Fæddur og uppalinn að Veiðileysu í Árneshreppi. Fluttist til Ólafar systur sinnar að Svanshóli í Kaldrananeshreppi árið 1924 er hún missti mann sinn frá stórum barnahópi og stjórnaði Ingimundur þar búi þar til börnin voru öll upp komin. Síðast búsettur á Finnbogastöðum. Ingimundur var ókvæntur og barnlaus.

Ingimundur var fæddur á Illugastöðum í Laxárdal fremri, foreldrar hans voru Bjarni Sveinsson og Kristín Jónsdóttir. Ingimundur ólst upp í Kirkjuskarði í Laxárdal hjá Stefáni Guðmundssyni og Sigríði Guðmundsdóttur. Árið 1919 kvæntist Ingimundur Sveinsínu Bergsdóttur og tóku þau við búi að Kirkjuskarði. 1925 brugðu þau búi og fluttu í húsið Árbakka (Suðurgötu 5) á Sauðárkróki. Í kjallara hússins opnaði Ingimundur járnsmíðaverkstæði og starfaði þar sem járn/eldsmiður. Ingimundur og Sveinsína eignuðust fjórar dætur.

Ingimundur Árnason fæddist í Ketu í Hegranesi 9. ágúst 1923. Ingimundur giftist árið 1950 Baldvinu Ásgrímsdóttur frá Syðra-Mallandi á Skaga. Ingimundur og Baldvina hófu búskap í Ketu í Hegranesi árið 1950, þau eignuðust tvö börn. Baldvina lést árið 1960 en Ingimundur bjó áfram í Ketu ásamt börnum sínum til ársins 1974 er hann fluttist til Sauðárkróks. Þar starfaði hann fyrst sem olíubílstjóri hjá Kaupfélagi Skagfirðinga og við ýmis önnur störf. Vorið 1982 keypti hann jörðina Laufskála í Hjaltadal og flutti þangað með sambýliskonu sinni, Maríu Hermannsdóttur frá Lóni í Viðvíkursveit. María lést árið 1985, þá flutti Ingimundur aftur á Sauðárkrók og bjó þar síðan, starfaði lengst af sem vörubílstjóri.

Garðyrkjumaður í Reykjavík, síðast búsettur í Hveragerði.

Bjó hjá foreldrum sínum á Draflastöðum. Búfræðingur. Ókvæntur og barnlaus. Varð úti á Héðinsskörðum 1908.

Sonur Jóns Stefánssonar verkstæðisformanns á Sauðárkróki og k.h. Petru Gísladóttur.

Foreldrar: Jón Jónasson b. á Flugumýri og s.k.h. Sigríður Guðmundsdóttir. Ingimar ólst upp á Flugumýri og nam barnalærdóm hjá mági sínum, Stefáni Vagnssyni á Hjaltastöðum. Í Hólaskóla fór hann 1928 og lauk þaðan prófi 1930. Bóndi á Flugumýri 1932-1955. Kvæntist Sigrúnu Jónsdóttur frá Vatni á Höfðaströnd, þau eignuðust átta börn.

Ingimar Hólm Ellertsson fæddist 21. október 1940.
Rafvirki, lengi búsettur á Sauðárkróki, en fluttist til Akraness.
Kona hans er Sigurrós Berg Sigurðardóttir (1943-).

Bóndi á Dvergsstöðum og Litlahóli í Hrafnagilshr. Deildarstjóri hjá KEA og einn af stofnendum þess. Bóndi á Litla-Hóli, Grundarsókn, Eyj. 1930.

Ingimar Bogason fæddist á Syðra-Skörðugili á Langholti í Skagafirði 18. maí 1911. ,,Foreldrar hans voru hjónin Bogi Gíslason bóndi á Syðra-Skörðugili og kona hans Þorbjörg Ólafsdóttir. Ingimar kvæntist 30. maí 1943 Engilráði Sigurðardóttur frá Hvammi í Svartárdal og hófu þau búskap að Halldórsstöðum í Seyluhreppi. Þau fluttu til Sauðárkróks árið 1945 og bjuggu þar síðan, lengst af á Freyjugötu 34, þau hjónin eignuðust fjóra syni."

Ingimar Ástvaldur Magnússon fæddist á Ytri-Hofdölum í Viðvíkursveit í Skagafirði 13. október 1907. Foreldrar hans voru hjónin Magnús Gunnlaugsson og Guðrún Bergsdóttir. Ingimar kvæntist 1934 Guðrúnu Guðmundsdóttur, þau eignuðust tvö börn. ,,Ingimar fluttist til Reykjavíkur 1930 og hóf skömmu síðar húsasmíðanám hjá Zóphoníasi Snorrasyni, húsasmíðameistara. Hann lauk prófi við Iðnskólann í Reykjavík 1933, sveinsprófi 1935 og fékk húsasmíðaréttindi í Reykjavík 1939. Ingimar starfaði um árabil við húsasmíðar í þjónustu ýmissa aðila, lengst af hjá Ingólfi B. Guðmundssyni, sem í marga áratugi rak Sögina hf. í Reykjavík. Á sjötta áratugnum stofnaði Ingimar ásamt öðrum byggingarfélagið Afl sf., sem rak öfluga byggingarstarfsemi í Reykjavík í hartnær tvo áratugi."

Dóttir Helgu Indriðadóttur ljósmóður og Magnúsar Jónssonar í Gilhaga. Ingigerður ólst upp í Gilhaga, stundaði nám í Kvennaskólanum á Blönduósi 1908-1909 og á húsmæðraskóla Hólmfríðar Árnadóttur í Reykjavík 1909-1910. Kvæntist Jóhannesi Blöndal Kristjánssyni, þau bjuggu á Brúnastöðum í Tungusveit 1921-1945 og að Reykjum í Tungusveit 1945-1970, þau eignuðust fjögur börn.

frá Hofi í Vopnafirði. Húsfreyja í Reykjavík 1945 og síðar.

Ekki vitað

Ingibjörg Þorvaldsdóttir Hillers fæddist á Sauðárkróki 14. maí 1918. Foreldrar hennar voru hjónin Þorvaldur Guðmundsson, kennari, hreppstjóri og sjúkrahúshaldari á Sauðárkróki og Ingibjörg Salóme Pálmadóttir. ,,Hinn 30. maí 1936 gekk Ingibjörg að eiga Björn Guðmundsson frá Reykjarhóli í Seyluhreppi, þau eignuðust eina dóttur, þau skildu. Árið 1941 hóf Ingibjörg að búa á Selfossi með Börge Hillers, mjólkurfræðingi frá Marup Mark við Koldind/Koldindbro á Jótlandi. Þau Ingibjörg og Börge gengu í hjónaband 29. desember 1951. Þau eignuðust fjögur börn. Ingibjörg fæddist á Sjúkrahúsinu á Sauðárkróki, flutti með foreldrum sínum að Brennigerði í Skarðshreppi 1920, þar sem þau bjuggu í tíu ár, en fluttu að þeim liðnum aftur til Sauðárkróks. Hún var gædd listrænum hæfileikum, söng í Kirkjukór Sauðárkróks og lék m.a. annað aðalhlutverkið í Pilti og stúlku eftir Jón Thoroddsen. Hún flutti á Selfoss 1941 og átti þar heima síðan. Hún stundaði þar ýmis tilfallandi störf."

Marja Ingibjörg Sveinsdóttir var fædd á Skarði í Skarðshreppi á Reykjaströnd í Skagafirði 27. júlí 1910. Foreldrar hennar voru Sveinn Lárusson og Lilja Kristín Sveinsdóttir. ,,Ingibjörg fluttist á fyrsta aldursári með foreldrum sínum að Steini á Reykjaströnd þar sem hún bjó til 16 ára aldurs, en þá fluttist fjölskylda hennar að Ingveldarstöðum á Reykjaströnd þar sem hún átti heima til 25 ára aldurs. Þaðan flutti hún til Akureyrar og var þar einn vetur. Síðan flutti hún til Siglufjarðar og vann þar við heimilisstörf til 1938, er hún réðst sem ráðskona til Páls Ásgrímssonar að Mjóstræti 2. Ingibjörg tók þar við heimilishaldi, en kona Páls hafði látist frá þremur ungum drengjum nokkrum árum áður. Ingibjörg vann við síldarsöltun meðan síld kom til Siglufjarðar og eftir það við fiskvinnslu. Hún starfaði í verkakvennafélaginu Vöku og í kvennadeild slysavarnafélagsins Vörn. Einnig tók hún virkan þátt í félagsstarfi aldraðra. Ingibjörg bjó alla sína búskapartíð í Mjóstræti 2 en veturinn 1990 flutti hún í Skálarhlíð, dvalarheimili aldraðra á Siglufirði." Hinn 15.apríl 1939 giftist Ingibjörg Páli Ásgrímssyni, þau eignuðust þrjú börn saman, fyrir átti Páll þrjá syni.

Frá Hóli í Sæmundarhlíð, dóttir Hallfríðar Sigurðardóttur og Sveins Jónssonar oddvita. Kvæntist Ellerti Jóhannessyni, þau bjuggu í Holtsmúla.

Húsmóðir og saumakona í Kópavogi. Maki: Guðni Daníelsson (1920-1992).

Ingibjörg fæddist í Mjóadal í Laxárdal í Austur - Húnavatnssýslu, kennd við Gil í Svartárdal. Foreldrar hennar voru Stefán Sigurðsson bóndi og kona hans Elísabet Guðmundsdóttir. Ingibjörg stundaði nám við Kvennaskólann á Blönduósi, Laugaskóla í Þingeyjarsýslu og lauk ljósmæðraprófi frá Ljósmæðraskóla Íslands árið 1935. Var ljósmóðir í Austur - Hún. 1935-1968. Ingibjörg starfaði við Heilsuhæli NLFÍ í Hveragerði frá 1969 til 1976 og síðar hjá Áklæðum og gluggatjöldum í Reykjavík, eða í fimm ár. Ingibjörg giftist Þorsteini Jónssyni organista, þau eignuðust tvö börn.

Ingibjörg Stefánsdóttir fæddist á Svaðastöðum í Hofstaðaplássi þann 14. apríl 1898. Hún var kona Magnúsar Kr. Gíslasonar og húsfreyja á Vöglum í Akrahreppi. Hún var formaður Kvenfélags Akrahrepps um skeið. Hún stofnaði einnig bindindisfélag með unglingum í Akrahreppi.

,,Ingibjörg Stefanía Þorvaldsdóttir fæddist hinn 9. júní 1913 í Hjaltastaðakoti (nú Grænumýri) í Blönduhlíð í Skagafirði. Foreldrar hennar voru hjónin Þorvaldur Jónsson og Helga Jóhannsdóttir. Árið 1973 giftist hún Ólafi Jónssyni vélstjóra, d. 1985, fyrir átti hún einn son. Ingibjörg ólst upp í Hjaltastaðakoti og á Íbishóli í Skagafirði. Upp úr fermingu var hún í vist á ýmsum bæjum í sveitinni. Fjölskyldan flutti á Sauðárkrók árið 1928 en um það leyti flutti Ingibjörg til Akureyrar. Þar bjó hún til ársins 1985 að hún flutti til Reykjavíkur. Hún starfaði lengst af við saumaskap."

Blönduósi.

Foreldrar: Sigurjón Jónsson b. á Hellu í Blönduhlíð og k.h. Ólöf Jónsdóttir. Ung var Ingibjörg tekin í fóstur að Víðivöllum í Blönduhlíð, en þá bjuggu þar hjónin Sigurður Sigurðsson og Guðrún Pétursdóttir. Þar ólst hún upp, en réðst kaupkona að Flatatungu 1919. Kvæntist árið 1923 Þorsteini A. Einarssyni frá Flatatungu. Ingibjörg og Þorsteinn hófu búskap í Flatatungu árið 1925, fóru búferlum að Tungukoti á Kjálka 1930 og bjuggu þar til ársins 1974 er þau fluttust til Akureyrar. Ingibjörg og Þorsteinn eignuðust þrjú börn en auk þess dvöldu mörg börn hjá þeim, skyld og vandalaus og undu hag sínum vel.

Ingibjörg Sigurðardóttir, f. á Fossi á Skaga 16.03.1879, d. 17.05.1952.
Foreldrar: Sigurður Gunnarsson bóndi á Fossi og kona hans Sigríður Gísladóttir.
Maki: Sigtryggur Jóhannsson (13.08.1876-24.03.1920). Þau eignuðust fjögur börn.
Þau bjuggu á Hóli á Skaga. Ingibjörg hélt áfram búi þar eftir að Sigtryggur lést og kom þar upp börnum sínum. Árni Kristmundsson frá Selá var hjá henni til 1924 en Ingibjörg talin fyrir búinu. Árin 1924-1948 var Árni talinn fyrir búinu en Ingibjörg skráð ráðskona hans. Þau brugðu búi það ár og fór Ingibjörg þá til Þórunnar dóttur sinnar á Sauðárkróki og síðar til Sigurðar sonar síns í Reykjavík.

Foreldrar: Pétur Eriksen skósmiður, f. 1870, skósmiður á Sauðárkróki og Ingibjörg Ólafsdóttir Eriksen, f. 1872, frá Harrastöðum á Skagaströnd. Ingibjörg var ógift og barnlaus.

Foreldrar: Frímann Björnsson og f.k.h. Solveig Jónsdóttir. Ingibjörg ólst upp í Hamrakoti m. foreldrum sínum og fluttist svo með þeim að Hvammi í Langadal árið 1877. Hún fór til náms í Kvennaskólann á Ytri-Ey og var skráð þar veturna 1895, 1897 og 1898. Eftir það hélt hún til Reykjavíkur, fyrst naut hún tilsagnar í saumaskap en fór síðan til náms í ljósmóðurfræðum hjá Jónasen landlækni þaðan sem hún lauk prófi árið 1900. Strax að loknu námi réðst hún til starfa sem ljósmóðir í Bólstaðarhlíðarumdæmi, A-Hún., og starfaði þar fram á mitt ár 1904, er hún var skipuð ljósmóðir á Sauðárkróki, þar sem hún starfaði óslitið í 32 ár eða til ársins 1936. Ekki einskorðaðist starfsumdæmi hennar þó við Sauðárkrók; Hún var sett ljósmóðir í Seylu- og Staðarhreppi 1930-1931, auk þess fylgdi Skarðshreppur starfsskyldu hennar. Á Sauðárkróki starfaði Ingibjörg einnig mjög að bindindismálum og var kjörin heiðursfélagi góðtemplarastúkunnar á Sauðárkróki. ,,Ingibjörg gat sér frábært orð sem ljósmóðir, elskuð og dáð af öllum sem henni kynntust. Hjálpsemi hennar og umhyggja náði langt útfyrir starfsskylduna og sköpuðu henni þær vinsældir, að einstakt var."
Ingibjörg var ókvænt og barnlaus.

Ólst upp á Sauðárkróki. Kvæntist Jóni Dagssyni Jóhannssyni múrarameistara á Sauðárkróki, síðar í Kópavogi.

Dóttir Guðjóns Ingimundarsonar og Ingibjargar Kristjánsdóttur. Búsett á Sauðárkróki.

Dóttir Magnúsar Konráðssonar (bróður sr. Helga Konráðssonar) og Eyþóru Jósefínu Sigurjónsdóttur.

Foreldrar: Albert Kristjánsson b. og oddviti á Páfastöðum og k.h. Guðrún Ólafsdóttir. Ingibjörg kvæntist Sigurði Skagfield óperusöngvara frá Litlu-Seylu, þau eignuðust tvö börn. Þau skildu. Ingibjörg stóð fyrir búi föður síns eftir lát móður sinnar 1931.

Ingibjörg Kristjánsdóttir var fædd 11. september 1922. Foreldrar hennar voru Kristján Árnason bóndi á Krithóli í Skagafirði og kona hans Ingibjörg Jóhannsdóttir. Fósturforeldrar hennar voru Sigurður Þórðarson alþingismaður og kaupfélagsstjóri á Nautabúi, síðar Sauðárkróki, og kona hans Ingibjörg Sigfúsdóttir. Ingibjörg giftist 27. maí 1944, Guðjóni Ingimundarsyni (1915-2004) og áttu þau saman sjö börn. Ingibjörg lauk hefðbundinni skólagöngu og fór í Kvennaskólann á Blönduósi áður en hún giftist Guðjóni. Þau bjuggu á Sauðárkróki alla sína hjúskapartíð. Hún vann við verslunarstörf en síðan tóku við skyldur og störf á stóru heimili. Hún var félagi í Kirkjukór Sauðárkróks í mörg ár og starfaði í Kvenfélagi Sauðárkróks um árabil. Þá lagði hún ýmsum félögum lið ekki síst þeim sem tengdust félagsstarfi eiginmannsins. Eftir að börnin uxu úr grasi starfaði hún við Sundlaug Sauðárkróks til starfsloka.

Foreldrar: Jón G. Erlendsson b. á Marbæli í Óslandshlíð og k.h. Anna Rögnvaldsdóttir. Ingibjörg ólst upp hjá foreldrum sínum á Marbæli til fullorðinsára. Hún lauk barnaskólanámi á Hlíðarhúsinu í Óslandshlíð. Einnig stundaði hún nám í tvo vetur á alþýðuskólanum að Laugum í Suður- Þingeyjarsýslu og útskrifaðist þaðan vorið 1927. Hún stundaði garðrækt og ræktaði kartöflur, rófur og ýmiskonar kálmeti, sem ekki var algengt í þá daga. Ingibjörg starfaði í UMF Geisla og var hún ein af stofnendum kvenfélagsins Óskar í Óslandshlíð og í stjórn þess. Ingibjörg kvæntist Kristjáni Jónssyni frá Stóragerði, þau bjuggu í Stóragerði 1932-1946 og á Óslandi eftir það, þau eignuðust fjögur börn.

Dóttir Jósefs Björnssonar skólastjóra á Hólum og Hólmfríðar Björnsdóttur frá Brimnesi. Móðir Ingibjargar lést þegar hún var fimm ára gömul og þá fór hún ásamt Kristrúnu systur sinni í fóstur til Margrétar Símonardóttur og Einars Jónssonar á Brimnesi. 13 ára gömul flutti hún í Kolkuós með Kristínu Símonardóttur. 18 ára gömul sigldi hún til Danmerkur þar sem hún stundaði nám og störf næstu tvö árin, m.a. í húsmæðraskóla í Kaupmannahöfn, í Lýðháskóla í Uberup og í hjúkrunarskóla í Vallekilde. Árið 1914 kvæntist Kristín Halldóri Gunnlaugssyni frá Stafshóli, þau bjuggu í Garðakoti 1916-1931 en þá fluttust þau norður að Kristnesi. Þau skildu í kringum 1933. Ingibjörg starfaði sem hjúkrunarkona á Kristnesi frá 1931-1948 en flutti þá suður og starfaði á dvalarheimilinu Grund í 18 ár, síðustu starfsár sín vann hún á sjúkrahúsinu Sólheimum. Ingibjörg og Halldór eignuðust sex börn.

Foreldrar: Jónanna Sigríður Jónsdóttir frá Hofsósi og Jósafat Sigfússon frá Gröf á Höfðaströnd. Kvæntist Sveini M. Friðvinssyni, þau eignuðust þrjú börn. Búsett á Sauðárkróki.

Ingibjörg er fædd á Bólu í Blönduhlíð, dóttir Jóns Ingimars Jónassonar og k.h. Oddnýjar Stefánsdóttur. Ingibjörg ólst upp í Bólu en fór til Akureyrar 1922 þar sem hún var m.a. í vistum. Hún fór í Kvennaskólann í R.vík og lauk þar námi. Árið 1930 flutti hún til Siglufjarðar þar sem hún setti upp matsölu og rak hana að sumrinu. Þá rak hún einnig saumastofu á Siglufirði og saumaði skinnhúfur, skinnhanska, lúffur og vinnuvettlinga. Þessa framleiðslu seldi hún víða um land. Ingibjörg tók mikinn þátt í félagslífi á Siglufirði. Auk þess að syngja með Kirkjukór Siglufjarðar starfaði hún með kvenfélaginu þar og eitthvað með leikfélagi Siglufjarðar. Árið 1945 flutti hún ásamt manni sínum, Pétri Helgasyni, til Sauðárkróks, þar sem þau tóku fyrst við rekstri Hótel Tindastóls og síðar Villa Nova. Eftir að þau hættu rekstri Hótel Tindastóls, setti Ingibjörg þar upp hannyrðaverslun í félagi við Sigríði Önnu Stefánsdóttur og ráku þær hana þar til 1970, að Ingibjörg opnaði verslun að Hólavegi 16 sem hún rak meðan heilsa leyfði. Vefnaðarvöruverslun hennar var vinsæl og þekkt fyrir góða og vandaða vöru. Hún gekk til liðs við Kirkjukór Sauðárkróks og söng þar meðan heilsa leyfði. Einnig var hún virk í starfi Kvenfélags Sauðárkróks og var gerð að heiðursfélaga á 90 ára afmæli félagsins árið 1985.
Ingibjörg og Pétur eignuðust einn son saman og tóku einn fósturson, fyrir hjónaband hafði Pétur eignast dóttur.

Dóttir Jóns Guðmundssonar hreppstjóra á Sauðárkróki (1907-1920) og Guðbjargar Sölvadóttur frá Skarði. Kvæntist Birni Magnússyni frá Garðakoti. Þau bjuggu á Borðeyri og Ísafirði.

Foreldrar: Jón Halldórsson og s.k.h. Helga Guðmundsdóttir, þau bjuggu á Brúarlandi í Deildardal, í Bjarnastaðaseli í Kolbeinsdal og að Klaufbrekknakoti í Svarfaðadal. Kvæntist Magnúsi Guðmundssyni frá Óslandi, þau bjuggu á Stafshóli í Deildardal, á Háleggsstöðum, Torfhóli í Óslandsshlíð, í Stafni, á Skuggabjörgum og loks að Koti í Svarfaðadal. Ingibjörg og Magnús eignuðust fjögur börn.

Ingibjörg Jóhannsdóttir fæddist á Löngumýri þann 1. júní 1905. Hún var dóttir Jóhanns Sigurðssonar, bónda á Löngumýri, og Sigurlaugar Ólafsdóttur húsfreyju. ,,Ingibjörg sótti nokkur námskeið í garð- og skógrækt áður en hún fór til Reykjavíkur í Kvennaskólann. Þar þurfti hún einungis að sitja einn vetur því hún kom ákaflega vel undirbúin. Ingibjörg lauk kennaraprófi 1936. Ingibjörg fór í námsferð til barna- og húsmæðraskóla í Noregi og Svíþjóð 1938. Þá stundaði hún nám við Húsmæðrakennaraskóla Noregs og síðar í Danmörku og Þýskalandi. Ingibjörg er verðugur fulltrúi þeirra kvenna af aldamótakynslóðinni sem einsettu sér ungar að vinna að menntun kynsystra sinna og ryðja braut nýjum viðhorfum í hússtjórn er lutu að auknum þrifnaði, matjurtaræktun og fjölbreyttari fæðu. Ingibjörg tók áskorun Jónasar frá Hriflu, þáverandi kennslumálaráðherra, að taka að sér starf skólastýru við Húsmæðraskólann á Staðarfelli árið 1937. Ingibjörg þótti standa sig með mikilli prýði í þau sjö ár sem hún stýrði skólanum. Á lýðveldisárinu 1944 flutti hún aftur heim að Löngumýri og stofnaði Húsmæðraskóla og var skólastjóri hans til 1967. Þar þurfti hún að byrja alveg frá grunni því aðbúnaðurinn var enginn. Oft gekk erfiðlega að fá styrki og reyndi hún að mæta þeim kostnaði sjálf eftir fremsta megni. Mikil aðsókn var í skólann og útskrifuðust um 700 stúlkur í hennar tíð. Ingibjörg var formaður Skógræktarfélags Skagfirðinga, Kvenfélags Seyluhrepps og gjaldkeri Kvenfélagasambands Skagafjarðar um skeið. Hún skrifaði töluvert í blöð og tímarit, aðallega um uppeldis- og skólamál."
Ingibjörg var ókvænt og barnlaus.

Inigbjörg Jóhannesdóttir, f. á Húsavík 27.10.1929, d. 03.11.2021. Foreldrar: Ása Stefánsdóttir frá Skinnalóni á Melrakkasléttu og Jóhannes Ármannsson frá Hraunkoti í Aðaldal.
Inga ólst upp á Húsavík og var í hópi frystu nemenda sem útskrifuðust sem gagnfræðingar þar. Hún og Gísli bjuggu á Mið-Grund í Skagafirði, byggðu þar íbúðarhús á 6 áratugnum og bjuggu þar til æviloka.
Maki: Gísli Gíslason (1925-2018) brúarsmiður frá Eyhildarholti í Skagafirði. Þau eignuðust eina dóttur.

Fæddist í Norðtungu í Borgarfirði. Kvæntist Konráði Magnússyni, þau bjuggu lengst af á Syðra-Vatni en eftir lát Konráðs 1911 flutti Ingibjörg til Blönduóss. Ingibjörg og Konráð eignuðust níu börn, sjö þeirra náðu fullorðinsaldri.

Verkefnastjóri hjá Forlaginu bókaútgáfu.

Búsett í Stykkishólmi.

Ingibjörg er eiginkona Hannesar Péturssonar skálds, þau eiga einn son.

Ingibjörg var fædd í Selhaga í Skörðum lést í Point Roberts á Kyrrahafsströnd. Foreldrar hennar voru Hannes Jónatansson (1799-1887) og s.k.h. Sigríður Sigurðardóttir frá Pottagerði.
Ingibjörg var ung tekin í fóstur af frænda sínum Jónasi Einarssyni b. og hreppstjóra á Gili í Svartárdal og k.h. Guðrúnu Illugadóttur og ólst upp hjá þeim. Hún var vinnukona í Kálfárdal á Skörðum til 1863, hjá Sigfúsi bróður sínum á Stóra Búrfelli 1863-1865. Kvæntist Sveini Sigvaldasyni, þau eignuðust tólf börn, níu þeirra komust á legg. Þau Sveinn skildu 1893, og fór hún þá í vinnumennsku vestur að Auðkúlu í Svínadal og þaðan til Vesturheims aldamótaárið. Var í Winnipeg til 1912, en síðan í Point Roberts til æviloka.

Ingibjörg Hallgrímsdóttir fæddist 8. febrúar 1915 í Hringveri í Viðvíkursveit, Skagafirði. Foreldrar hennar voru Anna Gunnarsdóttir og Hallgrímur Helgi Jónsson. ,,Árið 1936 giftist Ingibjörg Skafta Óskarssyni, f. 12.9. 1912, d. 7.8. 1994, frá Kjartansstaðakoti á Langholti og stofnuðu þau heimili á Sauðárkróki sama ár. Ingibjörg og Skafti eignuðust fjórar dætur. Eftir 10 ára dvöl á Sauðárkróki flutti Ingibjörg með fjölskyldu sinni að Kjartansstaðakoti á Langholti þar sem hún bjó lengst af. Árið 1983 brugðu þau hjón búi og fluttu á Hólaveg 26 á Sauðárkróki."

Dóttir Sigríðar Magnúsdóttur og Halldórs Þorleifssonar á Ystu-Grund, síðar á Sauðárkróki. Lést úr berklum aðeins 27 ára gömul, ógift og barnlaus.

Ingibjörg Hauksdóttir Hafstað fæddist 19. apríl 1951. Var búsett í Vík í Staðarhreppi í Skagafirði ásamt manni sínum Sigurði Sigfússyni (1947-). Búsett á Sauðárkróki.

Ingibjörg Gunnlaugsdóttir fæddist á Marbæli í Óslandshlíð þann 25. desember 1885. Hún var húsfreyja á Úlfsstöðum í Akrahreppi. Maður hennar var Jóhann Sigurðsson (1883-1970).

Húsfreyja á Keldulandi á Kjálka og á Vöglum í Blönduhlíð, síðar búsett á Akureyri.

Fá Stóradal í Svínavatnshreppi. Húsfreyja í Reykjavík.

Fædd í Vatnahverfi í Refasveit. Kvæntist Þorleifi Þorbergssyni frá Selá á Skaga, þau bjuggu á Sauðárkróki. Eftir að Þorleifur lést úr holdsveiki 1906 flutti Ingibjörg til Gísla bróður síns sem þá rak Hótel Tindastól. Ingibjörg og Þorleifur eignuðust eina dóttur.

Fæddist á Sauðárkróki og ólst þar upp í stórum systkinahópi. Foreldrar hennar voru Jean Valgard Claessen kaupmaður og síðar landsféhirðir og fyrri kona hans, Kristín Eggertsdóttir Briem. Stjúpmóðir Ingibjargar var Anna Margrét Þuríður Kristjánsdóttir Möller. Ingibjörg kvæntist Jóni Þorlákssyni fyrrum forsætisráðherra og áttu þau hjón tvær kjördætur.

Dóttir Kristins Erlendssonar og Sigurlínu Gísladóttur, þau bjuggu lengst af á Hofsósi. Húsfreyja á Fjalli, Ólafsvallasókn, Árn. 1930. Húsfreyja á Hlemmiskeiði á Skeiðum.

Ingibjörg var fædd í Grímstungusókn í Húnaþingi. Kvæntist Halli Jóhannssyni og bjuggu þau að Garði í Hegranesi. Ingibjörg tók virkan þátt í félagsstörfum kvenna í sinni sveit.