Ársreikningarnir eru handskrifaðir á sjö pappírsarkir, einn fyrir hvert ár á árabilinu 1964-1970. Með reikningnum 1969 liggja tvö auka blöð. Ástand skjalanna er gott.
Handskrifaðir listar, á pappírsörkum í ýmsum stærðum, alls 23 blöð. Ýmis listar yfir bókakaup viðkomandi árs eða bækur í mismunandi deildum. Ástand skjalanna er gott.
Vel varðveitt forprentuð bókasafnsspjöld og lánsskírteini. handskrifaðar upplýsingar um höfund og bókarheiti og nöfn lántakenda eru á spjöldunum, þau eru með dagsetningum en óvíst er um ártöl. Lánsskírteinin eru ónotuð.
Harðspjalda handskrifuð bók í góðu ástandi, en blöðin lítillega gulnuð, trosnuð og blettótt. Bókin gefur upplýsingar um bókaeignir félagsins en engin dagsenting er gefin upp en miðað við uppruna félagsins og þetta er fyrsta bókaskráningabók þá er gert ráð fyrir að hún sé frá 1924. Hér koma fram upplysingar um höfund, nafn bókar, útgáfudagur og staður.
Forprentuð línustrikuð og óbundin pappírsgögn með upplýsingum um bókartiltla í eigu lestrarfélagsins. Gögnin eru vel læsileg og hafa varðveist ágætlega.
Handskrifuð og vélrituð pappírsgögn, einnig formleg og óformleg. Félagatal, skrár yfir bókatitla og bókhaldsgögn. Gögnin eru í misgóðu ástandi en hafa varðveist ágætlega.
Handskrifaðir listar, á pappírsörkum í ýmsum stærðum, alls 23 blöð. Ýmis listar yfir bókakaup viðkomandi árs eða bækur í mismunandi deildum. Ástand skjalanna er gott.
Bréfið er handskrifað á tvær pappírsarkir í A5 stærð. Það varðar ítrekun á greiðslu fyrir bókakaup. Letrið hefur dofnað og er orðið mjög erfitt að lesa. Skemmdir eru á blöðunum eftir ryðgaða bréfaklemmu.
Bréfið er fjölritað á pappírsörk í A4 stærð. Um er að ræða dreifibréf sem varðar ríkisframlag til bókasafna. Með liggur auglýsing um lágmarksframlög sveitarfélaga til almenningsbókasafna. Ástand skjalsins er gott.
Björn Egilsson og Hjalti Pálsson, staðfesta móttöku skjölum frá Maríu Rósmundsdóttur Efra - Ási 1975. Tilkynning um skipanir sveitastjórnar í nefndir í Hólahreppi1982, og bréf til stjórnar Rekstrarfélags Hólahrepps 1993 um hvort halda eigi áfram rekstri bókasafns undirritað Trausti Pálsson. Allt handskrifðuð gögn. Svo eru hér hin ýmsu pappírsgögn er lágu inn í bókum.
Harðspjalda handskrifuð bók sem er í viðkvæmu ástandi, blöðin gulnuð og nokkuð rifin en vel læsileg. Bókin hefur verið sett í nýja kápu og hún er frá stofnfundi félagsins. Gott væri að mynda þessa bók til að halda í heimildir.
Þrjár innbundnar og handskrifaðar bækur og pappírsgögn. Bækurnar eru vel læsilegar og eru í mig góðu ásigkomulagi, ein bókin er illa farin og með rifnar blaðsíður. Pappírsgögnin eru vel læsileg og í mis góðu ástandi.
Innbundin og handskrifuð bók sem heldur utan um fundagerðir, félagatal, lög og reikinga félagsins frá 1908-1933. Bókin er vel læsileg og hefur varðveist ágætlega.
Ein innbundin og handskrifuð bók. Í bókinni eru fundagerðir, félagaskrá, bóka- og útlánayfirlit lestrafélagsins og reikningar. Bókin er í góðu ásigkomulagi,er vel læsileg. Límborði er á kili bjókarinnar.
Innbundin og handskrifuð bók með fundagerðum, reikningum félagsins og félagatali. Bókin er vel læsileg og hefur varðveist vel. Í bókinni er lítill miði með nöfnum nokkurra einstaklinga, líklega félagsmanna og "Afklippingur" frá Skrifstofu Fræðslumálastjóra í Reykjavík, dags.3.10.1944.
Harðspjalda bók með handskrifuðum fundagerðum og bókhaldsfærslum. Bókin er vel læsileg og hefur varðveist ágætlega en límborði heldur kjölnum, en bindingin er ónýt. Blöðin eru blá og eru fremstu blöðin farin að losna frá.
Reikningar, minnisblöð og ýmis fylgigögn bókhalds. Alls 36 blöð og ein sparisjóðsbók. Varðar viðskipti lestrarfélagsins við ýmsa aðila. Ástand skjalanna er gott.
Harðspjalda handskrifuð bók í góðu ástandi en bókin er með 192 tölusettar blaðsíður. Nokkuð ryð í heftum í bók og blaðsíður blettóttar en vel læsilegar. Bókin inniheldur fundagerðir, bókhald og meðlimaskrá og aftast bókalisi yfir keyptar bækur 1939 - 1940.
Innbundin og handskrifuð bók með fundagerðum og bókhaldsfærslum félagsins. Blöðin eru blá og er búið að rífa úr nokkrum blaðanna, hluti bókarinnar er með óskrifuðum blaðsíðum - eða um 29 bls. Binding bókarinnar er ónýt, límborði er á kili hennar og heldur kápunum saman að því leyti. Óhreinindi voru hreinsuð úr bókinni.
Gögnin í safninu segja langa sögu félagsins en þau eru í misgóðu lagi svo gott væri að mynda elsta hluta safnsins til að halda heimildum félagsins. Hreinsun var úr safni af heftum, bréfaklemmum og umslögum. Fundagerða- reikninga og skýrslubækur innihalda skrár yfir keyptar bækur, félagaskrá, bókhald og fundagerðir. Samkvæmt bókskrárbókum eru bókum skipt í deildir eftir því um hvað þær fjalla. Samanber deild E eru leikrit. Útektar bækur eru skráðar á bæjarheiti, ártal og bókaheiti. Gjafabækur frá Friðbirni Traustasyni og er það heillöng bókaskrá. Lítil ljóðabók Milli vita er skrifuð með mjög fallegri rithönd og gaman væri að koma ljóðunum út í veröldina. Bók er eftir Sigríði K Traustadóttur 24.04. 1886 - 02.07.1951.
Þunn stílabók, pappinn er með límdum kjöl þar sem hann var farinn að mestu í sundur í miðjunni. Bókin er handskrifuð og vel læsileg, blaðsíðurnar eru orðnar snjáðar, þó sérstaklega í miðjunni þar sem hefti sem héldu þeim saman voru fjarlægð því þau voru orðin ryðguð og molnuð í sundur og farin að skemma blaðsíðurnar.
Lestrarfélagið er safn bóka og pappírsgagna sem eru í viðkvæmu, misjöfnu ástandi en elstu gögnin hafa varðveist vel með vel læsilegan texta og fallegt ritmál. Lestrarsafnið er skipt upp i deildir I - II - III, Útskagi, Niðurskagi, Laxárdalur. Gögnin komu lítið flokkuð og ákveðið var að setja safnið niður í eins mikinn uppruna eins og hægt en flokkað er eftir efni og ártali Pappírsgögnin eru prentuð og handskrifuð og eru í misjöfnu ástandi heilleg og rifin en eru hreinsuð af bréfaklemmum og heftum, stöku ryðblettir eftir það. Bækurnar eru vel læsilegar en viðkvæmar. Gott væri að mynda þær til varðveislu og fróðleiks.
Þrjár innbundnar og handskrifaðar bækur sem hafa varðveist misvel, tvær þeirra eru í ágætu ásigkomulagi en ein bókanna sem er frá 1913 og heldur utan um útlán safnsins er mjög illa farin. Bindingin er laus og nokkrar blaðíður hafa rifnað þvert yfir, einnig hafa öftustu blaðsíðurnar verið rifnar úr. Í safninu eru einnig pappírsgögn af ýmsu tagi, t.d. bókhaldsgögn, handskrifuð og vélrituð gögn, bæði formleg og óformleg.
Gögn Lestrarfélags Óslandshlíðar frá tímabilinu 1913-1957. Innihalda fundargerðabækur, reiknisbækur, skýrslur, félagaskrár og önnur gögn. Ástand bóka misgott, nokkur rifin og trosnuð blöð, en bækur eru handskrifaðar og önnur skjöl vélrituð og handskrifuð.
Ein innbundin og handskrifuð bók, með línustrikuðum blaðsíðum. Bókin er í góðu ásigkomulagi og er vel læsileg. Í fundargerðabókinni eru lög félagsins. Fremst í bókinni er samskotalisti fyrir lestrarfélagið en engin félagaskrá er í bókinni að undanskildum nöfnum stofnfélaga. Aftast í bókinni eru skráð lög félagsins en ekki kemur fram dagsetning á samþykkt þeirra.
Innbundin bók í mjög lélegu ástandi bókakápa er laus og blaðsíður lausar. Þarf að mynda vegna lélegs ástands. Skriftin er vel læsileg og að hluta mjög fallega rituð bók. Laus blöð eru inn í bók og eru þau sett í arkir. Ryð situr á blaðsíðum vegna hefta sem eru tekin burtu.
Pappírsgögn, handskrifað á línu- og rúðustrikaðan pappír, einnig vélrituð gögn, forprentuð skjöl og nótur. Bókalistar, nafnalistar og félagatal, bókhaldsgögn, formleg og óformleg erindi úr eigu lestrarfélagsins. Gögn í ágætu ástandi sem eru röðuð í ártalsröð til einföldunar, þau voru hreinsuð af bréfaklemmum og heftum. Bréfaklemmur og hefti voru orðin ryðguð og greinileg för sjást eftir þau.
Pappírsgögn, forprentuð, handskrifuð og vélrituð. Línu- og rúðustrikaður pappír. Skýrslur, bókhaldsskjöl, formleg- og óformleg erindi, listi yfir bókartitla félagsins og félagatal. Gögnin hafa varðveist ágætlega og eru röðuð í ártalsröð til einföldunar, þau voru hreinsuð af bréfaklemmum og heftum.
Haukur úr Holti skrifar um áramót 1926-1927 um uppeldismál. Grein er nefnist; Sorgarstaðurinn eftir Gest. Síðasta blaðsíðan hefur lausavísur eftir Hærukoll.
Sveitarblað sem hefur gengið á milli bæja í Blönduhlíð. Erfitt að átta sig á hver hefur forgöngu um stofnun blaðsins en svo virðist sem það hafi verið til áður og sé endurrisið kringum 1919. Fyrri skráning (handritasafn HSk) segir: Stígandi, sveitar- eða lestrarfélagsblað í Út-Blönduhlíð, að því er virðist. Ritað 1919 til 1925.
Sveitablað sem hefur gengið á milli bæja í Blönduhlíð. Erfitt að átta sig á hver hefur forgöngu um stofnun blaðsins en svo virðist sem það hafi verið til áður og sé endurreist kringum 1919. Fyrri skráning (handritasafn HSk) segir: Stígandi, sveitar- eða lestrarfélagsblað í Út-Blönduhlíð, að því er virðist. Ritað 1919 til 1925.
Sveitarblað sem hefur gengið á milli bæja í Blönduhlíð. Erfitt að átta sig á hver hefur forgöngu um stofnun blaðsins en svo virðist sem það hafi verið til áður og sé endurrisið kringum 1919. Fyrri skráning (handritasafn HSk) segir: Stígandi, sveitar- eða lestrarfélagsblað í Út-Blönduhlíð, að því er virðist. Ritað 1919 til 1925
Umslög stíluð á Lestrarfélag Skefilsstaðahrepps (Hvammssóknar). Sum voru utan um bréf en önnur utan um bókhaldsgögn. Frímerki eru á flestum umslaganna.
Stór blá stílabók, handskrifuð í góðu ástandi. Segir frá útleigu bóka félagsins. En aftast er skráð fundagerð frá 1978, þar segir meðal annars: Lögð hefur verið fram tillaga stjórnar um að afhenda hreppnum bókasafn félagsins. Safnið er nú nær eingöngu fjármagnað af hreppsfé fyrir liggur að ráða bót á húsakynnum safnsins og því þykir stjórn eðlilegt að safnið verði í eign og umsjón Sveitafélagsins.
Bókin er innbundin stílabók í stærðinni 22,5 x 18 sm. Í hana eru færð útlán félagsins á árunum 1939-1953. Búið er að klippa nokkrar blaðsíður fremst úr bókinni.
Bókin er óinnbundin og línustrikuð og hefur verið nýtt til að skrá útlán og skil á bókum, fyrstu færslurnar eru frá 1913-1926. Binding bókarinnar er í slæmu ástandi að öðru leyti hefur hún varðveist ágætlega. Í bókinni er laus blöð með lögum félagsins ódagsett og óundirrituð.