Fonds E00080 - Hestamannafélagið Stormur/Svaði

Undirbúningsfundur að stofnun hestamannafélags var haldinn í Félagsheimilinu Höfðaborg þann 02.10.1974 samkvæmt fundarboði sem hestamenn í Hofsóshreppi fengu frá Gísla Kristjánssyni oddvita hreppsins. Á fundinn mættu 8 hrossaeigendur.
Oddviti skýrði frá vandamáli sem skapast hefði í þorpinu vegna lausagöngu hrossa og þörf væri á að gera nauðsynlegar úrbætur vegna þessa ástands. Lagði oddviti til að stofnað yrði hestamannafélag til að taka á máli sem þessu ásamt því að mál sem þessi yrðu leyst og skipulögð á félagslegum grundvelli.
Á fundinum var lagður fram uppdráttur af fyrirhuguðu gripahúsahverfi í landi hreppsins hjá Hofsgerði.
Kosið var í fyrstu stjórn félagsins og hlutu Sigursteinn Guðlaugsson, Friðbjörn Þórhallsson og Margrét Kristjánsdóttir kosningu.

Hestamannafélagið Stormur var síðan formlega stofnað á fundi sem var haldinn í Félagsheimilinu Höfðaborg þann 31.10.1974. Á fundinn mættu 24 manns. Ný stjórn var kosin, í henni voru; Friðbjörn Þórhallsson, Margrét Kristjánsdóttir og Eysteinn Jónsson. Meðstjórnendur Sigursteinn Guðlaugsson og Þorleifur Jónsson. Varamenn; Pétur Ólafsson og Þorsteinn Kristjánsson.
Í fundagerð 14.02.1984 sem var framhaldsfundur frá 13.02.1984 voru kynnt drög af lögum félasins og þar kom tillaga
um að breyta nafni félagsins í Hestamannafélagið Svaði vegna væntanlegrar inngöngu félagsins í L.H. og var tillagan samþykkt.
(Fundagjörðabók 28.12.2023 LVJ).
Hestamannafélagið Svaði fékk aðild að Landsambandi Hestamannafélaga þann 24. september 1984.
Þann 16. febrúar 2016 sameinuðust Hestamannafélagið Svaði hestamannafélögunum Léttfeta og Stíganda og mynda þess þrjú félög öfluga heild í Hestamannafélaginu Skagfirðingi, félagssvæðið er Skagafjörður.