Skjalið er tvær samanbrotnar fjölritaðar arkir sem hafa verið heftaðar saman. Um fjölrit er að ræða. Ástand ágætt, nema ryð eftir hefti. Skjalið inniheldur reikninga Kjötbúðar Siglufjarðar árið 1964.
17 kladdar (nemendaskrár) frá árabilinu 1933-1970. Vantar nokkur skólaár inn á milli. Frá einu skólaárinu eru tveir kladdar og segir að skóli hafi hafist þann vetur. Sá kladdi mun því líklega tilheyra skólastarfi í Akrahreppi.
Litlir bláir miðar um félagaskráningu. Miðarnir eru prentaðir, persónugreinanlegir en án ártals og vel læsilegir Gögnin eru sett i öskjur eftir stafrófsröð eins og þau lágu í safni.
Kort og skeyti úr eigu Tryggva Guðlaugssonar Ólafar Oddsdóttur í Lónkoti. 8 jólakort 4 þakkarkort 10 samúðarskeyti og 13 samúðarkort vegna andláts Odds Tryggvasonar. Með liggja fáein umslög. Ástand skjalanna er gott.
Fréttablaðið Krókstíðindi var gefið út af Óla Birni Kárasyni og Guðna Björnssyni árið 1980 og var tilgangur þess að flytja fréttir úr bæjarlífinu og "lífga svolítið upp á bæjarbraginn" eins og segir í 1. tölublaði.
Krókur á móti bragði var gefið út árið 1984 á Sauðárkróki og flutti fréttir á meðan prentaraverkfalli stóð, sama ár, og var gefið út á meðan verkfallið varði. Ritstjóri og ábyrgðarmaður var Hávar Sigurjónsson.
Kvæði eftir Hannes Hafstein, lag Markús Kristjánsson; Er sólin hnigur. Fjögur sönglög eftir Einar Markan við kvæði Hannesar. Sprettur kvæði eftir Hannes Hafstein, söngur eftir Sv. Sveinbjörnsson. Mótið; lag eftir Jón Laxdal.
18 línustrikuð blöð með handskrifuðum kveðskap. Mörg ljóðanna eru ort í tilefni af afmælum eða virðast ætluð til flutnings við þorrablót eða slíkar samkomur. Á sumum blaðanna er búið að strika yfir og breyta einstaka orðum. Ritað með rithönd Péturs sjálfs.
Vísa sem kveðin er til Egils Bjarnasonar, starfsmann Búnaðarsamband Skagfirðinga. Höfundur óþekktur. Vísan hljóðar svo: Ekki mér á Egil lýst, aldraðan og gráan. Mikið hefur Bjartur breyst til batnaðar að sjá'ann.
Ferskeytlan er handskrifuð á pappírsbleðil í stærðinni 12x7 cm. Aftan á blaðið er skrifað að hún sé skrifuð af höfundi sjálfum. Ástand skjalsins er gott.
Ljóðin eru vélrituð á tvær pappírsarkir, í A4 og A5 stærð. Annað þeirra ber yfirskriftina Fyrsta vorblómið, hitt er án titils. Ástand skjalanna er gott.
