kallaður Gunnar í Von. Seinni kona hans var Margrét Gunnarsdóttir frá Ysta - Gili í Langadal. Þau eignuðust fimm dætur sem allar tóku drjúgan þátt í rekstri búðarinnar og einnig við rekstur búsins á Gunnarshólma. En þau Gunnar og Margrét reistu sér sumarbústað rétt utan við borgina 1928. En bústaðurinn varð að stórbýlinu Gunnarshólma sem blasir við þegar er ekið um Suðurlandsveg."

Sonur Sigurbjörns Tryggvasonar b. á Grófargili á Langholti og k.h. Jónönnu Jónsdóttur. Múrarameistari, búsettur í Kópavogi. Kvæntist Sigríði Óladóttur Möller frá Þórshöfn.

Foreldrar: Ólafur Jónsson og k.h. Valgerður Gunnarsdóttir á Ögmundarstöðum í Staðarhreppi. Gunnar ólst upp með foreldrum sínum fram að fermingu, fór þá að Eyhildarholti og fermdist þaðan. Hann var svo í vinnumennsku næstu ár, þar til hann kvæntist árið 1885 Sigurlaugu Magnúsdóttur frá Utanverðunesi. Fyrstu þrjú hjúskaparár sín bjuggu þau að Vík í Staðarhreppi en fluttu að Keflavík í Hegranesi 1888 þar sem þau bjuggu til æviloka. Meðfram búskapnum stundaði Gunnar veiðskap. Gunnar og Sigurlaug eignuðust 14 börn saman, 13 þeirra komust á legg. Fyrir hjónaband hafði Gunnar eignast einn son með Arnbjörgu Hannesdóttur.

Foreldrar: Ólafur Sigurðsson bóndi og alþingismaður að Ási í Hegranesi og k.h. Sigurlaug Gunnarsdóttir. Gunnar ólst upp með foreldrum sínum í Ási. Fór til Danmerkur haustið 1879 að læra nýtísku vefnað og annan heimilisiðnað. Sneri aftur til Íslands 1880 og hafði þá meðferðis ýmis iðnaðartæki, svo sem hraðskyttuvefstól, lóskurðarvél, vaðmálapressur og fleira. Vann næstu ár við iðnaðarstörf hjá foreldrum sínum og tók til kennslu nemendur innan héraðs og utan, er lærðu meðferð ýmissa iðnaðartækja. Hann flutti frá Ási 1883 og bjó að Keldudal í Hegranesi 1883-1888, stundaði einnig iðnaðarstörf sín, var og 1883-1888 oddviti í Rípurhreppi. Fór búferlum að Lóni í Viðvíkursveit 1888 og bjó þar til 1897, en flutti þá aftur á hálfan Ás á móti bróður sínum og bjó þar til æviloka. Gunnar kvæntist Guðnýju Jónsdóttur frá Reykholti í Borgarfirði, þau eignuðust átta börn.

Gunnar Oddsson, f. í Flatatungu á Kjálka 11.03.1934, d. 10.03.2019 á Sauðárkróki. Foreldrar: Oddur Einarsson (1904-1979) frá Flatatungu og Sigríður Gunnarsdóttir (1899-1989) frá Keflavík í Hegranesi. Maki: Helga Árnadóttir. Þau eignuðust fjögur börn.
Gunnar ólst upp hjá foreldrum sínum í Flatatungu. Hann tók landspróf árið 1950 og varð búfræðingur frá Hólaskóla árið 1954 og lauk búfræðikandídatsprófi frá Hvanneyri 1957. Starfaði sem ráðunautur hjá Búnaðarsambandi Skagfirðinga 1957-1959. Það ár tók hann við búi í Flatatungu en brá búi 1998 og Einar sonur hans tók við.
Gunnar tók virkan þátt í félagsmálum og gegndi trúnaðarstörfum ýmis konar. Var m.a. stjórnarformaður Kaupfélags Skagfirðinga (1981-1988), sat á búnaðarþingi og í hreppsnefnd Akrahrepps.

Gunnar Már Ingólfsson, f. á Sauðárkróki 24.12.1944, d. 11.05.2001. Foreldar: Unnur Hallgrímsdóttir og Ingólfur Nikódemusson.
Maki 1: Anna Sigurbjörg Leópoldsdóttir. Þau eignuðust tvær dætur. Fyrir átti Anna einn sön. Gunnar og Anna skildu.
Maki 2: Hólmfríður Ragnarsdóttir (f. 1950). Hún á þrjú börn.
Gunnar ólst upp á Sauðárkróki og lauk hefðbundinni skólagöngu þar. Á unglingsárum vann hann ýmis störf til sjávar og sveita. Hann réðist snemma til starfa hjá mjólkursamlagi KS. Hann fór til Noregs 1964 og stundaði þar nám í mjólkurfræði. Að námi loknu, árið 1968, settist hann að á Sauðárkróki og vann þar til 1978. Þá flutti hann á Selfoss og vann hjá Mjólkurbúi Flóamanna. Frá Selfossi flutti hann til Reykjavíkur og starfaði hjá Mjólkursamsölunni í Reykjavík. Hann starfaði við sjómennsku um tíma, og vann þá m.a. hjá Hafskip. Einnig vann hann hjá Útgerðarfélagi Skagfirðinga. Árið 1987 flutti hann aftur í Skagafjörrð og vann hjá mjólkursamlagi KS til dánardags. Hann tók þátt í starfi Leikfélags Sauðárkróks, UMF Tindastóls og Kiwanisklúbbsins Drangeyjar. Einnig söng hann í kórum og var m.a. í Karlakórnum Heimi.

Rithöfundur

Var í fóstri í Hólakoti á Reykjaströnd, fiskmatsmaður í Bolungarvík og sjómaður á Sauðárkróki og í Hnífsdal. Síðast búsettur á Siglufirði.

Fæddur og uppalinn á Mælifellsá á Efribyggð í Lýtingsstaðahreppi, sonur Jóhanns Péturs Magnússonar og Lovísu Sveinsdóttur. Fimmtán ára gamall lærði Gunnar leðursaum og skósmíði á Akureyri og átján ára gamall stofnsetti hann saumastofu á heimili foreldra sinna, þar sem framleiddar voru skinnavörur. Um þetta leyti fór hann að finna fyrir vöðvarýrnun sem ágerðist nokkuð hratt svo að innan við tvítugt þurfti hann að nota hækjur og var bundinn við hjólastól frá 25 ára aldri. Árið 1943 kvæntist hann Þuríði Kristjánsdóttur og keyptu þau hjón 30 ha. landspildu úr landi Skíðastaða á Neðribyggð ásamt heitavatnsréttindum og byggðu nýbýlið Varmalæk, þar sem þau settust að og ráku saumastofu, gróðurhús og verslun. Eftir tíu ára búsetu á Varmalæk hafði heilsu Gunnars hrakað mjög og þurftu þau að hjón að flytja til Reykjavíkur til þess að hafa greiðari aðgang að læknisþjónustu v. sjúkdóms hans. Í Reykjavík ráku þau verslun og saumastofu um tíu ára skeið. Eftir það hóf Gunnar störf hjá Múlalundi og varð síðar einn af aðal hvatamönnum að stofnun Sjálfsbjargar og starfaði mikið fyrir félagið. Síðustu starfsárin starfaði hann við rekstur fornmunaverslunar. Gunnar var snjall hagyrðingur og mikill söngmaður.
Gunnar og Þuríður eignuðust átta börn.

Gunnar Jóhann Valdimarsson fæddist á Vöglum í Blönduhlíð í Skagafirði. Gunnar lauk prófi frá Hólaskóla vorið 1921. Bóndi í Víkurkoti í Blönduhlíð 1928-1934, þá skráður húsmaður á Víðivöllum, en nytjaði hálfa jörðina. Hann var bóndi á Víðimýri 1934-1947 og á Víðimel 1947-1963. Meðfram bústörfum var Gunnar vörubílstjóri og um skeið tók hann við póstferðum á leiðinni Sauðárkrókur-Akureyri eftir að hann keypti Víðimýri. Einnig starfaði hann sem forstjóri Slátursamlags Skagfirðinga frá því uppúr 1960-1974. Hann bjó síðustu árin á Sauðárkróki.
Kona hans var Amalía Sigurðarsdóttir (1890-1967).

Jón Gunnar fæddist á Fjalli í Kolbeinsdal þann 15. febrúar árið 1938. Foreldrar hans voru Guðný Jónsdóttir og Haraldur Björnsson, búfræðingur frá Bændaskólanum á Hólum í Hjaltadal. Nokkurra mánaða gamall fluttist hann með móður sinni að Kýrholti í Viðvíkursveit og ólst þar upp til fullorðinsára. ,,Drjúgan hluta ævi stundaði Jón Gunnar verslunarstörf. Um skeið var hann verslunarstjóri hjá Silla og Valda í Reykjavík, gegndi síðar starfi deildarstjóra hjá Kaupfélagi Skagfirðinga á Sauðárkróki." Jón Gunnar kvæntist Láru Angantýsdóttur, þau áttu saman einn son, fyrir átti Lára annan son.

Gunnar var fæddur á Gunnarsstöðum í Þistilfirði 15. febrúar 1933. Foreldrar hans voru Þuríður Árnadóttir og Halldór Ólason. ,,Ævistarf Gunnars var við bústörf. Gunnar og bróðir hans Óli bjuggu félagsbúi á Gunnarsstöðum og ræktuðu bæði sauðfé og mjólkurkýr auk þess sem alltaf voru reiðfær hross á bænum. Ræktunarstarf þeirra bræðra í búfjárrækt var landsþekkt og verðlaunað. Gunnar var afskaplega glöggur á skepnur og hélt vel um bústofn sinn. Hann var náttúrubarn, elskaði landið sitt og þekkti hverja þúfu og hól í nágrenni sínu. Eftir lát Óla bróður síns bjó hann áfram félagsbúi með ekkju Óla, Hólmfríði Kristdórsdóttur. Gunnar bjó alla tíð að Gunnarsstöðum allt til ársins 2008 er hann flutti ásamt Hólmfríði mágkonu sinni á Dvalarheimilið Naust á Þórshöfn, þar sem hann bjó til dánardags."

Gunnar Gunnarsson fæddist í Syðra-Vallholti í Vallhólma í Skagafirði 28. mars 1926. Foreldrar hans voru hjónin Ragnhildur Erlendsdóttir frá Stóru-Giljá í Húnaþingi og Gunnar Gunnarsson, bóndi í Syðra-Vallholti. ,,Gunnar var nemandi í Héraðsskólanum á Laugarvatni 1943-1945. Var síðan að mestu við bústörf í Vallholti, einn vetur á vertríð í Grindavík og vetrarpart á skrifstofu á Ólafsfirði. Bóndi í Syðra-Vallholti frá 1950, fyrstu árin í félagi með föður sínum." 1966 kvæntist Gunnar Stefaníu Þórunni Sæmundsdóttur frá Siglufirði, þau eignuðust eina dóttur saman, fyrir átti Stefanía aðra dóttur sem Gunnar gekk í föðurstað.

Skáld

Foreldrar: Guðmundur Jóhann Sigmundsson b. í Víðinesi í Hjaltadal og k.h. Fjóla Gunnlaugsdóttir. Bóndi í Víðinesi 1977-2012, nú búsettur á Fáskrúðsfirði, starfsmaður Alcoa fjarðaáls á Reyðarfirði.

Gunnar Guðjón Helgason fæddist á Fagranesi á Reykjaströnd 21. september 1929. Foreldrar hans voru Guðbjörg María Guðmundsdóttir og Helgi Ísfjörð Gunnarsson. ,,Gunnar lærði bakaraiðn og vann í Sauðárkróksbakaríi um skeið, vann svo á Bifreiðaverkstæðinu Áka, Keflavíkurflugvelli, Hitaveitu Sauðárkróks og endaði svo starfsferilinn hjá Kaupfélagi Skagfirðinga en þar starfaði hann í 22 ár. Gunnar starfaði einnig mikið að félagsmálum, var m.a. formaður ungra sjálfstæðismanna í Skagafirði, formaður Stangaveiðifélags Sauðárkróks, formaður U.M.F. Tindastóls og formaður Slysavarnadeildarinnar." 17. júní 1956 kvæntist Gunnar Sigurlaugu Jónsdóttur, þau eignuðust sex börn, fyrir átti Sigurlaug einn son.

Gunnar Gíslason, f. á Seyðisfirði 05.04.1914. d, 31.03.2008. Foreldrar: Gísli Jónsson (1882-1964) verslunarmaður á Seyðisfirði og fyrri kona hans Margrét Arnórsdóttir (1887-1920). Skráður hjá afa sínum, sr. Arnóri Árnasyni, á Hvammi í Laxárdal, árið 1930. ,,Gunnar tók stúdentspróf frá MA árið 1938 og guðfræðipróf frá HÍ árið 1943. Bóndi og sóknarprestur í Glaumbæ í Seyluhreppi 1943-1982. Prófastur í Skagafjarðarsýslu 1977-1982. Jafnframt skólastjóri unglingaskóla í Varmahlíð 1944-1946. Sat allsherjarþing Sameinuðu þjóðanna 1965. Gegndi fjölmörgum trúnaðarstörfum., m.a. Í stúdentaráði Háskóla Íslands 1939–1940. Formaður Vöku, félags lýðræðissinnaðra stúdenta, 1940–1941. Í hreppsnefnd Seyluhrepps 1946–1986. Í stjórn Skógræktarfélags Skagfirðinga frá 1947, formaður 1961–1981. Í stjórn Byggðasafns Skagfirðinga í Glaumbæ 1948–1986. Í bankaráði Búnaðarbankans 1969–1985. Kosinn 1973 í flutningskostnaðarnefnd. Sat á allsherjarþingi Sameinuðu þjóðanna 1965. Alþingismaður Skagfirðinga 1959, alþingismaður Norðurlands vestra 1959–1974 (Sjálfstæðisflokkur). Varaþingmaður Skagfirðinga apríl–maí 1955 og apríl–maí 1957."

Maki (17. júní 1944): Ragnheiður Margrét Ólafsdóttir (fædd 13. apríl 1915), þau eignuðust sex börn.

Foreldrar: Gísli Þorfinnsson í Miðhúsum í Blönduhlíð og Guðrún Gísladóttir. Bóndi á Breiðstöðum í Gönguskörðum, Brekkukoti í Blönduhlíð, Ábæ, Víðivöllum í Blönduhlíð, Bústöðum í Austurdal og Sólborgarhóli í Kræklingahlíð í Eyjafirði. Maki: Sigríður Guðmundsdóttir f. 16.03.1895 á Fyrirbarði í Fljótum. Þau eignuðust 12 börn. Bjuggu lengst þessara staða á Ábæ og var Gunnar kenndur við þann bæ.

Mögulega er hér um að ræða Gunnar Gíslason, klausturhaldara og bónda á Víðivöllum í Blönduhlíð. Lengi ráðsmaður á Hólum. Lögréttumaður, getið 1562.

Foreldrar: Gunnar Geir Gunnarsson (1927-2016) og Arnbjörg Jónsdóttir (1928-), kölluð Ebba. Ólst upp á Hofsósi. Búsettur í Reykjavík.

Gunnar Geir Gunnarsson fæddist 4. september 1927 að Enni í Unadal í Skagafirði. Foreldrar hans voru Gunnar Gunnarsson og Pálína Þorleifsdóttir. ,,Geiri, eins og hann var oftast kallaður, ólst upp á Hofsósi. Eiginkona Gunnars Geirs var Arnbjörg Jónsdóttir, Ebba ljósmóðir, fædd á Nesi í Flókadal. Árið 1952 byggðu þau sér hús að Kárastíg 15 á Hofsósi. Geiri var vörubílstjóri alla sína tíð og vann við vegagerð þ. á m. Siglufjarðarskarð, í Fljótum og þjónustaði bændur í Skagafirði með fjárflutninga, áburðardreifingu, malardreifingu og fleira. Þá vann hann einnig við efnisvinnslu og vegagerð víða um land. Árið 1985 fluttu Geiri og Ebba til Reykjavíkur, þar vann hann hjá verktakafyrirtækinu Veli og Skeljungi. Þá vann hann hjá sonum sínum við keyrslu til áttræðisaldurs." Gunnar og Ebba eignuðust þrjú börn.

Sonur Flóvents Marinó Albertssonar og Guðrúnar Ágústsdóttur Blöndal. Bifreiðastjóri á Sauðárkróki. Kvæntist Halldóru Hafdísi Kareni Hallgrímsdóttur frá Siglufirði, þau eignuðust tvö börn. Þau skildu. Seinni kona Gunnars var Ingibjörg Ólafía Gunnarsdóttir frá Tálknafirði. Þau skildu.

Gunnar er sagnfæðingur. Hann er skjalavörður kaþólsku kirkjunnar,rithöfundur, skrifað m.a. ævisögu Jóns Sveinssonar (Nonna)

Sonur Einars Jónssonar og Rósu Gísladóttur frá Varmalandi. Gunnar lauk prófi frá Húsabakkaskóla vorið 1919. Bóndi í Steinholti í Staðarhreppi 1921-1922, á Bergskála 1938-1959. Aðalævistarf Gunnars var barnakennsla. Hann kenndi börnum í Staðarhreppi 1920-1924. Stundaði unglinga- og heimiliskennslu 1922-1930 og síðan barnakennari í Skefilsstaðahreppi 1930-1958. Annað aðalstarf Gunnars um ævina var veiðiskapur á landi og sjó. Hann stundaði skotveiðar frá unga aldri og eftir að hann fluttist á Skaga var refaskytta í Skefilsstaðahreppi meðan heilsa leyfði, eða fram til 1958. Hann hafði þá stundað grenjavinnslu frá árinu 1919. Rjúpnaveiðar stundaði hann einnig. Árið 1957 hafði Gunnar unnið 1800 tófur og 300 minka, enda hlaut hann heiðursskjal frá Búnaðarfélagi Íslands fyrir vikið. Gunnar var fljúgandi hagmæltur og var oft fenginn til að skemmta á samkomum.
Maki 1: Hildur Jóhannesdóttir ljósmóðir, þau eignuðust sjö börn, aðeins þrjú þeirra komust á legg. Fyrir átti Hildur eina dóttur. Gunnar og Hildur skildu árið 1931.
Maki 2: Halldóra Sigurbjörg Traustadóttir Reykdal, þau eignuðust sex börn.