Frá Spáná í Unadal. Kvæntist Sigurði Gunnlaugssyni frá Skriðulandi. Þau hófu búskap á Flögu í Hörgárdal árið 1862, fluttust svo að Skúfsstöðum í Hjaltadal árið 1866 og síðan að Skriðulandi í Kolbeinsdal árið 1872 og bjuggu þar til æviloka. Sigurður og Guðrún eignuðust fjögur börn.

Kolbeinn Kristinsson, f. á Þúfum í Óslandshlíð en fluttist ásamt foreldrum sínum að Skriðulandi í Kolbeinsdal 1897. Foreldrar: Kristinn Sigurðsson (1863-1943) og Hallfríður Jónsdóttir (1858-1951). Kolbeinn tók fyrst við parti af búinu á Skriðulandi en svo allri jörðinni þegar faðir hans lést 1943. Kolbein bjó í 3 ár á Hofi en fluttist aftur að Skriðulandi. Hann fór þaðan alfarinn árið 1955. Þá flutti hann til Akureyrar og vann á fjórðungssjúkrahúsinu við skrifstofustörf og sem gjaldkeri. Frá Akureyri flutti hann til Sauðárkróks og bjó í tvö ár þar og vann við skipaafgreiðslu hjá Kaupfélaginu. Loks flutti hann til Reykjavíkur þar sem hann fékk ígripavinnu hjá Finni Sigmundssyni á Þjóðskjalasafninu.
Maki: Kristín Guðmundsdóttir (1898-1981). Þau eignuðust tvær dætur.

Foreldrar: Sigurður Gunnlaugsson síðast b. á Skriðulandi í Kolbeinsdal og k.h. Guðrún Jónsdóttir. Kristín kvæntist Halli Jóhannssyni, þau bjuggu í Garði í Hegranesi, þau eignuðust ekki börn saman. Með fyrri konu sinni hafði Hallur eignast fjögur börn.

Foreldrar: Sigurður Gunnlaugsson síðast b. á Skriðulandi í Kolbeinsdal og k.h. Guðrún Jónsdóttir. Kristinn ólst upp með foreldrum sínum og fluttist með þeim að Skriðulandi í Kolbeinsdal árið 1872. Reisti bú á Fjalli í Kolbeinsdal 1894. Fluttist að Þúfum í Óslandshlíð 1895, að Stóragerði 1896. Fór aftur að Skriðulandi 1897, tók við búskap þar að fullu árið 1900-1933. Kristinn fylgdi ferðamönnum ótal sinnum yfir Heljardalsheiði í erfiðum veðrum. Eftir að síminn var lagður yfir heiðina annaðist Kristinn eftirlit með línunni og bilanir voru tíðar. Kristinn kvæntist Hallfríði Jónsdóttur, hún var alin upp á Hvalnesi á Skaga, þau eignuðust einn son saman. Fyrir hafði Kristinn eignast son með Kristínu Jónsdóttur, sá fór til Vesturheims.

Foreldrar: Gunnlaugur Gunnlaugsson b. á Skriðulandi og k.h. Kristín Sigurðardóttir. Sigurður reisti bú í Flögu í Hörgárdal 1862, fluttist að Skúfsstöðum 1866, keypti Skriðuland og fluttist þangað 1872, bjó þar til æviloka. Kvæntist Guðrúnu Jónsdóttur frá Spáná í Unadal, þau eignuðust fjögur börn. Sigurður var um skeið hreppstjóri í Hólahreppi og síðar oddviti.